ARYNews.tv | Urdu – Har Lamha Bakhabar

Tag: CRIME

جرائم سے متعلق خبریں

جرم و سزا سے متعلق خبریں

CRIME

پاکستان اور دیگر ممالک سے جرم سے متعلق خبریں

  • کراچی میں جرائم پیشہ افرادکےخلاف کارروائیاں جاری

    کراچی میں جرائم پیشہ افرادکےخلاف کارروائیاں جاری

    کراچی:شہر قائد کےعلاقے چاکیواڑہ میں رینجرز سے مقابلے میں تین ملزمان مارے گئے جبکہ بلدیہ یوسف گوٹھ میں پولیس مقابلےمیں ایک ملزم کو گرفتار کرلیا گیا ہے۔ دوسری جانب حسن اسکوائر میں پولیس وین اور ٹیپو سلطان تھانے کے قریب کریکرحملوں میں تین اہلکار زخمی ہوگئے۔

    لیاری کےعلاقے چاکیواڑہ میں رینجرز نے خفیہ اطلاع ملنے پر جرائم پیشہ افراد کے خلاف کارروائی کی، جہاں ملزمان نے رینجرز اہلکاروں پر فائرنگ کردی، جوابی کارروائی کے دوران سنگین جرائم میں ملوث گینگ وار کے تین ملزمان مارے گئے۔

    بلدیہ یوسف گوٹھ میں پولیس مقابلے میں ایک ملزم زخمی حالت میں گرفتار کرلیا گیا، ملزم سے چھینی گئی گاڑی اوراسلحہ برآمد ہوا جبکہ ایک مغوی کوبھی بازیاب کرالیا گیا۔

    دوسری جانب حسن اسکوائر میں پولیس وین اور ٹیپو سلطان تھانے کے قریب کریکر حملوں میں تین اہلکار زخمی ہوگئے، وزیرِاعلی سندھ نے نوٹس لیتے ہوئے کہا ہے کہ  دہشتگردوں کا قلع قمع کرکے ہی دم لیں گے۔

  • سرجانی میں پولیس کارروائی،فائرنگ سے ایک ملزم ہلاک

    سرجانی میں پولیس کارروائی،فائرنگ سے ایک ملزم ہلاک

    کراچی:شہر قائد کےعلاقےسرجانی میں پولیس مقابلےمیں فائرنگ سےملزم اکرام ہاشمی ہلاک ہوگیا،منگھوپیرمیں مشکوک ڈبےکوبم ڈسپوزل اسکواڈ نےکلیئرقراردےدیا،سہراب گوٹھ کی مویشی منڈی سےچارجعلسازگرفتار،ملزمان سےآٹھ لاکھ سےزیادہ مالیت کےجعلی نوٹ برآمدہوئے۔

    اےوی سی سی اورسی آئی اے پولیس نےگرفتارملزم کی نشاندہی پرسرجانی ٹاؤن میں چھاپہ مارکارروائی کی،جہاں ملزمان نےپولیس پرفائرنگ کردی اورزیرحراست ملزم اکرام ہاشمی ہلاک ہوگیا،ملزمان فائرنگ کرتےہوئےفرارہوگئے۔

    منگھوپیرمیں مشکوک ڈبےکوبم ڈسپوزل اسکواڈنےکلیئرقراردےدیا،ادھرسہراب گوٹھ کی مویشی منڈی سے چارجعلسازگرفتارجبکہ چارفرارہوگئے،ملزمان سےآٹھ لاکھ چھپن ہزارروپےمالیت کےجعلی نوٹ برآمدہوئے،ملزمان جانورکی خریداری کیلئےآئےتھے۔

  • کراچی:موت کا رقص،پروفیسرشکیل سمیت9افراد جاں بحق

    کراچی:موت کا رقص،پروفیسرشکیل سمیت9افراد جاں بحق

    کراچی:شہر قائد کےمختلف علاقوں میں فائرنگ اور پرتشدد واقعات کےدوران جامعہ کراچی کے پروفیسر ڈاکٹرشکیل اوج سمیت نو افراد جاں بحق ہوگئے۔

     کراچی کے علاقے گلشن اقبال میں بیت المکرم مسجد کےقریب کارمیں سوار ڈاکٹر شکیل اوج کو نامعلوم افراد نے فائرنگ کرکے قتل کردیا،ڈاکرشکیل اوج کی کنپٹی پرلگنے والی گولی جان لیوا ثابت ہوئی۔

    سرجانی ٹاؤن میں نامعلوم افراد کی فائرنگ سے تین افراد نشانہ بنے جس سے ایک شخص موقعے پردم توڑ گیا جبکہ دوافراد اسپتال میں دوران علاج جاں بحق ہوگئے ،پولیس کے مطابق جاں بحق افراد کاتعلق سیاسی جماعت سے ہے شفیق موڑ کے قریب نامعلوم افراد نے فائرنگ کرکے محمد معراج نامی شخص کو قتل کردیا، گبول ٹاون میں نامعلوم افراد کی فائرنگ سے ندیم احمد جان کی بازی ہار گیا،جس کا تعلق ایک سیاسی جماعت سے تھا،اورنگی ٹاون میں نامعلوم افراد نے فائرنگ کرکے محمد ریاض کو قتل کردیا،لیاری سے ایک شخص کی لاش ملی۔

    گزشتہ روز سہراب گوٹھ میں فائرنگ سے زخمی ہونے والے ایک شخص نے اسپتال میں دوران علاج دم توڑ دیا،۔گلستان جوہر میں پولیس نےکاروائی کرتے ہوئے چالیس سے زائد وارداتوں میں مطلوب ملزم کو گرفتا کرلیا۔

  • کراچی پولیس کی کارروائی 7دہشت گرد ہلاک

    کراچی پولیس کی کارروائی 7دہشت گرد ہلاک

    کراچی: شہرقائد کےعلاقے سہراب گوٹھ میں پولیس مقابلےکے دوران سات دہشت گردہلاک ہوگئے۔

    کراچی میں دہشت گردوں کےخلاف کامیاب ایکشن، پولیس سہراب گوٹھ کےعلاقےمچھرکالونی میں چھپے دہشت گردوں کوپکڑنے گئی توملزمان بوکھلاہٹ کاشکارہوگئےاورپولیس پرفائرنگ کردی، تین ملزمان توفرارہوگئے لیکن سات پولیس سے ہونےمقابلے کے دوران مارے گئے۔

    ایس ایس پی ملیرراؤانوارنے بتایا کہ ملزمان کے قبضے سے بھاری تعداد میں اسلحہ دستی بم اورگولہ بارود برآمد ہواہے، ملزمان بال بم سےحملے کرتے تھے۔

    پولیس کے مطابق کارروائی کے دوران بارودی مواد پھٹنے ایک کمرے میں آگ بھی لگ گئی، ملزمان کی شناخت تو نہیں ہوسکی لیکن پولیس کاکہناہے ہلاک ملزمان کاتعلق دہشت گرد تنظیم سے ہے۔

  • کراچی:پولیس اہلکاروں کی ٹارگٹ کلنگ میں پھر تیزی

    کراچی:پولیس اہلکاروں کی ٹارگٹ کلنگ میں پھر تیزی

    کراچی:شہر قائد میں شہریوں کےساتھ ساتھ پولیس پرحملوں کاسلسلہ جاری ہے،اےآئی جی کراچی کے دعوے دھرے کے دھرے رہ گئے،جہاں دو پولیس اہلکاروں سمیت بارہ افراد کو موت کی نیند سلادیا گیا۔

    کراچی میں بدامنی کی لہر برقرارپولیس اہلکاروں کی ٹارگٹ کلنگ میں پھرتیزی آگئی ہے۔ سخی حسن کے چورنگی کے نزدیک نامعلوم ملزمان نے فائرنگ کرکے سب انسپکٹر رانا سرور کو موت کے گھاٹ اتاردیا،فورکے چورنگی کےقریب بھی پولیس اہلکار کو نشانہ بنایا گیا،حیدری تھانے پرنامعلوم ملزمان نےکریکرسےحملہ کیا جس دو پولیس اہلکارزخمی ہوئے،نارتھ ناظم آباد میں سیفی کالج کےقریب فائرنگ کرکے ریٹائرڈ پروفیسرانیس انور کو قتل کردیا گیا،جنجال گوٹھ میں فائرنگ سےعمران نامی شخص لقمہ اجل بنا۔

    پرانا گولیمارمیں ندی سے ایک لاش ملی ناردرن بائی پاس میں ہاتھ پاؤں بندھی ایک شخص کی لاش ملی،مقتول کی شناخت جاوید کے نام سے ہوئی، اورنگی ٹاوٴن سیکٹر گیارہ میں صابری چوک کے قریب نامعلوم دہشت گردوں نے ہوٹل پرفائرنگ سے سابق کونسلررشید اپنے بیٹےعادل سمیت جاں بحق ہوگئے۔

    گلبہار قبرستان کے قریب سے ایک شخص کی تشددزدہ بوری بندلاش ملی،ملیرمیمن گوٹھ سے خاتون کی گولیاں لگی لاش ملی،کورنگی زمان ٹاوٴن سے رکشہ ڈرائیور جاویدکی لاش ملی، جسے تشددکے بعد گلےمیں پھندا ڈال کرقتل کیا گیا،منگھوپیرایم پی آر کالونی اور بلدیہ اتحاد ٹاؤن میں فائرنگ سے تین افراد زخمی ہوئے۔a

  • کراچی آپریشن کی ناکامی وسائل کی کمی ہے،غلام قادر تھیبو

    کراچی آپریشن کی ناکامی وسائل کی کمی ہے،غلام قادر تھیبو

    کراچی: پولیس چیف غلام قادر تھیبو نےکراچی آپریشن میں ناکامی پر پردہ ڈالنے کے لیے ذمہ داری وسائل کی کمی پرڈال دی ہے۔

    کراچی میں قیام امن کیلئے شروع ہونے والا ٹارگٹڈ آپریشن ایک سال بعد بھی خاطر خواہ نتائج حاصل نہ کرسکا،ایک سال کے دوران پولیس اور رینجرز کی چھاپہ مار کارروائیوں میں ہزاروں ملزمان گرفتار تو ہوئے لیکن قتل وغارتگری کاسلسلہ نہ رک سکا۔

    ایڈیشنل آئی جی کراچی غلام قادر تھیبو نے پولیس کی نااہلی کو چھپانےکیلئے آپریشن کی ناکامی کو وسائل کی کمی سے منسلک کردیا،آئی جی سندھ غلام حیدرجمالی کو لکھے جانے والےخط میں انہوں نے آئی جی سندھ سےمطالبہ کیا ہےکہ پولیس میں فوری مزید بھرتیاں کی جائیں،جدید اسلحہ،موٹرسائیکلیں،موبائل وین اوربلٹ پروف جیکٹٰس فراہم کی جائیں تاکہ جرائم پیشہ عناصر کے خلاف آپریشن میں کامیابی حاصل کی جاسکے۔

    ذرائع کے مطابق اعلیٰ حکام نے ایڈیشنل آئی جی کراچی کےخط کے جواب میں برہمی کا اظہار کرتے ہوئے ایڈیشنل آئی جی کراچی کو موجودہ وسائل میں غفلت لاپرواہی ختم کرکے پولیس کی کارکردگی بہتربنانےکی سختی سےہدایت کی ہے۔

  • انتہاءپسندی اورفرقہ واریت کا خاتمہ کیےبغیر پاکستان ترقی نہیں کرسکتا،الطاف حسین

    انتہاءپسندی اورفرقہ واریت کا خاتمہ کیےبغیر پاکستان ترقی نہیں کرسکتا،الطاف حسین

    کراچی:متحدہ قومی موومنٹ کےقائدالطاف حسین نےکہاہےکہ مذہبی انتہاءپسندی اور فرقہ واریت کا خاتمہ کیےبغیر پاکستان کو ترقی یافتہ اور خوشحال ریاست نہیں بنایاجاسکتا۔

    قائداعظم محمد علی جناح کے چھیاسٹھویں یوم وفات کےموقع پر اپنےایک بیان میں جناب الطاف حسین نے بانی پاکستان کو زبردست خراج عقیدت پیش کرتے ہوئے کہاکہ ایم کیوایم،ملک میں مذہبی رواداری اورفرقہ وارانہ ہم آہنگی کا فروغ چاہتی ہےتاکہ ملک میں قومی یکجہتی کو پروان چڑھایا جاسکے،ایم کیوایم چاہتی ہےکہ قائداعظم محمد علی جناح کی تعلیمات کےمطابق پاکستان کو جمہوری، لبرل،روشن خیال مملکت بنایاجائےاور ملک میں ایسےمعاشرے کا قیام عمل میں لایاجائے جہاں بلاامتیاز رنگ ونسل،زبان،قومیت، مسلک اورمذہب تمام شہریوں کو اپنے اپنےعقائد کےمطابق عبادت کرنےاور زندگی گزارنےکاحق حاصل ہو،ملک سےمذہبی انتہاءپسندی اورفرقہ واریت کا خاتمہ ہو،غیرمسلم پاکستانیوں سمیت تمام شہریوں کو برابری کی بنیاد پر حقوق ملیں اورپاکستان ترقی وخوشحالی کی راہ پر گامزن ہوسکے۔

  • کراچی : رینجرز اور پولیس مقابلے، 6ملزمان ہلاک

    کراچی : رینجرز اور پولیس مقابلے، 6ملزمان ہلاک

    کراچی:شہر قائد کے مختلف علاقوں میں رینجرز اور پولیس سے مبینہ مقابلوں میں گینگ وار کے کارندوں سمیت چھ ملزمان مارے گئے، لیاری سے رینجرز اور پولیس نےمغوی کوبازیاب کرالیا۔

    کراچی میں قانون نافذ کرنے والے اداروں کی کارروائیاں جاری ہیں، پولیس زرائع کے مطابق لیاری کےعلاقےعمر لین میں خفیہ اطلاع پر پولیس اور رینجرز کی مشترکہ کار را وئی میں گینگ وار سے تعلق رکھنے والے دو اغواء کار ہلاک ہوگئے۔

    پولیس کے مطابق ملزمان نے زوہیب نامی شخص کو اغواء کرکے50 لاکھ روپے تاوان مانگا تھا، کارروائی کے دوران ملزمان کے دیگر تین ساتھی فرار ہونے میں کامیاب ہو گئے، کارروائی میں مغوی کو بازیاب کروالیا گیا ہے۔

    سہراب گوٹھ میں مبینہ طور پر شہریوں سے لوٹ مار میں مصروف دو ڈاکو پولیس سے مقابلے میں ہلاک ہوگئے، ملزمان کے قبضہ سےجدید اسلحہ بھی برآمد ہوا جبکہ سپرہائی وے مویشی منڈی کےقریب بیوپاریوں کو لوٹنے والے دو ڈاکو پولیس سے مبینہ مقابلے میں مارے گئے، پولیس کے مطابق ملزمان ناکہ بندی کرکے شہریوں سے لوٹ مار کررہے تھے۔

  • کراچی: پولیس مقابلہ، کالعدم تنظیم کے 3ملزمان مارے گئے

    کراچی: پولیس مقابلہ، کالعدم تنظیم کے 3ملزمان مارے گئے

    کراچی: سائٹ ایریا میں پولیس مقابلے میں کالعدم تنظیم سے وابستہ تین ملزمان مارے گئے، دوسری جانب فائرنگ اورپرتشدد واقعات میں پولیس اہلکارسمیت چار افراد جان کی بازی ہارگئے۔

    پولیس کے مطابق سائٹ کےعلاقےمیں مبینہ پولیس مقابلےمیں کلعدم تنظیم سے وابستہ تین ملزمان مارے گئے، ملزمان اے ایس آئی حمید خٹک سمیت پولیس اہلکاروں کےقتل،بھتے اور ڈکیتوں کی متعدد وارداتوں میں ملوث تھے۔

    گلشن اقبال میں بھی ایک ڈاکو مارا گیا، کھارادر میں فائرنگ کے واقعے میں پولیس اہلکار حاتم موریو جاں بحق ہوا، لانڈھی ، قائد آباد اور اورنگی ٹاون میں فائرنگ سے تین افراد جان کی بازی ہار گئے جبکہ ناظم آباد میں ٹرانسپوٹر کے گھر کے باہر کریکر کا دھماکا کیا گیا۔

  • کراچی:پرتشدد واقعات،2پولیس اہلکار سمیت 7افراد جاں بحق

    کراچی:پرتشدد واقعات،2پولیس اہلکار سمیت 7افراد جاں بحق

    کراچی:شہر قائد میں فائرنگ اور پرتشدد واقعات میں دوپولیس اہلکار سمیت سات افراد جاں بحق دوافراد زخمی ہوگئے۔

    پولیس کےمطابق حب ساکران روڈ پرفائرنگ سےدو پولیس اہلکارشہید ہوگئے،نیپا چورنگی کے قریب نامعلوم افراد کی فائرنگ سےایک شخص جاں بحق اورایک زخمی ہوا،نیشنل ہائی وے نصیر آباد سے ایک شخص کی تشددزدہ لاش ملی، لیاقت آباد چار نمبر کے قریب نامعلوم افراد کی گاڑی پرفائرنگ سے ایک شخص جاں بحق ہوگیا،مقتول کی شناخت غفران کےنام سے ہوئی ہے۔

    شریف آباد میں نامعلوم افراد کی فائرنگ سےصابر نامی شخص جان کی بازی ہارگیا، منگھوپیرسےلاش ملی مقتول کو فائرنگ کرکے قتل کیا گیا۔