ARYNews.tv | Urdu – Har Lamha Bakhabar

Tag: crash

  • کالمبیا میں مسافر بردار طیارہ گرکر تباہ، میئر سمیت 14 افراد ہلاک

    کالمبیا میں مسافر بردار طیارہ گرکر تباہ، میئر سمیت 14 افراد ہلاک

    بگوٹا : کولمبیا کے صوبے میٹا میں مسافر بردار طیارہ گر کر تباہ ہوگیا، حادثے میں تاریرہ شہر کے میئر سمیت 14 افراد ہلاک ہوگئے۔

    غیرملکی خبر رساں ادارے کے مطابق جنوبی امریکی ملک کولمبیا کی نجی ایئرلائن کا طیارہ ڈی سی 3 نے ایک درجن سے زائد مسافروں کو لے کر شہر تاریرہ سے ولاویسینسیو جانے کےلیے اڑان بھری اور آدھی مسافر کے بعد ٹیکنیکل خرابی کے باعث حادثے کا شکار ہوگیا۔

    غیر ملکی خبر رساں ادارے کا کہنا ہے کہ متاثرہ طیارے کے پائلٹ نے جہاز میں فنی خرابی سے متعلق حکام کو آگاہ کردیا تھا کہ تاہم آگاہی کے فوراً بعد طیارہ میدانی علاقے میں گرکر تباہ ہوگیا۔

    کولمبیا کے خبر رساں اداروں کے مطابق ڈی سی 3 نامی طیارے کو پیش آنے والے حادثے میں 14 افراد ہلاک ہوئے ہیں، سول ایوی ایشن نے موسم کی خرابی کے باعث طیارے کو واپس آنے کا بھی کہا تھا کہ اس سے قبل ہی طیارہ حادثے کا شکار ہوگیا۔

    غیر ملکی میڈیا کا کہنا ہے کہ کولمبین حکام نے طیارہ حادثے کی وجوہات جاننے کےلیے کمیٹی تشکیل دی ہے جو طیارے کا بلیک باکس تلاش کررہی ہے۔

    غیر ملکی خبر رساں ادارے کا کہنا ہے کہ ڈی سی 3 نامی طیارے 1930 میں بنائے گئے تھے جس میں 30 مسافروں کے سوار ہونے کی گنجائش ہے۔

  • کینیا میں ہیلی کاپٹر حادثے کا شکار، 4 امریکیوں‌ سمیت 5 افراد ہلاک

    کینیا میں ہیلی کاپٹر حادثے کا شکار، 4 امریکیوں‌ سمیت 5 افراد ہلاک

    نیروبی : کینیا کے شمالی حصّے میں ہیلی کاپٹر گر کر تباہ ہوگا جس کے نتیجے میں چار امریکی شہری سمیت پانچ افراد ہلاک ہوگئے۔

    تفصیلات کے مطابق شمالی کینیا کے سینٹرل آئی لیند نیشنل پارک میں امریکی سیاحوں کو لے جانے والا ہیلی کاپٹر نامعلوم وجوہات کی بناء پر حادثے کا شکار ہوگیا جس کے باعث پائلٹ سمیت 4 سیاح ہلاک ہوگئے۔

    پولیس کا کہنا ہے کہ حادثے کے مقام پر ریسکیو اور پیرامیڈیکس کی ٹیمیں پہنچیں تاہم ہیلی کاپٹر کے ملبے کی جگہ کوئی زندہ حالت میں نہیں ملا،

    کینین پولیس کا کہنا ہے کہ اتوار کے روز آئی لینڈ لابولو میں کیمپ کے قریب دو ہیلی کاپٹر لینڈ ہورہے تھے ایک ہیلی کاپٹر محفوظ لینڈنگ میں کامیاب رہا جبکہ دوسرا ہیلی کاپٹر حادثے کا شکار ہوگیا۔

    مقامی خبر رساں ادارے کا کہنا ہے کہ حادثے کا شکار ہونے والے ہیلی کاپٹر کا پائلٹ ماریو ماگونگا تربیت یافتہ اور تجربہ کار پائلٹ تھا جو نائب صدر کے ساتھ کافی عرصے کام کرچکا ہے۔

    غیر ملکی خبر رساں ادارے کا کہنا ہے کہ ماریو کینیا کی دفاعی فورسز میں بحیثیت پائلٹ اپنی ذمہ داریاں انجام دے رہا تھا لیکن 2017 میں متاثرہ پائلٹ نے ایک نجی کمپنی میں ملازمت شروع کردی تھی۔

    مقامی خبر رساں ادارے کا کہنا ہے کہ کیپٹن ماریو مانگونگا سابق امریکی صدر باراک اوبامہ سمیت درجنوں ہائی پروفائل شخصیات کے ہمراہ پرواز کرچکا ہے۔

    یاد رہے کہ تین ہفتے قبل بھی ایک نجی طیارہ حادثے کا شکار ہوا تھا جس کے نتیجے میں تین امریکی شہریوں سمیت پانچ افراد ہلاک ہوئے تھے۔

  • برطانیہ: ایئرپورٹ پر طیارے میں آگ لگ گئی

    برطانیہ: ایئرپورٹ پر طیارے میں آگ لگ گئی

    لندن: برطانیہ میں اسٹین اسٹیڈ نامی ایئرپورٹ پر طیارے میں اچانک آگ بھڑک اٹھی، تمام پروازیں معطل کردی گئیں۔

    تفصیلات کے مطابق لندن میں اسٹین اسٹیڈ ایئرپورٹ پر مسافر طیارے نے اڑان بھرنا شروع کی تو اچانک آگ لگ گئی، ایئرپورٹ پر تمام پروازیں معطل ہیں۔

    غیر ملکی خبر رساں ادارے کا کہنا ہے کہ جہاز میں آگ رن وے پر اڑان بھرنے کے دوران لگی، ایئرپورٹ پر ایمرجنسی اور فائر بریگیڈ کی گاڑیاں موقع پر پہنچ گئیں۔

    انتظامیہ کے مطابق طیارہ اے 320 لندن سے آسٹریکا کے دارالحکومت ویانا جارہا تھا جبکہ حادثے کے باعث تمام پروازیں ہی روک دی گئیں۔

    اس واقعے میں کوئی جانی نقصان نہیں ہوا، تمام مسافروں کو بحفاظت جہاز سے نکال لیا گیا، ریسکیو اور انجینئرنگ عملے نے آپریشن شروع کردیا ہے۔

    حکام کا کہنا ہے کہ آپریشن مکمل ہونے کے بعد ایئرپورٹ کھول دی جائے گی اور پروازیں بھی بحال کردی جائیں گی۔

    برطانیہ: چھوٹا طیارہ گرکر تباہ، پائلیٹ ہلاک

    خیال رہے کہ گذشتہ ماہ برطانیہ کے جنوب مشرق میں واقع ملک ایسیکس میں چھوٹا طیارہ گرکر تباہ ہونے کے نتیجے میں پائلیٹ ہلاک ہوگیا تھا۔

    یاد رہے کہ گذشتہ سال نومبر میں برطانیہ کےجنوب میں بکنگ ہمپشائر کے علاقے میں چھوٹے طیارے کو حادثہ پیش آیا تھا۔

    طیارہ دوران پرواز ہیلی کاپٹر سے ٹکرا کر گرگیا تھا جس کے نتیجے میں چار افراد ہلاک ہوگئے تھے۔

  • برطانیہ: چھوٹا طیارہ گرکر تباہ، پائلیٹ ہلاک

    برطانیہ: چھوٹا طیارہ گرکر تباہ، پائلیٹ ہلاک

    لندن: برطانیہ کے جنوب مشرق میں واقع ملک ایسیکس میں چھوٹا طیارہ گرکر تباہ ہونے کے نتیجے میں پائلیٹ ہلاک ہوگیا۔

    تفصیلات کے مطابق یہ حادثہ ایسیکس کے سرحدی علاقے بیلچھم والٹر میں پیش آیا جہاں چھوٹا طیارہ گرکر تباہ ہونے کے باعث پائلیٹ ہلاک ہوگیا۔

    غیر ملکی خبر رساں ادارے کا کہنا ہے کہ طیارہ کو حادثہ لینڈنگ کے دوران پیش آیا، طیارے میں صرف پائلیٹ ہی موجود تھا جو موقع پر ہی ہلاک ہوگیا۔

    پولیس حکام کا کہنا ہے کہ موقع پر تحقیقاتی ٹیم موجود ہے جو حادثے کی وجہ اصل وجہ معلوم کرنے کے لیے جانچ پرتال کررہی ہے۔

    ہلاک ہونے والے پچاس سالہ شخص کی لاش کو اسپتال منتقل کردیا گیا، جلد ورثہ کے حوالے کیا جائے گا۔

    لندن:چھوٹا طیارہ فضا میں ہیلی کاپٹرسے ٹکرا گیا،4 افرادہلاک، مزید ہلاکتوں کاخدشہ

    قریب رہائشی شخص نے مقامی میڈیا کو انٹرویو دیتے ہوئے کہا کہ قریب ہی ہمیں دھواں اٹھتا دکھائی دیا، ہمیں لگا کہ کہیں لکڑیوں میں آگ لگی ہے بعد ازاں خبر ہوئی کے طیارہ گرکر تباہ ہوا ہے۔

    خیال رہے کہ گذشتہ سال نومبر میں برطانیہ کےجنوب میں بکنگ ہمپشائر کے علاقے میں چھوٹے طیارے کو حادثہ پیش آیا تھا۔

    طیارہ دوران پرواز ہیلی کاپٹر سے ٹکرا کر گرگیا تھا جس کے نتیجے میں چار افراد ہلاک ہوگئے تھے۔

  • بھارتی فضائیہ کا تربیتی لڑاکا طیارہ حادثے کا شکار، دو پائلٹ ہلاک

    بھارتی فضائیہ کا تربیتی لڑاکا طیارہ حادثے کا شکار، دو پائلٹ ہلاک

    نئی دہلی : بھارتی فضائیہ کا لڑاکا طیارہ ’میراج 2000‘ گرکر تباہ ہوگیا، طیارہ حادثے میں بھارتی فضائیہ کے دو پائلٹ ہلاک ہوگئے۔

    تفصیلات کے مطابق بھارتی ریاست کرناٹک کے دارالحکومت بینگلارو میں بھارتی فضائیہ کا تربیتی لڑاکا طیارہ میراج 2000 اڑان بھرنے کے کچھ دیر بعد نامعلوم وجوہات کے باعث حادثے کا شکار ہوگیا۔

    بھارتی میڈیا کا کہنا ہے کہ متاثرہ طیارے کا پائلٹ اسکورڈن لیڈر سمیر ابرول اور اسکورڈن سدھارتھ نیگی سے طیارہ گرنے سے قبل ہی کاک پٹ سے باہر نکل گئے تھے تاہم شدید زخموں کے باعث ہلاک ہوگئے۔

    بھارتی وزارت دفاع کے ترجمان نے طیارہ حادثے میں پائلٹس کی ہلاکتوں کی تصدیق کرتے ہوئے بتایا کہ حادثہ 10 بج کر 30 منٹ پر پیش آیا تھا۔

    وزارت دفاع کے ترجمان کا کہنا تھا کہ تاحال حادثے کی وجوہات کا علم نہیں ہوسکا ہے، بھارتی فضایئہ کے حکام نے تحقیقات کے لیے تفتیشی ٹیم تشکیل دے دی ہے۔

    مزید پڑھیں : بھارتی فضائیہ کا لڑاکا طیارہ حادثے کا شکار، پائلٹ محفوظ

    خیال رہے کہ 28 جنوری کو بھارتی ریاست اترپردیش میں بھارتی فضائیہ کا لڑاکا طیارہ جیوگر اڑان بھرنے کے کچھ دیر بعد بے قابو ہوکر خوشی نگر کے جنگل میں گرکر تباہ ہوگیا تھا۔

    بھارتی فضائیہ کے ترجمان کا کہنا ہے کہ طیارہ معمول کی پرواز کررہا تھا، متاثرہ طیارے کا پائلٹ ونگ کمانڈر رتیش کاٹوش خوش قسمتی سے جان بچانے میں کامیاب ہوگیا اور طیارہ گرنے سے قبل ہی کاک پٹ سے باہر نکل گیا۔

    مزید پڑھیں : بھارتی فضائیہ کا تربیتی طیارہ دوران پرواز حادثے کا شکار

    یاد رہے کہ گزشتہ برس اکتوبر میں بھارت کی فضائیہ کا تریبتی جہاز ریاست اتر پردیش کے ضلع غازی آباد میں انجن میں فنی خرابی کے باعث دوران پرواز حادثے کا شکار ہوگیا تھا تاہم خوش قسمتی سے طیارہ حادثے میں پائلٹ محفوظ رہے تھے۔

  • جنوبی سوڈان میں طیارہ حادثے کا شکار، 17 مسافر ہلاک

    جنوبی سوڈان میں طیارہ حادثے کا شکار، 17 مسافر ہلاک

    جوبا : سوڈان میں 22 مسافروں ہمراہ اڑان بھرنے والے والا مسافر بردار طیارہ سوڈانی شہر یرول میں حادثے کا شکار ہوگیا، جس کے نتیجے میں 17 افراد ہلاک ہوگئے۔

    تفصیلات کے مطابق سوڈان کے دارالحکومت جوبا کے عالمی ہوائی اڈے سے پرواز بھرنے والا مسافر بردار طیارہ جنوبی سوڈان میں اچانک حادثے کا شکار ہوگیا، حادثے کے نتیجے میں 17 مسافر ہلاک، 3 زخمی ہوگئے جبکہ 2 افراد لاپتہ ہیں۔

    غیر ملکی خبر رساں ادارے کا کہنا ہے کہ زخمی ہونے والے مسافروں میں اٹلی سے تعلق رکھنے والا ڈاکٹر بھی شامل ہے جو سوڈان میں سماجی تنظیم کا ملازم ہے، اطالوی شہری کی حالت تشویش ناک بتائی جارہی ہے۔

    حادثے کے عینی شاہدین کا کہنا ہے کہ طیارہ دریا میں گر کر حادثے کا شکار ہوا ہے، طیارہ حادثے میں ہلاک ہونے والوں کی لاشیں دریا سے نکالی گئی ہیں۔

    غیر ملکی خبر رساں ادارے کا کہنا ہے کہ 22 مسافروں میں تین بچے بھی شامل ہیں۔

    خیال رہے کہ اس سے قبل بھی سوڈان میں متعدد مرتبہ طیارے حادثے کا شکار ہوچکے ہیں جبکہ سنہ 2017 میں خراب موسم کے باعث ایک طیارہ حادثے کا شکار ہوا تھا جس کے نتیجے میں 4 مسافر زخمی ہوگئے تھے۔

    یاد رہے کہ سنہ 2015 میں بھی جوبا کے عالمی ہوائی اڈے سے پرواز کرنے والا روسی طیارہ فنی خرابی کے باعث گرکر تباہ ہوگیا تھا طیارہ حادثے میں درجنوں مسافر ہلاک ہوگئے۔

  • دبئی: ڈرائیور کی غفلت، گاڑی بینک میں‌ جا گھسی

    دبئی: ڈرائیور کی غفلت، گاڑی بینک میں‌ جا گھسی

    دبئی : متحدہ عرب امارات میں تیز رفتار گاڑی بے قابو ہوکر بینک کی عمارت میں جاگھسی جس کی زد میں آکر ایک شخص شدید زخمی ہوگیا۔

    تفصیلات کے مطابق متحدہ عرب امارات کی ریاست دبئی میں ایک روز قبل شارع خالد بن الولید پر تیز رفتار کار سوار سڑک کے کنارے نصب لوہے کے جنگلے کو توڑتی ہوئی بینک کی عمارت میں جا گھسی جس کے نتیجے میں ایک کسٹمر زخمی ہوگیا۔

    غیر ملکی خبر رساں ادارے کا کہنا تھا کہ 51 سالہ کار ڈوائیور شاہراہ پر ٹریفک قوانین کے مطابق گاڑی چلا رہا تھا کہ اچانک کار  بے قابو ہوگئی اور فٹ ہاتھ پر چڑھ کر بینک کی عمارت میں داخل ہوگئی۔

    دبئی پولیس کا کہنا ہے کہ کار حادثے کے نتیجے میں بینک میں لگی ہوئی اے ٹی ایم مشین بھی کو نقصان پہنچا جبکہ اے ٹی ایم مشین سے پیسے لینے والا شخص گاڑی کی زد میں آکر شدید زخمی ہوا تھا جبکہ گاڑی کا ڈرائیور بھی زخمی ہوا تھا، دونوں زخمیوں کو فوری طور پر اسپتال منتقل کر دیا گیا تھا۔

    اماراتی میڈیا کی جانب سے دعویٰ کیا گیا تھا کہ گاڑی کا ڈرائیور نشے کی حالت میں کار چلا رہا تھا کہ جس کے باعث حادثہ پیش آیا، جبکہ دبئی پولیس نے بتایا کہ حادثہ ڈرائیور کی غفلت کی وجہ سے پیش رونما ہوا تھا جو ڈرائیونگ کے دوران موبائل فون کا استعمال کررہا تھا۔

    غیر ملکی خبر رساں ادارے کا کہنا تھا کہ دبئی پولیس نے ڈرائیونگ کے دوران غلفت برتنے والے ڈرائیور کو ٹریفک پروسٹیکیوشن کے حوالے کردیا۔

  • کافغانستان میں نیٹو ہیلی کاپٹر حادثے کا شکار، تین فوجی ہلاک

    کافغانستان میں نیٹو ہیلی کاپٹر حادثے کا شکار، تین فوجی ہلاک

    کابل : افغان فوج کے شاہین ایئر بیس پر نیٹو ہیلی کاپٹر  اڑان  بھرتے ہی زمین پر آگرا، جس کے نتیجے میں غیر ملکی پائلٹ سمیت تین فوجی اہلکار ہلاک ہوگئے۔

    تفصیلات کے مطابق افغانستان کے صوبہ بلخ میں واقع شاہین ملٹری ایئر بیس سے صبح سویرے افغان سیکیورٹی اہلکاروں کو لے کر پرواز بھرنے والے مغربی اتحاد نیٹو کا ہیلی کاپٹر حادثے کا شکار ہوگیا جس کے نتیجے میں غیر ملکی پائلٹ سمیت 3 اہلکار ہلاک ہوگئے۔

    غیر ملکی خبر رساں ادارے کا کہنا ہے کہ نیٹو ہیلی کاپٹر سیکیورٹی اہلکاروں کو لے کر صوبہ فاراب جارہا تھا، ہیلی کاپٹر میں 4 افغان فوج کے اہلکار، چار صوبائی پولیس کے اہلکار، اور دو وفاقی پولیس اہلکاروں سمیت 12 افراد سوار تھے۔

    افغان خبر رساں اداروں کا کہنا تھا کہ ہیلی کاپٹر شاہین ایئر بیس سے اڑان بھری اور آتشزدگی کے باعث ہچکولے کھاتا ہوا زمین پر آگرا، جس کے نتیجے میں غیر ملکی پائلٹ اور دو افغان فوجی ہلاک جبکہ 8 اہلکار زخمی ہیں۔

    افغان میڈیا کا کہنا ہے کہ ہیلی کاپٹر حادثے سے متعلق حکومتی سطح پر تفصیلات سے تاحال آگاہ نہیں کیا گیا ہے اور حادثے میں زخمی اور ہلاک ہونے والے اہلکاروں کی شناخت بھی ابھی تک معلوم نہیں ہوسکی ہے جبکہ زخمی ہونے والے تمام اہلکاروں کو ملٹری اسپتال منتقل کردیا ہے۔

    افغانستان کی فوج کے ترجمان کا کہنا ہے کہ نیٹو ہیلی کاپٹر میں فنی خرابی کے باعث اڑان بھرتے ہی آگ بھڑک اٹھی تھی جس کے باعث وہ زمین پر آگرا، حکومت نے واقعے کی تفتیش کے لیے کمیٹی تشکیل دیتے ہوئے ایک ہفتے میں رپورٹ صدر اشرف غنی کو جمع کروانے کی ہدایت جاری کردی ہیں۔

  • امریکا: ہیلی کاپٹر حادثے کا شکار، 4 افراد ہلاک

    امریکا: ہیلی کاپٹر حادثے کا شکار، 4 افراد ہلاک

    واشنگٹن : امریکی ریاست میں فلوریڈا میں بی 60 نامی سول ہیلی کاپٹر فنی خرابی کے باعث ایئر فورس بیس پر حادثے کا شکار ہوگیا، جس کے نتیجے میں 4 افراد ہلاک ہوگئے۔

    تفصیلات کے مطابق امریکی ریاست فلوریڈا میں سول ہیلی کاپٹر انجن میں فنی خرابی کے باعث امریکی ایئر فورس کے بیس میں گر تباہ ہوگیا ہے جس کے نتیجے میں ہیلی کاپٹر میں سوار چار افراد موقع پر ہی ہلاک ہوگئے جن کی شناخت ظاہر نہیں کی گئی۔

    غیر ملکی خبر رساں ادارے کا کہنا ہے کہ حادثے کا شکار ہونے والا امریکی سول ہیلی کاپٹر بی 60 ایئر کرافٹ ہے۔

    امریکی میڈیا کا کہنا ہے کہ اس سے قبل حکام کی جانب سے صرف ایک شخص کی ہلاکت کا دعویٰ کیا گیا تھا کہ جبکہ ہیلی کاپٹر کے ملبے سے ملنے والی 4 افراد کی لاشیں برآمد ہوئی ہیں جس نے حکام کیہ ابتدائی تفتیش اور حادثے کو مشکوک بنادیا ہے۔

    فیڈرل ایوی ایشن ایڈمنسٹریشن کے ترجمان نے میڈیا سے گفتگو کرتے ہوئے کہا ہے کہ بی 60 ایئر کرافٹ نے حادثے سے کچھ دیر قبل سے ایئر فورس بیس سے ڈسٹن ایگزیکٹو ہوائی اڈے جانے کے لیے پرواز اڑان بھری تھی تاہم چند لمحے بعد ہی ہیلی کاپٹر گھومتا ہوا زمین پر آگرا۔

    غیر ملکی خبر رساں ادارے کا کہنا تھا کہ حادثے کا شکار ہیلی کاپٹر کا ملبہ ایئر فورس بیس کے جنگل میں گرا تھا جہاں ہنگامی خدمات انجام دینے والی ٹیموں نے حادثے میں ہلاک ہونے والے افراد کی نعشیں اسپتال منتقل کردی ہیں۔

    یاد رہے کہ رواں ماہ کے آغاز پر میکسیکو کے شہر ڈورانگو میں ایرو میکسیکو نامی فضائی کمپنی کا مسافر بردار طیارہ اے ایم 2431 رن وے سے اڑان بھرنے کے فوراً بعد 10 کلو میٹر کے فاصلے پر گر کر تباہ ہوگیا جس کے نتیجے میں 85 افراد زخمی ہوگئے۔

    غیر ملکی خبر رساں ادارے کے مطابق حادثے کا شکار ہونے والے طیارے میں97 مسافروں سمیت 101 افراد سوار تھے، جائے حادثہ سے 85 زخمیوں کو اسپتال منتقل کر دیا گیا ہے۔

    غیر ملکی خبر رساں ادارے سے گفتگو کرتے ہوئے ایرومیکسیکو کے ترجمان نے بتایا کہ جہاز اے ایم 2431 ڈورانگو شہر سے دارالحکومت میکسیکو سٹی جارہا تھا تاہم بد قسمتی سے طیارہ اڑان بھرنے کے چند لمحوں بعد ہی گر کر تباہ ہوگیا۔

  • سابیریا میں روسی ہیلی کاپٹر حادثے کا شکار، 18 افراد ہلاک

    سابیریا میں روسی ہیلی کاپٹر حادثے کا شکار، 18 افراد ہلاک

    ماسکو : سائبیریا میں مسافر بردار ہیلی کاپٹر ایم آئی 8 پرواز کے بعد حادثے کا شکار ہوگیا، حادثے کے نتیجے میں 18 افراد ہلاک ہوگئے۔

    تفصیلات کے مطابق روس کے شہر سائبیریا کے جنوب مغرب میں واقع گاؤں آئیگارکا میں مقامی وقت کے مطابق صبح 10:20 پر روس کا مسافر بردار ہیلی کاپٹر حادثے کے باعث گر تباہ ہوگیا ہے، جس کے نتیجے میں 18 افراد ہلاک ہوگئے ہیں۔

    روس کی ایمرجنسی منسٹری کا کہنا تھا کہ متاثرہ ہیلی کاپٹر میں عملے کے 3 افراد سمیت 18 افراد سوار  تھے جو موقع پر ہی دم توڑ گئے تھے، حادثے میں ہلاک ہونے والے افراد سائبیریا میں واقع تیل کی کمپنی میں کام کرتے تھے۔

    روس کی ایمرجنسی منسٹری کا کہنا ہے کہ ہیلی کاپٹر پرواز کرتے ہی حادثے کا شکار ہوگیا تھا اور حادثے کے وقت ہیلی کاپٹر کا پیٹرول ٹینک بھی بھرا ہوا تھا جس کے باعث ہیلی کاپٹر مکمل طور پر خاکستر ہوگیا۔

    روسی نشریاتی ادارے کا کہنا تھا کہ حادثے کے وقت ایک کارگو ہیلی کاپٹر پرواز کررہا تھا جس میں رکھا ہوا سامان ہیلی کاپٹر سے باہر نکلا ہوا تھا جس کے باعث حادثے سے چند لمحے قبل متاثرہ ایم آئی 8 ہیلی کاپٹر کا پَر سامان سے ٹکرایا تھا۔

    روسی میڈیا کا کہنا تھا کہ پَر ٹکرانے کے باوجود بھی کارگو ہیلی کاپٹر حادثے سے بچ گیا تاہم احتیات کے طور پر عملے نے فضا سے ہی اضافی سامان زمین پر گرا دیا تھا۔

    غیر ملکی خبر رساں ادارے کا کہنا تھا کہ روسی حکام نے واقعے کی تحقیقات کا آغاز کرتے ہوئے تفتیشی ٹیم تشکیل دے دی ہے۔

    تفتیش کاروں کا مؤقف ہے کہ پائلٹ کی غفلت اور ٹیکنیکل خرابی حادثے کا باعث بنی، تفتیشی ٹیم نے ایم آئی 8 کا بلیک باکس برآمد کرلیا ہے تاہم اس کی آتشزدگی کے باعث بلیک باکس کی حالت مناسب نہیں ہے۔

    روس کی ایمرجنسی منسٹری کا کہنا ہے کہ حادثے کے بعد جائے وقوعہ پر ہنگامی خدمات انجام دینے والے 80 افراد اور 4 ایئرکرافٹ پہنچ گئے تھے، تاکہ ہلاک شدگان کی باقیات اور نعشیں جمع کی جاسکیں۔