ARYNews.tv | Urdu – Har Lamha Bakhabar

Tag: Corruption

  • ملک کو لوٹنے والوں کوعوامی سطح پر بے نقاب کیا جائے،وزیراعظم کی ہدایت

    ملک کو لوٹنے والوں کوعوامی سطح پر بے نقاب کیا جائے،وزیراعظم کی ہدایت

    اسلام آباد : وزیراعظم عمران خان نے ایک اور بڑا فیصلہ کرتے ہوئے وفاقی اور صوبائی وزرا کو کرپشن کیخلاف ٹاسک سونپ دیا اور ہدایت کی ملک کو لوٹنے والوں کوعوامی سطح پر بے نقاب کیا جائے۔

    تفصیلات کے مطابق کرپٹ عناصر کے گرد شکنجہ سخت کرنے کے مشن پر وزیراعظم عمران خان نے وفاقی اورصوبائی وزرا کو کرپشن کیخلاف ٹاسک سونپ دیا۔

    وزیراعظم نے ہدایت کی وزرا اور پارٹی قیادت کرپشن کے خلاف عوامی رابطہ مہم شروع کریں اور ملک کو لوٹنے والوں کو عوامی سطح پر بے نقاب کیا جائے۔

    ذرائع کا کہنا ہے کہ کرپشن کیخلاف ایک ہونے والی جماعتوں کے خلاف مہم شروع کی جائے گی، لوٹی دولت واپس لاکرعوامی فلاح وبہبود کے منصوبوں پرخرچ کی جائے گی، ملک وقوم کی دولت لوٹنےوالوں کےخلاف بلاامتیازکارروائی کی جائے گی۔

    وزیراعظم کی ہدایت پر وزارت قانون نے ایکشن لیتے ہوئے احتساب کیلئے مسودہ تیار کرلیا ہے، احتساب کے قانون کی کابینہ سے منظوری لی جائے گی۔

    مزید پڑھیں : کرپٹ لوگ سن لیں،کسی ایک کونہیں چھوڑیں گے،وزیراعظم 

    یاد رہے گزشتہ روز عمران خان نے وزیراعظم بننے کی بعد پہلی پریس کانفرنس کرتے ہوئے کرپشن کے خلاف کارروائیاں بغیر دباؤ کے جاری رکھنے کا اعلان کیا اور کہا کرپٹ لوگ سن لیں، کسی ایک کو نہیں چھوڑیں گے، ہم پوری طرح کرپشن کے خلاف کارروائی کریں گے۔

    وزیراعظم نے کہا تھا کہ آئندہ ہفتے’’وسل بلو‘‘اور’’گواہ کے تحفظ‘‘کا قانون بنا کر قوم کو خوشخبری دیں گے، کرپشن کی جوبھی نشاندہی کرے گا، ملک اور اپنا دونوں کا فائدہ کرے گا، دس ارب کی کرپشن کی نشاندہی کرنے والا دو ارب کما سکتا ہے۔

    عمران خان کا کہنا تھا کہ ملک سے باہر 10 ہزار پراپرٹیز پکڑی ہیں جس کی تفتیش کی جا رہی ہے، پچھلے 4 سال میں دبئی میں پاکستانیوں نے 900 ارب روپے کی پراپرٹیز لیں، ہم قرضے لیتے پھر رہے ہیں، 5 سال میں 35 ارب کا قرضہ لیا، منی لانڈرنگ روک لیتے تو ہو سکتا ہے قرضہ نہ لینا پڑتا۔

  • میگا کرپشن کے مقدمات کو شفافیت سے انجام تک پہنچانا اولین ترجیح ہے: چیئرمین نیب

    میگا کرپشن کے مقدمات کو شفافیت سے انجام تک پہنچانا اولین ترجیح ہے: چیئرمین نیب

    اسلام آباد:چیئرمین نیب جسٹس (ر) جاوید اقبال نے کہا ہے کہ پاکستان کو کرپشن فری بنانے کے لئے پرعزم ہیں.

    ان خیالات کا اظہار چیئرمین نیب نے نیب بیوروز کی ماہانہ کارکردگی سے متعلق جائزہ اجلاس سے خطاب کرتے ہوئے کیا.

    [bs-quote quote=” پاکستان کو کرپشن فری بنانے کے لئے پرعزم ہیں” style=”style-7″ align=”left” author_name=”چیئرمین نیب”][/bs-quote]

    چیئرمین نیب کا کہنا ہے کہ بدعنوانی کو جڑ سے اکھاڑ پھینکنے کے لئے وسائل بروئے کارلارہے ہیں، کسی سے رعایت نہیں‌ ہوگی.

    ان کا کہنا ہے کہ میگا کرپشن کے مقدمات کو شفافیت سے انجام تک پہنچانا اولین ترجیح ہے، ملک کو کرپشن سے پاک بنانا ہوگا.

    چیئرمین نیب نے کہا کہ بدعنوانی جڑ سے اکھاڑ کر مقدمات کو انجام تک پہنچائیں‌ گے.

    یاد رہے کہ آج سپریم کورٹ میں چیف جسٹس کی سربراہی میں شریف فیملی کے ریفرنس منتقل کرنے کے خلاف نیب کی درخواست پر سماعت ہوئی تھی.

    سماعت میں سپریم کورٹ نے اپیلوں کی شنوائی کے خلاف نیب کی درخواست مسترد کردی اور کہا نوازشریف اورمریم کی سزامعطلی پرسماعت جاری رہے گی۔

  • پنجاب کابینہ کرپشن کے خاتمے کیلئے اپنا بھرپور کردارادا کرے، وزیراعظم

    پنجاب کابینہ کرپشن کے خاتمے کیلئے اپنا بھرپور کردارادا کرے، وزیراعظم

    لاہور : وزیراعظم عمران خان نے کہا ہے کہ پنجاب کابینہ کے اراکین کرپشن کے خاتمے کیلئے اپنا بھرپور کردارادا کریں، پنجاب سے بدعنوانیوں کا خاتمہ سب سے بڑا چیلنج ہے۔

    ان خیالات کا اظہار انہوں نے وزیراعلیٰ ہاؤس لاہور میں پنجاب کابینہ کے اہم اجلاس سے خطاب کرتے ہوئے کیا، وزیر اعظم نے اپنے خطاب میں کابینہ اراکین کو وزارت سنبھالنے پر مبارکباد دی۔

    عمران خان نے  پنجاب میں لاگو بلدیاتی نظام کی تبدیلی اور اورنج میٹرو ٹرین منصوبے سمیت تمام میگا پراجیکٹس کے آڈٹ کرانے کی ہدایت کرنے کے علاوہ سو دن کے منصوبے پر تیزی سے عملدرآمد جاری رکھنے کی ہدایت کی۔

    عمران خان کا کہنا تھا کہ پنجاب ملک کا سب سے بڑا صوبہ ہے، آپ کے کندھوں پہ بھاری ذمہ داری عائد ہوتی ہے، پنجاب کابینہ کی کارکردگی بھی قابل تقلید و مثال ہونی چاہئے، صوبے سے بدعنوانیوں کا خاتمہ سب سے بڑا چیلنج ہے۔

    کابینہ ارکان کی پہلی ترجیح بدعنوانی کا پتہ چلانا اور اس میں ملوث بدعنوان عناصر کے خلاف کارروائی ہونی چاہئے، انہوں نے تمام وزراءکو اپنے محکموں میں سادگی کو فروغ دینے اور پروٹوکول کلچر ختم کرنے کی ہدایت بھی کی۔

    وزیر اعظم نے پنجاب بالخصوص لاہور میں زمینوں پرقبضے اور تجاوزات پر تشویش کا اظہار بھی کیا۔ وزیر اعظم نے ہدایت دی کہ تجاوزات اور قبضہ مافیا کے خلاف فوری مہم شروع کرتے ہوئے سخت کارروائی کی جائے۔

    علاوہ ازیں اس حوالے سے ذرائع کا کہنا ہے کہ پنجاب اسمبلی کے بجٹ اجلاس کے بعد بلدیاتی نظام میں تبدیلی کا بل پیش کیا جائے گا اور خیبرپختونخواہ کی طرز کا بلدیاتی نظام لایا جائے گا۔

  • کرپشن کیخلاف اعلان جہاد کیا ہے، ملک کا لوٹا گیا پیسہ واپس لائیں گے، غلام سرور

    کرپشن کیخلاف اعلان جہاد کیا ہے، ملک کا لوٹا گیا پیسہ واپس لائیں گے، غلام سرور

    لاہور : تحریک انصاف کے رہنما اور نامزد گورنر پنجاب چوہدری سرور نے کہا ہے کہ پی ٹی آئی نے کرپشن کیخلاف جہاد کا اعلان کر رکھا ہے، ملک کا لوٹا گیا پیسہ واپس لانے کی کوشش کریں گے۔

    ان خیالات کا اظہار انہوں نے قومی اسمبلی سے عمران خان کے وزیر اعظم منتخب کونے بعد لاہور میں میڈیا سے گفتگو کرتے ہوئے کیا، انہوں نے کہا کہ پاکستان کےعوام کو مبارکباد پیش کرتا ہوں کہ آج قومی اسمبلی نے عمران خان کو وزیر اعظم منتخب کرلیا ہے۔

    جو خواب قائداعظم نے دیکھا تھا اب اس کی تعبیر کا وقت آگیا ہے، آج کا دن تاریخی ہے، عمران خان نے اس دن کیلئے طویل جدوجہد کی ہے۔

    چوہدری سرور کا کہنا تھا کہ یہ ملک 20کروڑ عوام کا ہے اشرافیہ کا نہیں، چند مٹھی بھر لوگوں نے ملک کے وسائل پر قبضہ کر رکھا تھا ملک کے وسائل اب غریبوں تک پہنچائیں گے، ملک میں قانون کی حکمرانی اور خوشحالی لائیں گے، ملک میں ترقی لائیں گے اور  بےروزگاری کا خاتمہ کرینگے۔

    ایک سوال کے جواب میں چوہدری سرور نے کہا کہ پی ٹی آئی نے کرپشن کیخلاف جہاد کا اعلان کر رکھا ہے، ملک کا لوٹا گیا پیسہ واپس لانے کی کوشش کرینگے، پی ٹی آئی حکومت کے اراکین خود کو بھی احتساب کیلئے پیش کرینگے۔

    مزید پڑھیں: چوہدری سرور نے پانامہ لیکس میں ملوّث افراد کے لیے ایمنسٹی اسکیم متعارف کرادی

    نامزد گورنر پنجاب نے مزید کہا کہ پنجاب، کےپی اور مرکز میں کامیابی کا سہرا پی ٹی آئی ورکرز کو جاتا ہے، پی ٹی آئی کی کامیابی میں نوجوان نسل کا اہم کردار ہے، ملک میں مثبت تبدیلی کیلئے میڈیا نے بھی اہم کردار ادا کیا ہے، پیپلزپارٹی نے اصولوں کی سیاست کرکے شہبازشریف کو ووٹ نہیں دیا۔

  • انتخابات میں دھاندلی کی بات کرنا ن لیگ کا سیاسی بیان ہے، بیرسٹر علی ظفر

    انتخابات میں دھاندلی کی بات کرنا ن لیگ کا سیاسی بیان ہے، بیرسٹر علی ظفر

    اسلام آباد : نگراں وزیر قانون بیرسٹر علی ظفر نے کہا ہے کہ ملکی تاریخ کے اہم ترین انتخابات ہیں، فیصلہ عوام کا ہوگا، جس کو چاہے جتوا دے۔

    تفصیلات کے مطابق نگراں حکومت کے وزیر قانون بیرسٹر علی ظفر نے کہا ہے کہ انتخابات میں دھاندلی کی بات کرنا ن لیگ کا سیاسی بیان ہے، الیکشن میں فیصلہ عوام کا ہوگا، جس کو چاہے جتوا دے۔

    نگراں وزیر قانون ملک میں تاریخ کے اہم ترین انتخابات ہو رہے ہیں، شفاف و غیر جانبدار انتخابات کے لئے جو وعدہ کیا تھا وہ پورا کر دیا۔

    یاد رہے کہ اس سے قبل نگراں وزیر اطلاعات بیرسٹر علی ظفر نے کہا تھا کہ ووٹر بہتر جانتا ہے کہ اس نے ووٹ کس کو دینا ہے، نگراں حکومت غیر جانبدار انداز میں بخوبی ذمہ داریاں ادا کررہی ہے۔

    ان کا کہنا تھا کہ شفاف انتخابات کے لیے الیکشن کمیشن کی بھرپور معاونت کررہے ہیں، تین سال کی محنت سے الیکشن ایکٹ 2017 منظور کرایا گیا تھا، نگراں حکومت طویل مدتی فیصلے نہیں کرسکتی، الیکشن نتائج کی بروقت ترسیل یقینی بنانے کے لیے موثر اقدامات کیے گئے ہیں۔

    عام انتخابات 2018 کے لیے پولنگ کا عمل شروع

    واضح رہے کہ پاکستان کے گیارہویں عام انتخابات کے لیے ملک بھر میں پولنگ کا آغاز ہوگیا جہاں 10 کروڑ 59 لاکھ 55 ہزار 409 ووٹرز حق رائے دہی استعمال کریں گے۔

    انتخابی عمل کے دوران حفاظتی اقدامات کے پیش نظر3لاکھ 70 ہزار فوجی جوان جبکہ ساڑھے چار لاکھ پولیس اہلکار تعینات ہیں، 17 ہزار سے زائد پولنگ اسٹیشنزکوانتہائی حساس قرار دیا گیا ہے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔ 

  • پنجاب پاور کمپنی اسکینڈل: شہبازشریف نے نیب میں طلبی کا نوٹس ہوا میں اڑا دیا

    پنجاب پاور کمپنی اسکینڈل: شہبازشریف نے نیب میں طلبی کا نوٹس ہوا میں اڑا دیا

    لاہور: پنجاب پاور کمپنی اسکینڈل سے متعلق شہبازشریف نے نیب میں طلبی کا نوٹس ہوا میں اڑا دیا جبکہ لیگی رہنما امیر مقام بھی قومی احتساب بیورو کے ریڈار پر آگئے۔

    تفصیلات کے مطابق سابق وزیر اعلیٰ پنجاب شہباز شریف کو آج نیب لاہور میں پیش ہونا تھا جہاں ان سے پنجاب پاور کمپنی اسکینڈل سے متعلق سوالات ہونے تھے تاہم وہ پیش نہیں ہوئے، سابق وزیر اعلیٰ پر بے ضابطگیوں اور میرٹ کے بغیر بھرتیوں کا الزام ہے۔

    دوسری جانب ن لیگ خیبر پختونخواہ کے صدر امیر مقام کے گرد بھی نیب کا گھیرا تنگ ہونے لگا، احتساب بیورو نے انیس جولائی کو طلب کر لیا، ان پر آمدن سے زائد اثاثوں کا الزام ہے۔

    قبل ازیں شہباز شریف نے لاہور میں پریس کانفرنس کرتے ہوئے کہا تھا کہ ہمیں ڈرانے والے یاد رکھیں وقت کبھی بھی ایک جیسا نہیں رہتا۔

    پنجاب پاور کمپنی کرپشن اسکینڈل، شہباز شریف کی آج نیب لاہور میں طلبی

    اس سے قبل پنجاب کمپنیز اسکینڈل میں چار جولائی کو بھی شہبازشریف نیب لاہور آفس میں پیشی بھگت چکے ہیں، دو گھنٹے کے سوال جواب کے باوجود نیب کو مطمئن نہیں کر سکے تھے۔

    نیب عدالت میں پیشی کے موقع پر داماد سے متعلق سوال پر برہم ہوگئے تھے، ان کا کہنا تھا کہ کسی افسر نے میرے رشتے دار کو خود شامل کیا تو میں نہیں جانتا۔

    شہبازشریف کو آشیانہ ہاؤسنگ اسکیم میں کرپشن کے الزامات پر بھی طلب کیا گیا تھا، 22 جنوری کو چھوٹے میاں صاحب نیب لاہور میں ڈیڑھ گھنٹہ پیش ہوئے تھے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • بدعنوانی کا مرتکب ہر شخص ملک وقوم کا مجرم ہے: چیئرمین نیب

    بدعنوانی کا مرتکب ہر شخص ملک وقوم کا مجرم ہے: چیئرمین نیب

    کوئٹہ: چیئرمین نیب جسٹس (ر) جاوید اقبال نے کہا ہے کہ بدعنوانی کا مرتکب ہر شخص ملک وقوم کا مجرم ہے.

    چیئرمین نیب جاوید اقبال نے ان خیالات کا اظہار کوئٹہ میں نیب افسران سے خطاب کرتے ہوئے کیا، ان کا کہنا تھا کہ کرپٹ عناصر کو اپنی کرپشن کا حساب دینا ہوگا.

    [bs-quote quote=” پاکستان 90 ارب ڈالرز کا مقروض ہوچکا ہے، ہماری پانچ نسلوں کو اس قرض کے وبال کو بھگتنا ہے” style=”style-2″ align=”left” author_name=”چیئرمین نیب”][/bs-quote]

    چیئرمین نیب نے کہا کہ ہمیں‌ سیاست دانوں سمیت ہرایک کی عزت نفس کا احساس ہے، البتہ کرپٹ عناصر کے خلاف غیرضروری التوا برداشت نہیں کیا جائے گا.

    انھوں نے مزید کہا کہ کرپشن کی وجہ سے پاکستان 90 ارب ڈالرز کا مقروض ہوچکا ہے، ہماری پانچ نسلوں کو اس قرض کے وبال کو بھگتنا ہے.

    یاد رہے کہ گذشتہ روز نیب کے چیئرمین نے ایک تقریب میں‌ خطاب کرتے ہوئے کہا تھا کہ نیب چہرہ نہیں، بلکہ کیس دیکھتا ہے، نیب کی وابستگی صرف پاکستان اور اس کے مفادات کے تحفظ سے ہے۔

    واضح رہے کہ ایون فیلڈ ریفرنس کیس میں نیب کورٹ سے سزا پانے والے مجرم میاں نواز شریف اور مریم نواز جمعے کو پاکستان لوٹ رہے ہیں، جنھیں نیب نے بہ ذریعہ ہیلی کاپٹر اڈیالہ جیل لے جانے کا فیصلہ کیا ہے.

    نیب چہرہ نہیں بلکہ کیس دیکھتا ہے، چیئرمین نیب جاوید اقبال

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • نوازشریف کی کرپشن کی کمر توڑنے کا وقت قریب ہے، شیخ رشید

    نوازشریف کی کرپشن کی کمر توڑنے کا وقت قریب ہے، شیخ رشید

    اسلام آباد : عوامی مسلم لیگ کے سربراہ شیخ رشید نے کہا ہے کہ نوازشریف نے سارے ناکام ڈنکے بجائے ، کرپشن کی کمر توڑنے کا وقت قریب ہے، شاہ محمود قریشی کا کہنا ہے کہ شریف فیملی اپنا مؤقف پیش نہیں کرسکی۔

    ان خیالات کا اظہار انہوں نے نوازشریف اور ان کے بچوں کیخلاف ایون فیلڈ ریفرنس کے فیصلہ محفوظ ہونے کے حوالے سے اے آر وائی نیوز سے گفتگو کرتے ہوئے کیا۔

    شیخ رشید نے کہا کہ کرپشن کی کمر توڑنے کا وقت قریب ہے، فیصلے کی گھڑی آگئی، نوازشریف نے جتنے بھی ڈنکے بجائے ان میں ناکام رہے،۔

    قطری خط کے علاوہ شریف فیملی کچھ پیش نہیں کرسکی، نوازشریف نے جتنے بھی ڈنکے بجائے ان میں ناکام رہے، منی ٹریل کے بارے میں نواز شریف جانتے تک نہیں۔

    علاوہ ازیں شاہ محمودقریشی کا کہنا تھا کہ نواز شریف اور فیملی کو صفائی اور مؤقف کیلئے بھرپور پورا موقع دیا گیا، شریف فیملی کو کہا گیا کہ آپ کے پاس ثبوت ہیں تو انہیں پیش کریں، میری رائے ہے کہ شاید شریف فیملی اپنا مؤقف اور کوئی ٹھوس ثبوت بھی عدالت میں پیش نہیں کرسکی۔

    مزید پڑھیں: شریف خاندان کے خلاف ایون فیلڈ ریفرنس کی سماعت مکمل، فیصلہ جمعے کو سنایا جائے گا

    یاد رہے کہ احتساب عدالت کی جانب سے نوازشریف اور بچوں کیخلاف ایون فیلڈ ریفرنس کا فیصلہ محفوظ کرلیا گیا ہے، محفوظ فیصلہ چھ جولائی بروز جمعہ کو نوازشریف اور مریم نواز کی موجودگی میں سنایا جائے گا، مریم نواز کے وکیل کے حتمی دلائل مکمل ہونے پر فیصلہ محفوظ کیا گیا۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • کرپشن اسکینڈل: ملائیشیا کے سابق وزیر اعظم نجیب رزاق کا قریبی ساتھی گرفتار

    کرپشن اسکینڈل: ملائیشیا کے سابق وزیر اعظم نجیب رزاق کا قریبی ساتھی گرفتار

    کوالالمپور: کرپشن اسکینڈل میں ملوث ملائیشیا کے سابق وزیر اعظم نجیب رزاق کے قریبی ساتھی کو گرفتار کر لیا گیا۔

    تفصیلات کے مطابق ملائیشیا کے نئے وزیر اعظم مہاتیر محمد نے اقتدار سنبھالتے ہی کرپٹ عناصر کے خلاف کارروائیاں سخت کردی ہیں، قبل ازیں سابق وزیر اعظم نجیب رزاق کے گھر پر بھی چھاپہ مارا گیا تھا جس کے نتیجے میں تین سو کروڑ ڈالر برآمد ہوئے تھے۔

    غیر ملکی خبر رساں ادارے کا کہنا ہے کہ سابق وزیر اعظم کے قریبی ساتھی کی گرفتاری عمل میں آئی ہے تاہم پولیس حکام کی جانب سے ملزم کی شناخت ظاہر نہیں کی گئی ہے۔

    پولیس حکام کا کہنا ہے کہ اس 42 سالہ شخص کی گرفتاری انسدادے بدعنوانی کے ادارے کی جانب سے عمل میں لائی گئی ہے جبکہ ملزم کو عدالتی حکم کے مطابق دو ہفتے جسمانی ریمانڈ پر رکھا گیا ہے۔

    ملائیشیا:سابق وزیراعظم پر کرپشن الزامات کے سبب بیرون ملک سفر پر پابندی عائد

    پولیس کا یہ بھی کہنا تھا کہ اس کے نجیب رزاق کے ساتھ گہرے مراسم تھے، ملزم نے 2004 میں سابق وزیر اعظم کے بینک اکاؤنٹ میں بھاری رقم بھی منتقل کی تھی۔

    خیال رہے کہ ملزم پر الزام ہے کہ اس نے ایک خاص قسم کی ریاستی فنڈ میں سے ساڑھے چار بلین ڈالرز کی خُرد بُرد کی ہے، تاہم ملزم نے پولیس کو اپنے ابتدائی بیان میں اس الزام کی تردید کی ہے۔

    ملائیشیا: نجیب رزاق کے گھر سے کروڑوں ڈالرز نقد اور قیمتی اشیاء برآمد

    یاد رہے کہ گذشتہ ماہ ملا ئیشیائی پولیس کی جانب سے سابق وزیر اعظم نجیب رزاق کے گھر پر چھاپہ مار کارروائی کرتے ہوئے نقدی سمیت قیمتی اشیا بھی قبضے میں لے لی گئی تھی، انہیں اپنے دورے حکومت میں کرپشن کے الزامات کا سامنا ہے۔

    واضح رہے کہ رواں ماہ 92 سالہ مہاتیر محمد نے ملائیشیا کے نئے وزیر اعظم کی حثیثت سے حلف اٹھانے کے بعد دنیا کے معمر ترین سیاست دان بن گئے ہیں جبکہ انہوں نے کرپٹ عناصر کے گرد گھیرا بھی تنگ کردیا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • ایم ایم اے اقتدار میں آکر قوم کی لوٹی ہوئی دولت واپس لائے گی، سینیٹر سراج الحق

    ایم ایم اے اقتدار میں آکر قوم کی لوٹی ہوئی دولت واپس لائے گی، سینیٹر سراج الحق

    اسلام آباد : امیر جماعت اسلامی سینیٹر سراج الحق نے کہا ہے کہ ہم گولی اور گالی کی سیاست پریقین نہیں رکھتے، منتخب ہونے کے بعد ایم ایم اے کی حکومت قوم کی لوٹی ہوئی دولت واپس لائے گی۔

    ان خیالات کا اظہار انہوں نے اسلام آباد میں متحدہ مجلس عمل کے زیر اہتمام عید ملن پارٹی کی تقریب سے خطاب کرتے ہو ئے کیا،
    انہوں نے کہا کہ پاکستان میں آج تک حقیقی جمہوریت نہیں آئی۔

    کرپٹ قیادت نے سازشوں کے ذریعے قوم کو مقروض کردیا، جس کےباعث قومی ادارے تباہی کے دہانے پر پہنچ چکے ہیں، ان کے پاس کوئی وژن نہیں، آج پھروہ آپ سے ووٹ مانگنے آئیں گے۔

    اقتدار میں آنے والوں سے عوام کو پوچھنا چاہیے کہ70سال میں انہوں نے ملک و قوم کو کیا دیا ہے؟ امیرجماعت اسلامی نے کہا کہ وقت آگیا ہے کہ قوم سچائی اور جھوٹ میں تمیز کرے۔

    مزید پڑھیں: الیکشن کمیشن کا فرض ہے کہ وہ کرپٹ اور بدعنوان لوگوں کا راستہ روکے،سراج الحق

    ہم اقتدار میں آکر کرپٹ سیاست دانوں سے ایک ایک پائی کاحساب لیں گے، حلفیہ کہتا ہوں کہ حکومت ملی تو عافیہ صدیقی کو امریکی قید سے رہائی دلائیں گے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔