ARYNews.tv | Urdu – Har Lamha Bakhabar

Tag: Covid-19

  • کرونا وائرس سے پاکستان میں مزید 140 افراد کا انتقال

    کرونا وائرس سے پاکستان میں مزید 140 افراد کا انتقال

    اسلام آباد: پاکستان میں کرونا وائرس کی وبا کی تیسری لہر زوروں پر ہے، گزشتہ چوبیس گھنٹوں کے دوران مزید 140 افراد انتقال کر گئے۔

    نیشنل کمانڈ اینڈ آپریشن سینٹر سے جاری اعداد و شمار کے مطابق گزشتہ روز ایک سو چالیس مریض جاں بحق ہوئے، جس کے بعد اموات کی مجموعی تعداد بڑھ کر 18 ہزار 677 ہوگئی ہے۔

    این سی او سی کا کہنا ہے کہ گزشتہ 24 گھنٹوں کے دوران کرونا کے 44 ہزار 846 ٹیسٹ کیے گئے، جن میں سے مثبت آنے والے کیسز کی تعداد 4 ہزار 298 رہی، جب کہ 24 گھنٹوں میں کرونا کے ٹیسٹ مثبت آنے کی شرح 9.58 فی صد رہی۔

    پاکستان میں کرونا وائرس کے مجموعی کیسز کی تعداد 8 لاکھ 50 ہزار 131 ہو گئی ہے، جن میں سے 7 لاکھ 47 ہزار 755 مریض صحت یاب ہو چکے ہیں۔

    این سی او سی کے مطابق تشویش ناک مریضوں کی تعداد 5 ہزار 177 ہے، جب کہ ملک میں فعال کیسز کی تعداد 83 ہزار 699 تک پہنچ گئی، اب تک ملک میں 1 کروڑ، 21 لاکھ 1 ہزار 832 کرونا ٹیسٹ کیے جا چکے ہیں۔

    کرونا وائرس سے سب زیادہ متاثرہ صوبہ پنجاب ہے جہاں کیسز کی تعداد 3 لاکھ 14 ہزار 517 ہو چکی ہے، صوبہ سندھ میں کیسز کی تعداد 2 لاکھ 89 ہزار 646 ہے۔

  • کرونا وائرس سے پاکستان میں مزید 108 افراد کا انتقال

    کرونا وائرس سے پاکستان میں مزید 108 افراد کا انتقال

    اسلام آباد: پاکستان میں کرونا وائرس کی وبا کی تیسری لہر زوروں پر ہے، گزشتہ چوبیس گھنٹوں کے دوران مزید 108 افراد انتقال کر گئے۔

    نیشنل کمانڈ اینڈ آپریشن سینٹر سے جاری اعداد و شمار کے مطابق گزشتہ روز ایک سو آٹھ مریض جاں بحق ہوئے، جس کے بعد اموات کی مجموعی تعداد بڑھ کر 18 ہزار 537 ہوگئی ہے۔

    این سی او سی کا کہنا ہے کہ گزشتہ 24 گھنٹوں کے دوران کرونا کے 46 ہزار 467 ٹیسٹ کیے گئے، جن میں سے مثبت آنے والے کیسز کی تعداد 4 ہزار 198 رہی، جب کہ 24 گھنٹوں میں کرونا کے ٹیسٹ مثبت آنے کی شرح 9.03 فی صد رہی۔

    پاکستان میں کرونا وائرس کے مجموعی کیسز کی تعداد 8 لاکھ 45 ہزار 833 ہو گئی ہے، جن میں سے 7 لاکھ 43 ہزار 124 مریض صحت یاب ہو چکے ہیں۔

    این سی او سی کے مطابق تشویش ناک مریضوں کی تعداد 5 ہزار 107 ہے، جب کہ ملک میں فعال کیسز کی تعداد 84 ہزار 172 تک پہنچ گئی، اب تک ملک میں 1 کروڑ، 20 لاکھ 56 ہزار 986 کرونا ٹیسٹ کیے جا چکے ہیں۔

    کرونا وائرس سے سب زیادہ متاثرہ صوبہ پنجاب ہے جہاں کیسز کی تعداد 3 لاکھ 12 ہزار 522 ہو چکی ہے، صوبہ سندھ میں کیسز کی تعداد 2 لاکھ88 ہزار 680 ہے۔

  • کرونا ویکسین کی ٹیکنالوجی دنیا میں بانٹنے سے متعلق امریکی فیصلہ، ویکسین بنانے والی کمپنیوں میں ہلچل

    کرونا ویکسین کی ٹیکنالوجی دنیا میں بانٹنے سے متعلق امریکی فیصلہ، ویکسین بنانے والی کمپنیوں میں ہلچل

    واشنگٹن: کرونا ویکسین کی ٹیکنالوجی دنیا بھر میں بانٹنے سے متعلق امریکی فیصلے نے ویکسین بنانے والی کمپنیوں میں ہلچل مچا دی ہے۔

    تفصیلات کے مطابق امریکا کرونا وبا کے خاتمے کے لیے دنیا میں ویکسین کی آسان رسائی کے لیے کوشاں نظر آ رہا ہے، بائیڈن انتظامیہ کرونا ویکسین سے پیٹنٹ پروٹیکشن ہٹانے کے لیے متحرک ہو گئی۔

    امریکی نمائندہ تجارت کیتھرین تائی نے ڈبلیو ٹی او (ورلڈ ٹریڈ آرگنائزیشن) کے بند کمرہ اجلاس کے بعد بیان جاری کرتے ہوئے کہا وبا کے خاتمے کے لیے پیٹنٹ پروٹیکشن ہٹانی ہوگی، ڈبلیو ٹی او کے تحت ویکسین سے پیٹنٹ پروٹیکشن عارضی طور پر ہٹائی جائے۔

    کیتھرین تائی کا کہنا تھا کرونا ویکسین کی ٹیکنالوجی بانٹنے کا فیصلہ دنیا سے کرونا کے خاتمے کے لیے کیا گیا ہے، اس اقدام سے ہر ملک ویکسین تیار کر کے شہریوں کو لگا سکے گا، دنیا صحت کے بحران سے دوچار ہے، ہمیں غیر معمولی اقدامات کرنا ہوں گے۔

    امریکی نمائندہ تجارت نے کہا بائیڈن انتظامیہ چاہتی ہے دنیا کے ہر شخص کے لیے ویکسین میسر ہو۔

    تاہم دوسری طرف کرونا ویکسین بنانے والی انڈسٹری نے بائیڈن انتظامیہ کے فیصلے کی شدید مخالفت کی ہے، امریکی فارما سوٹیکل مینوفیکچررز کا کہنا ہے کہ کرونا ویکسین کی تیاری ایک پیچیدہ معاملہ ہے۔

    اس فیصلے کے بعد امریکا میں ویکسین بنانے والی کمپنیوں کے شیئرز بھی گر گئے ہیں، فائزز، بائیو این ٹیک اور دیگر ویکسین مینوفیکچررز کے شیئرز کی قیمتوں میں کمی دیکھی گئی۔

  • کورونا کی تیسری لہر ، یونیورسٹی کے طلبا کو فیسوں میں بڑا ریلیف مل گیا

    کورونا کی تیسری لہر ، یونیورسٹی کے طلبا کو فیسوں میں بڑا ریلیف مل گیا

    لاہور : پنجاب یونیورسٹی نے طلبا کو فیس میں 20 فیصد رعایت دے دی اور کہا 5مئی سے طلبہ سے ہاسٹل خالی کرائے جائیں گے، صرف بین الاقوامی طلباکو ہاسٹلز میں رہنے کی اجازت ہوگی۔

    تفصیلات کے مطابق کورونا وبا کے پیش نظر پنجاب یونیورسٹی نے طلباکو ریلیف دیتے ہوئے فیس میں 20 فیصد رعایت دے دی، ترجمان کا کہنا ہے کہ عید الفطر کی چھٹیوں کے باعث 6 مئی سے آن لائن کلاسز نہیں ہوں گی اور 5مئی سے طلبہ سے ہاسٹل خالی کرائے جائیں گے، صرف بین الاقوامی طلباکو ہاسٹلز میں رہنے کی اجازت ہوگی۔

    گذشتہ روز کورونا کی تیسری لہر میں وزارت تعلیم نے بڑا فیصلہ کرتے ہوئے اسلام آباد کےنجی تعلیمی اداروں کی فیسوں میں 20فیصد کمی کا اعلان کرتے ہوئے اس حوالے سے نوٹی فکیشن بھی جاری کردیا تھا ۔

    نوٹی فکیشن میں کہا گیا تھا کہ اپریل اور مئی کے فیسوں میں 20فیصد کمی کی جائے اور فیسوں میں کمی کا اطلاق 8ہزار زائدفیسوں والےاداروں پرہوگا۔

  • کویت میں کرونا ویکسین نہ لگوانے والے شہریوں پر اہم پابندی عائد

    کویت میں کرونا ویکسین نہ لگوانے والے شہریوں پر اہم پابندی عائد

    کویت سٹی: کویت میں کرونا ویکسین نہ لگوانے والے شہریوں کے سفر پر پابندی عائد کر دی گئی۔

    تفصیلات کے مطابق کویت نے کرونا ویکسین نہ لگوانے والے کویتی شہریوں، ان کے رشتہ داروں اور گھریلو ملازمین پر بیرون ملک سفر پر پابندی لگا دی۔

    کویتی کابینہ کے اجلاس میں ہونے والے فیصلے کے مطابق اس پابندی پر 22 مئی 2021 سے عمل درآمد شروع ہوگا، اور اس سے وہ لوگ مستثنیٰ ہوں گے جن کے لیے ویکسین لینا ضروری نہیں ہے۔

    کابینہ اجلاس میں غیر ملکیوں کے کویت آنے پر پابندی میں توسیع کا بھی فیصلہ کیا گیا ہے، دریں اثنا بیرون ملک سفر کے لیے ویکسین لگوانے والوں کے حوالے سے تفصیلات بھی جاری کر دی گئیں۔

    کویت میں ویکسینیشن سرٹیفکیٹ کے حصول کیلئے منفرد ایپ متعارف

    وہ شہری بیرون ملک سفر کر سکتے ہیں جنھوں نے 2 خوراکیں لیں اور دوسری خوراک پر 2 ہفتے سے زیادہ گزر گئے ہیں، وہ شہری جنھوں نے ویکسین کی ایک خوراک لی ہو اور 5 ہفتے سے زیادہ گزر گئے ہوں۔

    وہ شہری جو کرونا میں مبتلا ہو کر صحت یاب ہوئے اور ویکسین کی ایک خوراک لے چکے ہوں اور انھیں 2 ہفتے سے زیادہ گزر چکے ہوں۔

  • کرونا وائرس: جسمانی وزن کے حوالے سے ایک اور تشویش ناک تحقیق

    کرونا وائرس: جسمانی وزن کے حوالے سے ایک اور تشویش ناک تحقیق

    کرونا وائرس کے حوالے سے نئی نئی ریسرچز جاری ہیں، ماہرین نے موٹاپے کو کرونا وائرس کے حوالے سے اہم خطرہ قرار دیا تھا تاہم اب ماہرین نے کہا ہے کہ معمولی سا زیادہ وزن بھی کرونا وائرس کے خطرات کو بڑھا سکتا ہے۔

    حال ہی میں ہونے والی ایک تحقیق کے مطابق جسمانی وزن کووڈ 19 کے شکار افراد میں بیماری کی شدت پر اثر انداز ہونے والا عنصر ہے۔

    طبی جریدے دی لانسیٹ ڈائیبیٹس اینڈ اینڈوکرونولوجی جرنل میں شائع تحقیق میں 20 ہزار سے زیادہ کووڈ 19 کے مرریضوں کے ڈیٹا کا تجزیہ کیا گیا تھا، یہ مریض کووڈ 19 کی پہلی لہر کے دوران اسپتال میں زیر علاج رہے یا ہلاک ہوگئے۔

    تحقیق میں دریافت کیا گیا کہ زیادہ جسمانی وزن کے ساتھ ساتھ کم جسمانی وزن بھی کووڈ 19 کے مریضوں میں سنگین نتائج کا خطرہ بڑھاتا ہے۔

    تحقیق میں بتایا گیا کہ 20 سے 39 سال کی عمر کے افراد میں زیادہ جسمانی وزن کے نتیجے میں کووڈ 19 کی سنگین شدت کا خطرہ بہت زیادہ ہوتا ہے تاہم 60 سال سے زائد عمر کے افراد میں کم ہوتا ہے۔

    آکسفورڈ یونیورسٹی کی اس تحقیق میں شامل ماہرین کا کہنا تھا کہ نتائج سے ثابت ہوتا ہے کہ جسمانی وزن میں معمولی اضافہ بھی کووڈ 19 کی سنگین پیچیدگیوں کا خطرہ بڑھا سکتا ہے اور وزن میں جتنا اضافہ ہوگا، خطرہ اتنا زیادہ بڑھ جائے گا۔

    انہوں نے بتایا کہ 40 سال سے کم عمر افراد میں اضافی وزن سے خطرہ زیادہ بڑھ جاتا ہے تاہم 80 سال کی عمر کے افراد میں اس سے بیماری کے نتائج پر کوئی اثرات مرتب نہیں ہوتے۔

    ان کا کہنا تھا کہ ویکسینیشن پالیسیوں میں موٹاپے کے شکار افراد کو ترجیح دی جانی چاہیئے۔

    اس تحقیق میں یہ بھی کہا گیا کہ باڈی ماس انڈیکس میں 23 کلو گرام یا اس سے زیادہ جسمانی وزن والے افراد کو زیادہ سنگین نتائج کا سامنا ہوا۔

    محققین کا کہنا تھا کہ ابھی یہ نہیں جانتے کہ جسمانی وزن میں کمی لانا کووڈ 19 کی سنگین شدت کا خطرہ کم کرسکتا ہے یا نہیں مگر یہ قابل قبول محسوس ہوتا ہے، جبکہ اس کے دیگر طبی فوائد بھی ہوتے ہیں۔

  • کرونا وبا میں لوگوں کی آمدنی کتنی کم ہوئی؟ اہم رپورٹ جاری

    کرونا وبا میں لوگوں کی آمدنی کتنی کم ہوئی؟ اہم رپورٹ جاری

    واشنگٹن: امريکی کمپنی ’گيلپ‘ کے ايک تازہ سروے میں انکشاف کیا گیا ہے کہ کرونا وبا کے دوران دنيا کے ہر دوسرے شخص کی آمدنی ميں کمی واقع ہوئی۔

    تفصیلات کے مطابق گيلپ کے ايک تازہ سروے میں کہا گیا ہے کہ کرونا وبا کے دوران آمدنی ميں سب سے زيادہ کمی تھائی لينڈ ميں ہوئی ہے، جب کہ مہلک ترین عالمی وبا کے دوران دنيا کے ہر دوسرے شخص کی آمدنی ميں کمی واقع ہوئی۔

    گيلپ کے سروے کے مطابق آمدنی ميں سب سے زيادہ کمی تھائی لينڈ ميں ديکھی گئی، جہاں لوگوں کی ماہانہ تنخواہ ميں 76 في صد تک کمی آئی، جب کہ سب سے کم کمی سوئٹزرلينڈ ميں ديکھی گئی، جہاں يہ تناسب 10 في صد رہا۔

    گيلپ کا کہنا ہے کہ آمدنی ميں کمی سے دنیا بھر میں متاثر ہونے والوں کی تعداد 1.6 بلين بنتی ہے، غريب ممالک کرونا وبا سے زیادہ متاثر ہوئے، جب کہ عورتيں مردوں کے مقابلے ميں زيادہ متاثر ہوئيں۔

    وہ ملک جس کا کرونا بھی کچھ نہ بگاڑ سکا

    واضح رہے کہ گيلپ نے اس سروے کے لیے 117 ممالک ميں 3 لاکھ افراد سے ان کی رائے لی تھی۔

    کرونا وبا سے دنیا بھر میں 220 ممالک اور علاقوں میں اب تک 32 لاکھ، 27 ہزار 200 افراد ہلاک ہو چکے ہیں، جب وائرس مجموعی طور پر 15 کروڑ 41 لاکھ 97 ہزار افراد کو متاثر کر چکا ہے، جن میں 13 کروڑ 16 لاکھ اور 17 ہزار مریض صحت یاب ہو چکے ہیں۔

  • کرونا وائرس سے پاکستان میں مزید 161 افراد کا انتقال

    کرونا وائرس سے پاکستان میں مزید 161 افراد کا انتقال

    اسلام آباد: پاکستان میں کرونا وائرس کی وبا کی تیسری لہر زوروں پر ہے، گزشتہ چوبیس گھنٹوں کے دوران مزید 161 افراد انتقال کر گئے۔

    نیشنل کمانڈ اینڈ آپریشن سینٹر سے جاری اعداد و شمار کے مطابق گزشتہ روز ایک سو اکسٹھ مریض جاں بحق ہوئے، جس کے بعد اموات کی مجموعی تعداد بڑھ کر 18 ہزار 310 ہوگئی ہے۔

    این سی او سی کا کہنا ہے کہ گزشتہ 24 گھنٹوں کے دوران کرونا کے 37 ہزار 587 ٹیسٹ کیے گئے، جن میں سے مثبت آنے والے کیسز کی تعداد 3 ہزار 377 رہی، جب کہ 24 گھنٹوں میں کرونا کے ٹیسٹ مثبت آنے کی شرح 8.98 فی صد رہی۔

    پاکستان میں کرونا وائرس کے مجموعی کیسز کی تعداد 8 لاکھ 37 ہزار 523 ہو گئی ہے، جن میں سے 7 لاکھ 33 ہزار 62 مریض صحت یاب ہو چکے ہیں۔

    این سی او سی کے مطابق تشویش ناک مریضوں کی تعداد 5 ہزار 326 ہے، جب کہ ملک میں فعال کیسز کی تعداد 86 ہزار 151 تک پہنچ گئی، اب تک ملک میں 1 کروڑ، 19 لاکھ 65 ہزار 682 کرونا ٹیسٹ کیے جا چکے ہیں۔

    کرونا وائرس سے سب زیادہ متاثرہ صوبہ پنجاب ہے جہاں کیسز کی تعداد 3 لاکھ 8 ہزار 529 ہو چکی ہے، صوبہ سندھ میں کیسز کی تعداد 2 لاکھ65 ہزار 521 ہے۔

  • کرونا وائرس سے پاکستان میں مزید 79 افراد کا انتقال

    کرونا وائرس سے پاکستان میں مزید 79 افراد کا انتقال

    اسلام آباد: پاکستان میں کرونا وائرس کی وبا کی تیسری لہر ہلاکت خیز ثابت ہو رہی ہے، گزشتہ چوبیس گھنٹوں کے دوران مزید 79 مریض انتقال کر گئے۔

    نیشنل کمانڈ اینڈ آپریشن سینٹر سے جاری اعداد و شمار کے مطابق گزشتہ روز اُناسی مریض جاں بحق ہوئے، جس کے بعد اموات کی مجموعی تعداد بڑھ کر 18 ہزار 149 ہوگئی ہے۔

    این سی او سی کا کہنا ہے کہ گزشتہ 24 گھنٹوں کے دوران کرونا کے 45 ہزار 954 ٹیسٹ کیے گئے، جن میں سے مثبت آنے والے کیسز کی تعداد 4 ہزار 213 رہی، جب کہ 24 گھنٹوں میں کرونا کے ٹیسٹ مثبت آنے کی شرح 9.16 فی صد رہی۔

    پاکستان میں کرونا وائرس کے مجموعی کیسز کی تعداد 8 لاکھ 34 ہزار 146 ہو گئی ہے، جن میں سے 7 لاکھ 28 ہزار 44 مریض صحت یاب ہو چکے ہیں۔

    این سی او سی کے مطابق تشویش ناک مریضوں کی تعداد 5 ہزار 377 ہے، جب کہ ملک میں فعال کیسز کی تعداد 87 ہزار 953 تک پہنچ گئی، اب تک ملک میں 1 کروڑ، 19 لاکھ 28 ہزار 95 کرونا ٹیسٹ کیے جا چکے ہیں۔

    کرونا وائرس سے سب زیادہ متاثرہ صوبہ پنجاب ہے جہاں کیسز کی تعداد 3 لاکھ 6 ہزار 929 ہو چکی ہے، صوبہ سندھ میں کیسز کی تعداد 2 لاکھ 85 ہزار 626 ہے۔

  • کرونا وائرس سے پاکستان میں مزید 113 افراد کا انتقال

    کرونا وائرس سے پاکستان میں مزید 113 افراد کا انتقال

    اسلام آباد: پاکستان میں کرونا وائرس کی وبا کی تیسری لہر ہلاکت خیز ثابت ہو رہی ہے، اموات میں مسلسل اضافہ جاری ہے، گزشتہ چوبیس گھنٹوں کے دوران مزید 113 مریض انتقال کر گئے۔

    نیشنل کمانڈ اینڈ آپریشن سینٹر سے جاری اعداد و شمار کے مطابق گزشتہ روز ایک سو تیرہ مریض جاں بحق ہوئے، جس کے بعد اموات کی مجموعی تعداد بڑھ کر 18 ہزار 70 ہوگئی ہے۔

    این سی او سی کا کہنا ہے کہ گزشتہ 24 گھنٹوں کے دوران کرونا کے 45 ہزار 275 ٹیسٹ کیے گئے، جن میں سے مثبت آنے والے کیسز کی تعداد 4 ہزار 414 رہی، جب کہ 24 گھنٹوں میں کرونا کے ٹیسٹ مثبت آنے کی شرح 9.74 فی صد رہی۔

    پاکستان میں کرونا وائرس کے مجموعی کیسز کی تعداد 8 لاکھ 29 ہزار 933 ہو گئی ہے، جن میں سے 7 لاکھ 22 ہزار 202 مریض صحت یاب ہو چکے ہیں۔

    این سی او سی کے مطابق تشویش ناک مریضوں کی تعداد 5 ہزار 448 ہے، جب کہ ملک میں فعال کیسز کی تعداد 98 ہزار 661 تک پہنچ گئی، اب تک ملک میں 1 کروڑ، 18 لاکھ 82 ہزار 141 کرونا ٹیسٹ کیے جا چکے ہیں۔

    کرونا وائرس سے سب زیادہ متاثرہ صوبہ پنجاب ہے جہاں کیسز کی تعداد 3 لاکھ 4 ہزار 889 ہو چکی ہے، صوبہ سندھ میں کیسز کی تعداد 2 لاکھ 84 ہزار 738 ہے۔