ARYNews.tv | Urdu – Har Lamha Bakhabar

Tag: crashes

  • بھارتی کوسٹ گارڈ کا ہیلی کاپٹر گر کر تباہ

    بھارتی کوسٹ گارڈ کا ہیلی کاپٹر گر کر تباہ

    بھارتی کوسٹ گارڈ کا ہیلی کاپٹر گجرات کے پور بندر میں گر کر تباہ ہوگیا جس کے نیتجے میں تمام افراد ہلاک ہوگئے۔

    بھارتی میڈیا کے مطابق بھارت کی ریاست گجرات کے علاقے پوربندر میں انڈین کوسٹ گارڈ کے ایڈوانسڈ لائٹ ہیلی کاپٹر نے معمول کی تربیتی پرواز بھری تھی۔

    بھارتی میڈیا کا کہنا ہے کہ ہیلی کاپٹر میں دو پائلٹ سمیت تین افراد سوار تھے، حادثہ رات بارہ بجے تربیتی پرواز کے دوران پیش آیا۔

    بھارتی کوسٹ گارڈ کا ہیلی کاپٹر بحیرہ عرب میں گر کر تباہ

    بھارتی کوسٹ گارڈ کے ترجمان نے بتایا کہ واقعے کی تحقیقات کی جا رہی ہیں تاہم ابتدائی طور پر لگتا ہے کہ ہیلی کاپٹر کو حادثہ فنی خرابی کے باعث پیش آیا۔

    پور بندر کے ایس پی کا کہنا ہے انہیں شدید طور پر جھلسی ہوئی حالت میں پوربندر کے ایک اسپتال لے جایا گیا، جہاں تینوں افراد کی موت واقع ہوگئی۔

    واضح رہے کہ 2021 میں ایسے ہی ایک حادثے میں بھارتی آرمی چیف جنرل بپن راوت سمیت تیرہ فوجی افسران ہلاک ہوگئے تھے۔

    یاد رہے کہ بھارتی فضائیہ میں گزشتہ 30 سالوں میں 535 جہاز فضائی حادثوں کا شکار ہوئے، گزشتہ 5 سال کے دوران 46 فضائی حادثات میں ہلاک بھارتی پائلٹس کی تعداد 42 ہے، مودی سرکار کے اقدامات نے واضح کر دیا بھارتی حکومت مالی فائدے کیلئے اداروں کو تباہ کرسکتی ہے۔

  • ایئر بلون زمین سے جا ٹکرایا، خوفناک ویڈیو

    ایئر بلون زمین سے جا ٹکرایا، خوفناک ویڈیو

    امریکا میں ہاٹ ایئر بلون کی سواری کے دوران خوفناک حادثہ پیش آیا جس میں ایئر بلون زمین سے جا ٹکرایا، خوش قسمتی سے بلون میں سوار افراد محفوظ رہے۔

    یہ واقعہ امریکی ریاست کیلی فورنیا میں پیش آیا، ہاٹ ایئر بلون میں بیٹھنے والے ایک شخص نے تمام واقعے کی ویڈیو بنا لی۔

    ویڈیو میں دیکھا جاسکتا ہے کہ ایئر بلون معمول کی رفتار سے اڑ رہا ہے اور اس میں کچھ افراد سوار ہیں۔

    تاہم ہوا کی تیز رفتار سے ایئر بلون لڑکھڑا جاتا ہے اور کچھ دیر بعد زمین سے ٹکراتا ہے، اس کے بعد وہ جھاڑیوں میں کچھ دور تک گھسٹتا ہوا جاتا ہے۔

    اس دوران بلون کا پائلٹ لوگوں سے اپنی جگہ پر رہنے کو کہتا ہے، خوش قسمتی سے ایئر بلون میں موجود تمام افراد محفوظ رہے۔

    ویڈیو وائرل ہونے کے بعد سوشل میڈیا صافین نے پائلٹ کو سراہا جس نے حاضر دماغی سے کسی کو کوئی نقصان پہنچنے سے محفوظ رکھا۔

  • فلپائن میں فوجی طیارہ گر کر تباہ، بڑا جانی نقصان

    فلپائن میں فوجی طیارہ گر کر تباہ، بڑا جانی نقصان

    منیلا: جنوب مشرقی ایشیائی ملک فلپائن میں فوجی طیارہ گر کر تباہ ہوگیا، حادثے میں بڑا جانی ومالی نقصان ہوا ہے۔

    غیر ملکی میڈیا رپورٹ کے مطابق حادثہ جنوبی فلپائن میں اس وقت پیش آیا جب فوجی طیارہ صوبے سولو کے جولو نامی جزیرے پر لینڈ کررہا تھا کہ فنی خرابی کے باعث گرا، طیارے کے گرتے ہی اس میں آگ بھڑک اٹھی۔

    فلپائن آرمڈ فورسز کے سربراہ نے دلخراش حادثے کی تصدیق کرتے ہوئے بتایا کہ حادثے میں 85 افراد ہلاک ہوگئے ہیں۔

    فلپائن کی مسلح افواج کے سربراہ جنرل سیریلو سوبیجانا نے غیر ملکی میڈیا کو بتایا کہ طیارے کے جلتے ہوئے ملبے سے پندرہ افراد کو بچالیا گیا ہے، علاقے میں امدادی کارروائیاں جاری ہے، ہماری کوشش ہے کہ مزید افراد کو زندہ بچایا جاسکے۔

  • پانی کی بلی کو اپنی برائی پسند نہ آئی، حیرت انگیز ویڈیو وائرل

    پانی کی بلی کو اپنی برائی پسند نہ آئی، حیرت انگیز ویڈیو وائرل

    سان تیاگو : آپ نے کسی ویڈیو یا تصاویر میں ساحل سمندر پر بے شمار سیلز (پانی کی بلیاں) دیکھی ہوں گی لیکن شاید ان کی شرارتیں نہ دیکھی ہوں، آج ہم آپ کو ایسی ہی ایک سیل سے ملائیں گے۔

    ساؤتھ امریکہ کے ملک چلی کے ایک ساحل پر سینکڑوں سیلز (پانی کی بلیاں)گزشتہ کئی روز سے قیام پذیر ہیں، ان کی رہائش کا مقصد اپنی اور اپنے بچوں کی جان بچانا ہے۔

    کھلے سمندر میں ان دنوں خونخوار وہیل مچھلیاں ان کی جان کی دشمن بنی ہوئی ہیں جس سے بچنے کیلئے300سے زائد سیلز نے ساحل کی پتھریلی زمین پر پناہ لی ہوئی ہے۔

    مذکورہ صورتحال کے باعث وہاں کام کرنے والے ماہی گیر شدید مشکلات سے دوچار ہیں، اسی حوالے سے ایک مقامی ماہی گیر میڈیا کو اس صورتحال آگاہ کر ہی رہا تھا کہ اچانک وہ وہاں سے تیزی ہٹ گیا۔

    ہوا کچھ یوں کہ ماہی گیر چلی کے ایک قصبے ٹوم کے ساحلوں پر آنے والی سیکڑوں سیلز کی آمد کے بارے میں وضاحت پیش کرتے ہوئے انہیں مصیبت قرار دے رہا تھا کہ اسی دوران ایک سیل دروازہ کھول کر اس کے پاس آگئی۔

    یہ منظر دیکھ کر انٹرویو دینے والا ماہی گیر خوفزدہ ہوگیا اور تیزی سے پیچھے ہٹ گیا، یہ منظر کیمرے میں قید ہوگیا، شاید سیل کو اپنی برائی سننا پسند نہ آئی اور وہ ماہی گیر کو سبق سکھانے چلی آئی۔

    سوشل میڈیا پر یہ ویڈیو دیکھتے ہی دیکھتے وائرل ہوئی اور صارفین اس پر دلچسپ تبصرے بھی کررہے ہیں۔

    اس سے قبل ماہی گیر نے اپنی گفتگو مں مقامی حکومت پر اس معاملے کو نظرانداز کرنے کا الزام عائد کرتے ہوئے کہا تھا کہ تقریباً تین دہائیوں سے سیلز کی بڑھتی ہوئی آبادی پر قابو پانے کے لئے کچھ نہیں کیا گیا ہے۔

    اس نے کہا کہ یہ طاعون کی طرح ایک وبا ہے گزشتہ 28سال سے ان سیلز کی تعداد کو کم رکھنے کے لئے کوئی ادارہ قائم نہیں کیا گیا ہے۔ مذکورہ ویڈیو کو نیوز ایجنسی رائٹرز نے شیئر کیا تھا اور یوٹیوب پر اپلوڈ ہونے کے بعد سے اس پر10،000 سے زیادہ صارفین نے اپنے خیالات کا اظہار کیا۔

  • طیارہ بجلی کے تاروں سے ٹکرا کر تباہ

    طیارہ بجلی کے تاروں سے ٹکرا کر تباہ

    فلوریڈا: امریکا ریاست فلوریڈا میں چھوٹا طیارہ بجلی کے تاروں سے ٹکرانے کے بعد گر کر تباہ ہوگیا۔

    غیرملکی خبررساں ادارے کی رپورٹ کے مطابق امریکی ریاست فلوریڈا کے شہر میرامار میں چھوٹا طیارہ گر کر تباہ ہوگیا جس کے نتیجے میں ایک شخص ہلاک اور ایک زخمی ہوگیا۔

    طیارہ حادثے کے نتیجے میں زخمی شخص کو طبی امداد کے لیے اسپتال منتقل کیا گیا جہاں اس کی حالت تشویش ناک بتائی جارہی ہے۔

    رپورٹ کے مطابق بجلی کے تاروں سے ٹکرانے کے بعد طیارے پی اے 34 میں آگ بھڑک اٹھی اور وہ گر کر تباہ ہوگیا۔

    عینی شاہد خاتون ایلن برممیر کا کہنا ہے کہ میں اپنے دوست کے گھر جارہی تھی جب اچانک دیکھا کہ ایک چھوٹا طیارہ بہت نیچے پرواز کررہا ہے جس میں پائلٹ کا چہرہ بھی واضح دکھائی دے رہا تھا۔ ان کا کہنا تھا کہ ایسا لگتا تھا کہ وہ سڑک پر اترنے کی کوشش کررہا تھا۔

    فیڈرل ایوی ایشن ایڈمنسٹریشن کے مطابق پائلٹ نے ہوائی ٹریفک کنٹرولرز کو بتایا کہ وہ ہوائی اڈے پر واپس جانے کی کوشش کررہا تھا کہ ہوائی جہاز نیچے گر گیا۔

    طیارہ وایمن ایوی ایشن فلائٹ اسکول میں رجسٹرڈ تھا اور اس کے پائلٹ نے اپنی تربیت مکمل کرلی تھی جس کے بعد اس نے اڑان بھری تھی۔

    وے من ایوی ایشن اکیڈمی کے نائب صدر ایڈی لوئے کا کہنا ہے کہ وہ بالکل ٹھیک طریقہ کار پر عمل پیرا تھا شاید یہ وقت ان کے لیے صحیح نہیں تھا۔

    رپورٹ کے مطابق نیشنل ٹرانسپورٹیشن سیفٹی بورڈ نے اور ایف اے اے نے حادثے کی تحقیقات کا آغاز کردیا ہے۔

  • ڈونلڈ ٹرمپ کی اچانک حامی نوجوان کی شادی میں‌ شرکت، دلہا دلہن حیران

    ڈونلڈ ٹرمپ کی اچانک حامی نوجوان کی شادی میں‌ شرکت، دلہا دلہن حیران

    واشنگٹن:امریکی صدر ڈونلڈ ٹرمپ ریاست نیو جرسی میں منعقدہ ایک شادی کی تقریب میں جا پہنچے، جنہیں دیکھ کر دلہا دلہن سمیت تمام افراد حیران رہ گئے۔

    تفصیلات کے مطابق صدر ڈونلڈ ٹرمپ جوعوامی نوعیت کی محفلوں اور تقریبات میں کم ہی دکھائی دیتے ہیں کچھ روز قبل اچانک ریاست نیو جرسی کے شہر بڈمنسٹر میں واقع گالف کلب میں منعقدہ ایک حامی نوجوان کی شادی کی تقریب میں جا پہنچے۔

    غیر ملکی خبر رساں ادارے کا کہنا تھا کہ دلہا مونگیلی نے وائیٹ ہاؤس میں متعدد اہم شخصیات کو اپنی شادی کے دعوت نامے ارسال کیے تھے، ان میں صدر ٹرمپ بھی شامل تھے۔

    غیر ملکی خبر رساں ادارے کا کہنا تھا کہ صدر کی شرکت پر دلہا اور دلہن سمیت دیگر شرکاءکو بھی خوش گوار حیرت ہوئی۔

    شادی کی تقریب میں صدر ڈونلڈ ٹرمپ کی شرکت کی ایک فوٹیج سوشل میڈیا پر بھی وائرل ہوئی جس میں انہیں دلہا اور دلہن کے ساتھ کھڑے دیکھا جاسکتا ہے۔

    اس موقع پر صدر ٹرمپ نے ٹائی کے بغیر سیاہ پینٹ اور کوٹ زیب تن کیا ہوا تھا،صدر ٹرمپ نے دلہا اور دلہن سے معانقہ کیا۔

    غیر ملکی خبر رساں ادارے کا کہنا تھا کہ تقریب عروسی میں شریک شرکاء نے صدر ٹرمپ کو شادی میں دیکھ کر امریکا زندہ باد کے نعرے بھی لگائے۔

  • ایتھوپین ایئرلائن کا مسافر بردار طیارہ حادثے کا شکار، 157 مسافر ہلاک

    ایتھوپین ایئرلائن کا مسافر بردار طیارہ حادثے کا شکار، 157 مسافر ہلاک

    نیروبی : ایتھوپین ایئر لائن کا طیارہ بوئنگ 737 کینیا جاتے ہوئے گر کر تباہ ہوگیا، متاثرہ طیارے میں سوار تمام 157 مسافر ہلاک ہوگئے۔

    تفصیلات کے مطابق ایتھوپیا کے دارالحکومت اددیس آبابا کے ہوائی اڈے سے اڑان بھرنے والا ایتھوپین ایئر لائن کا مسافر بردار طیارہ نامعلوم وجوہات کے باعث ہوائی اڈے سے اڑان بھرنے کے کچھ دیر بعد اچانک ایتھوپین ٹاؤن بِس ہوفتو میں گر کر تباہ ہوگیا۔

    غیر ملکی خبر رساں ادارے کا کہنا تھا کہ ایتھوپین ایئر لائن کا مسافر بردار طیارہ ’ای ٹی 302‘ 149 مسافروں عملے کے آٹھ افراد کو دارالحکومت سے کینیا کے دارالحکومت نیروبی لے جار ہا تھا۔

    ایتھوپین حکومت کے ترجمان کا کہنا ہے کہ حادثہ صبح 8 بج کر 44 منٹ پر پیش آیا تھا، ریسکیو ٹیموں نے جائے حادثہ پر پہنچ کر ریسکیو آپریشن کیا اور تمام لاشوں کو اسپتال منتقل کیا۔

    طیارے میں ایئرلائن کے 8 عملے سمیت کل 157مسافر سوار تھے، طیارے میں کینیا کے سب سے زیادہ مسافرجبکہ سات مسافر برطانوی اور چار بھارتی مسافروں سمیت دیگر ممالک کے مسافر بھی سوار تھے۔ ترجمان ایئرلائن نے بتایا کہ طیارے میں 35 ممالک کے مسافر سفر کر رہے تھے۔

    ایتھوپیا کے وزیر اعظم ابھی احمد نے سماجی احمد نے سماجی رابطے کی ویب سائٹ پر ٹویٹ کیا کہ ’حادثے کا شکار ہونے افراد کے اہلخانہ کے دکھ میں برابر کے شریک ہیں جنہوں نے اپنے پیاروں کو کھویا ہے‘۔

  • بھارتی فضائیہ کا لڑاکا طیارہ حادثے کا شکار، پائلٹ محفوظ

    بھارتی فضائیہ کا لڑاکا طیارہ حادثے کا شکار، پائلٹ محفوظ

    نئی دہلی : بھارتی فضائیہ کا لڑاکا طیارہ ’جیوگر‘ گرکر تباہ ہوگیا تاہم حادثے کے نتیجے میں کوئی جانی نقصان نہیں ہوا۔

    تفصیلات کے مطابق بھارتی ریاست اترپردیش میں بھارتی فضائیہ کا لڑاکا طیارہ جیوگر اڑان بھرنے کے کچھ دیر بعد بے قابو ہوگیا اور خوشی نگر کے جنگل میں گرکر تباہ ہوگیا۔

    بھارتی میڈیا کا کہنا ہے کہ متاثرہ طیارے کا پائلٹ ونگ کمانڈر رتیش کاٹوش خوش قسمتی سے جان بچانے میں کامیاب ہوگیا اور طیارہ گرنے سے قبل ہی کاک پٹ سے باہر نکل گیا۔

    بھارتی فضائیہ کے ترجمان کا کہنا ہے کہ طیارہ معمول کی پرواز کررہا تھا، واقعے کی تحقیقات کےلیے ٹیم تشکیل دے دی ہے جو حادثے کی وجوہات معلوم کرے گی۔

    غیر ملکی میڈیا کا کہنا ہے کہ ریسکیو عملے نے پائلٹ کو قریبی اسپتال منتقل کردیا جہاں اسے طبی امداد فراہم کی جارہی ہے۔

    خوشی نگر کے سینئر پولیس افسر کا کہنا ہے کہ طیارہ آبادی سے کچھ فاصلے پر حادثے کا شکار ہوا ہے، پائلٹ کمال مہارت سے شہریوں اور خود کو حادثے کا شکار ہونے سے بچایا ہے۔

    پولیس افسر کے مطابق ابتدائی تحقیقات سے معلوم ہوا ہے کہ طیارے میں اڑان بھرنے کے بعد فنی خرابی کے سبب حادثے کا شکار ہوا۔

    ذرائع کا کہنا ہے کہ طیارہ اس وقت حادثے کا شکار ہوا جب پائلٹ پرواز کے بعد واپس گورکھ ایئربیس لوٹ رہا۔

    مزید پڑھیں : بھارتی فضائیہ کا تربیتی طیارہ دوران پرواز حادثے کا شکار

    یاد رہے کہ گزشتہ برس اکتوبر میں بھارت کی فضائیہ کا تریبتی جہاز ریاست اتر پردیش کے ضلع غازی آباد میں انجن میں فنی خرابی کے باعث دوران پرواز حادثے کا شکار ہوگیا تھا تاہم خوش قسمتی سے طیارہ حادثے میں پائلٹ محفوظ رہے تھے۔

  • برطانیہ میں ہیلی کاپٹر حادثے کا شکار، فٹبال کلب کا مالک ہلاک

    برطانیہ میں ہیلی کاپٹر حادثے کا شکار، فٹبال کلب کا مالک ہلاک

    لندن : برطانیہ کی لایئسٹر سٹی فٹبال کلب کے مالک کا ہیلی کاپٹر  اسٹیڈیم کے باہر حادثے کا شکار ہوا تھا فٹبال کلب سے حادثے کے نتیجے میں مالک کے ہلاک ہونے کی تصدیق کردی ہے۔۔

    تفصیلات کے مطابق برطانیہ کے مشہور کنگ پاور فٹبال اسٹیڈیم میں ہفتے کے روز لایئسٹر سٹی کلب اور ویسٹ ہیم کے درمیان کھیلی جانے والی پریمئر لیگ کے اختتام پر گراؤنڈ کے مالک کا ہیلی کاپٹر فنی خرابی کے باعث حادثے کا شکار ہوگیا۔

    لایئسٹر پولیس کا کہنا ہے کہ حادثے میں ہلاک ہونے والے افراد میں تھائی ارب پتی، دو اسٹاف ممبر دو پائلٹ شامل ہیں، جن کی ہلاکت کی تصدیق لایئسٹر سٹی کلب نے بھی کردی ہے۔

     

    برطانوی خبر رساں ادارے کا کہنا تھا کہ ہیلی کاپٹر کا پائلٹ سوفر گذشتہ 20 برس سے طیارے اور ہیلی کاپٹر اڑا رہے تھے، ہلاک پائلٹ اپنے نجی صحافتی ادارے کا براڈسٹنگ ہیلی کاپٹر بھی اڑا چکے ہیں۔

    برطانوی خبر رساں ادارے کا کہنا تھا کہ تھائی لینڈ کے ارب پتی شہری وکائی سریوڈھن اپرابھا نے سنہ 2010 میں لایئسٹر سٹی اسٹیڈیم خریدا تھا۔

    مقامی میڈیا کا کہنا تھا کہ ہیلی کاپٹر اڑان بھرنے کے چند لمحے بعد ہی حادثے کے باعث زمین بوس ہوگیا تھا۔

    برطانوی خبر رساں ادارے کا کہنا تھا کہ اسٹیڈیم کے پارکنگ ایریا میں مقامی وقت کے مطابق 10:20 پر نجی ہیلی کاپٹر حادثے کے باعث گر تباہ ہوا تھا، حادثے کے نتیجے میںوکائی سریوڈھن سمیت ہیلی کاپٹر میں سوار تمام افراد ہلاک ہوگئے۔

    پولیس کا کہنا ہے کہ ہیلی کاپٹر میں حادثے کے بعد خوفناک آگ بھڑک اٹھی تھی، متاثرہ ہیلی کاپٹر کے ملبے سے ابھی تک شولے بھڑک رہے ہیں جس کے باعث ہیلی کاپپٹر میں مزید کتنے کے افراد تھے معلوم نہیں ہوسکا۔

    برطانوی خبر رساں ادارے کا کہنا ہے کہ ہنگامی خدمات انجام دینے والا عملہ فائربریگیڈ آگ بجھانے میں مصروف ہیں۔

    غیر ملکی میڈیا کا کہنا ہے کہ پریمیر لیگ کی کوریج کرنے والے کیمرہ مین نے خبر رساں ادارے کا بتایا کہ میں میچ کی تصاویر بنا رہا تھا کہ اچانک زور دار دھماکے کی آواز سنی اور جائے حادثہ پر پہنچا تو دیکھا وکائی سریوڈھن اپرابھا کا ہیلی کاپٹر حادثے کا شکار ہوا تھا۔

    برطانوی میڈیا کا کہنا ہے کہ لایئسٹر سٹی کلب نے وکائی سریوڈھن اپرابھا کی ملکیت میں سنہ 2016 میں پریمئر لیگ جیتی تھی۔

    یاد رہے کہ رواں برس مئی میں آئر لینڈ کے علاقے بوگ لینڈ میں پیراشوٹ طیارے کو حادثہ پیش آیا ہے جس کے نتیجے میں سات سالہ بچے سمیت دو افراد ہلاک ہوئے ہیں۔

  • امریکا میں‌ مسافر بردار طیارہ چوری کے بعد حادثے کا شکار

    امریکا میں‌ مسافر بردار طیارہ چوری کے بعد حادثے کا شکار

    واشنگٹن : امریکی شہر سیاٹل کے عالمی ہوائی اڈے سے چوری ہونے والا طیارہ کچھ دیر بعد گر تباہ ہوگیا، پولیس کا کہنا ہے کہ واقعہ دہشت گردانہ نہیں تھا۔

    تفصیلات کے مطابق امریکی شہر سیاٹل کے ٹاکوما ہوائی اڈے سے نجی ایئر لائن کا ایک ملازم مسافر بردار چوری کے بعد اڑا لے گیا تھا جس کے بعد امریکی فضائیہ کے دو جیٹ ایف 15 طیاروں نے مذکورہ جہاز کا تعاقب کیا تاہم کچھ دیر بعد کیٹرون آئی لینڈ میں گر کر تباہ ہوگیا تھا۔

    امریکی خبر رساں ادارے کا کہنا تھا کہ جمعے کے روز رات ساڑھے 8 بجے کے قریب ٹاکوما انٹرنیشنل ایئر پورٹ سے طیارہ چوری کی رپورٹ درج ہوئی تھی جس کے کچھ دیر بعد کیٹرون نامی آئی لینڈ سے دھواں اٹھا ہوا دیکھا گیا۔

    اطلاعات کے مطابق ایئرلائن کے 29 سالہ ملازم نے 76 نشستوں پر مشتمل مسافرطیارہ اغوا کیا اور 40 میل دور لے جا کر کریش کردیا۔

    پولیس حکام نے واقعے میں دہشت گردی کے امکان کو مسترد کردیا، ان کا کہنا تھا کہ مکینک کے پاس طیارہ اڑانے کی تربیت نہیں تھی جس کی وجہ سے طیارہ کریش ہوگیا اور نتیجے میں اغوا کار خود ہلاک ہوگیا۔

    پولیس حکام کا مزید کہنا تھا کہ 29 سالہ شخص پائرس کاؤنٹی کا رہائشی تھا جس نے اکیلے یہ کارروائی کی، جبکہ خوش قسمتی سے طیارے میں کوئی مسافر موجود نہیں تھا۔

    جہاز حادثے کے بعد ہوائی اڈے کی انتظامیہ نے سماجی رابطے کی ویب سائٹ ٹویٹر پر ٹویٹ کیا کہ ’مذکورہ نجی ایئر لائن کے ایک ملازم نے ہوائی اڈے سے بغیر اجازت ایک خالی جہاز اڑایا تھا جو گر کر تباہ ہوگیا‘۔

    ٹاکوما ہوائی اڈے کی جانب سے ٹویٹ میں مسافروں کو آگاہ کیا گیا کہ ’ایئرپورٹ پر فلائٹ آپریشن معمول کے مطابق جاری ہے‘۔

    امریکی خبر رساں ادارے کا کہنا تھا کہ متاثرہ کمپنی کی جانب سے ٹویٹ کیا گیا کہ ’ مذکورہ طیارہ ٹربو پروپ کیو 400 تھا اور  اس کی ذیلی ایئرلائن ہورائزن ایئر کی ملکیت تھا۔