بھارت کے معروف مزاحیہ اداکار ٹیکو تلسانیہ برین اسٹروک کا شکار ہوگئے انہیں تشویشناک حالت میں اسپتال منقل کیا گیا ہے۔
بھارتی میڈیا رپورٹ کے مطابق ڈاکٹر نے اس بات کی تصدیق کی ہے کہ سینئر اداکار ٹیکو تلسانیہ کو برین اسٹروک ہوا جس کے بعد انہیں تشویشناک حالت میں اسپتال منتقل کیا گیا۔
بھارتی میڈیا پر پہلے یہ خبریں سامنے آئی تھیں کہ اداکار کو ہارٹ اٹیک ہوا ہے لیکن اب بھارتی میڈیا کا کہنا ہے کہ ٹیکو تلسانیہ کو درحقیقت برین اسٹروک ہوا ہے۔
بھارتی میڈیا کے مطابق ٹیکو تلسانیہ گجراتی فلم کی خصوصی اسکریننگ کیلئے وینیو پر پہنچے تھے جہاں انہیں الٹی ہوئی جس کے بعد انہیں اسپتال لے جایا گیا۔
بھارتی میڈیا کے مطابق ڈاکٹروں نے اداکار ٹیکو تلسانیہ کی حالت نازک بتائی ہے۔
