ARYNews.tv | Urdu – Har Lamha Bakhabar

Tag: Crime News

  • گھر آئے مہمانوں نے تنازع پر چھری کے وار سے خاتون کو قتل کردیا

    گھر آئے مہمانوں نے تنازع پر چھری کے وار سے خاتون کو قتل کردیا

    سنجرپور (14 جولائی 2025): پنجاب کے شہر میں ایک خاتون کو مہمانوں کی جانب سے قتل کرنے کا واقعہ پیش آیا ہے۔

    تفصیلات کے مطابق صادق آباد تھانہ کوٹ سبزل کی حدود سنجرپور کے قریب ایک افسوسناک واقعہ پیش آیا ہے جہاں گھر آئے مہمانوں نے تنازع پر چھری کے وار سے خاتون کو قتل کردیا۔

    پولیس کا کہنا ہے کہ خاتون کو قتل کرنے کے دوران دو بچے زخمی بھی ہوئے ہیں جبکہ ملزمان خاتون کو قتل کرنے کے بعد فرار ہوگئے ہیں۔

    پولیس نے موقع پر پہنچ  کر تفتیش کا آغاز کردیا ہے، زخمیوں میں 10 سالہ کنزہ اور7 سالہ شاہد شامل ہیں دونوں بچوں اور لاش کو اسپتال منتقل کردیا گیا ہے۔

    https://urdu.arynews.tv/mureed-kay-crime-story-13-may-2025/

    دوسری جانب جمشید کوارٹرز پولیس نے چھری کے وار سے بھائی کو قتل کرنے والے ملزم بھائی جہانگیر ولد دوست محمد کو گرفتار کر لیا۔

    پولیس کے مطابق ملزم نے گزشتہ روز پٹیل پاڑہ دربند بازار کے قریب گھریلو تنازع پر مشتعل ہو کر اپنے بھائی دلاور ولد دوست محمد کو چھری سے وار کیے جس کے نتیجے میں وہ موقع پر جاں بحق ہوگیا تھا۔

    https://urdu.arynews.tv/faislabad-girl-murder-on-road-13-07-2025/

  • بیوی کی فائرنگ سے شوہر جاں بحق، وجہ بھی سامنے آگئی

    بیوی کی فائرنگ سے شوہر جاں بحق، وجہ بھی سامنے آگئی

    مردان: صوبہ خیبرپختونخوا میں ایک افسوسناک واقعہ پیش آیا ہے جہاں بیوی نے فائرنگ کر کے شوہر کی جان لے لی۔

    تفصیلات کے مطابق یہ واقعہ صوبہ خیبرپختونخوا کے ضلع مردان کاٹلنگ کے علاقے میاں خان میں پیش آیا ہے جہاں بیوی کی فائرنگ سے شوہر جاں بحق ہوگیا۔

    پولیس کا کہنا ہے کہ گھریلو ناچاقی پر بیوی نے شوہر کو قتل کیا، اس واقعے کا مقدمہ درج کرلیا گیا جبکہ مزید تفتیش جاری ہے۔

    https://urdu.arynews.tv/wife-slits-husband-throat-over-divorce-threats/

    دوسری جانب بھارتی ریاست اتر پردیش میں بیوی نے بار بار طلاق کی دھمکیاں دینے پر تنگ آ کر شوہر پر قاتلانہ حملہ کرتے ہوئے گلا کاٹ دیا۔

    انڈین میڈیا کے مطابق یہ واقعہ ضلع شاملی کے علاقے سیلک ویہار میں اتوار کی صبح پیش آیا تھا، 30 سالہ خاتون سمعیہ نے 35 سالہ شوہر محمد خورشید پر اُس وقت حملہ کیا جب وہ سو رہا تھا۔

    محمد خورشید اور سمعیہ کی شادی آٹھ سے قبل ہوئی تھی، شادی کے ابتدائی پانچ سال ان کے ازدواجی تعلقات ٹھیک رہے تاہم بعد میں دونوں میں جھگڑا ہوتا رہا۔

    محمد خورشید پچھلے تین سال سے طلاق لینے کی کوشش کررہا تھا لیکن سمعیہ اس پر راضی نہیں، ہفتہ اور اتوار کی درمیانی شب دونوں میں زبردست جھگڑا ہوا اور صبح بیوی نے شوہر کا گلا کاٹ کر جان لینے کی کوشش کی۔

  • دوسری شادی کا ارادہ رکھنے والی ساس کو داماد نے قتل کردیا

    دوسری شادی کا ارادہ رکھنے والی ساس کو داماد نے قتل کردیا

    لاڑکانہ: سندھ کے شہر میں ایک افسوسناک واقعہ پیش آیا ہے جہاں دوسری شادی کا ارادہ رکھنے والی ساس کو داماد نے قتل کردیا۔

    تفصیلات کے مطابق پاکستان کے صوبہ سندھ کے لاڑکانہ تھانہ ایئرپورٹ کی حدود سے 45 سالہ خاتون کی تشدد زدہ لاش ملی ہے، پولیس موقع پر پہنچ گئی جہاں لاش تحویل میں لیکر پوسٹ مارٹم  کیلئے اسپتال منتقل کیا گیا ہے۔

    پولیس کا کہنا ہے کہ خاتوں کی لاش ملنے کے بعد کارروائی کی گئی اس دوران مقتولہ کے داماد شوکت سومرو کو گرفتار کیا گیا  جس نے اپنے جرم کا اعتراف بھی کرلیا ہے۔

    لاڑکانہ پولیس کا کہنا ہے کہ ملزم نے اپنے بیان میں کہا کہ ساس دوسری شادی کرنے کا ارادہ رکھتی تھی جس پر گلہ دبا کر قتل کیا۔

    https://urdu.arynews.tv/honor-crime-in-bhalwal-punjab/

  • لڈو کھیلتے ہوئے جھگڑا، 10 سالہ بچے نے 14 سالہ لڑکے کو قتل کر دیا

    لڈو کھیلتے ہوئے جھگڑا، 10 سالہ بچے نے 14 سالہ لڑکے کو قتل کر دیا

    کراچی: جنجال گوٹھ میں لڈو کھیلتے ہوئے بچوں کے درمیان جھگڑا میں چھری کے وار سے 14 سالہ لڑکا جاں بحق ہوگیا۔

    تفصیلات کے مطابق کراچی میں سپر ہائی وے جنجال گوٹھ میں 10 سالہ لڑکے نے 14 سالہ لڑکے کو چھری کے وار سے حملہ کرکے قتل کردیا۔

    پولیس کے مطابق مقتول کی شناخت ابوبکر کے نام سے ہوئی ہے، لاش کو اسپتال منتقل کردیا گیا ہے جبکہ حملہ کرنے والے ملزم کو بھی گرفتار کرلیا گیا ہے۔

    پولیس کا کہنا ہے کہ لڈو گیم کھیلتے ہوئے بچوں کے درمیان جھگڑا ہوا، گرفتار ملزم کی شناخت 10 سالہ علی کے نام سے ہوئی ہے، ملزم سے آلہ قتل بھی برآمد کرلیا گیا ہے۔

    پولیس کا اس حوالے سے مزید کہنا ہے کہ مقتول اور گرفتار ملزم پڑوسی ہیں، مزید تحقیقات کی جار رہی ہے۔

    https://urdu.arynews.tv/india-husband-wife-fight-viral/

    خیال رہے کہ گزشتہ سال لاہور کے علاقے سبزہ زار میں لڈو گیم کھیلنے کے دوران نوجوان نے اپنے دوست کو گولی مار کر خودکشی کرلی تھی۔

    پولیس کا کہنا تھا کہ شام کے وقت ملتان روڈ پر ایک مقامی چائے خانے پر شہریار اور اس کا دوست صدیق لڈو کھیل رہے تھے، اس دوران دونوں کا آپس میں جھگڑا ہوگیا تھا۔

    شہریار نے غصے میں آکر اپنے دوست صدیق کو گولی مار کر قتل کیا تھا، پولیس کے مطابق قتل کرنے کے بعد ملزم نے خود پر گولی چلاکر خودکشی کرلی تھی۔

  • خواجہ سرا کو تیزدھار آلے سے قتل کردیا گیا

    خواجہ سرا کو تیزدھار آلے سے قتل کردیا گیا

    سیالکوٹ: پکی کوٹلی میں 2ملزمان نے دیرینہ دشمنی پر خواجہ سرا کو تیز دھار آلے سے قتل کردیا۔

    پکی کوٹلی کے ایس ایچ او کے مطابق 2ملزمان نے دیرینہ دشمنی پر خواجہ سرا کو تیز دھار آلے سے قتل کردیا جبکہ مزاحمت پر 2 خواجہ سرا زخمی ہوگئے۔

    پولیس کا کہنا ہے کہ ملزمان اسلحہ اور آلہ قتل چھوڑ کر فرار ہوگئے تاہم خواجہ سرا کی لاش کو پورسٹ مارٹم کیلئے اسپتال منتقل کردیا گیا ہے۔

    پولیس کا کہنا ہے کہ واقعہ دیرینہ دشمنی کا لگتا ہے جبکہ پولیس نے نامعلوم ملزمان کیخلاف مقدمہ درج کر کے تفتیش کا آغاز کردیا ہے۔

    اس سے قبل صوبائی دارالحکومت پشاور کے علاقے رنگ روڈ پر خواجہ سرا کو قتل کرنے کا واقعہ پیش آیا تھا، پولیس کے مطابق خواجہ سرا اپنے ڈیرے پر موجود تھا کہ نامعلوم ملزم / ملزمان نے اسے تیز دھار آلے کے وار سے قتل کردیا۔

    https://urdu.arynews.tv/sargodha-car-firing/

  • رشتہ سے ناخوش لڑکی نے آشنا کی مدد سے منگیتر کو قتل کرادیا

    رشتہ سے ناخوش لڑکی نے آشنا کی مدد سے منگیتر کو قتل کرادیا

    پشاور کے علاقہ حیات آباد میں گزشتہ ماہ نوجوان کے قتل کیس کا ڈراپ سین ہوگیا، قاتل لڑکے کی منگیتر نکلی ہے۔

    پولیس کے مطابق مقتول ابرار کی شادی 6 اپریل کو طے تھی لیکن رشتہ سے ناخوش لڑکی نے آشنا کی مدد سے منگیتر کو قتل کرادیا۔

    پولیس کا کہنا ہے کہ ملزمہ اور قتل میں ملوث آشنا  کو گرفتار کرلیا گیا ہے، مقتول کی لاش 27 مارچ کو حیات آباد سے ملی تھی۔

    گزشتہ سال اکتوبر میں لاہور میں دوسری جگہ منگنی کرنے پر لڑکی نے عاشق کوقتل کرا دیا تھا، پولیس نے 26 اکتوبر 2024 کو گلشن اقبال مہران بلاک میں ہونے والے اندھے قتل کے ملزمان کو گرفتار کر لیا تھا۔

    مقتول احسان علی کا عرینہ نامی لڑکی سے گزشتہ 4 سال سے تعلق تھا جب اس نے اپنی خالہ کی بیٹی سے منگنی کی تو عرینہ طیش میں آ گئی اس دوران اس نے ارجمان نامی لڑکے سے تعلق بنا لیا اور ارجمان سے احسان علی کو قتل کروا دیا تھا۔

  • بیوی نے دوستوں کے ہمراہ ملکر شوہر کو قتل کردیا

    بیوی نے دوستوں کے ہمراہ ملکر شوہر کو قتل کردیا

    عارف والا کے نواحی علاقے میں بیوی نے دوست اور اسکے ساتھیوں کے ہمراہ  ملکر اپنے شوہر کو قتل کردیا۔

    تفصیلات کے مطابق پنجاب کے علاقے عارف والا میں ایک افسوسناک واقعہ پیش آیا ہے جہاں نواحی علاقے میں بیوی نے دوست اور اسکے ساتھیوں کے ہمراہ  ملکر اپنے شوہر کو قتل کردیا۔

    پولیس کا کہنا ہے کہ قتل کے بعد لاش نہر میں پھینکی گئی جس کے بعد اہلیہ کو  گرفتار کرکے مقدمہ درج کرلیا گیا ہے۔

    دوسری جانب نوشہروفیروز میں دوسری شادی کرنے پر بیٹوں نے ماموں کے ساتھ ملکر باپ کے گھر حملہ کردیا، حملے میں خاتون سمیت 3 افراد زخمی ہوگئے جنہیں قریبی اسپتال منتقل کردیا گیا ہے۔

    نوشہروفیروز پولیس کا کہنا ہے کہ دوسری شادی کرنے والے جوڑےکا احتجاج جاری ہے انہوں نے انصاف فراہمی کا مطالبہ کیا ہے۔

  • کراچی: مختلف واقعات میں تین افراد جاں بحق

    کراچی: مختلف واقعات میں تین افراد جاں بحق

    کراچی: پرتشدد واقعات کے دوران خاتون سمیت تین افراد جاں بحق ہوگئے۔ پولیس کے مطابق اورنگی کے علاقے سے ایک شخص کی پھندا لگی لاش ملی مقتول کے ورثا کے مطابق واقعہ دشمنی کا شاخسانہ ہے پولیس کا کہنا ہے کہ واقعہ کی تحقیقات کی جارہی ہے۔

    ملیر کینٹ کے قریب سڑک کنارے ایک شخص کی تشدد زدہ لاش ملی ،ادھر شیرشاہ کے علاقے سے بھی خاتون کی لاش ملی جس کو قانونی کاروائی کیلئے ایمبولینس کے ذریعے اسپتال منتقل کردیا گیا۔