ARYNews.tv | Urdu – Har Lamha Bakhabar

Tag: cricket match

  • لاک ڈاؤن : کرکٹ کھیلنے والے 11 نوجوان گرفتار، مقدمہ درج

    لاک ڈاؤن : کرکٹ کھیلنے والے 11 نوجوان گرفتار، مقدمہ درج

    نئی دہلی : پولیس نے لاک ڈاؤن کی خلاف ورزی پر کارروائی کرتے ہوئے کرکٹ میچ کھیلنے والے گیارہ نوجوانوں کو گرفتار کرکے مقدمہ درج کرلیا۔

    تفصیلات کے مطابق بھارتی ریاست اترپردیش کے شہر بارہ بنکی کے علاقے میں پولیس نے لاک ڈاؤن کی خلاف ورزی کرنے پر گیارہ نوجوانوں کے خلاف مقدمہ درج کیا ہے۔

    مذکورہ نوجوان ایک گراؤنڈ میں کرکٹ میچ کھیل رہے تھے کہ پولیس موقع پر پہنچ گئی اور میچ کو بند کرواکے کھلاڑیوں کو حراست میں لے لیا، پولیس نے کرکٹ میچ کے انعقاد اور لاک ڈاؤن کی خلاف ورزی کرنے پر مذکورہ 11نوجوانوں کیخلاف مقدمہ درج کرکے حوالات میں بند کردیا۔

    اس حوالے سے پولیس ذرائع نے بتایا کہ پیر کے روز لاک ڈاؤن کی خلاف ورزی کرتے ہوئے پانپور گاؤں میں کرکٹ میچ کا انعقاد کیا گیا تھا، پولیس نے موقع پر پہنچ کر گوری کارروائی کی۔

    مزید پڑھیں :دوست کو صندوق میں ڈال کرعمارت میں جانے کی کوشش، دونوں گرفتار

    ذرائع کا کہنا ہے کہ اس میچ میں کرکٹ میچ کے آرگنائزر  پربھاکر سنگھ اور دس دیگر نوجوانوں کے خلاف مقدمہ درج کیا گیا ہے، معاملے کی مزید تحقیقات کی جارہی ہیں۔

  • بھارت میں اب کوئی کرکٹ ٹورنامنٹ نہیں کھیلا جائے گا

    بھارت میں اب کوئی کرکٹ ٹورنامنٹ نہیں کھیلا جائے گا

    نئی دہلی : بھارتی کرکٹ بورڈ (بی سی سی آئی) نے کرونا وائرس کے پیش نظر آئی پی ایل، بھارت اور جنوبی افریقہ کے درمیان ون ڈے سیریز سمیت کسی بھی قسم کے ٹورمانٹس ملتوی کردیئے ہیں۔

    تفصیلات کے مطابق کرونا وائرس کے خدشے کے باعث بی سی سی آئی نے بھارت میں جنوبی افریقہ سے ہونے والی ون ڈٖے سیریز کو مؤخر کرنے کا اعلان کیا ہے۔

    اس کے علاوہ ملک بھر میں ہونے والے کرکٹ ٹورنامنٹس کے انعقاد پر بھی پابندی عائد کردی گئی ہے، فیصلے کے مطابق اب ہندوستان میں کوئی کرکٹ میچ نہیں کھیلا جائے گا، کرونا وائرس کی وجہ سے رواں ماہ ہونے والے کئی اہم ٹورنامنٹس غیر معینہ مدت کیلئے ملتوی کردیئے گئے ہیں

    بھارتی کرکٹ بورڈ کے فیصلے کے مطابق شیش بھارت اور رنجی چمپئن سوراشٹر کے درمیان ہونے والی ایرانی ٹرافی سمیت تمام ٹورنامنٹس ملتوی کردیئے گئے ہیں، نئی تاریخوں کا اعلان بعد میں کیا جائے گا۔

    بی سی سی آئی کے سکریٹری جے شاہ کے دستخط سے جاری کردہ آفیشل بیان میں کرکٹ بورڈ کا کہنا ہے کہ جن ٹورنامنٹس کو ملتوی کیا گیا ہے ان میں ایرانی کپ، وجے ٹرافی، سینئر خواتین ون ڈے ناک آوٹ اور سینئر خواتین ون ڈے چیلنجر شامل ہیں۔

    واضح رہے کہ وبائی صورت میں دنیا بھر کو اپنی لپیٹ میں لینے والے مہلک ترین کرونا وائرس نے جہاں دنیا بھر میں متعدد میچز اور ٹورنامنٹ منسوخ یا ملتوی کروائے وہی بھارت میں 29 مارچ سے شروع ہونے والی انڈین پریمیئر لیگ (آئی پی ایل) بھی منسوخ کروا دی۔
    بھارتی کرکٹ بورڈ کی جانب سے جاری اعلامیے میں کہا گیا ہے کہ 29 مارچ سے شروع ہونے والے آئی پی ایل میچز کو اب 15 اپریل کے بعد منعقد کرنے پر غور کیا جائے گا۔

  • میچ فکسنگ میں‌ ملوث بکیز کی کثیر تعداد کا تعلق بھارت سے ہے، آئی سی سی کا انکشاف

    میچ فکسنگ میں‌ ملوث بکیز کی کثیر تعداد کا تعلق بھارت سے ہے، آئی سی سی کا انکشاف

    دبئی: انٹرنیشنل کرکٹ کونسل (آئی سی سی) اینٹی کرپشن یونٹ کے عہدیدار لیکس مارشل نے انکشاف کیا ہے میچ فکسنگ اور کھلاڑیوں کو خریدنے والے اکثر افراد کا تعلق بھارت سے ہے۔

    اینٹی کرپشن یونٹ کے مینجر یومارشل نے غیر ملکی ویب سائٹ کو انٹرویو دیتے ہوئے کہا ہے پاکستانی لیگ اسپینر دنیش کنیریا کی جانب سے میچ فکسنگ کا اعتراف اور اس کے پیچھے چھپے بکی کو سامنے لانا میرے لیے کوئی انہونی بات نہیں ہے۔

    اُن کا کہنا تھا کہ ’سنہ 2000 میں پہلی بار جب میچ فکسنگ کا اسکینڈل سامنے آیا تو تحقیقات میں یہ بات سامنے آئی کہ کرکٹ میچز کو فکس کروانے والے بیکیز میں سے اکثریت کا تعلق بھارت سے ہے‘۔

    مزید پڑھیں: سرفراز احمد کو میچ فکسنگ پر اکسانے والے شارجہ اسٹیڈیم کے سابق ملازم کو چارج شیٹ جاری

    مارشل کا کہنا تھا کہ ’ہم نے میچ فکسنگ کی تحقیقات کے دوران انگلینڈ اور سری لنکا کے ملوث کھلاڑیوں کو کرپٹ افراد کے نام اور تصاویر دکھائیں تو انہوں نے شناخت کیا، ان میں سے کچھ سری لنکا جبکہ باقی بھارتی تھے، تمام افراد کو قانونی گھیرے میں لینے کی کوشش کررہے ہیں‘۔

    اینٹی کرپشن یونٹ کے مینیجر کا کہنا تھا کہ ’ہم اس وقت فعال بکیز کے گرد گھیرا تنگ کررہے ہیں، تمام افراد کی تصاویر اور تفصیلات کھلاڑیوں کو دینے کا مقصد یہ ہے کہ ایسے لوگوں کا راستہ روکا جاسکے تاکہ سٹے بازی کا معاملہ ختم ہو‘۔

    مارشل کا کہنا تھا کہ ’آئی سی سی کی ٹیم نے 20 بکیز کی نگرانی شروع کردی جو میچ فکسنگ میں ملوث ہیں، ان لوگوں کے ساتھ خواتین بھی متحرک کردار ادا کرتی ہیں جن سے کھلاڑیوں کو ہوشیار رہنے کا مشورہ دے دیا‘۔

    واضح رہے کہ آئی سی سی اس وقت سری لنکن ٹیم کے خلاف میچ فکسنگ کی تحقیقات کررہی ہے، گزشتہ ہفتے اینٹی کرپشن کی ٹیم نے سابق کپتان جے سوریا کو طلب کیا تھا۔

    یہ بھی پڑھیں: بھارت میں میچ فکسنگ عروج پر، کھلاڑیوں کے بعد گراؤنڈ اسٹاف بھی ملوث

    اسے بھی پڑھیں: آئی پی ایل میں ایک اور میچ فکسنگ کا تنازعہ

    آئی سی سی کی جانب سے طلب کیے جانے کے باوجود سابق کرکٹر نے تعاون نہ کیا جس پر انہیں اینٹی کرپشن قواعد میں معاونت نہ کرنے کا مرتکب قرار بھی دیا گیا جبکہ جے سوریا نے اپنے اوپر عائد ہونے والے الزامات کو یکسر مسترد کردیا۔

    یہ بھی یاد رہے کہ آئی سی سی کے اینٹی کرپشن یونٹ نے حال میں مختصر طرز کی کرکٹ میں انگلینڈ اور سری لنکا کے کھلاڑیوں کے ساتھ کرپشن میں ملوث متحرک افراد کے حوالے سے معلومات جمع کیں تھیں، جن کے خلاف گھیرا تنگ کرنے کی کوشش جاری ہے۔

  • خوشی ہےمیرانشاہ میں ٹی 20 میچ ہورہاہے، چیئرمین پی ٹی آئی

    خوشی ہےمیرانشاہ میں ٹی 20 میچ ہورہاہے، چیئرمین پی ٹی آئی

    اسلام آباد : پاکستان تحریک انصاف کے سربراہ کا کہنا ہے کہ خوشی ہے میرانشاہ میں ٹی 20 میچ ہورہا ہے، بلآخر شمالی وزیرستان کےعوام کو تفریح کا موقع ملا۔

    تفصیلات کے مطابق شمالی وزیرستان میں خیرسگالی کرکٹ میچ پرعمران خان بھی خوش ہے، پی ٹی آئی چیئرمین نے سماجی رابطے کی ویب سائٹ ٹوئٹر پر اپنے پیغام میں کہا کہ خوشی ہے میرانشاہ میں ٹی 20 میچ ہورہا ہے، بے پناہ ظلم کے بعد بلآخرشمالی وزیرستان کےعوام کوتفریح کا موقع ملا۔

    اس سے قبل ڈی جی آئی ایس پی آرمیجر جنرل آصف غفور کا کہنا تھا کہ آج بہت خوشی کا دن ہے، فاٹا کے عوام آج پہلی بار براہ راست میچ دیکھ رہےہیں، قبائلی عوام کے تعاون سے کردار ادا کرتےرہیں گے، پاکستانی عوام نے بہت محنت کے بعد یہ دن دیکھے ہیں۔

    میجر جنرل آصف غفور نے مزید کہا کہ دہشت گرد باہر سے ہمارے ملک میں داخل ہوئےتھے، دہشتگردی کو اپنے ملک سے باہر نکال پھینکا ہے، دہشتگردی کو کسی صورت واپس نہیں آنے دینگے۔

    خیال رہے کہ شمالی وزیرستان میں پاک فوج کے زیراہتمام خیرسگالی ٹی ٹوئنٹی میچ  کا انعقاد کیا گیا ، جس میں پاکستان الیون اور یو کےالیون مدل مقابل تھے، میچ میں پاکستان الیون نے یوکے میڈیا الیون کو133رنز سے شکست دیدی۔

    کھلاڑی میچ ختم ہونے پر گراؤنڈ کا چکر لگایا ، دونوں ٹیموں کے کھلاڑیوں نے پاکستان اور برطانیہ کا پرچم اٹھا رکھا ہے۔

    مزید پڑھیں : شمالی وزیرستان: پاکستان الیون اوریوکےالیون میں خیرسگالی کرکٹ میچ

    میران شاہ میں کھیلے جارہے اس نمائشی میچ کو یونس خان اسٹیڈیم میں25ہزارقبائلی عوام نے دیکھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • امن کپ سے ثابت کرینگے پاکستان پُر امن ملک ہے،ڈی جی آئی ایس پی آر

    امن کپ سے ثابت کرینگے پاکستان پُر امن ملک ہے،ڈی جی آئی ایس پی آر

    شمالی وزیرستان : ڈی جی آئی ایس پی آر میجرجنرل آصف غفور کا کہنا ہے کہ آج بہت خوشی کا دن ہے ، امن کپ سے ثابت کرینگے پاکستان پُر امن ملک ہے، سب کیلئے پیغام ہے یہ ہے اصلی پاکستان ، یہ ہیں اصلی پاکستانی جو امن کیساتھ رہنا چاہتےہیں۔

    تفصیلات کے مطابق قبائلی علاقوں کی تاریخ میں کرکٹ کا سب سے بڑا ایونٹ یونس خان کرکٹ اسٹیڈیم میں جاری ہے ، ڈی جی آئی ایس پی آرمیجر جنرل آصف غفوربھی اسٹیڈیم میں موجود ہیں۔

    اس موقع پر ڈی جی آئی ایس پی آرمیجر جنرل آصف غفور نے کہا کہ آج بہت خوشی کا دن ہے، فاٹا کے عوام آج پہلی بار براہ راست میچ دیکھ رہےہیں، قبائلی عوام کے تعاون سے کردار ادا کرتےرہیں گے، پاکستانی عوام نے بہت محنت کے بعد یہ دن دیکھے ہیں۔

    ڈی جی آئی ایس پی آر کا کہنا ہے کہ آرمی چیف کی خواہش تھی میچ شمالی وزیرستان میں ہو، سب کیلئے پیغام ہے یہ ہے اصلی پاکستان ، یہ ہیں اصلی پاکستانی جو امن کیساتھ رہنا چاہتے ہیں۔

    میجر جنرل آصف غفور نے مزید کہا کہ دہشت گرد باہر سے ہمارے ملک میں داخل ہوئےتھے، دہشتگردی کو اپنے ملک سے باہر نکال پھینکا ہے، دہشتگردی کو کسی صورت واپس نہیں آنے دینگے۔

    ڈی جی آئی ایس پی آر نے کہا کہ کرکٹ کوہرپاکستانی پسندکرتاہے ، پسندیدہ کھلاڑی شاہدآفریدی ہیں۔

    مزید پڑھیں : شمالی وزیرستان: پاکستان الیون اوریوکےالیون میں خیرسگالی کرکٹ میچ

    انھوں نے بتایا کہ شمالی وزیرستان میں امن قائم ہوگیا ہے، لگتا نہیں تھا ٹیمیں شمالی وزیرستان میں کھیلیں گی، فاٹاریفارمز کے بعد یہ علاقہ ملک کے دیگرعلاقوں کے برابر ہوگا، آپریشن کےوقت یہاں کے عوام کو نقل مکانی کرنا پڑی، فاٹا کےعوام کو واپس آنے کے بعد تمام سہولتیں دی گئیں، شمالی وزیرستان میں اسکولز،کالج،سڑکیں ،مارکیٹس بن گئیں،فاٹاریفارمزمکمل ہونے پر یہ علاقہ بہت ترقی کرے گا۔

    خیال رہے کہ شمالی وزیرستان میں پاک فوج کے زیراہتمام خیرسگالی ٹی ٹوئنٹی میچ جاری ہے، جس میں پاکستان الیون اور یو کےالیون مدل مقابل ہیں۔

    میران شاہ میں کھیلے جارہے اس نمائشی میچ کو دیکھنے کے لیے گراؤنڈ میں مقامی اسکولوں کے طالب علموں سمیت قبائلی عمائدین بھی موجود ہیں

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • خوش نصیبی ہے کہ مجھے تاریخی میچ دیکھنے کا موقع ملا، سراج الحق

    خوش نصیبی ہے کہ مجھے تاریخی میچ دیکھنے کا موقع ملا، سراج الحق

    لاہور : جماعت اسلامی کے سربراہ سینیٹر سراج الحق نے کہا ہے کہ پاکستان میں عالمی کرکٹرز کے آنے سے بھارت کو بہت پریشانی ہے،خوش نصیبی ہے کہ مجھے تاریخی میچ دیکھنے کا موقع ملا، پاکستان میں کرکٹ کی واپسی سے دنیا میں بہت مثبت پیغام گیا۔

    ان خیالات کا اظہار انہوں نے قذافی اسٹیڈیم لاہور میں صحافیوں سے گفتگو کرتے ہوئے کیا، سراج الحق آزادی کپ کافائنل میچ دیکھنے کیلئے قذافی اسٹیڈیم پہنچے تو ان کو دیکھ لوگوں نے خوشگوار حیرت کا اظہار کیا۔

    سراج الحق کا کہنا تھا کہ صدر اور وزیراعظم یہاں میچ دیکھنے نہیں آئے،ان کی قسمت میں یہ موقع نہیں تھا، خوش نصیب ہوں کہ مجھے یہ تاریخی میچ دیکھنے کا موقع ملا، قوم بھی پاکستان میں بین الاقوامی کرکٹر کے آنے پر بہت خوش ہے۔

    ان کا کہنا تھا کہ پاکستان میں کرکٹ کی واپسی سے دنیا میں بہت مثبت پیغام گیا، وی آئی پی کلچر کا ہرجگہ سے خاتمہ ہونا چاہیے، جن کےپاس ٹکٹ ہیں انہیں میچ دیکھنے کا حق ہے۔

    انتظامیہ سیکیورٹی کے نام پر شائقین کرکٹ کو بےجاتنگ نہ کرے، صرف ضابطہ اخلاق کی خلاف ورزی پر کارروائی ہونی چاہیئے۔

    امیر جماعت اسلامی نے کہا کہ پاکستان کاالمیہ ہے کہ یہاں شخصیات مضبوط اور ادارے کمزور ہیں، ترقی کے لئے ہمیں آئین ،قانون اور اداروں کو مضبوط بنانا ہوگا، اس پاکستان کا حامی ہوں جس میں محمود و ایاز ایک صف میں نظر آئیں۔

  • جنوبی افریقہ سری لنکا میچ کے دوران شہد کی مکھیوں کا حملہ

    جنوبی افریقہ سری لنکا میچ کے دوران شہد کی مکھیوں کا حملہ

    جوہانسبرگ : جنوبی افریقہ اور سری لنکا کے میچ دوران شہد کی مکھیوں نے حملہ کردیا، کھلاڑی ان سے بچنے کیلیے گراؤنڈ میں لیٹ گئے، جس کے باعث کھیل کچھ دیر تک روکنا پڑا۔

    تفصیلات کے مطابق شہد کی مکھیوں نے جوہانسبرگ کے اسٹیڈیم میں دھاوا بول دیا، یہ دلچسپ صورتحال اس وقت پیدا ہوئی جب جنوبی افریقہ اورسری لنکا کے درمیان تیسرا ون ڈے جا ری تھا۔

    اس وقت سری لنکا کی ٹیم بیٹنگ کررہی تھی کہ اچانک شہد کی مکھیوں کا ایک بہت بڑا جتھا میدان میں داخل ہوگیا، اس دوران میچ کو فوری طورپر روک دیا گیا اور کھلاڑیوں سمیت امپائرز بھی مکھیوں کے کاٹنے کے ڈر سے زمین پر لیٹ گئے۔

    امپائر نے چوکوں اور چھکوں کے اشارے دینے کے بجائے مکھیوں سے بچنے کے لیے لیٹ جانے میں ہی عافیت جانی، مکھیوں کے حملے کے باعث دو مرتبہ کھیل کو روکا گیا۔

    مکھیوں نے گراؤنڈ میں موجود انسانوں کے علاوہ ہیلمٹ کو بھی نہیں چھوڑا، میدان کے عملے نے اسپرے سے مکھیوں کو بھگانے کی ہر ممکن کوشش کی لیکن کامیابی نہ ملی۔

    جس کے بعد مکھیاں پکڑنے والوں کو بلوایا گیا۔ ایک گھنٹے تاخیر کے بعد میچ شروع ہوا جو بعد ازاں جنوبی افریقہ نے سات وکٹوں سے جیت لیا۔

  • وزیراعلیٰ سندھ کی آمد، کرکٹ میچ روک کرمیدان کو ہیلی پیڈ میں تبدیل کردیا

    وزیراعلیٰ سندھ کی آمد، کرکٹ میچ روک کرمیدان کو ہیلی پیڈ میں تبدیل کردیا

    حیدرآباد: وزیراعلیٰ سندھ قائم علی شاہ کی حیدرآباد آمد کے موقع پرمقامی اسٹیڈیم میں جاری کرکٹ میچ روک کرمیدان کو ہیلی پیڈ میں تبدیل کردیا گیا۔

    تفصیلات کے مطابق وزیراعلیٰ سندھ کی حیدرآباد آمد کے موقع پرنیازاسٹیڈیم کو دو گھنٹہ قبل ہی ہیلی پیڈ میں تبدیل کردیا گیا۔

    واضح رہے کہ آج کوئٹہ اورحیدرآباد ریجن کے درمیان انڈرنائنٹین میچ جاری تھا کہ سیکیورٹی اہلکارگراوٗنڈ میں داخل ہوئے اورانتظامیہ کو فوری طورپرمیچ روکنے کے لئے کہا۔

    انتظامیہ کی ہدایت پرمیچ امپائرعلی موسیٰ نے اسٹمپس اکھاڑ لیں اور کھلاڑیوں نے میدان خالی کردیا۔

    میچ روکے جانے کے دو گھنٹے بعد تک وزیراعلیٰ سندھ تشریف نہیں لائے۔

    دو گھنٹے سے زائد وقت گزر جانے کے بعد جب قائم علی شاہ کی آمد ہوئی تو اسکے بعد بھی میچ شروع نہیں کیا جاسکا کیونکہ سیکیورٹی اہلکاروں کی بڑی تعداد گراوٗنڈ میں موجود رہی۔

  • دوستانہ میچ : آرمی الیون نے پاکستان الیون کو چھ وکٹوں سے ہرا دیا

    دوستانہ میچ : آرمی الیون نے پاکستان الیون کو چھ وکٹوں سے ہرا دیا

    راولپنڈی : یوم آزادی کے موقع پر کھیلے گئے کرکٹ میچ میں آرمی الیون نے پاکستان الیون کو چھ وکٹ سے شکست دے دی۔

    تفصیلات کے مطابق پاکستان آرمی اور پاکستان الیون کے درمیان یوم آزادی کے موقع پرراولپنڈی اسٹیڈیم میں آئی ڈی پیز کے لئےایک دوستانہ اور امدادی میچ کا انعقاد کیا گیا۔

    میچ میں آرمی الیون نے پاکستان الیون کو چھ وکٹ سے ہرا دیا، ڈی جی آئی ایس پی آر عاصم سلیم باجوہ کا کہنا ہے کہ آزادی سے بڑھ کر کچھ نہیں ہوسکتا۔

    راولپنڈی میں کھیلا جانے والا میچ دس دس اوورز پر مشتمل تھا۔ پاکستان الیون نے پہلے بیٹنگ کرتے ہوئے مقررہ اوورز میں ایک سو تین رنزبنائے۔

    جواب میں آرمی الیون نے شاہد آفریدی کی دھواں دھار بیٹنگ کی بدولت ہدف آخری گیند پر حاصل کرلیا۔ آفریدی نے بیس گیندوں پر چھتیس رنز کی جارحانہ اننگز کھیلی۔

    میچ کے مہمان خصوصی جنرل راحیل شریف نے کھلاڑیوں میں انعامات تقسیم کئے۔ شاہد آفریدی کو میچ کے بہترین کھلاڑی کا ایوارڈ دیا گیا۔ شاہد آفریدی فاؤنڈیشن کی جانب سے آرمی چیف کو آئی ڈی پیز کے لئے بیس لاکھ روپےکا چیک بھی پیش کیا گیا۔

    اس موقع پر میڈیا سے بات چیت کرتے ہوئے مصباح الحق کا کہنا تھا کہ میچ کا حصہ بن کر خوشی ہوئی۔آفریدی نے کہا کہ میچ کا کریڈٹ آرمی چیف کو جاتا ہے۔

    ڈی جی آئی ایس پی آر کا کہنا تھا کہ آزادی سے بڑھ کر اور کوئی دن ہو ہی نہیں سکتا۔ میچ کے اختتام پر آرمی چیف کو روایتی پگڑی پہنائی گئی۔


    Army Chief plays cricket with Pakistan team by arynews

    مزید پڑھئے :

    آرمی چیف کا شاہد آفریدی کی گیند پرچوکا

  • لاہوردھماکوں کے بعد مشتعل افراد کا پولیس اہلکاروں پر تشدد

    لاہوردھماکوں کے بعد مشتعل افراد کا پولیس اہلکاروں پر تشدد

    لاہور: گرجاگھرمیں خودکش حملوں کے بعدمشتعل افراد نےتین پولیس اہلکاروں کوتین گھنٹےتک کمرے میں قید رکھنےکےبعد تشدد کیا۔

    پولیس اہلکارمبینہ طورپرچرچ پرڈیوٹی کےبجائےمیچ دیکھ رہےتھےدھماکوں کے بعد صدمے سے نڈھال مشتعل مظاہرین نے تین پولیس اہلکاروں کو پکڑ کر شدید تشدد کا نشانہ بنایا۔

    بتایا جاتا ہے کہ یہ اہلکار دھماکے کے وقت چرچ میں ڈیوٹی کےبجائےکرکٹ میچ دیکھ رہے تھے۔ مشتعل مظاہرین نےتینوں پولیس اہلکاروں کو پکڑ مارا پیٹا اور انہیں ایک دکان میں تین سےزائدگھنٹے تک بند رکھا۔

    بعدازاں مشتعل مظاہرین نے اہلکاروں کو نکال کران پر بدترین تشدد کیا۔مارپیٹ کا شکار پولیس اہلکاروں میں ایک کی حالت تشویشناک ہے۔

    تینوں زخمی اہلکاروں کو مظاہرین کے غیض وغضب سے بچاکرنیم بیہوشی کی حالت میں اسپتال پہنچایا گی

    ا۔