Tag: Covid-19

واشنگٹن: بھارت میں کرونا وبا کے دوران کو وِڈ نائنٹین سے ہلاک ہونے والوں کی اصل تعداد سے متعلق ایک سنگین انکشاف سامنے آیا ہے۔

یونیورسٹی آف واشنگٹن کے انسٹیٹیوٹ فار ہیلتھ میٹرکس اینڈ ایویلویشن کا کہنا ہے کہ بھارت میں مرنے والوں کی تعداد 10 لاکھ سے زیادہ ہو سکتی ہے، جو کہ رپورٹ کی گئی تعداد سے تقریباً 3 گنا زیادہ ہے۔

رپورٹ تیار کرنے والے ماہر شماریات نے کہا ہے کہ بھارت میں کرونا سے ہلاک لاکھوں افراد کی گنتی ہی نہیں ہوئی، اموات سے متعلق 3 لاکھ 96 ہزار کا سرکاری ڈیٹا وبا سے ہوئی اموات کی حقیقی تعداد سے بہت کم ہے۔

بھارت میں اپنے چاہنے والوں سے محروم ہونے والے لوگوں، ماہرین صحت اور ماہر شماریات کا کہنا ہے کہ یہ حقیقی نمبر سے بہت کم ہے، اس سلسلے میں وال اسٹریٹ جرنل کی ایک رپورٹ میں کہا گیا ہے کہ اصل تعداد دس لاکھ سے بھی زیادہ ہو سکتی ہے۔

انسٹیٹیوٹ کے ڈائریکٹر کرسٹوفر مُرے نے بتایا کہ جیسے ہی اپریل میں پورے بھارت میں کرونا وائرس کے کیسز تیزی سے بڑھنے لگے، اسی دوران مشرقی ریاست بہار میں ایک 70 سالہ خاتون شیلا سنگھ کی اس کے گھر پر موت ہو گئی۔

جب کرونا وائرس کے لیے ایک ریپڈ انٹیجن ٹیسٹ کیا گیا تو یہ مثبت آیا، ساتھ میں ایک پھیپھڑے کے اسکین میں وائرل نمونیا اور کو وِڈ انفیکشن کے امکان کا اشارہ بھی ملا، تاہم شیلا سنگھ کی موت کو بھارت میں کو وِڈ سے ہونے والی اموات میں شمار ہی نہیں کیا گیا۔

ممبئی: بھارت میں کرونا ویکسین کے نام پر فراڈ کے واقعات بڑے پیمانے پر سامنے آ رہے ہیں، ایک ہفتے کے دوران مختلف شہروں میں ویکسین کیمپس پر اس حوالے سے کریک ڈاون کیا گیا ہے۔

تفصیلات کے مطابق ممبئی میں ایک کیمپ میں 2 ہزار افراد کو کرونا ویکسین کے نام پر پانی لگا دیا گیا، پولیس نے کیمپ پر چھاپا مار کر 10 افراد کو گرفتار کر لیا، جن میں ایک خاتون بھی شامل ہے۔

بھارتی فلم پروڈیوسر نے بھی شکایت درج کرائی کہ ممبئی میں کیمپ میں 365 افراد کو ویکسین لگائی گئی ہے، جس کے اب تک سرٹیفیکٹ نہیں ملے۔

کولکتہ میں بھی ویکسین کیمپ پر چھاپا مارا گیا، جہاں جعلی ویکسین لگائی جا رہی تھی، پولیس کا کہنا تھا کیمپ میں کووی شیلڈ ویکسین کی جگہ پانی سے بھرے انجیکشن لگائے جا رہے تھے۔

بھارت: کرونا مریضوں کو ریمڈیسیور کی جگہ پانی والے انجیکشنز دیے جانے لگے

یاد رہے کہ اپریل میں بھارت میں ریمڈیسیور انجیکشن کی جگہ بھی پانی والے انجیکشن لگانے کا واقعہ سامنے آیا تھا، ریاست اترپردیش کے شہر میرٹھ میں پانی کے انجیکشن لگانے والے اسپتال کے 2 ملازمین کو گرفتار بھی کیا گیا تھا، پانی کے انجیکشن کی وجہ سے کو وِڈ 19 کے 2 مریضوں کی موت بھی واقع ہوئی۔