ARYNews.tv | Urdu – Har Lamha Bakhabar

Tag: Cristiano Ronaldo

  • رونالڈو نے اپنی گرل فرینڈ جارجینا سے منگنی کر لی

    رونالڈو نے اپنی گرل فرینڈ جارجینا سے منگنی کر لی

    عالمی شہرت یافتہ پرتگالی اسٹار فٹبالر کرسٹیانو رونالڈو نے 8 سال ڈیٹنگ کے بعد اپنی گرل فرینڈ جارجینا روڈریگز سے منگنی کر لی۔

    رپورٹس کے مطابق اپنی ہسپانوی محبوبہ جارجینا کو 40 سالہ رونالڈو نے ایک قیمتی ہیرے کی انگوٹھی پہنا کر شادی کی پیشکش کی ہے، جس کو ان کی گرل فرینڈ نے قبول کرلیا ہے۔

    اپنی انسٹاگرام پوسٹ میں جارجینا نے انگوٹھی کی تصویر شیئر کی، جس میں ان کا ہاتھ رونالڈو کے ہاتھ پر رکھا ہوا ہے اور انہوں نے بڑے سائز کے ہیرے کی انگھوٹی پہن رکھی ہے۔

     

    View this post on Instagram

     

    A post shared by Georgina Rodríguez (@georginagio)

    جارجینا نے پوسٹ کے کیپشن میں تحریر کیا کہ ”میں نے ہاں کہہ دیا، اس زندگی اور تمام زندگیوں کیلئے۔“

    واضح رہے کہ عالمی شہرت یافتہ فٹبالرکرسٹیانو رونالڈو اور جارجینا کی محبت کی داستان 8 سال قبل شروع ہوئی تھی جب جارجینا میڈرڈ میں ایک فیشن برانڈ کے آؤٹ لیٹ پر ملازمت کیا کرتی تھیں اس ملاقات کے بعد دونوں کو 2017 میں پہلی مرتبہ ایک ساتھ دیکھا گیا تھا۔

    رونالڈو سعودی عرب میں رہیں گے یا نہیں؟ بڑا فیصلہ کرلیا

    رونالڈو اور جارجینا کے پانچ بچے ہیں جن میں دو جڑواں بچوں میں سے ایک اپریل 2022 میں انتقال کر گیا تھا۔ اب رونالڈو جارجینا سے منگنی کر کے شادی کی پیشکش کر چکے ہیں جس کے بعد ان کے چاہنے والے ان کی شادی کی خبر کے انتظار میں ہیں۔

  • رونالڈو سعودی عرب میں رہیں گے یا نہیں؟ بڑا فیصلہ کرلیا

    رونالڈو سعودی عرب میں رہیں گے یا نہیں؟ بڑا فیصلہ کرلیا

    عالمی شہرت یافتہ پرتگالی فٹ بالر کرسٹیانو رونالڈو نے ہمیشہ کیلئے سعودی عرب میں رہنے کی خواہش کا اظہار کر دیا۔

    رپورٹس کے مطابق گزشتہ دنوں کرسٹیانو رونالڈو نے سعودی کلب النصر سے مزید 2 سال کا معاہدہ کیا تھا جس کے بعد عالمی شہرت یافتہ فٹبالر 2027 تک سعودی عرب کے النصر کلب میں اپنی خدمات انجام دیں گے۔

    رونالڈو نے النصر کلب کی جانب سے یوٹیوب پر جاری کی گئی ویڈیو میں خواہش ظاہر کی کہ وہ باقی زندگی سعودی عرب میں رہنا چاہتے ہیں۔

    سعودیہ کو امن کی جگہ قرار دیتے ہوئے اُن کا کہنا تھا کہ یہ وہ ملک ہے جہاں وہ اور ان کی فیملی اپنے گھر جیسا محسوس کرتے ہیں۔

    رونالڈو کا کہنا تھا کہ میری فیملی ہمیشہ میرے فیصلوں کی حمایت کرتی ہے، اور ہم یہاں بہترین زندگی بسر کررہے ہیں، لوگ ہم سے انتہائی گرم جوشی سے پیش آتے ہیں، اسی لیے ہم اپنی زندگی یہاں گزارنا چاہتے ہیں۔

    واضح رہے کہ رونالڈو کا پہلی بار 2022 میں سعودی النصر کلب کے ساتھ معاہدہ ہوا تھا۔ جس کے بعد اب انہوں نے دوبارہ 2 سال کا معاہدہ کرلیا ہے۔

    اس نئے معاہدے کے بعد اب پرتگال کے اسٹار فٹبالر کرسٹیانو رونالڈو کو سالانہ 188 ملین یورو یعنی تقریباً 61 ارب 50 کروڑ پاکستانی رقم ملے گی۔

    میڈیا رپورٹس میں کہا گیا ہے کہ رونالڈو کی ایک دن کی تنخواہ 16 کروڑ 84 لاکھ روپے ہوگی۔

    دوسری جانب عالمی شہرت یافتہ فٹبالر لیونیل میسی نے آئندہ سیزن سے سعودی پروفیشنل لیگ میں کھیلنے کے لیے پیشکش قبول کرلی ہے۔

    غیر ملکی میڈیا رپورٹس کے مطابق عالمی شہرت یافتہ فٹبالر لیونیل میسی نے سعودی لیگ میں شمولیت پر آمادگی ظاہر کردی ہے، تاہم وہ اب تک اس بات کا فیصلہ نہیں کر سکے کہ وہ کس کلب کی نمائندگی کریں گے۔

    رپورٹس کے مطابق اس حوالے سے تیز رفتاری سے پیشرفت ہو رہی ہے اور مذاکرات کا سلسلہ جاری ہیں۔

    یہ خبر ایک ایسے وقت میں آئی ہے جب سعودی اور عالمی شائقین سٹار فٹبالر لیونیل میسی کے مستقبل کے بارے میں بے چینی سے منتظر ہیں۔

    کرسٹیانو رونالڈو نے النصر کے ساتھ معاہدے میں توسیع کردی

    خاص طور پر ان کی انٹر میامی کے ساتھ حالیہ تجربے کے بعد جبکہ کئی بڑے سعودی کلبز انہیں اپنی ٹیم میں شامل کرنے کے خواہاں ہیں۔

  • رونالڈو کو دھمکی آمیز پیغامات ملنے پر سیکورٹی بڑھا دی گئی

    رونالڈو کو دھمکی آمیز پیغامات ملنے پر سیکورٹی بڑھا دی گئی

    دنیا بھر میں اپنے شاندار کھیل کے باعث مشہور پرتگالی فٹبالر کرسٹیانو رونالڈو اور ان کی گرل فرینڈ جارجینا روڈریگز نے سوشل میڈیا پر موصول ہونے والے دھمکی آمیز پیغامات کے بعد سعودی عرب میں اپنے حفاظتی انتظامات میں تبدیلیاں کی ہیں۔

    غیر ملکی ذرائع ابلاغ کے مطابق دھمکی آمیز خطرناک پیغامات ملنے کے بعد کرسٹیانو رونالڈو اور جارجینا روڈریگز نے اپنی سیکیورٹی مزید بڑھادی ہے۔

    رپورٹس کے مطابق رونالڈو اور جارجینا روڈریگز نے اپنے سابق چیف باڈی گارڈ اور دیگر سیکیورٹی اسٹاف کو تبدیل کر دیا ہے۔

    دونوں نے اپنے بچوں کو سوشل میڈیا سے دور کر دیا ہے اور فیملی کی تصاویر اور ویڈیوز سوشل میڈیا پر شیئر نہیں کررہے۔

    رپورٹس کے مطابق سعودی عرب کی پولیس بھی ان کے ساتھ حفاظتی اقدامات میں تعاون کر رہی ہے۔

    معروف فٹبالر رونالڈو نے اب پرتگال میں ہائی رسک سیکیورٹی کے ماہر کلاڈیو میگوئل ویز کو بطور چیف سیکیورٹی آفیسر تعینات کردیا ہے۔

    کراچی کنگز نے حسن علی کو نائب کپتان مقرر کر دیا

    واضح رہے کہ 2023ء میں سعودی فٹبال فرینچائز النصر میں شمولیت اختیار کرنے کے بعد سے رونالڈو اپنی گرل فرینڈ جارجینا اور بچوں کے ہمراہ سعودی عرب میں سکونت اختیار کئے ہوئے ہیں۔

    رونالڈو دنیائے فٹبال کے عظیم کھلاڑیوں میں سے ایک ہیں، انہوں نے ایک دہائی سے زائد عرصے سے اس کھیل کی دنیا پر غلبہ حاصل کیا ہے۔

  • کرسٹیانو رونالڈو نے زندگی کی 40 بہاریں دیکھ لیں

    کرسٹیانو رونالڈو نے زندگی کی 40 بہاریں دیکھ لیں

    فٹبال کی دنیا کے بے تاج بادشاہ اور پرتگال کے معروف فٹبالر کرسٹیانو رونالڈو نے زندگی کی 40 بہاریں دیکھ لیں۔

    رپورٹس کے مطابق کرسٹیانو رونالڈو نے انتھک محنت اور لگن سے اپنا نام بنایا، جس کے سبب دنیا بھر میں ان کے کروڑوں مداح موجود ہیں، رونالڈو نے اپنے کیریئر کے دوران 900 گول کرنے والے پہلے فٹبالر کا اعزاز بھی حاصل کرلیا۔

    عالمی شہرت یافتہ فٹبالر نے 2016 میں یورو کپ جیتا، جس کلب کے لیے کھیلے اہم اثاثہ ثابت ہوئے اس کے علاوہ پرتگال کو کئی اہم فتوحات دلوائیں۔

    انہوں نے اسپورٹنگ، مانچسٹر یونائیٹڈ، ریال میڈرڈ، یووینٹس اور النصر کے ساتھ کھیلتے ہوئے فتوحات حاصل کیں، 5 چیمپئنز لیگ ٹائٹل اپنے نام کیے، 5 مرتبہ بیلن ڈور ایوارڈ بھی جیتا۔

    واضح رہے کہ اس میں کوئی شک نہیں کہ رونالڈو دنیائے فٹبال کے عظیم کھلاڑیوں میں سے ایک ہیں، انہوں نے ایک دہائی سے زائد عرصے سے اس کھیل کی دنیا پر غلبہ حاصل کیا ہے۔

    رونالڈو اور میسی برسوں سے اس بحث کا حصہ رہے ہیں کہ ان دنوں میں سے بہتر کون ہے؟ رونالڈو نے خود اعتراف کیا ہے کہ میرا خیال ہے لوگ میسی، پیلے اور میراڈونا جیسے عظیم فٹبالرز کو ترجیح دیں گے۔

    انہوں نے کہا کہ مجھے لگتا ہے کہ میں اب تک کا سب سے مکمل فٹبالر ہوں، لوگ میسی، میراڈونا یا پیلے کو پسند کرتے ہوں گے اور میں اس کا احترام کرتا ہوں مگر میں ایک مکمل کھلاڑی ہوں۔

    ہسپانوی میڈیا کو دیے گئے ایک انٹرویو میں انہوں نے کہا کہ میں نے فٹبال کی تاریخ میں اپنے سے بہتر کسی کو نہیں دیکھا اور یہ میں سچے دل سے کہہ رہا ہوں۔

    رونالڈو سعودی عرب میں سب سے زیادہ کس چیز سے متاثر ہوئے؟

    انٹرویو کے دوران رونالڈو نے یہ بھی انکشاف کیا کہ ان کے اور میسی کے درمیان گزشتہ 15 سالوں میں کبھی بھی خراب تعلقات نہیں رہے۔

  • رونالڈو سعودی عرب میں سب سے زیادہ کس چیز سے متاثر ہوئے؟

    رونالڈو سعودی عرب میں سب سے زیادہ کس چیز سے متاثر ہوئے؟

    عالمی شہرت یافتہ فٹبالر کرسٹیانو رونالڈو کو سعودی عرب آئے ہوئے دو برس بیت چکے ہیں، ایک انٹرویو کے دوران انہوں نے اپنے اب تک کے سفر کے حوالے سے بات کی۔

    سعودی خبر رساں ادارے کی رپورٹ کے مطابق کرسٹیانو رونالڈو نے کہا کہ ’اس خوبصورت ملک میں نئی زندگی کا آغاز ہوا ہے۔

    اسٹار فٹبالر نے روشن پروفیشنل لیگ ویب کو انٹرویو کے دوران سعودی عرب آمد کو اپنے لیے باعث اعزاز قرار دیا، سعودی لیگ میں شامل ہونے والے سٹارز میں وہ اولین تھے۔

    انہوں نے سعودی عرب میں اپنے قیام پر اطمینان کا اظہار کیا اور کہا میں خوش ہوں، ہم نے اس خوبصورت ملک میں ایک نئی زندگی کا آغاز کیا ہے، میرا خاندان خوش ہے۔ اس ملک سے بہت متاثر ہوں۔

    اسٹار فٹبالر نے کہا کہ میرے لیے یہ ایک اعزاز ہے کہ لیگ کو ترقی کرتا دیکھوں، اس میں متعدد کھلاڑی شامل ہوں اور بہترین مقابلے ہوں۔ یہ محض کھلاڑیوں کی حد تک نہیں بلکہ میرا خواب ہے کہ ملک اس حوالے سے مثالی ترقی کرے اور دیگر لیگ کے ساتھ خوبصورت مقابلے ہوں۔

    اسٹار کھلاڑی کا النصر کلب کے ساتھ یادگار لمحات کے سوال پر کہنا تھا کہ الھلال کے ساتھ پہلا فائنل جو کہ 2023 میں کنگ سلمان کپ کے لیے کھیلا گیا، انتہائی دلچسپ اور پرجوش تھا۔

    النصر نے وہ میچ جو طائف کے کنگ فہد سٹیڈیم میں کھیلا تھا 1-2 سے فتح حاصل کرلی تھی، اسٹار فٹبالر کے دو گولز نے چیمپیئن شپ کا ٹائٹل النصر کو دلایا، یہ دونوں گول اس وقت ہوئے جب الھلال کی جانب سے النصر کے خلاف ایک گول ہو چکا تھا۔

    وائرل ویڈیو: کرسٹیانو رونالڈو کے بیٹے نے کس بات پر ’’انشااللہ، انشااللہ‘‘ کہا؟

    انہوں نے اس یقین کا اظہار کیا کہ نیا سال النصر کیلیے نیک شگون اور اچھا ثابت ہو گا۔ اُنہوں نے کہا کہ النصر کے لیے اے ایف سی چیمپیئنز لیگ جیتنا چاہتا ہوں۔

  • پرتگال کا رونالڈو کے اعزاز میں سکہ جاری کرنے کا اعلان

    پرتگال کا رونالڈو کے اعزاز میں سکہ جاری کرنے کا اعلان

    پرتگال نے عالمی شہرت یافتہ فٹبالر کرسٹیانو رونالڈو کے اعزاز میں اس کی تصویر والا سکہ جاری کرنے کا اعلان کیا ہے۔

    تفصیلات کے مطابق عالمی شہرت یافتہ فٹبالر کرسٹیانو رونالڈو کے اعزاز میں ان کے آبائی وطن پرتگال نے 7 یورو کا اعزازی سکہ جاری کرنے کا اعلان کیا ہے جس پر فٹبالر کی تصویر چسپاں ہو گی۔

    پرتگال کے لیے انٹرنیشنل مقابلوں میں 130 گول اسکور کرنے کے ساتھ ساتھ یورو 2016 جیتنے والے رونالڈو کے اعزاز میں ان کے ملک نے خصوصی سکہ جاری کرنے کا فیصلہ کیا ہے۔

    39 سالہ رونالڈو پانچ مرتبہ بیلن ڈی جیت چکے ہیں، انہوں نے نئی تاریخ رقم کرتے ہوئے یوئیفا نیشنز لیگ میں اسکاٹ لینڈ کے خلاف میچ میں 900واں گول اسکور کیا تھا۔

    چار مرتبہ یورپیئن گولڈن شو جیتنے والے سپر اسٹار کے اعزاز میں 7 یورو کا خصوصی سکہ جاری کیا جائے گا اور اس پر ایک طرف ان کا خاکہ اور دوسری جانب ’سی آر7‘ کندا ہو گا۔

  • کرسٹیانو رونالڈو ایک اور نیا ریکارڈ بنانے کے بالکل قریب

    کرسٹیانو رونالڈو ایک اور نیا ریکارڈ بنانے کے بالکل قریب

    پرتگال کے معروف فٹبالر کرسٹیانو رونالڈو کا حال ہی میں بنایا گیا یوٹیوب چینل ریکارڈ پر ریکارڈ مرتب کررہا ہے، گینیز ورلڈ ریکارڈ نے بھی اس کی حیثیت کو تسلیم کرلیا۔

    سعودی فٹبال کلب النصر سے منسلک کرسٹیانو رونالڈو نے ویڈیو شیئرنگ پلیٹ فارم یوٹیوب پر گزشتہ ماہ کئی ریکارڈز توڑ دیے تھے اور یہ سلسلہ ابھی رکا نہیں۔

    غیر ملکی خبر رساں ادارے کی رپورٹ کے مطابق فٹبال اسٹار کا یوٹیوب چینل تیز ترین سبسکرپشن کے بعد اب  یوٹیوب کے ٹاپ چینلز کی فہرست میں نمایاں مقام حاصل کرنے والا ہے جو اب یوٹیوب کی ٹاپ 50 فہرست میں شامل ہونے کے قریب ہے۔

    ۔ویڈیو آئی کیو کے مطابق اب رونالڈو یہ چینل پانچ کروڑ 20 لاکھ سبسکرائبرز کے ساتھ دنیا میں 55ویں نمبر تک پہنچ گیا ہے۔

    واضح رہے کہ رونالڈو کو فیس بک پر 17 کروڑ صارفین، انسٹاگرام پر 63 کروڑ 60 لاکھ افراد اور ایکس (سابقہ ٹوئٹر) پر 11 کروڑ 26 لاکھ لوگ فالو کرتے ہیں، ان کے نام سے مختلف میڈیا اداروں نے واٹس ایپ پر بھی چینل بنائے ہوئے ہیں جہاں لاکھوں افراد موجود ہیں۔

    کرسٹیانو رونالڈو جنوبی یورپ کے ملک پرتگال سے تعلق رکھتے ہیں اور وہ قومی ٹیم کے اسٹار ہیں، وہ اسپین کے فٹ بال کلب ریال میڈرڈ اور برطانیہ کے فٹ بال کلب مانچسٹر یونائیٹڈ کے لیے بھی کھیلتے رہے ہیں۔ اس وقت وہ سعودی فٹ بال کلب النصر سے وابستہ ہیں جسے انہوں نے دسمبر 2022 میں جوائن کیا تھا۔

    مزید پڑھیں : رونالڈو کو یوٹیوب سے 3 روز میں حیران کن آمدنی

    النصر فٹ بال کلب نے پرتگال کے کپتان اور پانچ مرتبہ بیلن ڈی اور ایوارڈ جیتنے والے کھلاڑی سے ڈھائی سال کے لیے معاہدہ کیا تھا جس کی مد میں رونالڈو کو ایک اندازے کے مطابق سالانہ 17 کروڑ 50 لاکھ یوروز ادا کیے جائیں گے جو کسی بھی اسپورٹس میں کسی بھی کھلاڑی کا سب سے بڑا معاہدہ قرار دیا جاتا ہے۔

  • رونالڈو کا یوٹیوب چینل گینیز ورلڈ ریکارڈ میں شامل

    رونالڈو کا یوٹیوب چینل گینیز ورلڈ ریکارڈ میں شامل

    دنیا کے نامور فٹ بالر کرسٹیانو رونالڈو کے یوٹیوب چینل کو گینیز ورلڈ ریکارڈ میں شامل کر لیا گیا۔

    غیر ملکی میڈیا رپورٹس کے مطابق دنیا کے نامور فٹ بالر کرسٹیانو رونالڈو نے 21 اگست کو اپنا یوٹیوب پر چینل لانچ کیا جس نے لانچ کے بعد اب تک کئی ریکارڈز توڑ دیے۔

    تاہم اب رونالڈو کے یوٹیوب چینل ’یور کرسٹیانو‘ نے عالمی ریکارڈ بُک ’گینیز ورلڈ ریکارڈ‘ میں جگہ بنا لی ہے، گینیز ورلڈ ریکارڈ نے اسٹار فٹبالر کے یوٹیوب چینل کو 24 گھنٹوں میں سب سے زیادہ سبسکرائبرز حاصل کرنے والے چینل کے طور پر تسلیم کر لیا ہے۔

    رپورٹ کے مطابق کرسٹیانو رونالڈو کے چینل نے صرف 22 منٹ میں 1 لاکھ سبسکرائبرز، 47 منٹ میں 10 لاکھ سبسکرائبرز اور 11 گھنٹے 31 منٹ میں 10 ملین سبسکرائبرز حاصل کر لیے تھے جبکہ 1 ہفتے میں 50 ملین افراد سبسکرائب کر چکے ہیں۔

    واضح رہے کہ رونالڈو کو فیس بک پر 17 کروڑ صارفین، انسٹاگرام پر 63 کروڑ 60 لاکھ افراد اور ایکس (سابقہ ٹوئٹر) پر 11 کروڑ 26 لاکھ لوگ فالو کرتے ہیں، ان کے نام سے مختلف میڈیا اداروں نے واٹس ایپ پر بھی چینل بنائے ہوئے ہیں جہاں لاکھوں افراد موجود ہیں۔

    کرسٹیانو رونالڈو جنوبی یورپ کے ملک پرتگال سے تعلق رکھتے ہیں اور وہ قومی ٹیم کے اسٹار ہیں، وہ اسپین کے فٹ بال کلب ریال میڈرڈ اور برطانیہ کے فٹ بال کلب مانچسٹر یونائیٹڈ کے لیے بھی کھیلتے رہے ہیں۔ اس وقت وہ سعودی فٹ بال کلب النصر سے وابستہ ہیں جسے انہوں نے دسمبر 2022 میں جوائن کیا تھا۔

    النصر فٹ بال کلب نے پرتگال کے کپتان اور پانچ مرتبہ بیلن ڈی اور ایوارڈ جیتنے والے کھلاڑی سے ڈھائی سال کے لیے معاہدہ کیا تھا جس کی مد میں رونالڈو کو ایک اندازے کے مطابق سالانہ 17 کروڑ 50 لاکھ یوروز ادا کیے جائیں گے جو کسی بھی اسپورٹس میں کسی بھی کھلاڑی کا سب سے بڑا معاہدہ قرار دیا جاتا ہے۔

  • رونالڈو کو یوٹیوب سے 3 روز میں حیران کن آمدنی

    رونالڈو کو یوٹیوب سے 3 روز میں حیران کن آمدنی

    فٹ بال کی دنیا کے بے تاج بادشاہ کرسٹیانو رونالڈو نے ایک اور بڑی کامیابی اپنے نام کرلی، یوٹیوب چینل متعارف کراتے ہی ایک اور ریکارڈ بنا ڈالا۔

    پرتگالی لیجنڈ فٹ بالر رونالڈو نے پوری دنیا پر آشکار کردیا کہ وہ کس حد تک مقبول کھلاڑی ہیں پرتگالی لیجنڈ فٹ بالر نے چند روز قبل ہی اپنے یوٹیوب چینل پر ویڈیوز اپلوڈ کرنے کا باقاعدہ آغاز کیا تھا جبکہ انہوں نے 8 جولائی کو یوٹیوب جوائن کیا تھا۔

    کرسٹیانو رونالڈو

    رونالڈو نے ’یو آر کرسٹینا ‘  نامی یوٹیوب چینل پر تین دن میں 12 ویڈیوز اپ لوڈ کیں جن کو کروڑوں صارفین نے دیکھا اور پسند کیا۔ یہاں یہ بات بھی قابل ذکر ہے کہ جہاں 39سالہ فٹبالر نے تین دن میں 3کروڑ 20 لاکھ سے زائد سبسکرائبرز حاصل کرکے ایک نیا ریکارڈ اپنے نام کیا وہیں ان کے مداح یہ بھی سوچ رہے کہ آخر ان کو اس چینل سے کتنی آمدنی ہوئی ہوگی؟

    ڈیجیٹل میڈیا کے ماہرین کے مطابق یوٹیوب چینلز ایک ہزار ویوز پر عام طور پر چھ امریکی ڈالر تک کما سکتے ہیں جبکہ 10 لاکھ ویوز پر ملنے والی رقم 12 سو سے چھ ہزار امریکی ڈالرز تک ہو سکتی ہے۔

    رونالڈو

    رونالڈو کے چینل کی تفصیلات سے ان کے ویوز کا اندازہ کیا جائے تو ان کے ویوز کی تعداد 12 کروڑ 10 لاکھ سے بھی زیادہ بنتی ہے۔ اگر حساب لگایا جائے تو یوٹیوب کے ویوز اور ممکنہ اسپانسر شپس سے ان کو اب تک کئی سو ملین ڈالر کی آمدنی حاصل ہوچکی ہے۔

    اس سے قبل رونالڈو نے یوٹیوب کا ایک اور ریکارڈ بھی قائم کیا تھا، ای ایس پی این یوکے کے مطابق رونالڈو کا یوٹیوب چینل پہلے 90 منٹ میں ایک ملین سبسکرائبرز حاصل کرنے والا دنیا کا پہلا چینل ہے۔

  • کرسٹیانو رونالڈو نے یوٹیوب چینل پر بھی عالمی ریکارڈ بنا لیا

    کرسٹیانو رونالڈو نے یوٹیوب چینل پر بھی عالمی ریکارڈ بنا لیا

    دنیا کے مقبول ترین فٹبالر کرسٹیانو رونالڈو نے فٹبال کے بعد اب یوٹیوب پر بھی اپنی مقبولیت دنیا کو دکھا دی۔

    میڈیا رپورٹ کے مطابق دنیا کے نامور فٹ بالر رونالڈو نے یوٹیوب چینل لانچ کیا تو ڈیڑھ گھنٹے میں ان کے سبسکرائبرز دس لاکھ سے تجاوز کر گئے، اتنے کم وقت میں سبسکرائبر کی یہ تعداد حاصل کرکے رونالڈو نے نئی تاریخ رقم کی ہے۔

     رونالڈو نے 21 اگست کو اپنا چینل یو آر کرسٹیانو لانچ کیا، رونالڈو نے چینل لانچ کرنے کے چودہ گھنٹوں کے دوران اس پر 19 ویڈیوز اپ لوڈ کی گئی اور ہر ویڈیو پر کئی ملین ویوز آ چکے ہیں۔

    رونالڈو کے چینل پر دن کے اختتام تک سبسکرائبرز کی تعداد 10 ملین سے تجاوز کر گئی تھی۔ اس نئے ریکارڈ نے ہیمسٹر کومبیٹ ریکارڈ کو پیچھے چھوڑ دیا، جس نے اسی کارنامے کو حاصل کرنے میں سات دن لگے۔

    اب تک رونالڈو کے یوٹیوب چینل پر سبسکرائبر کی تعداد 14 ملین  سے تجاوز کرچکی ہے جس میں اضافہ ہوتا جا رہا ہے، تجزیہ کاروں کے مطابق میٹا کی ملکیت سوشل میڈیا ایپ انسٹا گرام پر سب سے زیادہ فالوورز رکھنے والے رونالڈو کے یوٹیوب چینل کی تیزی سے بڑھتی مقبولیت اسے دنیا کا سب سے مقبول ہوتا یوٹیوب چینل بناسکتی ہے۔

    اس کے علاوہ کرسٹیانو رونالڈو نے انسٹاگرام پر ایک ویڈیو شیئر کی ہے جس میں فٹبالر کی ہاتھوں میں گولڈن پلے بٹن دیکھا جاسکتا ہے، ویڈیو شیئر کرتے ہوئے انہوں نے لکھا کہ’ میرے خاندان کے لیے ایک تحفہ۔۔۔تمام SIUUUsubscribers کا شکریہ!۔

     

    View this post on Instagram

     

    A post shared by Cristiano Ronaldo (@cristiano)

    واضح رہے کہ سعودی عرب کے النصر کلب اور پرتگال کی قومی ٹیم کی کپتانی کرنے والے کرسٹیانو رونالڈو کے چینل پر اپنی دیگر دلچسپیوں جیسے خاندان، صحت، غذائیت، تعلیم اور کاروبار کے بارے میں گفتگو کریں گے جبکہ رونالڈو مختلف مہمانوں کے ساتھ چیٹ بھی کرتے نظر آئیں گے۔

    کرسٹیانو رونالڈو نے کہا تھا کہ میں اس پروجیکٹ کو شروع کرنے پر بہت خوش ہوں، یہ ایک طویل عرصے سے میرے ذہن میں ہے لیکن آخر کار ہمیں اس پروجیکٹ کو حقیقی بنانے کا موقع مل ہی گیا۔