Tag: Cricketer Younis khan

  • دبئی ٹیسٹ: پہلے روز پاکستان نے آسٹریلیا کیخلاف 4 وکٹوں پر219 رنز بنالئے

    دبئی ٹیسٹ: پہلے روز پاکستان نے آسٹریلیا کیخلاف 4 وکٹوں پر219 رنز بنالئے

    دبئی ٹیسٹ : پہلے روز پاکستان نے آسٹریلیا کیخلاف چار وکٹوں پر دو سو انیس رنز بنالئے ہیں، مصباح الحق چونیتس ا ور اسد شفیق نو رنز کیساتھ ناٹ آؤٹ ہے۔

    دبئی ٹیسٹ میں پاکستان نے ٹاس جیت کر بیٹنگ کا فیصلہ کیا، احمد شہزاد اور محمد حفیظ کپتان کے فیصلے کی لاج نہ رکھ سکے، انجری سے نجات حاصل کرنے والے پروفیسر بری فارم سے جان نہ چھڑا سکے اور کھاتہ کھولے بغیر ہی پویلین لوٹ گئے۔

    احمد شہزاد بھی کوئی تیر مارے بغیر 3 رنز پر ٹیم کو مزید مشکلات میں چھوڑگئے،اوپنرز کے جان چھڑانے کےبعد اظہر علی کی نصف سنچری اور یونس خان کی سنچری نے پاکستانی بیٹنگ لائن کو سہارا دیا، اظہر 53 اور یونس خان 106 رنز بنا کر آؤٹ ہوئے۔

    پہلے روز کھیل کے اختتام پر مصباح الحق چونیتس اور اسد شیفق نو رنز کے ساتھ دوسرے روز میدان میں اترے گے۔

  • ورلڈ کپ ٹرافی کی پاکستان آمد سے ماضی کی یاد تازہ ہوگئی، یونس خان

    ورلڈ کپ ٹرافی کی پاکستان آمد سے ماضی کی یاد تازہ ہوگئی، یونس خان

    کراچی : پاکستان کرکٹ ٹیم کے تجربہ کار بیٹسمین یونس خان کا کہنا ہے کہ ورلڈ کپ ٹرافی کی پاکستان آمد سے ماضی کی یاد تازہ ہوگئی ہے،  وہ پر امید ہیں کہ قومی ٹیم میگا ایونٹ کے فائنل تک ضرور پہنچے گی۔

    قومی ٹی ٹوئنٹی ٹیم کے کپتان شاہد آفریدی اور یونس خان نے کراچی میں انٹر اسکول ڈسٹرکٹ ٹورنامنٹ کا افتتاح کیا، اس موقع پر میڈیا سے گفتگو کرتے ہوئے یونس خان کا کہنا تھا کہ ٹرافی کی پاکستان میں رونمائی نے ماضی کی یاد کو تازہ کردیا ہے۔

    یونس خان نے کہا ہے کہ پاکستان مضبوط ٹیم ہے، صلاحیتوں کے مطابق کھیلی تو عالمی کپ کا فائنل ضرور کھیلے گی، مڈل آرڈر بیٹسمین نے کہا کہ آفریدی اچھے کپتان ہیں۔ وہ ٹیم کو لڑانا جانتے ہیں۔

    بوم بوم شاہد آفریدی کا کہنا تھا کہ انہوں نے بھی اپنے کیرئیر کا آغاز اس ہی گراؤنڈ سے کیا تھا، ڈسٹرکٹ سطح پر کھیل کر ہی کھلاڑی گروم ہوتا ہے۔

    شاہد آفریدی اور یونس خان نے ٹورنامنٹ میں حصہ لینے والی ٹیموں کیلئے نیک خواہشات کا اظہار کیا۔