اوکی ناوا : آئی فون الیون کے کور پر بنے ہوئے کمپنی کے ٹیڑھے لوگو نے لوگوں کو شش و پنج میں مبتلا کردیا، مذکورہ فون پہلے سے زیادہ مہنگا ہوگیا، حقیقت سامنے آنے پر صارفین حیران رہ گئے۔
گزشتہ دنوں آئی فون الیون سے متعلق سوشل میڈیا پر پوسٹ ہونے والی جھوٹی خبروں نے تہلکہ مچا دیا، ٹیڑھے اور کھسکے ہوئے لوگو والے آئی فون 11 کو اس کی اصل قیمت سے کہیں زیادہ مہنگا بنا دیا گیا۔
غیر ملکی خبر رساں ادارے کے مطابق گزشتہ ہفتے "انٹرنل آرکائیو” نامی ایک ٹوئٹر اکاؤنٹ سے آئی فون 11 کی کچھ تصویریں شیئر کرائی گئیں جن پر ایپل کارپوریشن کا لوگو معمولی سا ٹیڑھا اور اپنی جگہ سے معمولی سا کھسکا ہوا تھا۔
A misprint iPhone 11 Pro that sold for 2700$. This misprint is extremely rare- I’d say 1 in 100 million or possibly even rarer. pic.twitter.com/68F7giZAbm
— Internal Archive (@ArchiveInternal) April 9, 2021
ٹویٹ میں لکھا تھا کہ یہ آئی فون 11 بہت نایاب ہے اور 2700 ڈالر میں فروخت ہوا ہے، کیونکہ دس کروڑ میں سے کوئی ایک آئی فون ہی ایسا ہوتا ہے کہ جس پر لوگو غلط چھپ جائے۔
اس ٹویٹ اور متعلقہ خبر کے بعد دیکھتے ہی دیکھتے سوشل میڈیا پر پوسٹس اور ویڈیوز کا انبار لگ گیا جبکہ ایسی ہر ویڈیو میں اس آئی فون 11 کے بارے میں خوب بڑھا چڑھا کر سچی جھوٹی باتیں بیان کی گئی تھیں۔
البتہ، ایک سوشل میڈیا صارف نے وضاحت کی کہ ایپل کارپوریشن میں مصنوعات کے معیار کا خصوصیت سے خیال رکھا جاتا ہے، چاہے وہ فون کا کور ہی کیوں نہ ہو۔
بھرپور احتیاط سے چیکنگ کے باوجود، اگر کھسکے ہوئے اور ٹیڑھے لوگو والا آئی فون 11 کسی صارف تک پہنچ گیا ہے تو یہ واقعی بے حد نایاب ہے۔ بلاشبہ، دس کروڑ میں سے کوئی ایک ایپل آئی فون ہی ایسا ہوسکتا ہے۔
@9to5mac Any question？
It’s my device.
I tried to sell it, but nobody bought from me.
So I still have it😊 https://t.co/PP9AOBNOpc pic.twitter.com/db0OhVLMim— y.shimizu_D (@closeup_miracle) April 12, 2021
بعض شائقین نے مبینہ طور پر 2700 ڈالر میں فروخت ہونے والے اس آئی فون کو اور بھی زیادہ قیمتی بنا کر پیش کردیا اور اس کی قیمت لاکھوں ڈالر میں بتانے لگے۔
تاہم چند دن بعد ایسی ہی ایک جھوٹی سوشل میڈیا پوسٹ کے جواب میں "وائی شیمیزو ڈی” نامی ایک جاپانی صارف نے اپنی ٹویٹ میں لکھا کہ یہ آئی فون 11 اس کی ملکیت ہے جسے فروخت کرنے کی وہ بہت کوشش کرچکا ہے، لیکن کسی نے اسے نہیں خریدا۔ لہذا یہ اب تک اُسی کے پاس ہے۔
اس "نایاب” آئی فون کو خریدنے کے لیے ایک سوشل میڈیا صارف نے 5000 ڈالر تک کی پیشکش کر ڈالی لیکن شیمیزو نے جواب دیا کہ اب وہ اس آئی فون کو فروخت کرنے کا ارادہ ترک کرچکا ہے۔