اسلام آباد : پی ٹی آئی کے گرفتار رہنما علی امین گنڈا پور کو عدالت میں پیش کردیا گیا، ان کو بھی فواد چوہدری کی طرح جیل سے منہ پر چادر ڈال کر لایا گیا۔
تفصیلات کے مطابق اسلام آباد کی ڈسٹرکٹ اینڈ سیشن کورٹ اسلام آباد میں گرفتار پی ٹی آئی رہنما علی امین گنڈا پور کی پیشی کے موقع پران کےبھائی فیصل امین گنڈاپور ایف ایٹ کچہری پہنچ گئے۔
اس موقع پر وکیل بابراعوان ،شہزاد وسیم ،اعظم سواتی بھی اسلام آباد کچہری پہنچ گئے، علی امین گنڈا پورکیخلاف تھانہ گولڑہ میں دو مقدمات درج ہیں۔
مقدمے میں علی امین گنڈا پور کے ساتھی اسد خان کو بھی نامزد کیا گیا ہے، ملزمان نے آڈیو میں کہا کہ اگرعمران خان کو گرفتار کیا گیا تو اسلام آباد پر قبضہ کر لیں گے۔
ایف آئی آر کے متن میں لکھا ہے کہ ملزمان نے کہا کہ اسلام آباد سے ہم اس حکومت کو ٹیک اوور کر لیں گے۔
