ARYNews.tv | Urdu – Har Lamha Bakhabar

Tag: Cricket

  • زمبابوے کرکٹ ٹیم نے دورہ پاکستان کی تصدیق کردی

    زمبابوے کرکٹ ٹیم نے دورہ پاکستان کی تصدیق کردی

    لاہور: پاکستان میں انٹرنیشنل کرکٹ کے دروازے کھل گئے، زمبابوے کرکٹ ٹیم نے دورہ پاکستان کی تصدیق کردی۔

    پی سی بی کوششیں رنگ لے آئے، چھ سال بعد پاکستان میں انٹرنیشنل کرکٹ کی واپسی ممکن ہوگئی، زمبابوے کی ٹیم سونے میدان آباد کرنے پاکستان آنے کو تیار ہوگئی۔

     زمبابوے نے دورہ پاکستان کی تصدیق کردی، مہمان ٹیم انیس مئی کو لاہور پہنچے گی، بائیس اور چوبیس مئی کو دو ٹی ٹوئنٹی میچز کھیلے جائے گے، ون ڈے سیریز چھبیس، اٹھائیس اور اکتیس مئی کو قذافی اسٹیڈیم میں ہونگے۔

    ذرائع کے مطابق پی سی بی کی بھرپور کوششیوں کے باوجود زمبابوے کرکٹ ٹیم کراچی میں کھیلنے کیلئے تیار نہیں ہے، دو ہزار نو میں سری لنکن ٹیم حملے کے بعد پاکستان میں انٹرنیشنل کرکٹ بند ہوگئی تھی۔

  • آسٹریلیا کو شکست، پاک آرمی نے کرکٹ سیریز جیت لی

    آسٹریلیا کو شکست، پاک آرمی نے کرکٹ سیریز جیت لی

    راولپنڈی : پاک آسٹریلیا آرمی کرکٹ سیریز پاکستان آرمی نے جیت لی۔ دوسرے میچ میں پاکستان آرمی نے آسٹریلیا آرمی کو سات وکٹ سے ہرادیا۔

    آرمی چیف جنرل راحیل شریف مہمان خصوصی تھے۔ راولپنڈی کے آرمی کرکٹ اسٹیڈیم میں کھیلے گئے میچ میں آسٹریلیا آرمی ٹیم نے پہلے بیٹنگ کرتے ہوئے ایک سو تینتس رنز بنائے۔

    مطلوبہ ہدف پاکستان آرمی نے باآسانی تین وکٹ پر حاصل کرکے آرمی کرکٹ سیریز اپنے نام کرلی۔ آرمی چیف جنرل راحیل شریف مہمان خصوصی تھے۔ آرمی چیف نے میچ کے اختتام پر کھلاڑیوں میں انعامات تقسیم کئے۔

  • چئیرمین کرکٹ بورڈ کو برطرف کیا جائے، اراکین قومی اسمبلی

    چئیرمین کرکٹ بورڈ کو برطرف کیا جائے، اراکین قومی اسمبلی

    اسلام آباد : قومی اسمبلی کے اجلاس میں کرکٹ میچ کی گونج سنائی دیتی رہی۔ اپوزیشن لیڈر خورشید شاہ سمیت دیگر ارکین اسمبلی نے چئیرمین کرکٹ بورڈ کو تبدیل کرنے کا مطالبہ کردیا۔

    تفصیلات کے مطابق ورلڈ کپ میں قومی ٹیم کی مایوس کن پرفارمنس پر اراکین اسمبلی بھی چیخ اٹھے۔ شاہین بنگلہ دیش میں بھی ناکام ہوگئے۔

    شائقین کرکٹ کے بعد اراکین قومی اسمبلی کے صبر کا پیمانہ بھی لبریز ہوگیا۔ اراکین اسمبلی نے ٹیم کی کارکردگی کا سارا غصہ صوبائی رابطے کے وزیر کھیل ریاض پیرزادہ پر نکال دیا۔

    اپوزیشن لیڈرخورشید شاہ نے بھی اسمبلی میں تیز باؤنسرز کراڈلیں۔ ان کا کہنا تھا کہ سب کچھ گروپ بندی کا نتیجہ ہے۔ پی سی بی ایک سلطنت ہے۔

    جسےکوئی چھوڑنا نہیں چاہتا۔ خورشید شاہ نے چئیرمین بورڈ کو ہی ہٹانے کا مطالبہ کردیا۔ مسلم لیگ ن کے رہنما روحیل اصغر نے وزیر کھیل کو بے کار کہہ ڈالا۔

    وزیر صاحب نے سب کی سنی۔ پھر اپنی سنائی اور سارا ملبہ انفراسٹرکچر پر ڈال کر جان چھڑائی۔ اسمبلی میں اس باز گشت پر کوئی سنوائی ہو گی یا نہیں یا پھر بات آئی گئی ہو جایئگی۔

  • فاسٹ بالر راحت علی بھی ہمسٹرنگ انجری کا شکار

    فاسٹ بالر راحت علی بھی ہمسٹرنگ انجری کا شکار

    ڈھاکہ: دورہ بنگلادیش میں پاکستان کرکٹ ٹیم کو ایک اور دھچکا، راحت علی ہمسٹرنگ انجری کا شکار ہوگئے، ضیا الحق کو متبادل کے طور پر بھیجنے کا فیصلہ کرلیا گیا۔

    ایک کے بعد ایک جھٹکا پاکستان کرکٹ کا پیچھا چھوڑنے کا نام نہیں لے رہا،ایک ایک کرکے تمام پلیئرز کی چھٹی ہورہی ہے،یا یوں کہے کھلاڑیوں کی فٹنس نے سلیکشن کمیٹی کا پول کھول دیا۔

    حیران کن طور پر تمام ہی پلیئرزکھیلے بغیر انجرڈ ہوئے، بنگلادیش جانے سے قبل ہی صہیب مقصود اور سہیل خان زخمی ہوکر گھر بیٹھ گئے۔

     بنگلادیش سے پہ در پہ شکستوں کا غم کھلاڑیوں نے کچھ زیادہ ہی لے لیا،جب ہی تو ایک کے بعد ایک کھلاڑیوں کی وکٹیں گرنے لگ گئی۔

     یاسر شاہ، احسان عادل بنگلادیش کی سیر کرنے گئے اور بغیر کھیلے ہی واپس آئےاور اب ذرائع کے مطابق راحت علی بھی ہمسٹرنگ انجری کا شکار ہوگئے ہے اور تیسرے میچ میں شرکت بھی مشکوک ہے۔

  • زمبابوے کی ٹیم آئندہ ماہ پاکستان کا دورہ کرے گی

    زمبابوے کی ٹیم آئندہ ماہ پاکستان کا دورہ کرے گی

    لاہور: زمبابوےنے آئندہ ماہ ایک روزہ میچز کی سیریز کے لئے پاکستان کا دورہ کرنے پر رضا مندی ظاہرکردی ہے۔

    سال 2009 میں سری لنکن ٹیم پرحملے کے بعد زمبابوے پہلی ٹیسٹ میچ کھیلنے والی ٹیم ہے جو کہ پاکستان کا دورہ کرے گی۔ سری لنکن ٹیم پر حملہ 3 مارچ 2009 کو اس وقت ہوا جب وہ قذافی اسٹیڈیم کی جانب جارہے تھے۔

    جب سے بین الاقومی ٹیموں نے پاکستان آنے سے انکار کیا ہے پاکستان کو اپنے تمام تر میچز متحدہ عرب امارات منقتل کرنے پڑے ہیں۔

    تاہم گزشتہ سال شروع ہونے والے آپریشن ضربِ عضب کے نتیجے میں ملک کی بہتر ہوتی صورتحال نے ایک بار پھر بین الاقوامی ٹیموں کا اعتماد بحال کیا ہے اور وہ پاکستان کا رخ کرنے پر رضامند نظر آتی ہیں۔

    تفصیلات کے مطابق زمبابوے کی ٹیم مئی کے آخر میں پانچ ایک روزہ میچز کھیلے گی اور جواب میں پاکستانی ٹیم بھی زمبابوے کا دورہ کرے گی۔

    سیکیورٹی کا جائزہ لینے کے لئے آئے ہوئے وفد نے زمبابوے کی ٹیم کو کراچی کے لئے کلئرینس نہیں دی ہے لہذا تمام کے تمام میچز قذافی اسٹیڈیم لاہورمیں کھیلے جائیں گے۔

  • بنگلہ دیش نے پہلے ون ڈے میں پاکستان کو 79 رنز سے ہرا دیا

    بنگلہ دیش نے پہلے ون ڈے میں پاکستان کو 79 رنز سے ہرا دیا

    میر پور : بنگلہ دیش نے پہلے ون ڈے میچ میں پاکستان کو 79رنز سے شکست دیدی۔

    تفصیلات کے مطابق پاکستان کی خراب بولنگ اور ناقص فیلڈنگ اور تیمیم اقبال اور مشفق الرحیم کی سنچریوں کی بدولت بنگلہ دیش نے چھ وکٹوں کے نقصان پر ریکارڈ 329 رنز بنائے۔

    پاکستان کی پوری ٹیم 45.2 اوورز میں 250 رنز بنا کر آؤٹ ہوگئی۔

    خراب بولنگ اور ناقص فیلڈنگ کی وجہ سے بنگلہ دیش نے ون ڈے کرکٹ میں اپنا سب سے بڑا اسکور کیا۔ سعد نسیم نے سینتالیس پر تمیم اقبال کا کیچ چھوڑا۔

    پینتیس رنز پر مشفق الرحیم کو جنید خان نے کیچ چھوڑ کربھرپور موقع فراہم کیا۔ سعید اجمل کی آٹھ ماہ بعد واپسی پر خوب درگت بنی۔نہ دوسرا نظر آئی اور نہ کیرم بال۔

    سعید اجمل نےکیریئر کی سب سے مہنگی بولنگ کی ان کے دس اوورز میں  74 رنز بنے۔ تمیم کی پانچویں اور مشفق کی تیسری سنچری بنی۔ پھر اظہر علی اور سرفراز نے 53 رنز کا آغاز  دیا۔

    پھر ہر بیٹسمین اپنے رنز بناتا رہا۔ ٹیم کی کسی نے فکر نہ کی۔ سرفراز نے 24بنائے،اظہر علی کے 72 اور حارث سہیل نے 51 رنز بنائے ۔

    رضوان کے 67رنز بھی کام نہ آئے۔ فواد عالم اور سعد بھی ناکام  ھوئے۔ بنگلہ دیش کی جانب سے تسکین احمد اور عرفات سنی نے تین تین کھلاڑیوں کو پویلین کی راہ دکھائی۔

    اس موقع پر شائقین کو شاہد آفریدی یاد آتے رھے،لالہ کے بغیر ٹیم کے لالے پڑ گئے۔ اب اتوار کے دوسرے میچ میں عزت اور سیریز دونوں بچانی ھوگی۔

  • اپنا موازنہ کسی سے نہیں کرتا، فاسٹ بالرمحمد عامر

    اپنا موازنہ کسی سے نہیں کرتا، فاسٹ بالرمحمد عامر

    کراچی : کرکٹر محمد عامر کا کہنا ہے کہ وہ کسی سے اپنا موازنہ نہیں کرتے ہیں،تمام تر توجہ ڈومیسٹک کرکٹ پر مرکوز کی ہوئی ہے۔

    پیٹرنز ٹرافی گریڈ ٹو کرکٹ ٹورنامنٹ کا فائنل اتوار کو کے پی ٹی اور عمر ایسوسی ایٹس کے درمیان نیشنل اسٹیڈیم کراچی میں کھیلا جائیگا۔

    عمر ایسوسی ایٹس کے اہم کھلاڑی محمدعامر کا کہنا ہےکہ انکی تمام تر توجہ فی الحال ڈومیسٹک کرکٹ پر مرکوز ہے۔ محمد عامر نے کہا کہ فٹنس اور کارکردگی کو بہتر بنانے کیلئے وہ این سی اے میں سخت ٹریننگ کرتے ہیں۔

    فاسٹ بولر کے مطابق قومی ٹیم میں بائیں ہاتھ کے بولرزسے انھیں کوئی پریشانی نہیں، محمد عامر پر سے آئی سی سی کی عائد کردہ پابندی ستمبر میں ختم ہوجائیگی۔

    فاسٹ بولر کا مقصد اہداف کو حاصل کرتے ہوئےایک مرتبہ پھر قومی ٹیم کی نمائندگی کرنا ہے۔

  • جو پرفارم کرے گا وہی ٹیم میں رہے گا، وقار یونس

    جو پرفارم کرے گا وہی ٹیم میں رہے گا، وقار یونس

    لاہور : پاکستان کرکٹ ٹیم کے ہیڈ کوچ وقار یونس نے دو ٹوک کہہ دیا کہ یہ ٹیم نے میری ہے نہ آپ کی بلکہ جو پرفارم کرے گا وہ ہی کھیلے گا۔

    خراب رویوں والے کی بھی ٹیم میں اب کوئی جگہ نہیں۔ ان خیالات کا اظہار انہوں نے لاہور میں نیوز کانفرنس سے خطاب کرتے ہوئے کیا۔

    صحافیوں سے گفتگو کرتے ہوئے  وقار یونس نے تمام کھلاڑیوں کو کھلے لفظوں میں پیغام دے دیا کہ پاکستان کرکٹ میں سب سے اہم چیز رویہ ہے۔

    ان کا کہنا تھا کہ اب جو پرفارم کرے گا وہ ہی ٹیم میں ہوگا۔ وقاریونس نے کہا کہ پاکستان کرکٹ بورڈ نے ورلڈ کپ کے حوالے سے ان کی رپورٹ کے کچھ نکات پر عمل کیا۔ لیکن دورہ بنگلہ دیش کے لئے ٹیم سلیکٹرز نے اپنی مرضی سے تشکیل دی۔

    وقار یونس نے کہا کہ ٹیم میں تبدیلی ہونی چاہئیے۔ جو تمیز کے دائرے میں ہے ان کی عزت کرتے ہیں اور جو نہیں اس کی انہیں پروا نہیں۔

    ہیڈ کوچ نے کہا کہ مصباح اور یونس کی پاکستان کی بہت خدمات ہیں۔ سینئیرز کی اہمیت کو نظر انداز نہیں کیا جاسکتا۔

  • زمبابوے کرکٹ ٹیم اگلے ماہ پاکستان کا دورہ کرے گی

    زمبابوے کرکٹ ٹیم اگلے ماہ پاکستان کا دورہ کرے گی

    لاہور : پاکستان میں انٹرنیشنل کرکٹ کی بحالی کے امکانات روشن ہوگئے۔ زمبابوے نے ٹیم بھیجنے پر رضامندی ظاہر کردی۔ پی سی بی کی کوششیں رنگ لے آئیں۔

    زمبابوے نے پاکستان میں انٹرنیشنل کرکٹ کے بند دروازے کھولنے کیلئے حامی بھرلی۔ ٹیم پاکستان بھیجنے پر رضامندی کا اظہارکیاہے۔

    ذرائع کے مطابق زمبابوین ٹیم آئندہ ماہ دورہ کرے گی۔ دونوں ٹیموں کے درمیان مختصر سیریز میں پانچ ایک روزہ میچز کھیلے جائیں گے۔

    ، سیکورٹی وجوہات کی بناپر تمام میچزکی میزبانی قذافی اسٹیڈیم کو ملنے کا امکان ہے۔ زمبابوے کے دورہ پاکستان کی بات چیت کا آغاز ورلڈ کپ کے دوران ٹیم منیجر نوید اکرم چیمہ نے کیا تھا۔

    واضح رہے کہ مارچ دوہزار نو کو سری لنکن ٹیم پر حملے کے بعد پاکستان میں انٹرنیشنل کرکٹ کے دروازے بند ہوگئے تھے۔

  • سری لنکن کرکٹ ٹیم جلد پاکستان کا دورہ کرےگی، سری لنکن صدر

    سری لنکن کرکٹ ٹیم جلد پاکستان کا دورہ کرےگی، سری لنکن صدر

    اسلام آباد : سری لنکن صدر میتھری پالاسری سینا کا کہنا ہے کہ سری لنکن کرکٹ ٹیم جلد پاکستان کا دورہ کرےگی۔

    تفصیلات کے مطابق صدر مملکت ممنون حسین سے ملاقات کے موقع پرسری لنکن صدر میتھری پالاسری سینا نے کہا کہ سری لنکن کرکٹ ٹیم جلد پاکستان کا دورہ کرےگی۔

    صدر پاکستان ممنون حسین سے سری لنکن صدر میتھری پالاسری سینا نے اسلام آباد میں ملاقات کی، اس موقع پر صدرممنون حسین نے کہا کہ لاہورمیں سری لنکن ٹیم پرحملہ افسوسناک واقعہ تھا، ہماری کوشش ہوگی کہ آئندہ اس طرح کا کوئی واقعہ رونما نہ ہو ۔

    سری لنکا کی کرکٹ ٹیم کے پاکستان کے دورے کا خیر مقدم کرتے، آئندہ اس قسم کا واقعہ نہیں ہونے دیا جائے گا۔

    اس موقع پر سری لنکن صدر نے کہا کہ سری لنکن کرکٹ ٹیم جلد پاکستان کا دورہ کرےگی۔

    واضح رہے کہ 2009 میں لاہور کے ایک مقامی ہوٹل سے  قذافی اسٹیڈیم جاتے ہوئے سری لنکن ٹیم پر قاتلانہ حملہ کیا گیا تھا۔

    سانحے میں آٹھ افراد جاں بحق ہوئے، جبکہ خوش قسمتی سے سری لنکن کرکٹ ٹیم محفوظ رہی، جس کے بعد سے اب تک سیکیورٹی خدشات کے باعث کسی بیرونی کرکٹ ٹیم نے پاکستان کا دورہ نہیں کیا۔