Tag: couple

گیٹ وک ایئرپورٹ پر مشکوک ڈرونز اڑانے والا جوڑا گرفتار

لندن : برطانوی پولیس نے گیٹ وک ایئرپورٹ پر مشکوک ڈرونز اڑانے والے مبینہ جوڑے کو گرفتار کرلیا۔

تفصیلات کے مطابق برطانیہ کے دارالحکومت لندن میں واقع گیٹ وک انٹرنشنل ایئرپورٹ کے رن وے پر دو روز قبل 2 مشکوک ڈرونز پرواز کررہے تھے، جس باعث انتظامیہ نے فلائٹ آپریشن معطل کرکے پروازوں کا رخ دیگر ہوائی اڈوں کی جانب موڑ دیا تھا۔

غیر ملکی خبر رساں ادارے کا کہنا ہے کہ سیسکس پولیس نے ایئرپورٹ رن وے پر مشکوک ڈرونز اڑانے والے دو میاں بیوی کو گرفتار کیا ہے۔

غیر ملکی میڈیا کا کہنا ہے کہ گرفتار ملزمان میں 47 سالہ پاؤل گئیٹ، 57 سالہ ایلائنی کرک شامل ہیں، جنہیں پولیس نے جمعے کی رات 10 بجے گرفتار کیا تھا۔

یاد رہے کہ گیٹ وک ایئرپورٹ کے رن وے پر مشکوک ڈرونز کی پرواز کے باعث ایک ہزار فلائٹس منسوخ ہوئی تھیں جس کے باعث 1 لاکھ 40 ہزار مسافر متاثر ہوئے تھے۔

غیر ملکی خبر رساں ادارے کا کہنا تھا کہ گیٹ وک ایئرپورٹ پر پروازیں مسلسل 36 گھنٹے تک منسوخ رہی تھیں۔

مزید پڑھیں : برطانیہ کے گیٹ وک ایئرپورٹ پر فلائٹ آپریشن دوبارہ شروع

مقامی خبر رساں ادارے کے مطابق مشکوک ڈرونز کو کنٹرول کرنے پولیس کی ناکامی کے بعد حکومت نے فوج کی خدمات حاصل کی تھیں۔

خیال رہے کہ ایئرپورٹ انتظامیہ نے گیٹ وک آنے والی پروازوں کا رخ ملک کے دوسرے ہوائی اڈوں کی جانب موڑ دیا تھا، جن میں لندن ہیتھرو، لوٹن، برمنگھم، گلاس گلو اور مانچیسٹر بھی شامل ہیں۔

دسمبر 23, 2018
ناکام محبت، لڑکی کا بحر ہند میں پھینکا ہوا خط مل گیا

کینبیرا: آسٹریلیا کے ساحل سے ایک ایسی لڑکی کا خط ملا جسے محبت میں ناکامی کا سامنا کرنا پڑا، خاتون نے اس پرچے کو بوتل میں بند کر کے سمندر برد کردیا تھا۔

تفصیلات کے مطابق آسٹریلیا کے شہر کوئینز لینڈ میں واقع ساحل سے پریمی جوڑے کو محبت میں ناکام ہونے والی لڑکی کا جذباتی خط بوتل میں ملا جس کی کہانی کا اختتام کچھ اچھا نہ تھا۔

واقعہ کچھ یوں ہوا کہ ڈینیل میکینلے اپنے دوست کے ساتھ ساحل پر گھوم رہی تھیں کہ اُن کی نظر ایک بوتل پر پڑی جو پانی میں تیر رہی تھی۔

ڈینیل نے بوتل کی طرف اشارہ کیا تو دونوں اُس کو اٹھانے کے لیے بھاگے اور بلآخر اسے کامیابی سے حاصل کیا۔

بوتل کے ڈھکن کو کھول کر دونوں نے اندر لکھے پرچے کو نکالا تو اُس پر چینی زبان میں تحریر درج تھی اور دل کا نشان تھا جس سے ظاہر ہورہا تھا کہ یہ عاشق کی کار گزاری ہے۔

ڈینیل نے اُس پرچے کی تصویر کھینچ کر سوشل میڈیا پر شیئر کی تو وہ وائرل ہوئی، اسی دوران یہ پوسٹ چینی زبان میں مہارت رکھنے والے ایک صارف تک پہنچی جس نے اُس کا انگریزی میں ترجمہ کیا۔ خط چین سے تعلق رکھنے والی لڑکی نے اپنے منگیتر جینگ کو لکھا تھا۔

’میں اپنے گھر میں منگیتر کی کمی بہت محسوس کرتی ہوں، آج میں معافی مانگ کر اپنے خط کو بحر ہند کی نظر کرنے جارہی ہوں۔‘

’میں نے پرچے میں وہ سب کچھ تحریر کیا جو میرے دماغ میں تھا اور اب اسے بوتل میں بند کر کے سمندر میں پھینک رہی ہوں، میری خواہش ہے کہ جینگ گھر واپس آجائے اور پھر ہم خوشی خوشی زندگی بسر کریں‘۔

’مجھے یقین ہے کہ یہ بوتل گہرے سمندر میں چلی جائے گی جسے کوئی بھی حاصل نہیں کرسکے گا اور نہ ہی اس میں لکھی تحریر کبھی کسی کے ہاتھ لگے گی، میں نے وہ کیا جو میرے دل کو بہتر لگا‘۔

’میں تم سے بہت محبت کرتی ہوں، جینگ‘

پوسٹ وائرل ہوئی تو لوگوں نے لڑکی کا سراغ لگایا اور اُس سے رابطہ بھی کیا۔ آسٹریلین میڈیا کے مطابق لڑکی نے یہ خط اپنے سابقہ منگیتر کے نام چار سال قبل لکھا۔

لڑکی کا کہنا تھا کہ ’میرا سابقہ منگیتر بہت اچھا انسان تھا مگر مسئلہ یہ تھا کہ وہ دوسرے خاندان سے تعلق رکھتا تھا جس کی وجہ سے ہمارا رشتہ ختم ہوا، دنیا میں اُس کے جیسا کوئی دوسرا شخص نہیں ہے اور نہ دوبارہ کوئی وہ مقام حاصل کرسکتا ہے‘۔

اکتوبر 11, 2018
جرمنی: تشدد اور قتل کے جرم میں جوڑے کو 13 برس قید کی سزا

برلن : جرمنی کی عدالت نے دو خوایتن کو تشدد کے بعد قتل کرنے کے جرم میں خاتون اور اس کے شوہر کو 13 برس قید کی سزا سناتے ہوئے جیل بھیج دیا۔

تفصیلات کے مطابق جرمنی کی عدالت نے قتل کیس کی سماعت کرتے ہوئے شمال مغربی ریاست کے ایک جوڑے کو دو خواتین کا بہیمانہ تشدد کے بعد قتل کرنے کے جرم سزا سناتے ہوئے جیل منتقل کرنے کا حکم دے دیا۔

غیر ملکی خبر رساں ادارے کا کہنا تھا کہ عدالت نے 49 سالہ انجیلکا واگنر کو اپنے 48 سالہ شوہر ولفرائڈ واگنر کے ہمراہ قتل کا جرم ثابت ہونے پر 13 اور 11 برس قید کی سزا سنائی گئی ہے۔

مقامی خبر رساں ادارے کا کہنا ہے کہ مجرموں نے دو خواتین کو گھر میں بے تحاشا تشدد کا نشانہ بنایا تھا جس کے باعث دونوں خواتین کی موت واقع ہوگئی تھی، جرمنی کے علاقے رائن میں مذکورہ ملزمان کا گھر ’ہاوس آف ہارر‘ کے نام سے مشہور ہوگیا۔

عدالتی دستاویزات کے مطابق سزا یافتہ جوڑے نے متاثرین کو گھر کے اندر تشددکا نشانہ بنایا گیا، گلا دبایا، آگ سے جلایا اور گرم پانی کی بھاپ سے بھی جسم کے مختلف حصوں کو جلایا گیا تھا، مجرموں نے متاثرہ خواتین کے سر کے بال کاٹ کر بجلی کے جھٹکے بھی دئیے گئے اور آنکھوں میں کالی مرچ کا اسپرے بھی کیا تھا۔

غیر ملکی خبر رساں ادارے کا کہنا تھا کہ متاثرہ خواتین گھر گھر جاکر چیزیں فروخت کیا کرتی تھی اور مقتول مذکورہ جوڑے کے گھر بھی اشیاء فروخت کرنے آئی جہاں انہیں تشدد کے بعد قتل کردیا گیا۔

پولیس کا کہنا ہے کہ سزا یافتہ جوڑے اپنی گاڑی میں 41 سالہ متاثرہ خاتون کو اس کے گھر چھوڑنے جارہے کہ راستے میں گاڑی خراب ہوگئی جس کے بعد ایمبولینس میں خاتون کو گھر لے جانے کی کوشش کی تاہم ایمبولینس اسپتال لے گئی جہاں متاثرہ خاتون دوران علاج ہلاک ہوگئی۔

مقامی میڈیا کا کہنا ہے کہ دونوں میاں بیوی کو پولیس نے اسپتال میں ہی گرفتار کرلیا تھا۔

جرمن پولیس کا کہنا ہے کہ 49 سالہ مجرمہ نے دوران تفتیش اعتراف کیا کہ سنہ 2013 میں بھی 33 سالہ خاتون کو تشدد کے بعد قتل کیا اور لاش کے ٹکڑے کرکے نذر آتش کردیا تھا۔

اکتوبر 6, 2018
برطانیہ: سپراسٹور عملے سے تلخ کلامی پر پاکستانی نژاد جوڑے کی گرفتاری کے بعد رہائی

لندن: برطانیہ کے ایک سپراسٹور پر پاکستانی نژاد جوڑے کی تلخ کلامی ہوئی جس کے بعد پولیس نے کارروائی کرتے ہوئے جوڑے کو گرفتار کیا۔

تفصیلات کے مطابق یہ واقعہ برطانیہ کے شہر راچڈیل میں پیش آیا جہاں ایک پاکستانی نژاد برطانوی جوڑے کو پولیس نے سپراسٹور عملے سے تلخ کلامی پر گرفتار کیا بعد ازاں رہا کردیا۔

برطانوی میڈیا کا کہنا ہے کہ تلخ کلامی کا واقعہ مقررہ تعداد سے زائد پانی کی بوتلیں خریدنے پر پیش آیا، پولیس کی مداخلت پر نوجوان کی اہلکاروں سے ہاتھا پائی ہوئی۔

بعد ازاں پاکستانی نژاد برطانوی جوڑے کی گرفتاری عمل میں آئی، جوڑے کےخلاف مقدمہ درج کرکے رہا کر دیا گیا، اسٹور عملے کی جانب سے بوتلیں بیچنے سے انکار پر جوڑے نے مزاحمت کی تھی۔

دوسری جانب پولیس کے خلاف شکایت پر بھی انکوائری شروع کردی گئی ہے، پولیس پر گرفتاری میں بنیادی اصول مدنظر نہ رکھنے پر شکایت درج ہوئی ہے۔

واضح رہے کہ اس قسم کے واقعات میں پاکستانی شہروں کی گرفتاری ماضی میں بھی ہوچکی ہے۔

خیال رہے کہ رواں سال جون میں برطانیہ کے سیکیورٹی حکام نے ہیتھرو ایئرپورٹ پر پاکستانی نژاد مسافر کو حراست میں لیا تھا، مسافر پی آئی اے کی فلائٹ 758 سے لاہور جارہا تھا۔

مذکورہ شخص کی برطانوی سیکیورٹی حکام کے ہاتھوں گرفتاری کی اہم وجہ کیا بنی یہ واضح نہیں کی گئی تھی۔

ستمبر 28, 2018
برطانیہ: زہریلے کیمیائی مادے سے حملہ، برطانوی جوڑے کی حالت تشویش ناک

لندن: برطانیہ میں زہریلے کیمیائی مادے کے حملے کے نتیجے میں ایک برطانوی جوڑے کی حالت شدید تشویش ناک ہے۔

تفصیلات کے مطابق یہ حملہ برطانیہ کے قصبے ’ایمزبری‘ میں ہوا، جہاں ایک شادی شدہ جوڑا گھر میں بے ہوشی کی حالت میں پایا گیا جسے فوری طور پر اسپتال منتقل کیا گیا ہے جہاں ان کی حالت شدید تشویش ناک ہے۔

برطانوی میڈیا کے مطابق پولیس نے تصدیق کی ہے کہ ایمزبری میں ایک جوڑے پر حملے میں خاص قسم کا زہریلا کیمیائی مادہ ’نوویچوک‘ استعمال کیا گیا ہے۔

پولیس کے مطابق اس حملے میں ایک 45 سالہ مرد اور اس کی 44 سالہ بیوی اپنے گھر میں بے ہوش پائے گئے تھے، اسپتال میں ان دونوں کی حالت بدستور تشویش ناک ہے۔

ممکن ہے سابق روسی جاسوس کوروس نےزہردیا ہو‘ برطانوی وزیراعظم

خیال رہے کہ برطانیہ میں رواں برس اس اعصابی زہر کے ساتھ کیا جانے والا یہ دوسرا حملہ ہے، اس سے قبل مارچ میں سابق روسی جاسوس سکریپل اور ان کی بیٹی کو بھی سالسبری میں اسی زہر کا نشانہ بنایا گیا تھا۔

یاد رہے کہ برطانوی شہر سالسبری میں 66 سالہ سابق روسی جاسوس سرگئی اسکریپل اور ان کی بیٹی یولیا اسکریپل کو زہر دے کر قتل کرنے کی کوشش کی گئی تھی۔

برطانیہ میں سابق روسی جاسوس پرقاتلانہ حملہ

بعد ازاں برطانوی وزیراعظم تھریسا مے نے کہا تھا کہ تحقیقات میں ممکنہ طور پر یہ بات سامنے آئی ہے کہ برطانوی شہر سالسبری میں سرگئی اسکریپل اور ان کی بیٹی یولیا اسکریپل کو زہر دینے کا ذمہ دار روس ہے۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

جولائی 6, 2018
کم ٹپ کیوں دی، برطانوی ویٹر نے جوڑے کی توہین کردی

لندن : برطانیہ کے مقامی ریستوران کی ویٹر نے کم بخشش(ٹپ) دینے پر کھانے کے لیے آنے والے جوڑے کی توہین کردی۔

تفصیلات کے مطابق برطانیہ کے ایک ریستوران میں کھانا کھانے کے لیے آنے والے ایک جوڑے کو ریستوران کی ویٹر نے مناسب ٹپ نہ دینے پر توہین آمیز رویہ اختیار کرکے انہیں ریستوران سے جانے پر مجبور کردیا۔

غیر ملکی خبر رساں ادارے کا کہنا تھا کہ متاثرہ جوڑے نے کوئی عجیب کام کیا اور نہ ہی کوئی سماجی حدود عبور کی تاہم ویٹر نے خلاف توقع جوڑے کے ساتھ توہین آمیز رویہ اختیار کیا۔

متاثرہ جوڑے نے خبر رساں ادارے کو بتایا کہ ’ہم ایک ریستوران ملاقات کے لیے گئے، ملاقات بہت اچھی رہی، ریستوران کا کھانا اور سروس بھی بہت اچھی تھی‘۔

متاثرہ شخص کا کہنا تھا کہ بد قسمتی سے ہماری خوشی بہت مختصر تھی، کیوں کہ میں جب بھی ریستوران میں کھانے کے لیے جاتا ہوں تو ٹپ کے بارے بھول جاتا ہوں اور بل کی ادائیگی کے وقت ٹپ یاد آتی ہے لیکن اس وقت میری جیب میں پیسے نہیں ہوتے۔

متاثرہ شخص کا کہنا تھا کہ ’میں نے شرمندگی کے ساتھ اپنی گرل فرینڈ سے کہا کہ کیا وہ کچھ مدد کرسکتی ہے جس پر اس نے خوشی خوشی کچھ رقم مجھے دی اور ہم نے ویٹر کی ٹپ کا بندوبست کردیا۔

انہوں نے مزید بتایا کہ ’ویٹر مسکراتی ہوئی آئی اور بل لے کر چلی گئی، تاہم ایک منٹ کے بعد ہی ویٹر واپس آئی اور پوچھا کہ ’کیا آپ کو یہاں کا ماحول اور سروس اچھی نہیں لگی‘۔

خبر رساں ادارے کا کہنا تھا کہ ’ریستوران کی ویٹر چاہتی تھی کہ ریستوران میں موجود تمام افراد میری خطا کے بارے میں جانے کیوں کہ اس آواز بہت بلند تھی جو سب کو اس طرف متوجہ کررہی تھی‘۔

ویٹر نے برطانوی جوڑے سے کہا کہ ’اگر آپ ٹپ برداشت نہیں کرسکتے تو میں مشورہ دیتی ہوں کہ مستقبل میں زیادہ مناسب ریستوران کا انتخاب کیجئے گا‘۔

غیر ملکی خبر رساں ادارے کا کہنا تھا کہ ویٹر کی جانب سے توہین آمیز الفاظ سننے کے بعد جوڑے نے فیصلہ کیا کہ مزید ڈراما بنے اس سے قبل ریستوران کو چھوڑ دیا جائے۔

متاثرہ شخص کا کہنا تھا کہ’میں سمجھتا ہوں کہ مذکورہ ویٹر کی زندگی میں کوئی ایسی مشکلات چل رہی ہوں گی جس کے باعث اس نے ایسا رویہ اختیار کیا‘۔

غیر ملکی خبر رساں ادارے کا کہنا تھا کہ گاہک کے کم ٹپ دینے پر ویٹر کے نامناسب رویے نے گاہک کو شرمندہ کیا۔ جس کی وجہ سے ریستوران نے ایک ہی رات میں دو گاہک کھو دیے۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

مئی 30, 2018
امریکا: پریمی جوڑے کی باتھ روم میں شادی

نیوجرسی: امریکی ریاست کے علاقے فری ہولڈ میں محبت کرنے والے جوڑے نے جج کے باتھ روم میں شادی کر کے اپنے رشتے داروں کو ورطہ حیرت میں ڈال دیا۔

امریکی میڈیا کے مطابق برین اور ماریہ سولز ایک دوسرے سے بے تحاشہ محبت کرتے ہیں اور دونوں کی خواہش تھی کہ اہل خانہ کی رضا مندی کے بعد وہ لوگ ازدواجی بندھن میں بند جائیں۔

پریمی جوڑے نے اپنے اپنے گھر والوں کو منانے کی ہر ممکن کوشش کی مگر دونوں کو ناکامی کا سامنا ہی رہا جس کے بعد انہوں نے کورٹ میرج کرنے کا فیصلہ کیا۔

برین نے جج کو اپنے تمام تر حالات بتاتے ہوئے جلد شادی کی تاریخ دینے کا مطالبہ کیا جس کے بعد اُسے وکیل نے 2 جنوری کو لڑکی اور گواہان کے ہمراہ عدالت میں بلا لیا۔

سارے معاملات اچھے طریقے سے جاری تھے کہ دونوں کے اہل خانہ کو خفیہ طریقے سے شادی کرنے کی خبر مل گئی جس کے بعد وہ عین کورٹ میرج کے وقت کمرہ عدالت میں پہنچ گئے اور شدید ہنگامہ کھڑا کردیا۔

مار پٹائی شروع ہونے کے بعد جج کے دفتر میں موجود عملے نے لڑکی اور لڑکے کو مشورہ دیا کہ وہ باتھ روم میں شادی کرلیں تاکہ انہیں قانونی طور پر کوئی کچھ نہ کہہ سکے۔

ماریہ سولز کا کہنا ہے کہ وہ والدہ کی وجہ سے اپنی شادی 2 جنوری کو کرنا چاہتی تھی اگر ہماری کورٹ میرج کی تاریخ منسوخ ہوتی تو پھر 45 روز تک انتظار کرنا پڑتا مگر اس میں ہمارے لیے بہت سے مسائل پیدا ہوجاتے‘۔

جج کے باتھ روم میں ہونے والی شادی کی ویڈیو بھی بنائی گئی جسے انٹرنیٹ پر شیئر کیا گیا، ویڈیو میں دیکھا جاسکتاہے کہ لڑکی اور لڑکا باتھ روم میں موجود ہیں اور وہاں موجود خاتون وکیل قانونی کارروائی کررہی ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

جنوری 28, 2018
دنیا کی بلند ترین چوٹی پر امریکی جوڑے کی شادی

نیپال : شادی زندگی بھر کیلئے یادگار لمحہ ہوتا ہے لیکن کچھ لوگ اس کو مزید خاص بنانے کیلئے الگ انداز اپناتے ہیں ، ایسا ہی امریکا سے تعلق رکھنے والے جوڑا اپنی شادی کے دن کو یادگار بنانے کیلئے دنیا کی بلند ترین چوٹی ماؤنٹ ایورسٹ پر چڑھ گیا ۔

امریکی شہر کیلفورنیا سے تعلق رکھنے والے 35 سالہ جیمز سیسم اور ان کی اہلیہ 32 سالہ ایشلے شمائڈر نے اپنی شادی کچھ منفرد انداز میں کرنے کا پروگرام بنایا اور اس کی ایک سال قبل ہی شادی کی تیاریاں شروع کرلی تھیں۔

امریکی جوڑے نے رواں برس مارچ کے آخر میں ماﺅنٹ ایورسٹ کیمپ میں شادی کی،شادی سے قبل تین ہفتے تک ہائیکنگ کرتے رہے تھے، اس موقع پر جوڑے نے امریکی روایتی عروسی ملبوسات پہننے کو ترجیح دیا، جیمز نے سوٹ جبکہ ایشلے نے سفید رنگ کا روایتی عروسی لباس زیب تن کیا۔

شادی کی اس یادگار تقریب کو ایڈونچر ویڈنگ فوٹوگرافر چارلیٹن چرچل نے کیمرے کی آنکھ میں محفوظ کیا۔

فوٹوگرافر نے اپنی ویب سائٹ پر ایک بلاگ پوسٹ میں اس تقریب کی تفصیلات بیان کرتے ہوئے لکھا ‘سفر کے آغاز میں بہت زیادہ برفباری ہورہی تھی، ان لمحات کو عکس بند کرتے ہوئے میری انگلیاں ٹھنڈ سے اکڑ گئی تھیں۔ جبکہ ایک موقع پر میرے کیمروں نے بھی کام کرنا چھوڑ دیا تھا۔ تاہم مشکلات کے بغیر کوئی کامیابی نہیں، بالاخر کڑی محنت کے بعد ہم ان مسحور کن لمحات کو عکس بند کرنے میں کامیاب ہو گئے۔

غیر ملکی خبر رساں ادارے سے گفتگو میں نوبیاہتا دلہن ایشلے شمائڈر کا کہنا تھا کہ ہم دونوں نے بہت سوچ بچار کے بعد فیصلہ کیا تھا کہ ہم عام روایتی جوڑوں کی طرح شادی کے بندھن میں نہیں بندھے گے بلکہ اس دن کو یادگار بنائیں گے۔

ایشلے نے کہا کہ دنیا کی بلند ترین چوٹی ماؤنٹ ایورسٹ پر شادی کی تقریب کرنا صرف ایک جذباتی فیصلہ نہیں تھا، ہم جانتے تھے کہ اس حسین تجربے سے گزرنے کیلئے ہمیں ہفتوں جسمانی اور ذہنی ٹوٹ پھوٹ سے گزرنا ہوگا کیونکہ یہ کام بالکل بھی آسان نہیں تھا۔

یاد رہے اس سے قبل 2005 میں نیپال کے ایک جوڑے نے ایورسٹ کی چوٹی پر شادی کی تھی اور یہ یہ پہلا موقع تھا جب ایورسٹ کی چوٹی پر پہنچ کر کسی نے شادی کی ہو۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

مئی 11, 2017
پہلی ملاقات میں کسی کو متاثر کرنے کے طریقے جانیئے

کراچی: (ویب ڈیسک) عشق و محبت کے معاملات میں پہلی ملاقات بہت اہمیت کی حامل ہوتی ہے کیونکہ اکثر اسی ملاقات میں مستقبل کے تعلق کا فیصلہ ہوجاتا ہے، بہت سی ایسی باریک باتیں ہیں کہ جن کا خیال رکھ کر اس ملاقات میں آپ اپنا بہترین تاثر قائم کر سکتے ہیں۔

٭ پہلی ملاقات مین بہت زیادہ سماجی دباو کی وجہ سے اکثر جسمانی حرکات و سکنات پر کنٹرول رکھنا مشکل ہو جاتا ہے جن میں سے ایک بازو سمیٹ کر بیٹھنا یا دونوں بازو وں کو سامنے باندھنا ہے ۔ ایسا ہر گز نہ کریں کیونکہ اس سے لاتعلقی اور فاصلے کا تاثر لگتا ہے۔

٭ مرد اکثر اپنے بالوں پر توجہ دینا بھول جاتے ہیں، پہلی ملاقات سے پہلے بال ضرور کٹوائیں ، یاد رکھیں کہ بالوں کی چمک دمک اور اچھا ہیئر سٹائل آپ کی توقع سے کہیں ذیادہ اہمیت کا حامل ہے۔

٭ دانت اچھی طرح صاف کریں اور سانسوں کو تر و تازہ رکھیں،سانس کی بدبو آپ کی ملاقات کے لئے انتہائی تباہ کن ثابت ہو سکتی ہے، اس مسئلہ کے حل کے لئے آپ پودینے والی چیونگم بھی چبا سکتے ہیں۔

٭پہلی ملاقات میں لباس خصوصی اہمیت کا حامل ہے ۔اور خصوصاً جوتے تو بہت اہمیت کے حامل ہیں ۔ یاد رکھیں کہ خواتین اپنے لئے بھی بہترین جوتے پسند کرتی ہیں اور مردوں کا جائزہ لیتے ہوئے ان کے جوتوں پر بھی خصوصی توجہ دیتی ہیں ۔

٭ پر اعتماد شخصیت خواتین کو بہت متاثر کرتی ہے، اپنی گفتگو کے علاوہ انداز و بیان سے بھی خود اعتمادی کا اظہار کریں اور دلچسپ گفتگو کو یقینی بنائیں ۔

٭ اپنی صحت اور فٹنس پر توجہ دیں کیونکہ بہت کمزور ہونا یا موٹاپے کا شکار ہونا بہت منفی تاثر پیدا کرتا ہے، اگر آپ جسمانی ظور پر چاق و چوبند ہیں تو یہ آپ کی محنت اور پر عزم شخصیت کی علامت ہے۔

ستمبر 8, 2014
جھوٹی محبت کو پہچاننے کے 10 طریقے

بے وفا محبوب کو پہچاننا مشکل ہوتا ہے لیکن کچھ باتوں پر غور کیا جائے تو پہچاننا آسان ہو جاتے ہے۔

۔ اگر آپ کا ہمسفر چھوٹی چھوٹی باتوں پر لڑائی شروع کردیتا ہے تو اس کا مطلب ہے کہ ان کے دل میں احساسِ جرم ہے جسے وہ آپ پر نکالنے کی کوشش کررہے ہیں۔

۔ اگر وہ اس سے زیادہ توجہ اپنے فون پر دیتے ہیں تو ممکنہ طور پر کچھ گڑ بڑ ہے۔

۔ اگر وہ کسی خاص شخص کے بارے میں مسلسل برے بھلے الفاظ ادا کرتے رہتے ہیں تو ممکنہ طور پر یہ دھوکہ دینے کا ایک انداز ہوسکتا ہے کیونکہ قدرتی طور پر آپ اس شخص پر ان کی ناپسندیدگی کے باعث شک نہ کریں گے۔

۔ جو لوگ جھوٹ بول رہے ہوں یا ان کے دل میں احساس جرم ہو تو وہ اکثر آنکھیں ملانے سے کتراتے ہیں۔

۔ تعلقات کے آغاز میں آپ بیشتر چیزیں اکٹھے کیا کرتے تھے لیکن اب آپ کا ہمسفر آپ کے ساتھ وقت گزارنے میں دلچسپی نہیں رکھتا۔

۔ اگر آپ کے پاس کچھ چھپانے کو نہیں تو اپنے ساتھی کو اپنا فون دکھانے میں کوئی حرج نہیں، تاہم اگر آپ فون مانگیں اور وہ اسے آپ کو دینے کی بجائے کھڑکی سے باہر پھینکنے کو ترجیح دیں تو یقیناً کچھ گڑ بڑ ہے۔

۔ اگر آپ کا ساتھی اچانک بغیر کسی وجہ کے نہایت اچھے انداز میں پیش آنے لگے تو یہ بات بھی خطرے کی علامت ہے، اکثر احساس جرم چھپانے کے لئے بھی یہ طریقہ اختیار کیا جاتا ہے۔

۔ اگر ان کے جسم سے معمول سے ہٹ کر خوشبو آئے۔

۔ آپ کے ہمسفر اکثر گھر سے باہر رہیں اور آپ کو ان کا اتا پتہ کبھی معلوم نہ ہو۔

۔ اگر پہلے وہ معمول کے کپڑے پہننا زیادہ پسند کرتے تھے لیکن پھر اچانک بروقت تیار رہ کر پھرنے لگے۔

۔ اگر پہلے ان کا فکسڈ معمول تھا لیکن اب ہر روز روٹین بدلتی رہتی ہو۔

اگست 21, 2014