کراچی: پاکستان خواتین کرکٹ ٹیم نے بنگلہ دیش کو جیت کیلئے 215رنز کا ہدف دے دیاہے۔
تفصیلات کے مطابق قومی کرکٹ ٹیم مقررہ اوورز پورے نہیں کھیل سکی جبکہ ایک گیند قبل ہی 214رنز بنا کر آل ٹیم آﺅٹ ہو گئی۔
پاکستانی خواتین ٹیم کی کھلاڑی بسمہ معروف 92رنز کے ساتھ سرفہرست رہیں جبکہ نین عابدی 27سکور کے ساتھ دوسرے نمبر پر رہیں ۔
بنگلہ دیشی ٹیم کی جانب سے سلمیٰ خاتون نے تین کھلاڑیوں کو پولین پہنچایا جبکہ لتامنڈال،جہان آرا،خدیجہ اور فہمیہ خاتون نے ایک ایک وکٹ حاصل کی ۔
دھرما شالا : جنوبی افریقا نے پہلے ٹی ٹوئنٹی میچ میں سنسنی خیز مقابلے کےبعد انڈیا کو سات وکٹوں سے شکست دے کرتین میچوں کی سیریزمیں ایک صفر کی برتری حاصل کرلی ہے۔
دھرم شالہ میں کھیلےگئےٹی ٹوئنٹی سیریز کےپہلےمیچ میں بھارت نے جنوبی افریقا کو جیت کےلئے 200 رنز کا ہدف دیا۔
روہت شرما کے 106 اور ویرات کوہلی کے 43 رنز کی بدولت بیس اوورزمیں بھارت نے پانچ وکٹوں پر199 رنز بنائے۔
جنوبی افریقا کی جانب سے ہدف کےتعاقب کے لئے اے بی ڈویلیئرز اورہاشم آملہ نےجارحانہ بیٹنگ کا آغازکیا۔
ڈویلیئرز 51 اور ہاشم آملہ 36 رنز بنا کر آؤٹ ہوئےجس کے بعد جےپی ڈومینی نے دھواں دھار بیٹنگ کرتے ہوئے انڈیا کو جیت سے کوسوں دور کردیا۔
جنوبی افریقا کے بلے باز ڈومینی نے انڈین باؤلرز کی جم کرپٹائی کی اورسات چھکوں اورایک چوکے کی مدد سے 34گیندوں پر 68 رنزکی ناقابل شکست اننگز کھیلی ۔
ڈومینی کی اس کارکردگی کی بدولت جنوبی افریقا نے آخری اوور کی چوتھی گیند پرتین وکٹوں کےنقصان پر دوسو رنز کا ہدف حاصل کرلیا۔
ڈومینی کو شاندار کارکردگی پر میچ کےبہترین کھلاڑی کا ایوارڈ دیا گیا۔
لاہور : قومی ٹیسٹ کرکٹ ٹیم کے کپتان مصباح الحق نے طویل دورانیہ کی کرکٹ سے ریٹائرمنٹ کا فیصلہ انگلینڈ کی سیریز میں کارکردگی سے مشروط کردیا۔ ان کا کہنا ہے کہ کیرئیر کا اختتام یادگار بنانا چاہتا ہوں۔
ان خیالات کا اظہار انہوں نے قذافی اسٹیڈیم لاہور میں میڈیا سے بات چیت کرتے ہوئے کیا،مصباح الحق کا کہنا تھا کہ وہ بھارت کے خلاف کھیل کر رخصت ہونا چاہتے ہیں تاہم پاک،بھارت سیریز کا امکان نظر نہیں آتااس لئے اگلے دو ماہ ان کےلئے بے حد اہم ہیں۔
انہوں نے کہا کہ وہ یواے ای میں انگلینڈ کے خلاف سیریز کے بعد ریٹائر ہوسکتے ہیں اور وہ اپنے کیریئر کو انگلینڈ کے جوابی دورے تک توسیع دینے پر بھی غور کررہے ہیں۔
کپتان مصباح الحق نے کہا کہ انگلینڈ کی ٹیم کو کسی طور بھی آسان حریف تصور نہیں کرسکتے، انگلینڈ کے خلاف سیریز کے بارے میں پاکستانی کپتان نے کہا کہ دوہزاربارہ میں انگلش ٹیم کو وائٹ واش کرنے پر ہم کسی غلط فہمی کا شکار نہیں ہوں گے۔
اظہرعلی، اسدشفیق اور یونس خان کے ساتھ ہماری بیٹنگ بہت مضبوط ہے۔فاسٹ اور اسپن دونوں طرز کے بہترین بولرز بھی ٹیم میں موجود ہیں اس لئے ہم عمدہ پرفارمنس کیلئے پراعتماد ہیں تاہم ایشز سیریز کی فاتح انگلش ٹیم کوکمزور سمجھنا بڑی غلطی ہوگی۔
ان کا کہناتھا کہ انگلینڈ کے خلاف میچ میں سعید اجمل کی کمی ضرور محسوس ہوگی لیکن یاسر شاہ اور ذوالفقار بابر کی عمدہ کارکردگی نے بڑی حد تک ان کا خلا پورا کردیا ہے۔
ٹیسٹ کپتان کا کہناتھا کہ انگلینڈ کی سیریز کے بعد ریٹائرمنٹ کے حوالے سے کوئی حتمی فیصلہ کریں گے.
یاد رہے کہ پاکستان اور انگلینڈ کے درمیان ٹیسٹ سیریز کا آغازیو اے ای میں تیرہ اکتوبر سے ہوگا.
دبئی: آئی سی سی نے ویمنز کرکٹ کی ٹیم رینکنگ متعارف کرادی۔ پاکستان اکیاسی پوائنٹس کے ساتھ ساتویں نمبر پر ہے۔
آئی سی سی کا ویمنز کرکٹ کی بہتری کے لئے ایک اور اقدام۔ کونسل خواتین ٹیموں کی رینکنگ جاری کردی، آئی سی سی اعلامیہ کے مطابق ویمنز ٹیم رینکنگ تینوں فارمیٹ کی کارکردگی کا مدنظر رکھتے ہوئے جاری کی گئی ہے۔
ملٹی فارمیٹ سسٹم کے مطابق ٹیموں کو ٹیسٹ ون ڈے اور ٹی ٹوئنٹی کے میچز کھیلنے پر یکساں پوائنٹس دیے جائیں گے۔ تازہ رینکنگ کے مطابق آسٹریلیا ویمنز ٹیم ایک سو چونتیس پوائنٹس کے ساتھ پہلے نمبر پر ہے۔
انگلینڈ کا نمبر دوسرے ہے۔ نیوزی لینڈ تیسرے اور بھارت چوتھے نمبر براجمان ہے، پاکستان کا نمبر ساتواں ہے۔
قومی ٹیم کی کپتان ثنا میر کا کہنا ہے کہ ویمنز ٹیم رینکنگ جاری کرنا آئی سی سی کا اچھا اقدام ہے اس سے خواتین کرکٹ کی حوصلہ افزائی ہوگی۔
کراچی : پاکستان ویمنز ٹیم نے پہلے ٹی ٹوئنٹی میچ میں بنگلہ دیش کو انتیس رنز سے شکست دے کر دو میچز کی سیریز میں ایک صفر کی برتری حاصل کرلی۔
کراچی کے ساؤتھ اینڈ کلب میں کھیلے جانے والے میچ کا ٹاس پاکستان ویمنز ٹیم نے جیت کر پہلے بیٹنگ کرنے کا فیصلہ کیا۔
قومی ٹیم کو پہلے ہی اوور میں نقصان کا سامنا کرنا پڑا جب ایک رن پر مرینا اقبال آوٹ ہوگئیں۔ جویریہ خان اور بسمہ معروف نے ستاسی رنز کی شراکت قائم کی۔
جویریہ چوالیس رنز بناکر اسٹمپ ہوگئیں۔ پاکستان نے مقررہ بیس اوورز میں پانچ وکٹوں کے نقصان پر ایک سو چوبیس رنز بنائے۔
بسمہ معروف پینسٹھ رنز کے ساتھ ناقابل شکست رہیں۔ ہدف کے تعاقب میں بنگلہ دیش ویمنز ٹیم خاطر خواہ کارکردگی کا مظاہرہ نہ کرسکی اور مقررہ اوورز میں پچانوے رنز بناکر آوٹ ہوگئی۔
عائشہ رحمان اور فرگانہ حق تئیس تئیس رنز بناکر نمایاں رہیں۔ انعم امین نے دو، سمیہ صدیقی اور بسمہ معروف نے ایک ایک وکٹ حاصل کی۔
آل راؤنڈ کارکردگی پر بسمعہ معروف میچ کی بہترین کھلاڑی قرار پائیں۔
Post-Match ceremony #PAKWVBANW #BackOurGirls @BCBtigers pic.twitter.com/ve378bsMYb
— PCB Official (@TheRealPCB) September 30, 2015
Super fans during #PAKWVBANW #BackOurGirls pic.twitter.com/bw58Dnrnyq
— PCB Official (@TheRealPCB) September 30, 2015
Dugouts #PAKWVBANW #BackOurGirls @BCBtigers pic.twitter.com/GHfcKhfqyG
— PCB Official (@TheRealPCB) September 30, 2015
لاہور : آئی سی سی چیمپئینز ٹرافی کی کٹ آف ڈیٹ ختم ہوگئی۔ پاکستان نے آٹھویں پوزیشن پر رہتے ہوئے دو ہزار سترہ چیمپئینز ٹرافی کے لئے کوالیفائی کرلیا۔
تفصیلات کے مطابق قومی ٹیم نے چیمپئینز ٹرافی میں حائل تمام رکاوٹوں کو عبور کرتے ہوئے ایونٹ کے لئے کوالیفائی کرلیا ہے۔
رواں سال کے آغاز میں پاکستان بنگلہ دیش سے شکست کے بعد رینکنگ میں نویں پوزیشن پر چلا گیاتھا تاہم سری لنکا کے خلاف اس کی سرزمین پر ون ڈے سیریزمیں تین دو سے کامیابی حاصل کرکے رینکنگ میں اٹھویں پوزیشن پر آگیا۔
آئی سی سی قوانین کے مطابق تیس ستمبر دو ہزا رپندرہ تک رینکنگ میں موجود ٹاپ آٹھ ٹیمیں دوہزار سترہ چیمپئینز ٹرافی کے لئے کوالیفائی کریں گی۔
ٹاپ آٹھ ٹیموں کا یہ ایونٹ آخری بار کھیلا جائے گا جس کے بعد ٹیسٹ چیمپئین سپ کا آغاز ہوگا جس میں ٹاپ چار ٹیمیں شرکت کریں گی۔
ہرارے : پاکستان ٹی ٹونٹی کرکٹ ٹیم کے کپتان شاہد خان آفریدی نے کہا ہےکہ ہرارے میچ میں بیٹسمین پلان کے مطابق نہیں کھیلے۔
ان خیالات کا اظہار انہوں نے میچ کے بعد میڈیا سے گفتگو کرتے ہوئے کیا، شاہد آفریدی نے کہا کہ وکٹ بیٹنگ کیلئے سازگارتھی،لیکن بیٹسمین بڑا اسکور کرنے میں ناکام رہے۔
اب بلے بازوں کو ذمہ داری کا مظاہرہ کرنا ہو گا ۔انہوں نے کہا کہ پاکستان نے میچ میں بہترین باﺅلنگ کا مظاہرہ کیا۔
ان کا کہنا تھا کہ عمران خان نے آخری اوور میں شاندار بولنگ کی، انہوں نے کہا کہ پہلے ٹی ٹونئٹی میچ میں سعید اجمل جیسے اسپن باﺅلر کی کمی محسوس ہوئی ہے ۔
شاہد آفریدی نے کہا کہ سعید اجمل کے بعد پاکستانی ٹیم کو ایک اچھا اسپن باﺅلر درکار ہے جس میں وہ صلاحیتیں ہوں۔
ہرارے: پاکستان اورزمبابوے کے درمیان پہلا ٹی ٹوئنٹی میچ ہرارے میں شروع ہوگیا۔ پاکستان نے ٹاس جیت کر پہلے بیٹنگ کا فیصلہ کیاہے،
تفصیلات کے مطابق میچ میں زمبابوے کے خلاف پاکستان کی بیٹنگ جاری ہے اور اب تک چار وکٹوں کے نقصان پر 12اوورز میں 73رنز بنا لئے ہیں ۔
احمد شہزاد 17 رنز بناکرچبھابھا کی گیند پرآؤٹ ہوگئے.جبکہ مختار احمد صرف چار رنز ہی بنا سکے اور کیچ آؤٹ ہوگئے۔
شعیب مقصود بھی کوئی خاص کارکردگی نہ دکھا سکے اور چھ رنز بنا کر چلتے بنے۔ جبکہ عمر اکمل 17 رنز بنا کر پویلین لوٹ گئے۔
میچ کے چودھویں اوور میں شعیب ملک 35 رنز بنا کر بولڈ ہوگئے۔
اس وقت کریز پر عماد وسیم صفراور محمد رضوان آٹھ رنز کے ساتھ کریز پر موجود ہیں،
پاکستان کا مجموعی اسکور 90 رنز پانچ کھلاڑی آؤٹ ہے
میچ کے انیسویں اوور میں عماد وسیم 19 رنز بنا کر کیچ آؤٹ ہوگئے۔ پاکستان کا مجموعی اسکور انیسویں اوور کے اختتام پر 133 رنز اور اس کے چھ کھلاڑی آؤٹ ہوچکے ہیں۔
شاہینوں کی ٹیم کے کپتان شاہد خان آفریدی صرف دو گیندوں پر صرف دو رنز بنا کر کیچ آؤٹ ہوگئے۔ جبکہ اس سے اگلی ہی گیند پر وہاب ریاض کوئی رن بنائے بغیر ہی رن آؤٹ ہوکر پویلین لوٹ آئے۔
پاکستان نے بیس اوور کے اختتام پر 136 رنز بنائے اور اس کے آٹھ کھلاڑی آؤٹ ہوئے،
آج تک پاکستان زمبابوے میں کھیلے گئے ٹی ٹوئنٹی میچز میں ناقابل شکست رہاہے۔
اس سے قبل ٹاس جیتنے کے موقع پر گفتگوکرتے ہوئے کپتان شاہدآفریدی کاکہناتھاکہ وکٹ دیکھ کر پہلے بیٹنگ کافیصلہ کیا۔
انہوں نے کہا کہ ٹی 20ورلڈکپ سے پہلے تجربات کرناچاہتے ہیں ، نئے کھلاڑیوں کو موقع دیناچاہتے ہیں ، کوشش کریں گے کہ 160سے 170رنز کا ٹارگٹ دیاجائے ۔
یادرہے کہ عمران جونیئر پہلا انٹرنیشنل ٹی 20میچ کھیل رہے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زمبابوے بیٹنگ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میچ کے دوسرے مرحلے میں پانچ اوور کے اختتام پر زمبابوے کی ٹیم نے 27 رنز بنائے ہیں اور اس کا ایک کھلاڑی آؤٹ ہوا ہے،
چھٹے اوور کی پہلی بال پر زمبابوے کے دوسرے کھلاڑی سی آر اروائن سہیل تنویر کی گیند پر آؤٹ ہوگئے،
میچ کے گیاہویں اوور میں زمبابوے کی پانچویں وکٹ گر گئی، زمبابوے کا مجموعی اسکور 66 رنز پانچ کھلاڑی آؤٹ ہے
ایچ مسکزا پچیس رنز بنا کر آؤٹ ہوئے، جبکہ سکندر رضا 13رنز بناکرعماد وسیم کی گیند کا شکار بن کر پویلین لوٹے۔
تیرہویں اوور کے اختام پر ماٹوم بامی نو رنز بنا کر رن آؤٹ ہوگئے، زمبابوے کے چھ کھلاڑی آؤٹ پر 77 رنز ہیں ۔
میچ کے سترہ اوور میں زمبابوے کا مجموعی اسکور 99 رنز آٹھ کھلاڑی آؤٹ ہے۔
آخری اوور کی پہلی بال پر چکمبورارن آؤٹ ہوکر پویلین لوٹ گئے، اب تک زمبابوے کے نو کھلاڑی پویلین لوٹ چکے ہیں۔
پاکستان نے زمبابوے کو بیس اوور میں 123 رنز پر آؤٹ کردیا، شاہینوں کو تیرہ سے فتح حاصل ہوئی،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستانی اسکواڈ کے کپتان شاہد آفریدی ہیں جبکہ ٹیم میں عامریامین، احمد شیراز، بلال آصف، عماد وسیم،عمران خان (1) محمد حفیظ، محمد عرفان، محمد رضوان، مختار احمد، شعیب ملک، صوہیب مقصود، سہیل تنویر، عمر اکمل اور وہاب ریاض شامل ہیں۔
زمبابوے کی ٹیم کی قیادت ای چگمبرا کررہے ہیں اور ٹیم میں سی جے چبھابھا، اے جی کریمر، سی آر اروائن، ایل ایم جونگوے، این مدزیوا، ایچ مسکزا، سی بی موفو، آر مطمبت، ٹی مذربانی، جے نیومبو، ٹی پنیاگرا، سکندررضا، پی اتسیا، ایم این والر اور ایس سی ولیم شامل ہیں۔
کراچی: سابق برطانوی بلے باز کیون پیٹرسن نے بھی پاکستان سپرلیگ میں شمولیت کے لئے آمادگی ظاہرکردی۔
گزشتہ روز لاہورمیں پاکستان سپر لیگ کے لوگو کی تقریبِ رونمائی ہوئی تھی جس کے بعد لیگ کیون پیٹرسن لیگ میں شمولیت اختیار کرنے والے سب سے ہائی پروفائیل کھلاڑی ہیں۔
انہوں نے اپنے ویڈیو پیغام میں کہا ہے کہ ’’وہ فروری میں ہونے والے پاکستانی میلے کے لئے تیار ہیں‘‘۔
ان کا کہنا تھا کہ وہ اس ایونٹ کی شروعات کے لئے بے تاب ہیں جہاں چھکوں کی برسات ہوگی اور ٹی ٹوئنٹی کا اصل مزہ ہوگا۔
واضح رہے کہ پاکستان سپر لیگ کا انعقاد 4 تا 24 فروری 2016 کوہورہا ہے جس میں پانچ ٹیمیں حصہ لیں گی۔
پیٹرسن سے قبل کرس گیل، روی بوپارا، لیوک رائٹ، ٹم بریسنان، جیڈ، کرس جارڈن، کیرون پولارڈ، ڈیرن سیمی، سنیل نارائن، ڈوائن براوو، آندرے رسل، جیمز فرینکلن،سائمن، ڈینش رمڈن، جیسون ہولڈر، جیزے رائڈر، گرانٹ، شکیب الحسن، انجیلو میتھیوز، ملنگا، پریرا، بریڈ ہوج اور جان بوتھا پاکستان سپر لیگ میں شرکت پر آمادگی ظاہر کرچکے ہیں۔
لاہور: قومی ٹی ٹوئنٹی ٹیم کے کپتان شاہد آفریدی کا کہنا ہے کہ باربار بھارت کے پیچھے بھاگنے کی ضرورت نہیں ہے بھارت کےنہ کھیلنے سے پاکستان کی کرکٹ کوکوئی فرق نہیں پڑتا۔
دورہ زمبابوے کے لئے قذافی اسٹیڈیم لاہورمیں لگائے گئے ٹریننگ کیمپ کے دوسرے روز میڈیا سے گفتگو کرتے شاہد آفریدی کا کہنا تھا کہ انہیں سمجھ نہیں آرہا کہ بارباربھارت کے پیچھے کیوں بھاگا جارہا ہے۔
آفریدی نے کہا کہ دونوں ممالک کی عوام پاک بھارت سیریزکا انعقاد چاہتی ہیں اگر دونوں ممالک کی سیریز کا انعقاد ہوا توایشیز سے بڑی سیریزہوگی۔
آفریدی کا کہنا تھا کہ کبھی کسی ٹیم کو آسان حریف نہیں سمجھازمبابوے کا دورہ ان کے اورٹیم کے لئے اہم ہے۔ ورلڈ ٹی ٹوئنٹی کیلئے معیاری ٹیم بنانے میں کامیاب ہوجائیں گے۔
شاہد آفریدی کا کہنا تھا کہ غلطیاں سب سے ہوتی ہیں اسپاٹ فکسنگ میں پابندی کا شکار ہونے والے سابق کپتان سلمان بٹ نے ان سے آکر معافی مانگی تھی اورانہوں نے سلمان بٹ کو کرکٹ جاری رکھنے کا مشورہ دیا۔