ARYNews.tv | Urdu – Har Lamha Bakhabar

Tag: crash landing

  • ڈزنی لینڈ میں روبوٹ عمارت سے جا ٹکرایا، خوفناک ویڈیو

    ڈزنی لینڈ میں روبوٹ عمارت سے جا ٹکرایا، خوفناک ویڈیو

    امریکی ریاست کیلی فورنیا کے ڈزنی لینڈ میں ایک شو کے دوران خوفناک حادثہ پیش آیا جس میں ایک روبوٹ عمارت سے ٹکرایا اور شیشے توڑتا ہوا نیچے آ گرا۔

    کیلی فورنیا کے ڈزنی لینڈ میں نئے کھولے گئے اوینجرز کیمپس کو اس وقت عارضی طور پر بند کرنا پڑا جب وہاں ایک ناخوشگوار واقعہ پیش آیا۔

    کیمپس میں ایک شو پیش کیا جارہا تھا جس میں اوینجرز ایکشن میں دکھائی دینے والے تھے، اس کے لیے قد آدم روبوٹ تیار کیے گئے تھے۔

    شو میں اسپائیڈر مین کی انٹری ہوا میں قلابازیاں لگاتے ہوئے ہوئی جس میں اسے اپنے جال کے ذریعے چھلانگیں لگاتے ہوئے عمارت کی چھت پر لینڈ کرنا تھا۔

    لیکن کسی خرابی کی وجہ سے روبوٹک اسپائیڈر مین ہوا میں اڑتا ہوا آیا اور چھت پر لینڈ کرنے کے بجائے عمارت سے ٹکرا کر شیشے توڑتا ہوا نیچے گرا، اس کے ساتھ ہی وہاں موجود لوگوں کی چیخیں نکل گئیں۔

     

    View this post on Instagram

     

    A post shared by Darren L. (@mdglee_szm)

    روبوٹ کے نیچے گرتے ہی شو روک دیا گیا جبکہ کیمپس بھی عارضی طور پر بند کردیا گیا جسے بعد ازاں دوبارہ کھول دیا گیا۔

    واقعے کی ویڈیو سوشل میڈیا پر بے حد وائرل ہورہی ہے۔

  • آسٹریلیا میں طیارہ حادثے کا شکار، بھارتی کرکٹ ٹیم بال بال بچی

    آسٹریلیا میں طیارہ حادثے کا شکار، بھارتی کرکٹ ٹیم بال بال بچی

    کینبرا: آسٹریلیا میں بھارتی کرکٹ ٹیم کے ہوٹل کے قریب ایک چھوٹا طیارہ حادثے کا شکار ہوگیا، خوش قسمتی سے حادثے میں کوئی جانی نقصان نہیں ہوا۔

    بین الاقوامی میڈیا کے مطابق آسٹریلیا کے شہر سڈنی میں جس ہوٹل میں بھارتی کرکٹ ٹیم قرنطینہ کے دن گزار رہی ہے، اس سے صرف 30 کلو میٹر دور ایک طیارہ حادثے کا شکار ہوگیا۔

    بھارتی ٹیم اس وقت سڈنی اولمپک پارک ہوٹل میں موجود ہے، چار روز قبل پیش آنے والے واقعے کے وقت چند کھلاڑی ایک شیڈ میں موجود تھے۔

    وہاں موجود کرومر کرکٹ کلب کے سینئر وائس پریزیڈنٹ کا کہنا ہے کہ انہوں نے طیارے کو تیزی سے قریب آتے دیکھا تو وہ زور سے چلائے بھاگو، بھاگو اور خود بھی بھاگ کھڑے ہوئے۔ انہیں خدشہ تھا کہ طیارہ شیڈ کی چھت سے ٹکرا جائے گا۔

    یہ طیارہ سڈنی فلائنگ اکیڈمی سے اڑا تھا جسے ایک نوجوان پائلٹ اڑا رہا تھا، طیارے میں کو پائلٹ بھی موجود تھا۔

    بظاہر یوں لگ رہا ہے کہ طیارہ نوجوان پائلٹ کے کنٹرول سے باہر ہوگیا جس کے بعد اس نے کریش لینڈنگ کی، حادثے میں دونوں کی جان بچ گئی تاہم دونوں بری طرح زخمی ہوئے ہیں۔

    اسپتال لے جاتے ہوئے ایک کا چہرہ خون سے تر تھا جبکہ دوسرے کی ٹانگ ٹوٹ چکی تھی۔ واقعے کی مزید تحقیقات کی جارہی ہیں۔

    حادثے میں بھارتی ٹیم بال بال بچی ہے، بھارتی ٹیم 2 ماہ سے زائد کے طویل دورے پر آسٹریلیا پہنچی ہے اور اس وقت قرنطینہ میں ہے۔

    اس دورے میں دونوں ٹیمز 3 ون ڈے، 3 ٹی 20 اور 4 ٹیسٹ میچز کھیلیں گی۔ دورے کا آغاز 27 نومبر کو پہلے ون ڈے سے ہوگا۔

  • کوئٹہ: پاک فوج کا ہیلی کاپٹر گر کر تباہ، ایف سی اہلکار شہید

    کوئٹہ: پاک فوج کا ہیلی کاپٹر گر کر تباہ، ایف سی اہلکار شہید

    کوئٹہ: صوبہ بلوچستان کے دارالحکومت کوئٹہ میں مشرقی بائی پاس میں پاک فوج کا ہیلی کاپٹر گر کر تباہ ہوگیا جس کے نتیجے میں فرنٹیئر کورپس (ایف سی) کا ایک اہلکار شہید ہوگیا۔

    پاک فوج کے شعبہ تعلقات عامہ آئی ایس پی آر کے مطابق ہیلی کاپٹر کوہلو سے کوئٹہ آرہا تھا۔

    ہیلی کاپٹر میں عملے کے علاوہ ایف سی کا زخمی اہلکار سوار تھا جسے کوہلو سے کوئٹہ لایا جارہا تھا۔

    آئی ایس پی آر کے مطابق لینڈنگ کے وقت ہیلی کاپٹر فنی خرابی کے باعث حادثے کا شکار ہوگیا۔ واقعے میں پائلٹ اور دیگر عملہ محفوظ رہا تاہم زخمی اہلکار شہید ہوگیا۔

    جائے حادثہ پر ریسکیو عملے کا امدادی کام جاری ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • طیارے کی ساحل پر ایمرجنسی لینڈنگ سے سن باتھ لیتا شخص ہلاک

    طیارے کی ساحل پر ایمرجنسی لینڈنگ سے سن باتھ لیتا شخص ہلاک

    لزبن: پرتگال میں ایک ساحل پر طیارے کی ہنگامی لینڈنگ سے ساحل پر آئے افراد کی تفریح، خوف میں بدل گئی۔ طیارے کی زد میں آکر ایک 8 سالہ بچی اور ایک شخص ہلاک ہوگئے۔

    پرتگال کے دارالحکومت لزبن سے 30 کلومیٹر جنوب میں واقع مشہور کاپریکا بیچ غسل آفتابی کے لیے مقبول ترین مقام ہے جہاں ہزاروں افراد آتے ہیں۔

    حکام کے مطابق طیارے کا بایاں پر معمولی طور پر ٹوٹ گیا تھا جس کے باعث جہاز غیر ہموار ہو کر نیچے آنے لگا۔ عینی شاہدین کا کہنا ہے کہ طیارے کو ساحل پر گرتا دیکھ کر لوگ خوفزدہ ہو کر سمندر کی طرف بھاگے۔

    اس سے قبل یہ کافی دیر تک فضا میں بے ہنگم طریقے سے نچلی پرواز کرتا رہا جس سے وہاں موجود افراد شدید خوف و ہراس میں مبتلا ہوگئے۔

    بعد ازاں طیارے نے کریش لینڈنگ کی جس کی زد میں آکر بچی اور ایک شخص بری طرح زخمی ہوئے۔ بچی اپنے والدین کے ساتھ وہاں موجود تھی جبکہ مذکورہ شخص ساحل پر سن باتھ لے رہا تھا۔

    بعد ازاں دونوں زخمی دم توڑ گئے۔

    مزید پڑھیں: کھٹمنڈو ایئرپورٹ پر تیندوے نے ہلچل مچا دی

    جہاز میں سوار دونوں افراد محفوظ رہے جنہیں پولیس نے فوراً حراست میں لے لیا۔

    اس موقع پر وہاں موجود افراد نے شور مچانا شروع کردیا اور پائلٹ کو گھیرنے کی بھی کوشش کی تاہم پولیس، پائلٹ اور جہاز میں سوار دوسرے شخص کو وہاں سے نکال کر لے گئی۔

    دونوں افراد سے تفتیش کی جارہی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • گلگت میں آرمی کے ہیلی کاپٹر کی کریش لینڈنگ، آٹھ جاں بحق

    گلگت میں آرمی کے ہیلی کاپٹر کی کریش لینڈنگ، آٹھ جاں بحق

    راولپنڈی: گلگت میں آرمی ہیلی کاپٹر کی کریش لنڈنگ کے نتیجے میں پائلٹس سمیت آٹھ مسافر جاں بحق جبکہ متعدد افراد زخمی ہوگئے ہیں، تحریک طالبان نے ذمہ داری قبول کرلی

    تفصیلات کے مطابق آج بروز جمعہ پاک آرمی کے ہیلی کاپٹر ایم آئی 17 کو گلگت کے علاقے نلتر میں کریش لینڈنگ کرنا پڑی۔

    مذکورہ ہیلی کاپٹر میں عملے کے علاوہ 11 غیر ملکی اورچھ پاکستانی سوار تھے۔

     آئی ایس پی آر کے ترجمان میجر جنرل عاصم سلیم باجوہ کے مطابق حادثے دو پائلٹس اور چیف انجینئر شہید جبکہ  6 غیرملکی افراد جاں بحق ہوئے ہیں جن میں ناروے کے سفیر،فلپائن کےسفیر اور ان کی اہلیہ اور ملائشیا اور انڈونیشیا کے سفیروں کی بیگمات شامل ہیں۔ حادثے میں پولینڈ اورہالینڈ کے سفیروں سمیت  13 افراد زخمی ہوئے ہیں۔ شہید ہونےوالےپائلٹس میجر فیصل اور میہجر التمش ہیں۔    آئی ایس پی آر کے ترجمان کے مطابق تین ایم آئی 17 ہیلی کاپٹرز کا قافلہ اپنی منزل کی جانب رواں دواں تھا کہ ان میں سے ایک کوفی الحال نامعلوم وجوع کی بناء پر کریش لینڈنگ کرنا پڑی۔  Update Naltar:Info so far; 2 Pilots& 2-3 foreigners fatalities.13 survivors with varying degree of injuries.Update, more info to follow-4

     وزیر اعظم نواز شریف بھی گلگت میں موجود تھے اور مذکورہ ہیلی کاپٹر میں موجود افراد ان کی تقریب میں شرکت کے لئے گلگت جارہے تھے، حادثے کے بعد تقریب ملتوی کردی گئی اور وزیر اعظم واپس اسلام آباد روانہ ہوگئے ہیں۔

    اظہارِ افسوس

    =صدر پاکستان ممنون حسین اور وزیر اعظم نواز شریف نے حادثے میں پائلتس اور غیر ملکی سفیروں کے جاں بحق ہونے پرگہرے دکھ اور رنج کا اظہار کیا ہے۔

    متحدہ قومی موومنٹ کے قائد الطاف حسین نےبھی حادثے میں جاں بحق ہونے والے افراد پر افسوس کا اظہار کیا ہے۔

    پیلز پارٹی کے شریک چیئر مین  بلاول بھٹو زرداری اور رہنما فریال تالپور نے بھی سانحے پر اظہارِ افسوس کیا۔

    ذمہ داری

    فرانسیسی خبر رساں ایجنسی کے مطابق حملے زمہ داری تحریکِ طالبان پاکستان مہمند اجنسی کے ترجمان محمد خراسانی نے قبول کرلی ہے۔

    واضح رہے کہ تحریک طالبان پاکستان اس سے قبل بھی غیر ملکیوں پر حملے کرچکی ہے خیال کیا جارہا ہے کہ اس حملے میں وزیراعظم میاں محمد نواز شریف کو نشانہ بنایا جانا تھا۔

  • پی آئی اے کا طیارہ مدینے میں حادثے سے بچ گیا

    پی آئی اے کا طیارہ مدینے میں حادثے سے بچ گیا

    ریاض: پی آئی اے کا طیارہ مدینہ ایئرپورٹ پر لینڈنگ کے دوران حادثے کا شکار ہونے سے بال بال بچ گیا۔

    تفصیلات کے مطابق قومی ایئرلائن کی پرواز کراچی سے مدینہ جارہی تھی لینڈنگ کے دوران ہوا کے دباوٗ کے سبب جہاز لینڈ نہیں کرپایا۔

    جہاز کے کپتان نے ہشیاری کا مظاہرہ کرتے ہوئے جہاز کو بزورِ قوت لینڈ کرنے کے بجائے واپس فضاؤں میں بلند کرلیا جس کے سبب طیارہ کسی بڑے حادثے کا شکار ہونے سے بچ گیا۔

  • معروف اداکار ہیریسن فورڈ جہاز کی کریش لینڈنگ دوران زخمی

    معروف اداکار ہیریسن فورڈ جہاز کی کریش لینڈنگ دوران زخمی

    لاس اینجلس: ہالی ووڈ کے معروف اداکار ہیریسن فورڈ جہاز کی کریش لینڈنگ دوران زخمی ہوگئے۔

    امریکی شہر لاس اینجلس میں فنی خرابی کے باعث چھوٹے طیارے کو ایمرجنسی لینڈنگ کرنی پڑی، لینڈنگ کے دوران طیارہ درخت سے ٹکرا گیا، جس کے باعث طیارے میں سوار معروف ہالی وڈاداکار ہیریسن فورڈ زخمی ہوگئے۔

    ہیریسن فورڈ کو اسپتال منتقل کردیا گیا ہے، جہاں انکی حالت خطرے سے باہر بتائی جارہی ہے۔