ARYNews.tv | Urdu – Har Lamha Bakhabar

Tag: crime in karachi

  • سال کے پہلے ماہ میں کتنی گاڑیاں اور موبائل چھینے گئے؟ رپورٹ

    کراچی : شہر قائد میں نئے سال کا آغاز بھی حسب معمول جرائم کی وارداتوں سے ہوا، کراچی میں اس سال بھی کرائم کی شرح میں کمی نہ آسکی۔

    تفصیلات کے مطابق شہر کراچی میں لوٹ مار کی وارداتیں روز بروز بڑھتی جارہی ہیں اور قانون نافذ نافذ کرنے والے اداروں کے لیے اسٹریٹ کرائم پر قابو پانا مزید مشکل ہوگیا ہے۔

    اس حوالے سے سی پی ایل سی نے اپنی ماہانہ رپورٹ جاری کی ہے جس میں بتایا گیا ہے کہ سال2023کے پہلے ماہ جنوری میں7256سے زائد وارداتیں کی گئیں۔

    رپورٹ کے مطابق شہریوں کو گاڑیوں، موٹرسائیکلوں اور موبائل فون سے محروم کرنے کا سلسلہ ماہ جنوری میں بھی بدستور جاری رہا۔

    سی پی ایل سی ذرائع کے مطابق جنوری میں 13گاڑیاں چھینی اور214چوری ہوئیں جبکہ 420شہریوں سے اسلحے کے زور پر موٹرسائیکلیں چھینی گئیں۔

    اس کے علاوہ شہر کے مختلف مقامات سے4ہزار232موٹر سائیکلیں چوری ہوئیں، شہریوں کو2379موبائل فون سے محروم کردیا گیا۔ سال کے پہلے مہینے میں قتل کی بھی متعدد وارداتیں ہوئیں جس میں 13 افراد کو موت کے گھاٹ اتار دیا گیا۔

    مزید پڑھیں : جنوری میں 13 شہری ڈکیتی کے دوران قتل

    یاد رہے کہ کراچی پولیس میڈیا سیل کی رپورٹ کے مطابق کراچی میں ماہ جنوری کے دوران شہر کے مختلف علاقوں میں ایک خاتون، ایک خواجہ سرا اور سیکیورٹی ادارے کے ایک اہل کار سمیت 13 افراد کو ڈکیتی کے دوران مزاحمت کرنے پر گولیاں مار کر قتل اور 55 سے زائد کو زخمی کیا گیا۔

  • کراچی:ملزمان کی پولیس پرفائرنگ اور دستی بموں سےحملہ

    کراچی:ملزمان کی پولیس پرفائرنگ اور دستی بموں سےحملہ

    کراچی:شہر قائد کےعلاقے لیاری میں پولیس آپریشن کے دوران فائرنگ کےتبادلےمیں گینگ وارکےدو کارندے مارے گئے،پولیس کےمطابق سرچ آپریشن میں اسلحہ بھی برآمد کیا گیا ہے۔

    کلاکوٹ پولیس نے گینگ وارملزمان کی موجودگی کی اطلاع پر افشانی گلی کوگھیرے میں لےلیا،پولیس ذرائع کے مطابق محاصرہ توڑنے کیلئےملزمان نے پولیس پرفائرنگ کی اور دستی بموں سےحملےکردیا۔

    پولیس کی جانب سے کی گئی جوابی کارروائی میں گینگ وار کے دو کارندے مارے گئے،پولیس کا کہنا ہے کہ ہلاک ملزمان کاتعلق بابا لاڈلہ گروپ سے ہے۔

    ملزمان کے قبضے سے اسلحہ اور دستی بم بھی برآمد ہوئے۔

  • دہشت گرد پورے کراچی میں اپنا جال پھیلاچکے ہیں ۔الطاف حسین

    دہشت گرد پورے کراچی میں اپنا جال پھیلاچکے ہیں ۔الطاف حسین

    کراچی:ایم کیو ایم کے قائد الطاف حسین نے کہا ہے دہشت گردوں نے کراچی میں مضبوط نیٹ ورک قائم کرلیا،حکومت ہنگامی اقدامات کرے۔

    متحدہ قومی موومنٹ کے قائد الطاف حسین نے مذہبی انتہاپسند اوردہشت گردی کی مذمت کرتے ہوئےکہا ہے کہ دہشت گرد پورے کراچی میں اپنا نیٹ ورک مضبوط کرچکے ہیں۔

    الطاف حسین نے شہریوں سے کہا ہے کہ دہشت گردی کے خلاف انتہائی چوکس اور ہوشیار رہا جائے،شہری اپنی مدد آپ کے تحت اپنی حفاظت کیلئے اقدامات کریں،بازاروں کے چھوٹی بڑی دکانوں کے مالکان حفاظتی ٹیمیں تشکیل دیں،چھوٹے بڑے شاپنگ سینٹر او رمحلوں میں خطرے کے الارمز لگائے جائیں ۔

    الطاف حسین نے وزیر اعلیٰ سندھ قائم علی شاہ سے بھی شہر میں امن وامان اورشہریوں کی جان ومال کے تحفظ کیلئے ہنگامی بنیادوں پر سخت حفاظتی انتظامات کرنے کا مطالبہ کیا ہے۔

  • لیاری میں مقابلہ، لالہ، نعیم اوریونس ہلاک

    لیاری میں مقابلہ، لالہ، نعیم اوریونس ہلاک

    کراچی: شہرقائد کےعلاقےلیاری میں پولیس و رینجرز کے مقابلوں کےدوران گینگ وارکے ملزمان لالہ اورنگی،نعیم کالو اور یونس مادی مارےگئے۔

    لیاری کے مختلف علاقوں میں پولیس اوررینجرز نے خفیہ اطلاع پر چھاپہ مار کارروائیاں کیں جہاں گینگ وارکے ملزمان کی جانب سے سخت مزاحمت کا سامنا ہوا،مقابلوں کے بعدملزمان لالہ اورنگی، نعیم کالو اوریونس مادی مارے گئے۔

    پولیس نے ملزمان سے بڑی تعدادمیں اسلحہ برآمدکیا،لالہ اورنگی کی گرفتاری پردس لاکھ روپے انعام مقرر تھا۔

  • کراچی:پولیس کی کارروائی، پانچ ملزمان گرفتار

    کراچی:پولیس کی کارروائی، پانچ ملزمان گرفتار

    کراچی: شہر قائد کے مخلتلف علاقوں میں پولیس نے کارروائی کرتے ہوئے پانچ ملزمان کو گرفتارجبکہ اسلحہ اورمسروقہ سامان برآمد کرلیا۔

    کراچی میں تیموریہ اور بریگیڈ کےعلاقوں میں پولیس نے جرائم پیشہ عناصر کے خلاف کارروائی کرتے ہوئےچارملزمان کوگرفتار کرلیا،پولیس کے مطابق گرفتارملزمان سےاسلحہ اورچھینی گئی موٹرسائیکل برآمد کی گئی ہیں،ملزمان ڈکیتی اور اسٹریٹ کرائم کی متعدد وارداتوں میں مطلوب تھے۔

    شارع نورجہاں میں پولیس نے کارروائی کرتے ہوئے ایک بھتہ خور کو گرفتار کرلیا، بھتہ خور کا تعلق گینگ وارسے بتایا گیا ہےجبکہ ایڈن سوسائٹی میں بھتہ نہ دینے پرملزمان نے دکان کے مالک اور ملازم کو چھریوں کے وار کرکے زخمی کردیا۔

  • مختلف گروہ اغوابرائےتاوان اورٹارگٹ کلنگ میں ملوث ہیں،گورنرسندھ

    مختلف گروہ اغوابرائےتاوان اورٹارگٹ کلنگ میں ملوث ہیں،گورنرسندھ

    کراچی:گورنر سندھ داکٹر عشرت العباد خان کا کہنا ہےکہ کراچی میں ٹارگٹ کلنگ،بھتہ خوری اور اغوا برائے تاوان سے ملک کی معیشت پر بھی منفی اثرات مرتب ہوئے ہیں۔

    گورنر ہاؤس میں نیشنل سیکیورٹی اینڈ وار کورس کے شرکاء سے گفتگو کرتے ہوئے گورنرسندھ نے کہا کہ ایک عرصے سے لیاری جرائم کی آماجگاہ بنا ہوا ہے جہاں پر مختلف گروہ بھتہ خوری،اغواء برائے تاوان اور ٹارگٹ کلنگ میں ملوث ہیں،شہر میں مذہبی،لسانی،فرقہ وارانہ سمیت دیگر جرائم میں ملوث افراد بھی سرگرم ہیں جن کے روابط ملک دشمن عناصر سے بھی ہیں۔

    انہوں نے کہا کہ رینجرز اور پولیس سمیت دیگر قانون نافذ کرنے والے ادارے مجرموں کی سرکوبی کی مکمل صلاحیت رکھتے ہیں جس میں وہ دن رات مصروف بھی ہیں۔

  • کراچی پولیس کی کارروائی 7دہشت گرد ہلاک

    کراچی پولیس کی کارروائی 7دہشت گرد ہلاک

    کراچی: شہرقائد کےعلاقے سہراب گوٹھ میں پولیس مقابلےکے دوران سات دہشت گردہلاک ہوگئے۔

    کراچی میں دہشت گردوں کےخلاف کامیاب ایکشن، پولیس سہراب گوٹھ کےعلاقےمچھرکالونی میں چھپے دہشت گردوں کوپکڑنے گئی توملزمان بوکھلاہٹ کاشکارہوگئےاورپولیس پرفائرنگ کردی، تین ملزمان توفرارہوگئے لیکن سات پولیس سے ہونےمقابلے کے دوران مارے گئے۔

    ایس ایس پی ملیرراؤانوارنے بتایا کہ ملزمان کے قبضے سے بھاری تعداد میں اسلحہ دستی بم اورگولہ بارود برآمد ہواہے، ملزمان بال بم سےحملے کرتے تھے۔

    پولیس کے مطابق کارروائی کے دوران بارودی مواد پھٹنے ایک کمرے میں آگ بھی لگ گئی، ملزمان کی شناخت تو نہیں ہوسکی لیکن پولیس کاکہناہے ہلاک ملزمان کاتعلق دہشت گرد تنظیم سے ہے۔

  • کراچی:پولیس اہلکاروں کی ٹارگٹ کلنگ میں پھر تیزی

    کراچی:پولیس اہلکاروں کی ٹارگٹ کلنگ میں پھر تیزی

    کراچی:شہر قائد میں شہریوں کےساتھ ساتھ پولیس پرحملوں کاسلسلہ جاری ہے،اےآئی جی کراچی کے دعوے دھرے کے دھرے رہ گئے،جہاں دو پولیس اہلکاروں سمیت بارہ افراد کو موت کی نیند سلادیا گیا۔

    کراچی میں بدامنی کی لہر برقرارپولیس اہلکاروں کی ٹارگٹ کلنگ میں پھرتیزی آگئی ہے۔ سخی حسن کے چورنگی کے نزدیک نامعلوم ملزمان نے فائرنگ کرکے سب انسپکٹر رانا سرور کو موت کے گھاٹ اتاردیا،فورکے چورنگی کےقریب بھی پولیس اہلکار کو نشانہ بنایا گیا،حیدری تھانے پرنامعلوم ملزمان نےکریکرسےحملہ کیا جس دو پولیس اہلکارزخمی ہوئے،نارتھ ناظم آباد میں سیفی کالج کےقریب فائرنگ کرکے ریٹائرڈ پروفیسرانیس انور کو قتل کردیا گیا،جنجال گوٹھ میں فائرنگ سےعمران نامی شخص لقمہ اجل بنا۔

    پرانا گولیمارمیں ندی سے ایک لاش ملی ناردرن بائی پاس میں ہاتھ پاؤں بندھی ایک شخص کی لاش ملی،مقتول کی شناخت جاوید کے نام سے ہوئی، اورنگی ٹاوٴن سیکٹر گیارہ میں صابری چوک کے قریب نامعلوم دہشت گردوں نے ہوٹل پرفائرنگ سے سابق کونسلررشید اپنے بیٹےعادل سمیت جاں بحق ہوگئے۔

    گلبہار قبرستان کے قریب سے ایک شخص کی تشددزدہ بوری بندلاش ملی،ملیرمیمن گوٹھ سے خاتون کی گولیاں لگی لاش ملی،کورنگی زمان ٹاوٴن سے رکشہ ڈرائیور جاویدکی لاش ملی، جسے تشددکے بعد گلےمیں پھندا ڈال کرقتل کیا گیا،منگھوپیرایم پی آر کالونی اور بلدیہ اتحاد ٹاؤن میں فائرنگ سے تین افراد زخمی ہوئے۔a

  • کراچی میں مزید چار افراد گولیوں کا نشانہ بن گئے

    کراچی میں مزید چار افراد گولیوں کا نشانہ بن گئے

    کراچی:شہرقائد میں فائرنگ کےمختلف واقعات میں چارافراد جاں بحق اوردو خواتین زخمی ہوگئیں،مقابلوں کے دوران گینگ وارکارندوں سمیت پانچ ملزمان مارے گئے۔

    پولیس کےمطابق لیاقت آباد اورشریف آباد میں فائرنگ سےایک شخص اور نارتھ کراچی میں جاوید نامی ایک شخص جان سے گیا،نارتھ کراچی میں نامعلوم شخص نے گھر میں گھس کرفائرنگ کردی جسکے نتیجے میں دوخواتین زخمی ہوگئی بعدازاں نوجوان نے خود کو بھی گولی مار کرہلاک کرلیا،زخمی ہونیوالی خواتین کی شناخت عروج اور نازش کے ناموں سے کی گئی ہے۔

    فیڈرل بی ایریامیں پولیس سےمقابلےمیں ایک ڈاکو ہلاک ہوگیا، لیاری میں بھی مبینہ مقابلے کے دوران گینگ وارکے دوکارندے مارے گئے، ملزمان کےقبضے سے بڑی تعدادمیں اسلحہ برآمدہوا۔

    نیپئرکےعلاقے میں بھی پولیس سے مقابلےمیں قتل،اقدام قتل سمیت سنگین جرائم میں ملوث گینگ وارکاملزم ہلاک ہوگیا۔

    لیاری میں پولیس اور رینجرز نے رات گئے مشترکہ کارروائی کی،جس میں گینگ وار کا ملزم اشرف عرف ڈاڈامارا گیا۔