ARYNews.tv | Urdu – Har Lamha Bakhabar

Tag: crackdown

  • اے این ایف کا بڑا کریک ڈاؤن، 33 کروڑ کی منشیات برآمد

    اے این ایف کا بڑا کریک ڈاؤن، 33 کروڑ کی منشیات برآمد

    اینٹی نارکوٹکس فورس (اے این ایف) نے مختلف شہروں میں منشیات اسمگلنگ کے خلاف کریک ڈاؤن کرتے ہوئے 33 کروڑ روپے کی منشیات برآمد کرلی۔

    تفصیلات کے مطابق اے این ایف کا ملک کے مختلف شہروں میں منشیات اسمگلنگ کے خلاف کریک ڈاؤن جاری ہے جہاں 6 کاروائیوں کے دوران 2 افغانی غیر ملکی باشندوں سمیت 6 ملزمان گرفتار کرلئے گئے۔

    ترجمان اے این ایف ہیڈ کوارٹر کے  مطابق کاروائیوں میں 33 کروڑ 68 لاکھ روپے سے زائد مالیت کی تقریباً  248  کلو گرام منشیات، جناح انٹرنیشنل ایئرپورٹ کراچی پر برطانیہ جانے والے افغانی نژاد برطانوی شہری سے 990 نشہ آور گولیاں برآمد کرلی گئیں۔

    اپر مال لاہور میں واقع کوریئر آفس میں قطر بیجھے جانیوالے پارسل سے 800 گرام آئس، سہراب گوٹھ بس ٹرمینل کراچی کے قریب افغان باشندے سے 3.600 کلو گرام چرس برآمد کی گئی۔

    موٹروے ٹول پلازہ اسلام کے قریب گاڑی سے 2.4 کلوگرام چرس برآمد ہوئی جبکہ 2 ملزمان گرفتار کر لئے گئے، نیازی اڈہ لاہور کے قریب 2 ملزمان کے سامان سے 700 گرام آئس، کلی دمان چمن میں اسمگلنگ کیلئے چھپائی گئی 240 کلوگرام ہیروئن برآمد کرلی گئی۔

    ترجمان اے این ایف کے مطابق گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔

  • کراچی میں غیر قانونی پورشن مافیا کیخلاف مؤثر کارروائیاں

    کراچی میں غیر قانونی پورشن مافیا کیخلاف مؤثر کارروائیاں

    کراچی : ضلع وسطی کی پولیس اور سندھ بلڈنگ کنٹرول اتھارٹی نے گزشتہ روز پورشن مافیا کے خلاف کریک ڈاؤن کرتے ہوئے متعدد کاروائیاں کیں۔

    مختلف علاقوں میں کارروائی کرتے ہوئے پورشن کی آڑ میں غیر قانونی تعمیرات کرنے والے 19 ملزمان کے خلاف 3 مقدمات درج جبکہ 13 ملزمان کو گرفتار کرلیا گیا ہے۔

    اس حوالے سے چیئرمین آباد حسن بخشی نے سندھ بلڈنگ کنٹرول اتھارٹی کے اس اقدام کا خیر مقدم کیا ان کا کہنا ہے کہ ایس بی سی اے کی کارروائیاں قابل تعریف ہیں۔

    ایس بی سی اے

    انہوں نے کہا کہ غیر قانونی تعمیرات میں ملوث عناصر کی گرفتاریاں لائق تحسین ہیں، انتظامیہ سے استدعا ہے کہ ان کارروائیوں کو محض ضلع وسطی تک ہی محدود نہ کیا جائے۔

    حسن بخشی کا کہنا تھا کہ پورے شہر میں غیر قانونی تعمیرات میں ملوث عناصر کیخلاف بھرپور کارروائی کی جائے۔ ایسے اقدامات سے عوام کا حکومت پر اعتماد بحال ہوگا۔

  • ناقص دودھ فروخت کرنے والوں کے خلاف کریک ڈاؤن

    ناقص دودھ فروخت کرنے والوں کے خلاف کریک ڈاؤن

    جہلم: پنجاب فوڈ اتھارٹی کی جانب سے ناقص دودھ فروخت کرنے والوں کے خلاف کارروائیوں کا سلسلہ جاری ہے۔ 3500 لیٹر ناقص دودھ جی ٹی روڈ پر تلف کردیا گیا۔

    اے آر وائی نیوز کے مطابق پنجاب فوڈ اتھارٹی کے ترجمان کا کہنا ہے کہ کارروائیاں داخلی راستوں پر ناکے لگا کر کی گئیں ہیں۔

    ترجمان کے مطابق 9 دودھ بردار گاڑیوں میں 30 ہزار لیٹر دودھ کو چیک کیا گیا ہے، 6 دودھ بردار گاڑیوں کو 1 لاکھ 45 ہزار جرمانہ عائد کیا گیا ہے۔

    اس سے قبل گزشتہ ماہ کراچی کے علاقے سکھن بھینس کالونی کے باڑے میں زہریلا دودھ پلا کر مویشی چوری کا منصوبہ بنانے والے پانچ ملزمان کو گرفتار کرلیا گیا تھا۔

    فوڈ اتھارٹی نے دودھ کے نمونے حاصل کرکے ابتدائی رپورٹ تیار کی، جس میں بتایا گیا کہ دودھ میں زہر کے اجزا پائے گئے ہیں، ممکنہ طور پر کسی نے ملازمین کے پینے کیلئے رکھے دودھ میں پاؤڈر نما سفوف ملایا تھا۔

    تاہم پولیس نے معاملہ حل کرانے میں ملوث 5 ملزمان گرفتار کرلیا، ایس ایس پی ملیر کاشف آفتاب نے بتایا کہ ملزمان سے بڑی تعداد میں بوسٹن انجکشن، زہریلے کیمیکل اور غیرقانونی اسلحہ برآمد کیا۔

    ایس ایس پی ملیر کا کہنا تھا کہ باڑے کے ملازمین نے ملزمان کیساتھ ملکرمویشی چوری کا منصوبہ بنایا، مبینہ طور پر ملازمین نے زہریلا دودھ پلا کر چوری کی واردات کرنا تھی۔

    لاڑکانہ میں سب سے مہنگا دودھ، کراچی میں سب سے مہنگی دہی: ویڈیو رپورٹ

    ایم ایل اورپورٹ کے مطابق دودھ میں زہر شامل تھا جبکہ سندھ فوڈ اتھارٹی نے بھی موقع سے دودھ کے نمونے اکھٹے کرلیے تاہم حراست میں لئے گئے ملوث افراد سے مزید تفتیش کی جارہی ہے۔

  • برطانیہ میں بھی غیر قانونی تارکین وطن کیخلاف کریک ڈاؤن

    برطانیہ میں بھی غیر قانونی تارکین وطن کیخلاف کریک ڈاؤن

    برطانیہ میں بھی امریکہ کی طرح غیر قانونی تارکین وطن کے خلاف کارروائیوں کا سلسلہ جاری ہے، ہزاروں افراد کو روزانہ کی بنیاد پر حراست میں لیا جارہا ہے۔

    بین الاقوامی خبر رساں ادارے کی رپورٹ کے مطابق غیر قانونی مہاجرین نے گرفتاری سے بچنے کے لیے جدوجہد شروع کردی ہے۔

    رپورٹس کے مطابق ہوم آفس نے ان غیر قانونی مہاجرین کو گرفتار کرنے کے لیے امیگریشن انفورسمنٹ قائم کر دی ہے جس میں تقریباً ایک ہزار افراد کو بھرتی کیا گیا ہے۔ باربر شاپ ورکشاپ ریسٹورنٹ بسوں کے اڈے ٹیکسی اسٹینڈ کے علاوہ دیگر مقامات پر کارروائیاں کی جارہی ہیں۔

    واضح رہے کہ برطانیہ میں غیر قانونی مہاجرین کی تعداد میں اس وقت اضافہ ہونا شروع ہو گیا جب لیبر کی حکومت قائم ہوئی۔ غیر قانونی مہاجرین کو کو یہ یقین تھا کہ لیبر حکومت کی جانب سے نہیں ریلیف دیا جائے گا۔

    غیر ملکی میڈیا کے مطابق یو کے سے ہر ہفتہ 500 کے قریب غیر قانونی مہاجرین کو بے دخل کیا جا رہا ہے، 2023 میں تقریباً 26 ہزار غیر قانونی مہاجرین کو ان کے ممالک میں بھجوایا گیا تھا۔

    دوسری جانب ٹرمپ اور پیٹرو تنازع کے بعد امریکی ملک بدری کی پروازیں کولمبیا میں لینڈ کر گئیں۔

    رپورٹس کے مطابق دونوں ممالک میں بڑی سفارتی کشمکش کے بعد تارکین وطن کو لے کر امریکہ سے کولمبیا ڈی پورٹ ہونے والی اولین پروازیں دارالحکومت بوگوٹا پہنچ گئی ہیں۔

    کولمبیا کی حکومت نے منگل کو تصدیق کی کہ تارکین وطن کو لے کر دو طیارے اترے ہیں۔ کُل 201 تارکین وطن جن میں 110 کیلیفورنیا سے اور 90 ٹیکساس سے بھیجے گئے ہیں جو جہاز میں سوار تھے۔

    کولمبیا نے ہفتے کے آخر میں تارکین وطن کو لے جانے والے امریکی فوجی طیاروں کو مسترد کر دیا تھا اور یہ دلیل دی تھی کہ ان کے مسافروں کے ساتھ مجرموں جیسا سلوک نہیں کیا جانا چاہیے۔

    مبینہ طور پر لاطینی امریکہ جانے والی کچھ پروازوں میں تارکین وطن کو ہتھکڑیاں لگا کر لے جایا گیا۔

    اسرائیل نے شام کے اہم علاقے پر قبضہ کرلیا

    وائٹ ہاؤس سے جاری بیان کے مطابق کولمبیا تارکین وطن کو کسی رکاوٹ کے بغیر قبول کرے گا اور اب امریکا نے کولمبیا پر پابندیاں اور ٹیرف لگانیکا معاملہ روک دیا ہے۔

  • امریکا میں غیرقانونی تارکینِ وطن کیخلاف کریک ڈاؤن جاری

    امریکا میں غیرقانونی تارکینِ وطن کیخلاف کریک ڈاؤن جاری

    امریکا میں غیر قانونی تارکینِ وطن کے خلاف کارروائیوں کا سلسلہ جاری ہے، پہلے مرحلے میں ایک لاکھ کے قریب غیر قانونی افراد کو ملک بدر کرنے کا ہدف مقرر کیا گیا ہے۔

    بین الاقوامی خبر رساں ادارے کی رپورٹ کے مطابق امریکی صدر ڈونلڈ ٹرمپ کے حلف اٹھانے کے صرف 6 دن کے بعد ان کی جانب جاری سخت احکامات کے تحت غیرقانونی تارکین وطن کے سخت کارروائی کا آغاز کردیا گیا تھا۔

    رپورٹس کے مطابق امریکا بھر سے اب تک 2 ہزار سے زائد غیرقانونی تارکین وطن کو حراست میں لے کر ملک بدر کیا جارہا ہے۔

    امریکی صدر جلد از جلد تقریبا 1 لاکھ سے زائد غیر قانونی تارکینِ وطن کو ملک بدر کرنے کا ارادہ رکھتے ہیں۔ اس وقت امریکا میں تقریباً 1 لاکھ 70 ہزار سے زائد غیر قانونی تارکینِ وطن مقیم ہیں، جن میں سب سے زیادہ ٹیکساس اور کیلی فورنیا میں رہائش پذیر ہیں۔

    رپورٹس کے مطابق ریپبلکن اکثریتی ریاست ٹیکساس، میں میکسیکو سمیت دیگر ہسپانوی بولنے والے ممالک کے غیر قانونی تارکینِ وطن کی ایک بڑی تعداد رہائش پذیر ہے، یہاں گورنر کی حمایت سے کئی ایکڑ پر مشتمل حراستی مراکز (ڈیٹینشن سینٹرز) بنائے گئے ہیں تاکہ غیر قانونی تارکینِ وطن کو ان کے ملک بھیجنے تک عارضی طور پر قید رکھا جائے۔

    ٹیکساس میں اس وقت امیگرینٹ کمیونٹی میں زبردست خوف و ہراس پیدا ہوگیا ہے، فورٹ ورتھ شہر کے ایک عارضی استاد نے امیگریشن اور کسٹمز انفورسمنٹ (ICE) کو اپنے اسکول پر چھاپہ مارنے کی دعوت دی ہے۔

    یمنی حوثیوں نے 153 جنگی قیدی رہا کردیے

    سوشل میڈیا پلیٹ فارم ایکس کی پوسٹ میں ٹیچر نے لکھا کہ میرے کئی طالبعلم انگریزی بھی نہیں بول سکتے اور وہ 10ویں اور 11ویں جماعت میں ہیں، انہیں بات کرنے کے لیے آئی فون کے مترجم کا استعمال کرنا پڑتا ہے۔

  • مصر میں بڑے پیمانے پر کریک ڈاؤن کا آغاز

    مصر میں بڑے پیمانے پر کریک ڈاؤن کا آغاز

    مصری وزارت داخلہ کی جانب سے سوشل میڈیا پر’بچوں کو گود لینے‘ اور فروخت کرنے والوں کے خلاف بڑے پیمانے پر کریک ڈاؤن کا آغاز کردیا گیا ہے۔

    غیر ملکی ذرائع ابلاغ کے مطابق ابتدائی طورپر 9 افراد کو اس حوالے سے گرفتار کرلیا گیا ہے، جن کے فیس بک پیجز پر اس قسم کا مواد اپ لوڈ ہوا تھا۔

    رپورٹس کے مطابق وزارت داخلہ کا کہنا ہے کہ یتیم بچوں کو گود لینے کے حوالے سوشل میڈیا اکاونٹس پر مہم چلانے کے الزام میں 9 افراد کو گرفتار کرکے تحقیقات شروع کردی گئی ہیں۔

    ابتدائی تحقیقات میں اس بات کا انکشاف ہوا ہے کہ سوشل میڈیا پر اپ لوڈ ہونے والے پیجز اصل نہیں۔

    ابتدائی تحقیقات کے مطابق لوگوں کو لوٹنے کے لیے ان پیجز کا سہارا لیا گیا جس میں یتیم بچوں کو گود لینے کی ترغیب دی گئی تھی۔

    وزارت داخلہ کے مطابق سوشل میڈیا پر بنائے گئے پیجز کے ایڈمنز کو قانونی ادارے کے حوالے کیا گیا ہے جہاں ان سے جامع انداز میں تحقیقات ہورہی ہیں، تاکہ اصل حقائق معلوم ہوسکیں۔

    یاد رہے کہ گزشتہ چند دنوں سے فیس بک پر متعدد پیجز وائرل ہو رہے تھے جن میں ایک شیر خوار بچے کو دکھا کر اسے گود لینے کے لیے رقم کا مطالبہ بھی کیا جارہا تھا۔

    ٹک ٹاک پر پابندی، امریکی سپریم کورٹ کا فیصلہ آگیا

    مصریوں کی جانب سے سوشل میڈیا پر اس قسم کی غیرمعقول مہم پر سخت رد عمل کا اظہار کرتے ہوئے ان لوگوں کے خلاف سخت کارروائی کرنے کا مطالبہ کیا تھا۔

  • حکومت کا پلاسٹک بیگز کے استعمال پر پابندی پر عمل درآمد سخت کرنے کا فیصلہ

    حکومت کا پلاسٹک بیگز کے استعمال پر پابندی پر عمل درآمد سخت کرنے کا فیصلہ

    اسلام آباد: وفاقی حکومت نے پولیتھین بیگز کے استعمال پر پابندی پر عملدرآمد سخت کرنے کا فیصلہ کر لیا۔

    تفصیلات کے مطابق وزارت موسمیاتی تبدیلی نے وفاقی وزارتوں اور محکموں کو مراسلہ بھیج دیا جس میں کہا گیا کہ پلاسٹک پر پابندی کے اقدام پر عملدرآمد تیز کیا جائے۔

    مراسلے کے مطابق وزارت موسمیاتی تبدیلی نے 2019 میں اسلام آباد میں پلاسٹک کے بیگز کے استعمال پر پابندی عائد کی تھی۔

    کیا ہم غذا کے نام پر پلاسٹک کھا رہے ہیں؟ ماہرین کا ہولناک انکشاف

    وزارت موسمیاتی تبدیلی نے کہا کہ ایک مرتبہ استعمال ہونے والے پولیتھین بیگز کے دوبارہ استعمال پر پابندی عائد کی گئی، پولیتھین بیگز کے استعمال پر پابندی پلاسٹک ریگولیشنز 2003 کے تحت لگائی گئی۔

    مراسلے میں یہ بھی کہا گیا ہے کہ وفاقی وزارتیں اور محکمے پابندی سے متعلق ریگولیشنز پر سختی سے عمل کریں۔

     

  • ملک بھر میں 83 ہزار سے زائد بجلی چور گرفتار، اربوں کی وصولی

    ملک بھر میں 83 ہزار سے زائد بجلی چور گرفتار، اربوں کی وصولی

    اسلام آباد: ملکی معیشت کی بحالی کیلئے حکومت نے ملک بھر میں بجلی چوروں کیخلاف سخت کریک ڈاؤن کا آغاز کردیا ہے۔

    اے آر وائی نیوز کے مطابق حکومت اورعسکری قیادت کے اقدامات کے ثمرات آشکار ہونا شروع ہوگئے، بجلی نادہندگان سے 107 ارب 54 کروڑ روپے وصول کرلئے گئے جبکہ 83 ہزار سے زائد بجلی چور گرفتار کئے گئے۔

    اگست کے دوران متعلقہ اداروں نے بجلی چوروں سے1 ارب 3 کروڑ سے زائد رقم وصول کی، لاہور، گوجرانوالہ، فیصل آباد، ملتان اوراسلام آباد میں بجلی چوروں سے رقم وصول کی گئی۔

    بجلی چوروں سے پشاور، حیدرآباد، سکھر اور کوئٹہ سے 68 کروڑ روپے وصول ہوئے، متعلقہ ادارے بجلی چوروں کے مکمل خاتمے تک اپنی کارروائیاں جاری رکھنے کیلئے پرعزم ہیں۔

    دوسری جانب کے الیکٹرک نے جولائی کے بجلی بلوں میں میونسپل ٹیکس شامل کر دیا ہے۔

    کے الیکٹرک نے جولائی کے مہینے کے لیے بجلی بل میں کے ایم سی کا ٹیکس بھی شامل کر دیا ہے، میئر کراچی نے دعویٰ کیا ہے کہ ٹیکس کی وصولی سے شہر میں ترقیاتی کاموں میں بہتری نظر آئے گی۔

    کے ایم سی چارجز وصول کرنے پر کے الیکٹرک کو 7.5 فی صد ملے گا، معاہدے کے تحت وصول کی گئی رقم میں سے 50 فی صد کے الیکٹرک کے واجبات کی مد میں ادا ہوں گے۔ واضح رہے کہ کے ایم سی کے ذمے کے الیکٹرک کے ڈیڑھ ارب واجبات ہیں۔

    میئر کراچی کا کہنا ہے کہ بجلی بل کے ذریعے ٹیکس وصولی شہر کے مفاد میں ہے۔

    101 سے 200 یونٹ تک استعمال کرنے پر 20 روپے، 201 سے 300 تک یونٹ استعمال کرنے پر 40 روپے کے ایم سی ٹیکس عائد کیا گیا ہے، 301 سے 400 یونٹ تک 100 روپے، 401 سے 500 یونٹ تک 125 روپے ٹیکس شامل کیا گیا ہے۔

    501 سے 600 یونٹ تک 150 روپے، 601 سے 700 یونٹ تک 175 روپے، 700 سے زائد یونٹ استعمال کرنے والے صارفین پر 300 روپے یوٹیلیٹی کی مد میں واجب الادا ہوں گے۔

    پاکستان کے پہلے ٹائٹ گیس منصوبے سے پیداوار کا آغاز

    کمرشل بجلی استعمال کرنے والے صارفین کی تمام کیٹیگریز پر 400 روپے لاگو کیے گئے ہیں، صنعتی صارفین کی تمام کیٹیگریز پر بھی 400 روپے لاگو کیے گئے ہیں۔

  • نیٹ فلکس کو پاس ورڈ شیئرنگ کریک ڈاؤن کا بڑا فائدہ

    نیٹ فلکس کو پاس ورڈ شیئرنگ کریک ڈاؤن کا بڑا فائدہ

    دنیا بھر میں مقبول ویڈیو آن ڈیمانڈ اسٹریمنگ سروس نیٹ فلکس انتظامیہ نے کہا ہے کہ مالی سال کی دوسری سہ ماہی میں 8 ملین سے زیادہ سبسکرائبرز کا اضافہ ہوا۔

    تفصیلات کے مطابق پاس ورڈ شیئرنگ کریک ڈاؤن کے مثبت نتائج سامنے آنے کے بعد نیٹ فلکس کے سبسکرائبرز اور آمدنی کی نمو میں نمایاں تیزی آئی ہے۔

    سبسکرائبرز میں اضافہ کی وجوہات بیان کرتے ہوئے نیٹ فلکس کا کہنا ہے کہ اس بڑی کامیابی کی وجہ پاس ورڈ شیئرنگ کے خلاف کریک ڈاؤن اور "برجیرٹن”، "بے بی رینڈیئر” اور "دی روسٹ آف ٹام بریڈی” جیسے عنوانات کی مقبولیت سے فائدہ اٹھانا ہے۔

    سبسکرائبرز کے اضافے نے تجزیہ کاروں کی پیش گوئیوں کو بھی پیچھے چھوڑ دیا ہے، نیٹ فلکس نے بتایا کہ اس کا اشتہاری کاروبار کم از کم سال 2026 تک آمدنی میں اضافے کا بنیادی محرک نہیں بنے گا۔

    اس حوالے سے رننگ پوائنٹ کیپٹل کے چیف انویسٹمنٹ آفیسر مائیکل ایشلے شولمین نے کہا ہے کہ نیٹ فلکس اب بھی سب سے زیادہ منافع بخش اسٹریمنگ کمپنی ہے تاہم کچھ سرمایہ کار اسٹاک کے لیے ممکنہ بہتر انٹری پوائنٹ کا انتظار کرتے ہوئے بہتر منافع حاصل کرسکتے ہیں۔

    امریکی بین الاقوامی کمپنی نیٹ فلکس امریکا میں اگلے سال سے نئے سبسکرائبرز کے اضافے کی باقاعدہ اطلاع فراہم نہ کرنے کا منصوبہ رکھتی ہے، سرمایہ کار کمپنی کے اشتہاری کاروبار کو ترقی کے ممکنہ ذریعے کے طور پر دیکھ رہے ہیں۔

    نیٹ فلکس نے گزشتہ روز جاری ایک بیان میں کہا کہ تیسری سہ ماہی میں سبسکرائبرز کا اضافہ سال 2023 کی مدت سے کم ہوگا جب اس نے پاس ورڈ کلیمپ ڈاؤن شروع کیا تھا۔

    تھرڈ برج کے تجزیہ کار جیمی لملی نے کہا کہ نیٹ فلکس کا اشتہاری کاروبار "ابھی تک آمدنی کے نقطہ نظر سے خود کو ثابت نہیں کرسکا ہے۔

    "ان کا کہنا ہے کہ ’ایمازون‘ نے اشتہاری مارکیٹ میں دھوم مچا رکھی ہے۔ نیٹ فلکس کو اس شعبے میں بڑا کھلاڑی بننے کے لیے بڑے پیمانے پر کام جاری رکھنا ہوگا۔

    کمپنی کے چیف فنانشل آفیسر اسپنسر نیومن نے ایک ویڈیو بیان میں کہا کہ کمپنی کا اشتہاری کاروبار بہتر طریقے سے بڑھ رہا ہے لیکن یہ ایک چھوٹے پیمانے سے شروع کیا گیا ہے، ان کا کہنا تھا کہ امید ہے کہ سال 2026 تک یہ ایک بنیادی شراکت دار بن جائے۔

  • آصف کی موت کے بعد پتنگ بازوں کے خلاف کریک ڈاؤن

    آصف کی موت کے بعد پتنگ بازوں کے خلاف کریک ڈاؤن

    فیصل آباد: فیصل آباد کے علاقے سمن آباد کے رہائشی 22 سالہ آصف مشتاق کی افسوس ناک موت کے بعد پتنگ بازوں کے خلاف کریک ڈاؤن شروع ہو گیا۔

    سی پی او محمد علی ضیا نے بتایا کہ گزشتہ 24 گھنٹوں میں 48 مقدمات درج اور 49 پتنگ باز گرفتار کر لیے گئے ہیں، ملزمان سے سیکڑوں پتنگیں اور ڈور کی چرخیاں برآمد کی گئیں۔

    سی پی او کے مطابق آصف کی موت کے افسوس ناک واقعے پر 2 ٹیمیں تشکیل دی گئی ہیں، ایس ایس پی انویسٹی گیشن کی سربراہی میں ٹیم ملزم کو تلاش کر رہی ہے، پتنگ سازوں اور اڑانے والوں کے خلاف 2345 مقدمات درج کیے جا چکے۔

    انھوں نے بتایا کہ 9 بڑے مینوفیکچررز اور 805 دکانداروں سمیت 2508 ملزمان گرفتار کیے، ایک لاکھ 6 ہزار سے زائد پتنگیں اور 5874 ڈور چرخیاں ضبط کی گئیں، ملزمان کی گرفتاری کے لیے ڈرون کیمروں کا استعمال کیا گیا۔

    فیصل آباد میں قاتل ڈور کا خونی کھیل جاری، پتنگ بازی نے رواں ماہ 4 جانیں لے لیں

    سی پی او کے مطابق سوشل میڈیا پر پتنگ بازی کی ترغیب دینے والے 25 ملزمان بھی گرفتار کیے گئے ہیں، جب کہ دھاتی ڈور سے بچاؤ کے لیے 22 ہزار موٹر سائیکلوں پر حفاظتی شیڈز لگائے گئے۔

    دوسری طرف گوجرانوالہ میں تھانہ اروپ کے علاقے میں کرنٹ لگنے سے 12 سالہ بچے کے جھلسنے کا واقعے سے متعلق پولیس کا کہنا ہے کہ ثمر عباس گلی میں کرکٹ کھیل رہا تھا، گیند لینے چھت پر گیا تھا، چھت کے اوپر سے گزرنے والی تار سے ٹکرا کر بُری طرح جھلس گیا۔ بچے کے چچا نے کہا کہ بچہ پتنگ بازی نہیں کر رہا تھا حادثاتی طور پر ہائی وولٹیج تاروں سے ٹکرایا۔