ARYNews.tv | Urdu – Har Lamha Bakhabar

Tag: Cricket

  • کراچی: پی ایس ایل 4 کے آخری مرحلے کا آغاز، اسلام آباد یونائیٹڈ نے لاہور قلندرز کو شکت دے دی

    کراچی: پی ایس ایل 4 کے آخری مرحلے کا آغاز، اسلام آباد یونائیٹڈ نے لاہور قلندرز کو شکت دے دی

    کراچی: انتظار کی گھڑیاں ختم ہوئیں، پی ایس ایل کا میگا ایونٹ کراچی پہنچ گیا، نیشنل اسٹدیم کے دروازے کھول دیے گئے، پہلا میچ اسلام آباد یونائیٹڈ اور لاہور قلندرز کے مابین ہوا۔

    تفصیلات کے مطابق نیشنل اسٹیڈیم کے دروازے شائقین کے لیے کھل گئے۔ کرکٹ دیوانوں کی بڑی تعداد میچ دیکھنے پہنچی۔

    اس موقع پر سیکیورٹی کے سخت انتظامات تھے، شائقین کو گراؤنڈ میں لانے کے لیے شٹل سروس کا اہتمام کیا گیا تھا۔ عوام کا جوش و خروش دیدنی تھا۔

    اسلام آباد یونائیٹڈ کا ریکارڈ ٹوٹل، لاہور قلندرز کو  شکست

    آج ہونے والے اہم میچ میں دونوں ٹیموں میں دو دو تبدیلیاں کی گئی تھیں،   لاہور قلندرز نے ٹاس جیت کر بولنگ کا فیصلہ کیا، جو غلط ثابت ہوا۔

    اسلام آباد کے بلے باز پہلی وکٹ جلد گنوانے کے بعد جلد سنبھل گئے اور شان دار  بیٹنگ کرتے ہوئے پی ایس ایل کی تاریخ کا سب سے بڑا اسکور بنا ڈالا،  اسلام آباد کی جانب سے لاہور قلندرز کو 239  رنز کا ٹارگیٹ ملا ، اس سے قبل لاہور قلندرزنے204رنزبنائے تھے۔

    اسلام آباد یونائیٹڈ کی جانب سے کیمرون ڈٰیلپورٹ نے ناقابل شکست 117 رنز بنائے، آصف علی نے 55 رنز کی اننگز کھیلی، جب کہ چیڈوک والٹن نے 48 رنز اسکور کیے، شاہین آفریدی سب سے مہنگے بولر ثابت ہوئے۔ انھوں نے 4 اوور میں 62 رنز  دیے۔

    جواب میں لاہور نے اچھا اغاز کیا۔ کپتان فخر  زمان نے زبردست اسٹروک کھیلے، مگر ان کے آؤٹ ہونے کے بعد لاہور قلندرز کی ٹیم سمت کھو بیٹھی۔

    لاہور قلندرز 239 ہدف کے تعاقب میں 189رنزبناسکی ، یوں اسے 49رنزسے شکست ہوئی، اسلام آبادیونائیٹڈنےسپرفورمرحلےکیلئےکوالیفائی کرلی، لاہور قلندرزکے6 پوائنٹس ہیں، پلے آف میں جانےکے لئے اس کی مشکلات مزید بڑھ گئی ہیں۔

  • کرکٹ میں جنگی جنون، فواد چوہدری نے بھارتی ٹیم پر پابندی کا مطالبہ کر دیا

    کرکٹ میں جنگی جنون، فواد چوہدری نے بھارتی ٹیم پر پابندی کا مطالبہ کر دیا

    اسلام آباد: کرکٹ کے حسن کو گہنانے کے افسوس ناک اقدام پر وزیر اطلاعات فواد چوہدری نے بھارتی ٹیم پر پابندی کا مطالبہ کر دیا.

    ان خیالات کا اظہار انھوں نے میڈیا سے گفتگو کرتے ہوئے کیا. فواد چوہدری کا کہنا تھا کہ بھارتی کھلاڑیوں کا فوجی ٹوپی پہن کرمیچ کھیلنا آئی سی سی قوانین کے خلاف ہے.

    فودا چوہدری کے مطابق احسان مانی نے بتایا ہے کہ معاملہ آئی سی سی میں اٹھائیں گے، اگر آئی سی سی نوٹس نہیں لیتی، تو اس کامطلب ہے کہ وہ اپنے ہی قانون پرعمل درآمد نہیں کرا سکتی.

    انھوں نے کہا کہ پلواماواقعے کے بعد بغیر تحقیق پاکستان پر الزام لگایا گیا، مودی نے ہرطبقے کو جنگ میں ڈال دیا، پلوامے کے بعد منٹ نہیں لگا، فیک ویڈیوپرالزامات دھر دیے گئے.

    ہم توسمجھتے ہیں کہ حالیہ اقدام پربھارتی کرکٹ ٹیم پرپابندی لگا دینی چاہیے، آئی سی سی کوبھارت کی جانب سےکرکٹ کوسیاست زدہ کرنے پرنوٹس لیناچاہیے، فلسطین سے اظہار یکجہتی کرنے پرایک کھلاڑی پرپابندی لگائی گئی تھی.

    معاملہ نواز شریف کا

    فواد چوہدری نے کہا کہ کسی کی بیماری کو سیاست کے لئے استعمال نہیں کرنا چاہیے، نوازشریف کی بیماری پر ن لیگ کے رہنما سیاست کر رہے ہیں، نواز شریف صاحب کوجوبہترین سہولت ہوں گی، ہر صورت دیں گے.

    فواد چوہدری نے کہا کہ وزیراعظم واضح طور پر کہہ چکے ہیں کہ نوازشریف کوتمام طبی سہولتیں فراہم کی جائیں گی.

    امن کا امکان

    وزیر اطلاعات کا کہنا تھا کہ بھارتی سفیرآج پاکستان آرہے ہیں، ہمارے سفیر بھی نئی دہلی جائیں گے، حالات امن کی طرف بڑھ رہے ہیں، جواچھی بات ہے.

    وزیر اطلاعات نے کہا کہ بھارت ہمیں تنہا کرنا چاہتا تھا، عالمی سطح پرخود تنہا ہوگیا، ہمارےامن کے بیانیےکو پوری دنیا نے سراہا.

  • پی ایس ایل4: اسلام آباد یونائیٹڈ اورلاہورقلندرز کا ٹاکرا آج ہوگا

    پی ایس ایل4: اسلام آباد یونائیٹڈ اورلاہورقلندرز کا ٹاکرا آج ہوگا

    کراچی: پی ایس ایل فور میں پلے آف مرحلے کی دوڑ میں شامل ہونے کے لیے اسلام آباد یونائیٹڈ اور لاہور قلندرز کے درمیان ٹاکرا ہوگا۔

    تفصیلات کے مطابق پاکستان سپرلیگ کے چوتھے ایڈیشن میں پلے آف مرحلے میں آج اسلام آباد یونائیٹڈ اور لاہور قلندرز پنجہ آزمائی کریں گے۔

    اسلام آباد یونائیٹڈ اور لاہور قلندرز میں میچ شام 7 بجے ہوگا جبکہ شائقین کو وقت پر اسٹیڈیم پہنچنا ہوگا، نیشنل اسٹیڈیم کے دروازے دوپہر12 بجے کھول دیے جائیں گے اور شام 5 بجے بند کردیے جائیں گے۔

    ایونٹ کو کامیاب بنانے کے لیے سیکیورٹی کے انتہائی سخت انتظامات کیے گئے ہیں، 13 ہزار سیکیورٹی اہلکار نیشنل اسٹیڈیم اور اس کے اطراف فرائض انجام دے رہے ہیں۔

    انتطامیہ نے آج نیشنل اسٹیڈیم میں میچ دیکھنے کے لیے آنے والوں کے لیے کئی مقامات پرپارکنگ پوائنٹس بنائے ہیں، شائقین کو شٹل سروس کے ذریعے اسٹیڈیم تک پہنچایا جائے گا۔

    شائقین کو ٹکٹ اور اصل شناختی کارڈ ساتھ لانا ہوگا جبکہ کھانے پینے اور خواتین کے ہینڈ بیگ لانے پر پابندی عائد کی گئی ہے۔

    پی ایس ایل 4: گلیڈی ایٹرز کی ایک اور فتح، پلے آف مرحلے تک رسائی

    یاد رہے کہ پی ایس ایل فور کے پہلے پلے آف مرحلے کے لیے کوئٹہ گلیڈی ایٹرز اور پشاور زلمی کوالیفائی کرچکی ہیں جبکہ دو ٹیموں کا انتخاب ہونا باقی ہے۔

  • پاکستان سپرلیگ کا رنگا رنگ میلہ آج سے کراچی میں شروع ہوگا

    پاکستان سپرلیگ کا رنگا رنگ میلہ آج سے کراچی میں شروع ہوگا

    کراچی : پاکستان سپرلیگ کا رنگا رنگ میلہ آج سے کراچی میں شروع ہوگا، پرجوش ٹیموں نے تیاریاں تیز کردیں، نیشنل اسٹیڈیم میں انتظامات مکمل کرلیے گئے۔

    تفصیلات کے مطابق کرکٹ شائقین کے انتظار کی گھڑیاں ختم ہونے کے قریب آگئیں، پی ایس ایل فور کی ٹیموں نے کراچی میں پڑاؤ ڈال لیا۔ کراچی کنگز کے کھلاڑی بھی دھاڑنے کو تیار ہیں، پریکٹس شروع کردی۔

    ملکی اورغیرملکی کھلاڑی کراچی میں پرفارم کرنے کے لئے پرجوش ہیں، اب کراچی کے عوام چوکوں اور چھکوں کی برسات  سے لطف اندوز ہوں گے، ہفتے کی شام سات بجے سیٹی بجے گی اورکھیل جمےگا۔

    نیشنل اسٹیڈیم کراچی میں لاہور قلندرز اور اسلام آباد یونائیٹڈ کی ٹیمیں آمنے سامنے آئیں گی، شائقین بھی اپنے پسندیدہ اسٹارز کو ایکشن میں دیکھنے کے لیے بے تاب ہیں، کرکٹ فیور ایک سو چار سے اوپر جا رہا ہے۔

    کھلاڑیوں کو خوش آمدید کہنے کے لئے کراچی کی شاہراہوں کو خوبصورتی سے سجادیا گیا، روشنیوں کا شہر جگمگا اٹھا۔ کھلاڑیوں کے بڑے بڑے پوسٹرزلگ گئے جس پی ایس ایل کی رونقوں میں مزید اضافہ ہوا۔

    علاوہ ازیں پی ایس ایل سیزن فور کے میچز کی مناسبت سے ٹریفک پولیس نے متبادل ٹریفک پلان جاری کردیا ہے، اسٹیڈیم جانے والے شائقین کے لیے پارکنگ کے انتظامات اور شٹل سروس پوائنٹس کا تعین کیا گیا ہے۔

    انٹر نیشنل کرکٹ کونسل کی سیکیورٹی کنسلٹنٹ کمپنی پاکستان میں پی ایس ایل فور کے انعقاد اور سیکیورٹی کی تسلی بخش صورتحال پر مطمئن ہے۔ اس حوالے سے آئی سی سی سیکیورٹی کنسلٹنٹ کمپنی کے عہدیدار ریگ ڈیکاسن اپنی ٹیم کے ہمراہ کراچی پہنچ گئے ہیں۔

  • بھارتی کرکٹ ٹیم بھی مودی کے جنگی جنون میں‌ مبتلا ہوگئی

    بھارتی کرکٹ ٹیم بھی مودی کے جنگی جنون میں‌ مبتلا ہوگئی

    رانچی: بھارتی کرکٹ ٹیم بھی مودی کے جنگی جنون میں‌ رنگ گئی، کرکٹ‌کا حسن گہنا دیا.

    تفصیلات کے مطابق بھارت اور آسٹریلیا کے درمیان جاری ون ڈے سیریز میں‌ایک ایسا افسوس ناک منظر سامنے آیا، جس نے کرکٹ کے حسن کو شدید متاثر کیا.

    بھارتی ٹیم بھی نریندی مودی کے پروپیگنڈے کا شکار نظر آئی. سابق بھارتی کپتان دھونی نے تمام کھلاڑی میں آرمی کیپ تقسیم کیے.

    آخر میں ویرات کوہلی نے دھونی کو آرمی کیپ دیا، تمام کھلاڑی ان ہی کیپس کو پہن کے پریکٹس کرتے رہے.

    پاکستان کے خلاف نفرت انگیز پروپیگنڈا کرنے والے بھارت کے بورڈ نے اعلان کیا ہے کہ تمام کھلاڑیوں کی میچ فیس پلوامہ حملے کے متاثر کو جائے گا.

    گو بھارت میں‌کو سراہا گیا، مگر سنجیدہ حلقوں کی جانب سے اس پر شدید تنقید کی گئی اور مطالبہ کیا گیا ہے کہ کرکٹ کو اس نوع کی سرگرمیوں سے پاک رکھا جائے.

    بھارتی کرکٹ ٹیم کو فوجی کیپ لےڈوبی

    بھارتی فوجی کیپ بھارتی کرکٹ ٹیم کے کسی کام نہیں آئی۔ آسٹریلیا نے بھارتیوں پر سرجیکل اسٹرائیک کر دی،  32 رنز  سے ہرا دیا۔

    ویرات کوہلی نےہیلمٹ پہن کرسنچری بنائی،فوجی ٹوپی پہن کروکٹ گنوائی، باقی کھلاڑی بھی جادو نہیں جگا سکے۔

  • قومی کرکٹر اور کراچی کنگز کے کھلاڑی محمد عامر کی والدہ انتقال کرگئیں

    قومی کرکٹر اور کراچی کنگز کے کھلاڑی محمد عامر کی والدہ انتقال کرگئیں

    لاہور: قومی کرکٹ ٹیم کے فاسٹ باؤلر اور کراچی کنگز کے کھلاڑی محمد عامر کی والدہ رضائے الہٰی سے انتقال کرگئیں۔

    تفصیلات کے مطابق ابوظہبی میں پی ایس ایل فور کے لیے شارجہ جانے والے محمد عامر نے کچھ دیر قبل اپنی والدہ کی تشویشناک حالت کے حوالے سے سماجی رابطے کی ویب سائٹ پر ٹویٹ کیا اور مداحوں سے دعا کی اپیل بھی کی تھی۔

    کراچی کنگز کی انتظامیہ نے محمد عامر کو فوری طور پر وطن واپس جانے کا مشورہ دیا تھا جس کے بعد وہ ابوظہبی سے پاکستان آنے والی پہلی فلائٹ کے منتظر تھے۔

    محمد عامر نے کچھ دیر قبل افسوسناک خبر سنائی کہ اُن کی والدہ دنیائے فانی سے کوچ کرگئیں۔ فاسٹ باؤلر کا کہنا تھا کہ ’پیاری امی اب ہم میں نہیں رہیں‘۔

    قومی کرکٹر کی والدہ کے انتقال پر اُن کے ساتھیوں اور مداحوں نے افسوس کا اظہار کیا اور مرحومہ کی مغفرت کے ساتھ بلند درجات کی دعا بھی کی۔

    محمدعامر کی وطن واپسی کے بعد تدفین اور نماز جنازہ کا اعلان کیا جائے گا۔

  • پی ایس ایل کے لاہورمیں شیڈول تمام میچزکراچی منتقل

    پی ایس ایل کے لاہورمیں شیڈول تمام میچزکراچی منتقل

    کراچی: پاکستان سپرلیگ کے لاہور میں شیڈول تمام میچز کراچی منتقل کردیے گئے، سیزن فورکے فائنل سمیت آٹھ میچزکراچی میں ہوں گے۔

    تفصیلات کے مطابق پی ایس ایل فور کے لاہور میں شیڈول میچز کراچی میں ہوں گے، ایونٹ کے شیڈول میں بھی تبدیلی کی گئی ہے جس کے بعد 7 مارچ سے شروع ہونے والے میچز اب 9 سے 17مارچ تک ہوں گے۔

    کراچی کنگزکا پشاورزلمی کے ساتھ نیشنل اسٹیڈیم میں پہلا میچ 7مارچ کی بجائے 10مارچ کوہوگا، 11مارچ کو کراچی کنگزاورکوئٹہ گلیڈی ایٹرزکا میچ ہوگا۔

    پاکستان سپرلیگ فور کے نیشنل اسٹیڈیم میں ہونے والے تمام میچزشام میں کھیلے جائیں گے۔

    پاکستان میں پی ایس ایل کے میچز شیڈول کے مطابق ہوں گے، چیئرمین پی سی بی

    یاد رہے کہ 28 فروری کو چیئرمین پاکستان کرکٹ بورڈ احسان مانی کا کہنا تھا کہ پی ایس ایل کے میچز شیڈول کے مطابق پاکستان میں ہوں گے اور کسی بھی کھلاڑی نے پاکستان آنے سے انکار نہیں کیا۔

    چیئرمین پی سی بی احسان مانی کا کہنا تھا کہ تمام ٹیمیں پاکستان میں میچز کھیلنے کی حمایت کررہی ہیں، پی ایس ایل کے تمام کھلاڑی پاکستان میں کھیلنے کو تیار ہیں۔

    واضح رہے کہ پی ایس ایل فور کے فائنل سمیت 8 میچز پاکستان میں کھیلیں جائیں گے جن میں سے 3 لاہور اور فائنل سمیت 5 میچز کی میزبانی کراچی کے نیشنل اسٹیڈیم کو دی گئی تھی۔

  • پشاور زلمی نے سنسنی خیز مقابلے کے بعد اسلام آباد یونائیٹڈ کو 4 وکٹوں سے شکست دے دی

    پشاور زلمی نے سنسنی خیز مقابلے کے بعد اسلام آباد یونائیٹڈ کو 4 وکٹوں سے شکست دے دی

    دبئی: پی ایس ایل سیزن فور کے 21ویں میچ میں پشاور زلمی نے سنسنی خیز مقابلے کے بعد اسلام آباد یونائیٹڈ کو 4 وکٹوں سے شکست دے دی، لیام ڈوسن نے 52 رنز کی جارحانہ اننگز کھیلی۔

    تفصیلات کے مطابق دبئی میں کھیلے جانے والے میچ میں اسلام آباد یونائیٹڈ کی جانب سے دئیے جانے والا 177 رنز کا ہدف پشاور زلمی کی ٹیم نے آخری گیند پر 6 وکٹوں کے نقصان پر حاصل کرلیا، شاداب خان نے دو وکٹیں حاصل کیں۔

    اسلام آباد یونائیٹڈ کی پہلی وکٹ 37 رنز پر گری جب کامران اکمل 19 رنز بنا کر پویلین لوٹ گئے، فلیچر 21 رنز پر شاداب خان نے آؤٹ کیا، امام الحق 15 رنز بنا کر آؤٹ ہوئے۔

    عمر امین 6 رنز بنا کر فہیم اشرف کا نشانہ بنے، کیرون پولارڈ ایک رن بنا کر ظفر گوہر کی گیند پر اسٹمپڈ آؤٹ ہوئے، ڈیرن سیمی 40 رنز کی اننگز کھیل کر رن آؤٹ ہوئے، لیام ڈوسن نے ناقابل شکست 52 رنز کی اننگز کھیلی

    اسلام آباد یونائیٹڈ کے شاداب خان اور ظفر گوہر نے دو، دو وکٹیں حاصل کیں، فہیم اشرف کے حصے میں ایک وکٹ آئی۔

    قبل ازیں دبئی میں کھیلے جانے والے میچ میں اسلام آباد یونائیٹڈ کی ٹیم نے مقررہ اوورز میں 176 رنز بنائے اور پشاور زلمی کو جیت کے لیے 177 رنز کا ہدف دیا، ابتسام شیخ نے 2 وکٹیں حاصل کیں۔

    اسلام آباد یونائیٹڈ کی پہلی وکٹ 9 رنز پر گری جب لک رانکی 9 رنز بنا کر ابتسام شیخ کی گیند پر عمر امین کو کیچ دے بیٹھے، سلٹ 28 رنز بنا کر آؤٹ ہوئے، کیمرون ڈیلپورٹ نے 71 رنز کی شاندار اننگز کھیلی۔

    والٹن کو وہاب ریاض نے کلین بولڈ کیا انہوں نے 22 رنز بنائے، آصف علی 23 رنز بنا کر پویلین لوٹ گئے، فہیم اشرف 9 رنز بنا کر آؤٹ ہوئے، شاداب خان بغیر کوئی رن بنائے پویلین لوٹ گئے۔

    پشاور زلمی کے وہاب ریاض، ابتسام شیخ اور حسن علی نے دو، دو وکٹیں حاصل کیں۔

    قبل ازیں پی ایس ایل 4 کے پہلے میچ میں پشاور  زلمی کا مقابلہ  دفاعی چیمپیئن اسلام آباد یونائیٹڈ ہوگا، دبئی انٹرنیشنل اسٹیڈیم میں کھیلا جانے والا پہلا میچ پاکستانی وقت کے مطابق شام ساڑھے چار بجے شروع ہوگا۔

    پی ایس ایل فور میں پشاور زلمی 6 میچز کھیل چکی ہے جس میں سے وہ 4 میچز میں کامیاب رہی جبکہ اسلام آباد یونائیٹڈ کی ٹیم 7 میں سے 4 میچز میں فاتح رہی ہے۔

    پشاور زلمی اسکواڈ

    ڈیرن سیمی پشاور زلمی کے کپتان ہیں، دیگر کھلاڑیوں میں کامران اکمل، امام الحق، عمر امین، اینڈرے فلیچر، کیرون پولارڈ، ڈاسن، حسن علی، ابتشام شیخ، عمید آصف،  اور وہاب ریاض شامل ہیں۔

    اسلام آباد یونائیٹڈ اسکواڈ

    شاداب خان کپتانی کے فرائض انجام دے رہے ہیں دیگر کھلاڑیوں میں لک رانکی، کیمرون ڈیلپورٹ، حسین طلعت، آصف علی، فہیم اشرف، انٹونیو والٹن، سمیٹ پٹیل، رومان رئیس، محمد موسیٰ، عماد بٹ شامل ہیں۔

    پشاور زلمی نے ملتان سلطانز کو 7 وکٹوں سے ہرادیا

    یاد رہے کہ گزشتہ روز پی ایس ایل سیزن فور کے 19 ویں میچ میں پشاور زلمی نے ملتان سلطانز کو 7 وکٹوں سے شکست دی تھی، کیرون پولارڈ اور عمر امین نے ناقابل شکست نصف سنچریاں‌ اسکور کی تھیں۔

  • بوم بوم آفریدی 39 سال کے ہوگئے

    بوم بوم آفریدی 39 سال کے ہوگئے

    پاکستانی کرکٹ ٹیم کے سابق آل راؤنڈر اوراسٹارکرکٹر شاہد خان آفریدی 39 برس کے ہو گئے ہیں، انہیں ان کے جارحانہ مزاج کے سبب عوام میں پسند کیا جاتا ہے۔

    شاہد خان آفریدی یکم مارچ 1980 کو خیبرایجنسی میں پیدا ہوئے، 1996 میں سری لنکا کے خلاف اپنے دوسرے انٹرنیشنل میچ میں 37 گیندوں پردنیا کی تیزترین سنچری بنا کرراتوں رات شہرت کی بلندیوں پرپہنچ گئے۔

    ان کا یہ ریکارڈ تقریباً 17سال تک قائم رہا جسے بعد ازاں نیوزی لینڈ کے کوری اینڈرسن اورپھرجنوبی افریقہ کے اے بی ڈی ویلیئرز نے اپنے نام کر لیا۔

    1996ء میں کرکٹ کی دنیا میں قدم رکھنے والے آفریدی بوم بوم آفریدی کے نام سے بھی پہچانے جاتے ہیں۔ ان کو یہ نام بھارت کے معروف کرکٹر اور کمنٹیٹر راوی شاستری نے دیا۔

    آفریدی اپنی جارحانہ بلے بازی کی بدولت پوری دنیا میں پہچانے جاتے ہیں اوراسی بدولت کئی ریکارڈ مثلا سب سے زیادہ چھکوں کا ریکارڈ اورسب سے بہترین اسٹرائیک ریٹ کا ریکارڈ اپنے نام کرچکے ہیں۔

    حال ہی میں کئے گئے ایک سروے کے مطابق وہ پاکستان کے سب سے مشہور کھلاڑی ہیں۔ آج شاہد آفریدی کے مداح شہر شہر ان کی سالگرہ کا جشن منائیں گے اور کیک کاٹیں گے۔

    شاہد آفریدی کی شاندارکارکردگی کے ناقابلِ فراموش مناظر

    شاہد آفریدی ایشیا کپ میں بنگلہ دیشی باؤلرزکی دھلائی کرتے ہوئے

     

    شاہد آفریدی کا چارسوواں شاندارچھکا

    شاہد آفریدی کے پاکستان کے روایتی حریف بھارت کے خلاف نودھواں دھارچھکے

    انگلینڈ کی ایک کے بعد ایک وکٹ گرانا آفریدی کا ہی کمال ہے

    کرکٹ کی دنیا کا مشکل ترین کیچ جسے صرف شاہد آفریدی ہی پکڑسکتے تھے

  • پی ایس ایل4: کراچی کنگز اورلاہورقلندرزآج آمنے سامنے

    پی ایس ایل4: کراچی کنگز اورلاہورقلندرزآج آمنے سامنے

    دبئی: پاکستان سپرلیگ کے سیزن فورمیں آج دو اہم میچز کھیلے جائیں گے، کراچی کنگز کا مقابلہ لاہورقلندرز سے ہوگا جبکہ ملتان سلطانز پشاور زلمی سے ٹکرائے گی۔

    تفصیلات کے مطابق پی ایس ایل 4 کے پہلے میچ میں ملتان سلطانز اورپشاور زلمی پنجہ آزمائی کریں گے، دوسرے میچ میں کراچی کنگز اور لاہور قلندرز آمنے سامنے ہوں گے۔

    دبئی انٹرنیشنل اسٹیڈیم میں پہلا میچ پاکستانی وقت کے مطابق شام ساڑھے چار بجے ہوگا جبکہ دوسرا میچ رات 9 بجے کھیلا جائے گا۔

    پی ایس ایل فور میں ملتان سلطانز 6 میچز کھیل چکی ہے جس میں سے وہ 2 میچز میں کامیاب رہی جبکہ پشاور زلمی کی ٹیم 5 میں سے 3 میچز میں فاتح رہی ہے۔

    ایونٹ میں کراچی کنگز 6 میں سے 2 میچز میں کامیاب ہوئی ہے جبکہ لاہور قلندرز 6 میں سے 3 میچز میں فاتح رہی ہے۔

    پوائنٹس ٹیبل پرپشاور زلمی 6 پوائنٹس کے ساتھ تیسرے نمبر پر ہے، لاہور قلندرز 6 پوائنٹس کے ساتھ چوتھے ، ملتان سلطانز 4 پوائنٹس کے پانچویں اور کراچی کنگز 4 پوائنٹس کے ساتھ آخری نمبر پر ہے۔

    اسلام آباد یونائیٹڈ نے کراچی کنگز کو 5 وکٹوں سے شکست دے دی

    یاد رہے کہ گزشتہ روز پی ایس ایل سیزن فور کے 18ویں میچ میں اسلام آباد یونائیٹڈ نے کراچی کنگز کو 5 وکٹوں سے شکست دی تھی، آصف علی نے 70 رنز کی شاندار اننگز کھیلی تھی۔