کراچی: پاکستان کرکٹ ٹیم کے آل راؤنڈر شاہد آفریدی کا کہنا ہے کہ وہ اپنے ون ڈے کیرئیر کا شاندار اختتام کرنا چاہتے ہیں اور ریٹائرڈ منٹ کا فیصلہ اب واپس نہیں لیں گے۔
کراچی میں میڈیاسے گفتگو میں بوم بوم آفریدی کا کہناتھا کہ ورلڈ کپ میں اپنی کارکردگی سے عوام کو مایوس نہیں کریں گے،ان کا خواب ہے کہ وہ اپنے ون ڈے کیرئیرکا اختیتام عمدہ پرفارمنس کے ساتھ کریں۔
شاہد خان آفریدی کا کہنا تھا کہ پاکستان کرکٹ ٹیم ورلڈ کپ جیت کر نئی تاریخ رقم کرسکتی ہے لیکن اس کیلئے کھلاڑیوں کوسخت محنت کرنا ہوگی، بوم بوم کا کہنا تھا کہ ورلڈ کپ میں غلطیوں کی کوئی گنجائش نہیں ہے، سعید اجمل کی غیرموجودگی میں ٹیم پر پریشر ہوگا لیکن امید ہے کہ نوجوان بولرز کا جادو چل جائے گا۔
