لیپ ٹاپ کی پرانی بیٹریوں سے کچی آبادیاں روشن کرنے کے لئے کٹ تیار کرلی گئی ہے۔
نئی تحقیق کے مطابق لیپ ٹاپ کی پرانی بیٹریوں میں اتنی توانائی باقی ہوتی ہے کہ ان کی مدد سے کچی آبادیوں کے مکانات کو روشن کیا جا سکتا ہے، کمپیوٹر بنانے والے ادارے آئی بی ایم کی جانب سے کروائی گئی تحقیق میں جب ان پرانی بیٹریوں کا جائزہ لیا گیا تو ان میں اتنی طاقت موجود تھی کہ وہ ایک ایل ای ڈی لائٹ کو ایک برس تک روزانہ چار گھنٹے روشن رکھ سکیں۔
محقیقن کا کہنا ہے کہ ان بیٹریوں کا استعمال سستا پڑتا ہے جبکہ اس سے ’’ای ویسٹ‘‘ یا الیکٹرانک فضلے کے مسئلے سے بھی نمٹا جاسکتا ہے۔