ARYNews.tv | Urdu – Har Lamha Bakhabar

Tag: court reject

  • رانا ثنااللہ کو جیل میں گھر کا کھانا دینے کی درخواست مسترد

    رانا ثنااللہ کو جیل میں گھر کا کھانا دینے کی درخواست مسترد

    لاہور: سیشن کورٹ نے منشیات برآمدگی کیس میں گرفتار رانا ثنااللہ کو جیل میں گھر کا کھانا دینے کی درخواست مسترد کردی اور رانا ثنااللہ کو جیل سپرنٹنڈنٹ سے رجوع کرنے کا حکم دے دیا۔

    تفصیلات کے مطابق لاہور کی سیشن کورٹ میں منشیات برآمدگی کیس میں گرفتار رانا ثنااللہ کی جیل میں گھر کا کھانے نہ دینے کی درخواست پر سماعت ہوئی، سیشن جج لاہور قیصر نذیر بٹ نے رانا ثناءاللہ کی درخواست پر فیصلہ سنایا۔

    عدالت نے سابق وزیر قانون رانا ثناءاللہ کو جیل میں گھر کا کھانا دینے کی درخواست مسترد کرتے ہوئے درخواست گزار کوپہلے متعلقہ فورم سپرنٹنڈنٹ جیل سے رجوع کرنے کی ہدایت کردی۔

    یاد رہے 13 جولائی کو رانا ثنااللہ کی گھر کا کھانا نہ دینے کی درخواست پر فیصلہ محفوظ کیا گیا تھا، رانا ثناءاللہ کے وکیل کا مؤقف تھا کہ رانا ثناءاللہ بیمار ہیں، ان کی صحت کے لیے گھر کا کھانا دینے کی اجازت دی جائے۔ جیل قوانین کے مطابق زیر ٹرائل ملزم کو گھر کا کھانا دیا جا سکتا ہے۔

    مزید پڑھیں : رانا ثنااللہ کی گھر کا کھانا نہ دینے کی درخواست پر فیصلہ محفوظ

    جیل حکام نے رپورٹ جمع کرائی تھی کہ رانا ثناءاللہ کو ان کی طبعیت کے مطابق کھانا دیا جا رہا ہے۔ ان کا روزانہ کی بنیاد پر میڈیکل بھی کیا جا رہا ہے۔ ان کی طبیعیت بالکل ٹھیک ہے۔

    واضح رہے انسداد منشیات فورس نے رانا ثنا اللہ کو اسلام آباد سےلاہورجاتےہوئےموٹر وے سے حراست میں لیا تھا ، راناثنااللہ کی گاڑی سے بھاری مقدار میں ہیروئن برآمد ہوئی تھی۔

    اینٹی نارکوٹکس فورس نے رانا ثنا اللہ کےخلاف مقدمہ بھی درج کیا تھا ، ایف آئی آر میں کہا گیا رانا ثنا اللہ کی گاڑی سے 21 کلو سے زائد منشیات برآمد ہوئی ، برآمد منشیات میں 15 کلو ہیروئن بھی شامل ، روکنے پر راناثنااللہ نے اہلکاروں کے ساتھ ہاتھا پائی کی۔

    ایف آئی آر کے متن میں کہا گیا تھا رانا ثنا اللہ نےاختیارات کاناجائز فائدہ اٹھاتے ہوئے منشیات اسمگلنگ کی کوشش کی۔

    بعد ازاں رانا ثنا کو ضلع کچہری میں جوڈیشل مجسٹریٹ کے سامنے پیش کیا گیا، جہاں عدالت نے رانا ثنا منشیات کیس میں 14 روزہ جوڈیشل ریمانڈ پر جیل بھیج دیا تھا۔

  • اداکارہ میرا کا عمران خان کودوبارہ جمائما سے شادی کا مشورہ

    اداکارہ میرا کا عمران خان کودوبارہ جمائما سے شادی کا مشورہ

    لاہور : اداکارہ میرا نے عمران خان کو دوبارہ جمائما سے شادی کرنے کا مشورہ دیدیا اور کہا کہ اپنے لیے لڑکا ڈھونڈ لیا جلد شادی کا اعلان کروں گی۔

    تفصیلات کے مطابق لاہورکی فیملی کورٹ نے اداکارہ میرا کو شادی سے روکنے کی درخواست خارج کردی ، عدالت نے کہا کہ عتیق الرحمان کی عتیق الرحمن اپنا نکاح ثابت نہیں کرسکا، اس لئے میرا کو شادی سے روکنا انصاف نہیں ہوگا۔

    اداکارہ میراکا شادی سےروکنےکی درخواست خارج ہونے پرخوشی کا اظہار کیا۔

    احاطہ عدالت میں میڈیا سے بات کرتے ہوئے اداکارہ میرا نے کہا کہ عمران خان دوبارہ جمائما سے شادی کرلیں ، عمران خان اچھے سیاستدان ہیں، میں کسی سیاستدان سےشادی نہیں کروں گی۔

    میرا کا کہنا تھا کہ اپنے لیے لڑکا ڈھونڈ لیا جلد شادی کا اعلان کروں گی۔

    مزید پڑھیں : میرا کی فلم ٹائیٹنک کا گانا گانے کی ویڈیو وائرل

    اس خوشی کےموقع پر میراسے ٹائیٹینک سونگ گانے کی فرمائش ہوئی مگر وہ پوری نہ ہوئی۔

    یاد رہے کہ اداکارہ میرا کے سابق شوہر نے میرا کو شادی سے روکنے کی درخواست دائر کر رکھی تھی۔

    اس سے قبل اداکارہ میرا کا کہنا تھا کہ عتیق الرحمان نے انہیں بلیک میل کرنے کے لئے جعلی نکاح نامہ بنایا ہے، پوری امید ہے کہ تکذیب نکاح کیس میں عدالت سے انصاف ملے گا۔

    واضح رہے کہ عتیق الرحمان نامی شخص کی جانب سے میرا کے خاوند ہونے کا دعویٰ کیا گیا تھا، جس پر گزشتہ کئی سالوں سے دونوں کے درمیان مختلف عدالتوں میں مقدمات زیر سماعت تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • قندیل بلوچ قتل کیس، ملزم مفتی عبدالقوی درخواست ضمانت مسترد ہونے پر عدالت سے فرار

    قندیل بلوچ قتل کیس، ملزم مفتی عبدالقوی درخواست ضمانت مسترد ہونے پر عدالت سے فرار

    ملتان : ماڈل قندیل بلوچ قتل کیس کے ملزم مفتی عبدالقوی درخواست ضمانت مسترد ہونے پر عدالت سے فرار ہوگئے۔

    تفصیلات کے مطابق ملتان سیشن کورٹ میں قندیل بلوچ قتل کیس کی سماعت ہوئی، ڈسٹرکٹ اینڈ سیشن جج امیرمحمد خان کی عدالت میں ملزم مفتی عبدالقوی پیش ہوئے، وکیل کے دلائل سننے کے بعد عدالت نے مفتی عبدالقوی کی درخواست ضمانت خارج کردی۔

    عدالت نے مفتی عبدالقوی کو گرفتار کرکے شامل تفتیش کرنے کا حکم دے دیا۔

    عدالت کی جانب سے ضمانت خارج ہونے کے بعد موقع ملنے پر مفتی عبدالقوی احاطہ عدالت سے فرار ہوگئے۔

    مزید پڑھیں : قندیل بلوچ قتل کیس، مفتی عبدالقوی پہلی بار عدالت میں پیش

    پولیس کے مطابق مفتی قوی پر مبینہ طور پر قندیل کے بھائیوں کو قتل کے لیے اکسانے کا الزام ہے۔

    گذشتہ روز قندیل بلوچ قتل کیس کی سماعت میں ملزم مفتی عبدالقوی عدالت کے سامنے پیش ہوئے تھے ، مفتی عبدالقوی کا کہنا تھا کہ پولیس اورعدلیہ کےساتھ تعاون کریں گے، دالتوں کا احترام کرتے ہیں ، عدالت جوفیصلہ کرےگی ہمیں منظور ہوگا۔

    مفتی عبدالقوی نےچند روز قبل ہی عبوری ضمانت کرائی تھی، جس کی وجہ سےپولیس نےمفتی عبدالقوی کوگرفتارنہیں کیا تھا۔

    مزید پڑھیں : قندیل بلوچ کیس،مفتی عبدالقوی کےناقابل ضمانت وارنٹ گرفتاری جاری

    یاد رہے قندیل بلوچ کیس کی گذشتہ سماعت میں عدالت نے مفتی عبدالقوی کے ناقابل ضمانت وارنٹ گرفتاری جاری کرتے ہوئے گرفتار کرنے کا حکم جاری کیا تھا ۔

    اس سے قبل مفتی عبدالقوی کو مقتول اداکارہ قندیل بلوچ کے والد عظیم کے بیان کی روشنی میں دفعہ’’ 109 ت پ‘‘ یعنی اعانتِ جرم کا ملزم نامزد کیا تھا جبکہ مفتی عبدالقوی نے پولیس کی جانب سے مرتب کردہ تحریری سوال نامے کے جواب میں کہا تھاکہ قندیل بلوچ سے پہلی ملاقات ٹی وی پروگرام اور آخری تیرہ رمضان کو کراچی کے ہوٹل میں ہوئی تھی۔

    خیال رہے کہ مفتی عبدالقوی اور قندیل بلوچ کی ملاقات کی متنازعہ ویڈیو کے منظر عام پرآنے اور قندیل بلوچ کی جانب سے مفتی عبدالقوی کے لیے سخت بیان بھی سامنے آیا تھا، اسی پس منظر میں قندیل بلوچ کی والدہ نے بھی مفتی عبدلاقوی کو شامل تفتیش کرنے کی اپیل کی تھی۔

    مزید پڑھیں: ماڈل قندیل بلوچ کو قتل کر دیا گیا

    واضح رہے معروف ماڈل اور ممتاز شوبز شخصیت قندیل بلوچ کو اُن کے گھر واقع ملتان میں قتل کردیا گیا ،قندیل بلوچ اپنے والدین سے ملنے گھر آئی ہوئیں تھیں کہ رات سوتے ہوئے اُن کے بھائی نے وسیم نے گلا دبا کر قندیل بلوچ کو ہلاک کرکے گاؤں فرار ہو گیا تھا جہاں پولیس نے چھاپہ مار کارروائی میں ملزم کو گرفتار کرلیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

  • کراچی: گیتا کی بھارت حوالگی کی درخواست مسترد

    کراچی: گیتا کی بھارت حوالگی کی درخواست مسترد

    کراچی: مقامی عدالت نے گیتا کی بھارت حوالگی کی درخواست مسترد کر دی۔

    تفصیلات کے مطابق کراچی مقامی عدالت میں بھارتی خاتون گیتا کی حوالگی کیس کی سماعت ہوئی، مقامی عدالت نے بھارتی خاتون گیتا کا ریکارڈ بیان کیا، گیتا نے اشاروں سے اپنا بیان ریکارڈ کرایا، اشاروں کو سمجھنے والی ماہر خاتون کے ذریعے بیان قلم بند ہوا۔

    اس نے بتایا کہ فیصل ایدھی نے مجھے زبردستی نہیں رکھا ہوا تھا، میں فیصل ایدھی کے ساتھ گھر جانا چاہتی ہوں، بھارت میں گھر کا نمبر 193 ہے، اس نے اپنے بیان میں عدالت کو بتایا کہ وہ پندرہ سال سے پاکستان میں رہ رہی ہے اور اسے لاہور سے پولیس نے گرفتار کیا تھا اور پھر کراچی منتقل کرکے فلاحی ادارے کے حوالے کیا گیا۔

    عدالت نے درخواست گزار کے دلائل سننے کے بعد گیتا کی بھارت حوالگی کی درخواست مسترد کردی اور حکم دیا کہ اس کیلئے با قائدہ سفارتی اور حکومتی ذرائع اختیار کئے جائیں۔

    بھارتی وکیل کا کہنا ہے کہ گیتا کے خون کے نمونہ حوالے کئے جائیں، تاکہ گیتا کی مکمل معلومات حاصل کی جاسکیں کہ گیتا کا تعلق کس خاندان سے ہے۔

    یاد رہے کہ گیتا جو دیکھ کر بھارتی سرکار نے اپنے ہائی کمشنر کو کراچی بھیجا تھا، جس کے بعد کئی بھارتی خاندانوں نےفیصل ایدھی سے رابطے بھی کیے تھے، جنہیں گیتا نے پہچانے سے انکار کردیا تھا۔