ARYNews.tv | Urdu – Har Lamha Bakhabar

Tag: CTD

  • فیصل آباد میں سی ٹی ڈی کی کارروائی‘3 دہشت گرد ہلاک

    فیصل آباد میں سی ٹی ڈی کی کارروائی‘3 دہشت گرد ہلاک

    فیصل آباد: : سی ٹی ڈی نے فیصل آباد میں کارروائی کرتے ہوئے تین دہشت گردوں کو ہلاک کردیا جبکہ دو فرار ہونے میں کامیاب ہوگئے۔

    تفصیلات کے مطابق فیصل آباد میں بائی پاس کےقریب سی ٹی ڈی نے کارروائی کرتے ہوئے 3 دہشت گردوں کو ہلاک کردیا جبکہ دو دہشت گرد فرار ہوگئے۔

    ترجمان سی ٹی ڈی کے مطابق کارروائی میں بارودی مواد، اسلحہ، ڈیٹو نیٹر، موٹر سائیکل بر آمد ہوئی ہے۔

    سی ٹی ڈی حکام کا کہنا ہے کہ دہشت گردوں نے فیصل آباد میں حساس مقامات کونشانہ بنانا تھا جبکہ دہشت گردوں کے خلاف کارروائی فیصل آباد کے تھانہ سندل بارکی حدود میں کی گئی۔

    گجرات : سی ٹی ڈی کی کارروائی‘2 دہشت گرد ہلاک

    خیال رہے کہ چار روز قبل سی ٹی ڈی نے گجرات میں کارروائی کرتے ہوئے کالعدم تنظیم کے دو دہشت گردوں کو ہلاک کردیا تھا جبکہ تین فرار ہوگئے تھے۔

    یاد رہے کہ گزشتہ ماہ صوبہ پنجاب کے شہر فیصل آباد میں پولیس نے کارروائی کرتے ہوئے کالعدم تنظیم کے 4 دہشت گردوں کو ہلاک کردیا تھا جبکہ 3 دہشت گرد فرار ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • گجرات : سی ٹی ڈی کی کارروائی‘2 دہشت گرد ہلاک

    گجرات : سی ٹی ڈی کی کارروائی‘2 دہشت گرد ہلاک

    گجرات : سی ٹی ڈی نے گجرات میں کارروائی کرتے ہوئے کالعدم تنظیم کے دو دہشت گردوں کو ہلاک کردیا جبکہ تین فرار ہوگئے۔

    سی ٹی ڈی ترجمان کے مطابق خفیہ اطلاع ملی تھی کہ پانچ مبینہ دہشت گرد گجرات میں حساس مقامات کو نشانہ بنانے آرہے ہیں، جس پر نواحی گاؤں گورالی میں آپریشن کیا گیا۔

    آپریشن کے دوران ملزمان کی جانب سے فائرنگ کی گئی جبکہ سی ٹی ڈی کی ٹیم اور ملزمان کے درمیان فائرنگ کے تبادلہ کچھ دیر جاری رہا۔

    سی ٹی ڈی ترجمان کے مطابق ملزمان کی فائرنگ سے ان کے دو ساتھی ہلاک ہوگئے تاہم اندھیرے کا فائدہ اٹھاتے ہوئے تین مبینہ دہشت گرد فرار ہونے میں کامیاب ہوگئے۔

    ترجمان سی ٹی ڈی کا کہنا ہے کہ پانچوں مبینہ دہشت گردوں کا تعلق کالعدم تنظیم سے ہے جبکہ ہلاک ملزمان کے قبضے سے بارودی مواد اور اسلحہ برآمد کرلیا گیا۔

    فیصل آباد میں سی ٹی ڈی کی کارروائی ‘ 4 دہشت گرد ہلاک

    یاد رہے کہ گزشتہ ہفتے صوبہ پنجاب کے شہر فیصل آباد میں پولیس نے کارروائی کرتے ہوئے کالعدم تنظیم کے 4 دہشت گردوں کو ہلاک کردیا تھا جبکہ 3 دہشت گرد فرار ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • فیصل آباد میں سی ٹی ڈی کی کارروائی ‘ 4 دہشت گرد ہلاک

    فیصل آباد میں سی ٹی ڈی کی کارروائی ‘ 4 دہشت گرد ہلاک

    فیصل آباد: صوبہ پنجاب کے شہر فیصل آباد میں پولیس نے کارروائی کرتے ہوئے کالعدم تنظیم کے 4 دہشت گردوں کو ہلاک کردیا۔

    تفصیلات کے مطابق فیصل آباد میں سرگودھا روڈ پر سی ٹی ڈی نے کارروائی کرتے ہوئے کالعدم تنظیم کے کے چار دہشت گردوں کو ہلاک کردیا جبکہ تین دہشت گرد فرار ہوگئے۔

    س ٹی ڈی ترجمان کا کہنا ہے کہ دہشت گردوں کا تعلق کلعدم تنظیم سے تھا جو فیصل آباد میں تخریب کاری کی منصوبہ بندی کررہے تھے جسے ناکام بنا دیا گیا۔

    ترجمان سی ٹی ڈی کا کہنا ہے کہ مارے جانے والے دہشت گردوں کے قبضےسےاسلحہ اور گولا بارود برآمد کرلیا گیا۔

    سی ٹی ڈی حکام کے مطابق دہشت گردوں کے تین ساتھی اندھیرے کا فائدہ اٹھاتے ہوئے فرار ہوگئے، پولیس نے مفرور دہشت گردوں کی تلاش شروع کر دی۔

    لاہورمیں سی ٹی ڈی کی کارروائی‘ 5 دہشت گرد ہلاک

    یاد رہے کہ گزشتہ ماہ صوبہ پنجاب کے دارالحکومت لاہور میں سی ٹی ڈی نے کارروائی کرتے ہوئے 5 دہشت گردوں کو ہلاک کردیا تھا جبکہ 3 ملزمان فرار ہونے میں کامیاب ہوگئے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • خواجہ اظہار الحسن پر قاتلانہ حملے کا مقدمہ درج

    خواجہ اظہار الحسن پر قاتلانہ حملے کا مقدمہ درج

    کراچی : متحدہ قومی موومنٹ پاکستان کے رہنما اوراپوزیشن لیڈر خواجہ اظہار الحسن پر گزشتہ روز ہونے والے قاتلانہ حملے کا مقدمہ درج کرلیا گیا ہے‘ جوابی فائرنگ میں ہلاک ہونے والے ملزم کے والد اور دیگر افراد کو حراست میں لے لیا گیا ہے۔

    تفصیلات کے مطابق خواجہ اظہار پر نمازِ عید کی ادائیگی کے بعد ہونےو الے حملے کا مقدمہ انسداد دہشت گردی ڈیپارٹمنٹ نے درج کیا ہے ‘ حملے میں ایم کیو ایم رہنما محفوظ رہے تھے جبکہ دو افراد شہید جبکہ پانچ زخمی ہوئے تھے۔

    قاتلانہ حملے کا مقدمہ تیموریہ تھانے میں ایس ایچ او جمال لغاری کی مدعیت میں درج کیا گیا ہے‘ ایف آئی کے متن کے مطابق حملے کے بعد پولیس موبائل نے ملزم کا تعاقب کرکے اسے نشانہ بنایا‘ زخمی ہوکر ملزم گرا اور عوام نے اسے پکڑ کر پولیس کے حوالے کیا جو بعد ازاں دم توڑ گیا۔

    ایف آئی آر میں یہ بھی درج کیا گیا ہے کہ تین حملہ آوروں نے سندھ اسمبلی کے اپوزیشن لیڈر خواجہ اظہا ر الحسن پر اندھا دھند فائرنگ کی ‘ ایم کیو ایم رہنماءکارروائی میں محفوظ رہے۔

    خواجہ اظہار پرحملہ آورملزم کے گھر پر چھاپہ‘ والد گرفتار*

     خواجہ اظہار الحسن پر قاتلانہ حملے میں ملوث ایک ملزم کی شناخت حسان کے نام سے ہوئی ہے‘ مذکورہ ملزم پولیس کی مبینہ جوابی فائرنگ سے جاں بحق ہوگیا تھا۔

    حسان نامی اس ملزم کے سہراب گوٹھ میں واقع گھر پرچھاپہ مار کرقانون نافذ کرنےوالےاداروں نےملزم کےوالد اوردیگرافرادکوحراست میں لےلیا ہے۔

    آئی جی سندھ اے ڈی خواجہ کا کہنا ہے کہ حملےمیں کون ساگروپ ملوث ہے،ابھی نہیں کہاجاسکتاہے‘ قیاس آرائیوں سےتفتیش متاثرہوگی۔ انہوں نے یہ بھی کہا کہ سیاسی دھڑےبندی کےبعدایم کیوایم پاکستان کوخطرات سےآگاہ کیاتھا۔

    خواجہ اظہار الحسن کا ا س واقعے کے بعد برطانوی نشریاتی ادارے کو دیے انٹرویو میں کہنا تھاکہ ممکن ہے ان پر حملے کی منصوبہ بندی میں ایسے لوگ شامل ہوں جو ان کے قریب ہیں کیونکہ انھوں نے اپنے نماز کے شیڈول اور جگہ کو خفیہ رکھا تھا۔

    دوسری جانب انہوں نے خود پر ہونے والے ناکام قاتلانہ حملے میں ایم کیو ایم لندن کے ملوث ہونے کے امکان کو بھی مسترد نہیں کیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کراچی : رینجرزاورسی ٹی ڈی پولیس کی مشترکہ کارروائی‘ 2 دہشت گرد ہلاک

    کراچی : رینجرزاورسی ٹی ڈی پولیس کی مشترکہ کارروائی‘ 2 دہشت گرد ہلاک

    کراچی : شہر قائد میں رینجرزاور سی ٹی ڈی نے مشترکہ کارروائی میں کالعدم تنظیم ٹی ٹی پی کے 2 دہشت گردوں کو ہلاک کردیا۔

    تفصیلات کے مطابق رینجرز اورکاؤنٹر ٹیررازم ڈپارٹمنٹ نے دہشت گردوں کی موجودگی کی اطلاع پر کراچی میں کورنگی نورانی بستی کا محاصرہ کیا۔

    دہشت گردوں نے سیکورٹی فورسز کو دیکھتے ہی فائرنگ شروع کردی جبکہ سیکورٹی فورسز کی جوابی فائرنگ میں کالعدم تنظیم ٹی ٹی پی کے 2 دہشت گرد ہلاک ہوگئے۔

    سیکیورٹی فورسز اور دہشت گردوں کے درمیان کافی دیر تک فائرنگ کا تبادلہ جاری رہا جس میں 2 دہشت گرد ہلاک ہو گئے، جن کا تعلق کالعدم تحریک طالبان پاکستان سے بتایا جارہا ہے۔

    سی ٹی ڈی حکام نے بتایا کہ ہلاک دہشت گرد پولیس ٹارگٹ کلنگ میں ملوث تھے جبکہ دہشت گردوں کے قبضے سے ٹائم بم، دستی بم، ڈیٹونیٹر، پمفلٹ اور پولیس اہلکاروں سے چھینی رائفل بھی برآمد ہوئی۔

    سی ٹی ڈی حکام کے مطابق فائرنگ میں ہلاک ہونے والے دہشت گردوں کی شناخت عرفان اللہ عرف شینا اور خالد عرف تورابورا کےنام سے ہوئی ہے۔

    کراچی میں پولیس کی کارروائیاں‘ 4 افراد گرفتار

    واضح رہے کہ گزشتہ روزکراچی کے مختلف علاقوں میں پولیس نے کارروائیوں کے دوران 2 ڈکیتوں سمیت چار افراد کو گرفتار کرکے اسلحہ برآمد کیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کراچی : سی ٹی ڈی کی منگھوپیرمیں کارروائی‘ 2 دہشت گرد ہلاک

    کراچی : سی ٹی ڈی کی منگھوپیرمیں کارروائی‘ 2 دہشت گرد ہلاک

    کراچی : شہرقائد کے علاقے منگھو پیر میں سی ٹی ڈی پولیس نے کارروائی کے دو دہشت گردوں کو ہلاک کردیا۔

    تفصیلات کے مطابق سی ٹی ڈی پولیس نے کراچی کے علاقے منگھوپیر میں دہشت گردوں کی موجودگی کی اطلاع پر کارروائی کی تو دہشت گردوں نے سامنے فائرنگ شروع کردی۔

    سی ٹی ڈی اور دہشت گردوں کے درمیان فائرنگ کے تبادلے میں دو دہشت گرد مارے گئے۔

    پولیس کےمطابق دہشت گردوں کا تعلق مفتی شاکر گروپ سے بتایا جاتا ہے۔ یہ گروپ کورنگی عوامی کالونی اوراصفہانی روڈ حملوں میں ملوث ہے۔

    ایس ایس پی عمر شاہد نے بتایا دہشت گردوں کے قبضے سے مذہبی اور سرکاری مقامات کےنقشے برآمد ہوئے ہیں۔

    کراچی میں سی ٹی ڈی کی کارروائی‘ 3 دہشت گرد ہلاک

    یاد رہے کہ گزشتہ ہفتے کراچی کے علاقے مچھر کالونی میں سی ٹی ڈی پولیس نے خفیہ اطلاع پرکارروائی کی اس دوران فائرنگ کے تبادلے میں تین دہشت گرد ہلاک جبکہ 4 کو گرفتار کرلیا تھا۔

    واضح رہے کہ ایس ایس پی عمر شاہد کا کہنا تھا کہ ملزمان دہشت گردی کی کئی وارداتوں میں ملوث تھے اور ان کے قبضے سے آئی ای ڈیوائسز،اسلحہ اوردیگر بارودی مواد برآمد کیا گیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • لاہورمیں سی ٹی ڈی کی کارروائی‘ 4 دہشت گرد ہلاک

    لاہورمیں سی ٹی ڈی کی کارروائی‘ 4 دہشت گرد ہلاک

    لاہور: سی ٹی ڈی نے لاہور میں سگیاں پل کے قریب کارروائی میں کالعدم تنظیم کے 4 دہشت گردوں کو ہلاک کردیا۔

    تفصیلات کے مطابق لاہور میں سی ٹی ڈی کی خفیہ اطلاع پرسگیاں پل کےقریب کارروائی میں کالعدم تنظیم کے چار دہشت گرد ہلاک جبکہ 4 اندھیرے کا فائدہ اٹھاکر فرار ہوگئے۔

    دہشت گردوں کے قبضے سے 2 کلاشنکوفیں، رائفل اور دھماکہ خیز مواد برآمد ہوا ہے۔ پولیس کے مطابق ہلاک دہشت گردوں کا تعلق کالعدم تنظیم سے تھا۔

    سی ٹی ڈی کی گجرات میں کارروائی‘ 3 دہشت گرد ہلاک

    یاد رہے کہ گزشتہ ہفتے سی ٹی ڈی نے گجرات میں کارروائی کے دوران کالعدم تنظیم کے تین دہشت گردوں کو ہلاک کردیا تھا جبکہ 3 رات کی تاریکی کا فائدہ اٹھاتے ہوئے فرار ہوگئے تھے۔

    سی ٹی ڈی ترجمان کے مطابق ہلاک دہشت گردوں کے قبضے سے بارودی مواد، کلاشنکوف اور ڈیٹونیٹر برآمد ہوئے تھے جبکہ ان کا تعلق کالعدم تحریک طالبان پاکستان سے تھا۔

    کراچی میں سی ٹی ڈی کی کارروائی‘ 3 دہشت گرد ہلاک

    واضح رہے کہ گزشتہ روز کراچی میں سی ٹی ڈی پولیس نے کارروائی کے دوران تین دہشت گرد ہلاک جبکہ 4 افراد کو گرفتار کر لیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کراچی میں سی ٹی ڈی کی کارروائی‘ 3 دہشت گرد ہلاک

    کراچی میں سی ٹی ڈی کی کارروائی‘ 3 دہشت گرد ہلاک

    کراچی: شہر قائد میں سی ٹی ڈی پولیس نے کارروائی کے دوران تین دہشت گرد ہلاک جبکہ 4 افراد کو گرفتار کر لیا۔

    تفصیلات کے مطابق کراچی کے علاقے مچھر کالونی میں سی ٹی ڈی پولیس نے خفیہ اطلاع پرکارروائی کی اس دوران فائرنگ کے تبادلے میں تین دہشت گرد ہلاک جبکہ 4 کو گرفتار کرلیا۔

    ایس ایس پی عمر شاہد کا کہنا ہے کہ ملزمان دہشت گردی کی کئی وارداتوں میں ملوث تھے اور ان کے قبضے سے آئی ای ڈیوائسز،اسلحہ اوردیگر بارودی مواد برآمد کرلیا گیا۔

    دوسری جانب کراچی کے علاقے اتحاد ٹاؤن میں پولیس نے کارروائی کرکے ٹارگٹ کلر کلام کو گرفتار کرلیا۔ پولیس کا کہنا ہے کہ ٹارگٹ کلر کا تعلق سیاسی جماعت کےعسکری ونگ سے ہے۔

    ملزم اورنگی ٹاؤن میں ٹارگٹ کلنگ کی وارداتوں میں ملوث ہے،پولیس نےملزم سے دستی بم،رائفل اور ٹی ٹی پستول برآمد کرلیا۔

    دوسری جانب کراچی میں فیرئیرکے علاقے سے ڈکیتی کےمقدمے میں نامزد ملزم فراز عرف فیضی کومدعی کی نشاندہی پر گرفتار کرلیا گیا۔

    کراچی میں حساس اداروں کی کارروائی‘ 3 افراد گرفتار

    واضح رہے کہ گزشتہ روز کراچی کے مختلف علاقوں میں حساس اداروں کی جانب سے کارروائی کے دوران 3 دہشت گرد گرفتار کیا گیا تھا، گرفتار دہشت گرد پولیس اہلکاروں کی ٹارگٹ کلنگ میں ملوث تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • سی ٹی ڈی کی گجرات میں کارروائی‘ 3 دہشت گرد ہلاک

    سی ٹی ڈی کی گجرات میں کارروائی‘ 3 دہشت گرد ہلاک

    گجرات : سی ٹی ڈی نے گجرات میں کارروائی کے دوران کالعدم تنظیم کے تین دہشت گردوں کو ہلاک کردیا جبکہ 3 رات کی تاریکی کا فائدہ اٹھاتے ہوئے فرار ہوگئے۔

    تفصیلات کے مطابق کاؤنٹر ٹیررازم ڈپارٹمنٹ نے گجرات میں یونیورسٹی روڈ پل نالہ مراد پور کے قریب دہشت گردوں کی اطلاع پر چھاپہ مارا۔ اس دوران سیکورٹی فورسز اور دہشت گردوں کے درمیان فائرنگ کا تبادلہ ہوا جس میں 3 دہشت گرد مارے گئے جبکہ 3 فرار ہونے میں کامیاب ہوگئے۔

    سی ٹی ڈی ترجمان کے مطابق ہلاک دہشت گردوں کے قبضے سے بارودی مواد، کلاشنکوف اور ڈیٹونیٹر برآمد ہوئے ہیں جبکہ ان کا تعلق کالعدم تحریک طالبان پاکستان سے ہے۔

    دوسری جانب روجھان کےکچےعلاقے میں اشتہاریوں کی موجودگی پر پولیس نے چھاپہ مارا، چھاپے کے دوران فائرنگ کا تبادلہ ہو ا جس میں سب انسپکٹر خالد گوہر سمیت دوپولیس اہلکار شیہد ہوگئے۔

    پولیس حکام کا کہنا ہے کہ فائرنگ کے تبادلے میں ایس ایچ او سمیت تین پولیس اہلکار زخمی ہوئےہیں، پولیس کے مطابق اشتہاری ملزمان جدید اسلحہ سے لیس تھے۔

    لاہورمیں سی ٹی ڈی کی کارروائی‘ 2 دہشت گرد ہلاک

    واضح ریے کہ گزشتہ ماہ صوبہ پنجاب کے دارالحکومت لاہور میں سی ٹی ڈی کی کارروائی کےدوران کالعدم تنظیم کے دو دہشت گرد مارے گئےتھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • ڈیرہ اسماعیل خان میں دہشت گردی کا بڑا منصوبہ ناکام ،4دہشت گرد گرفتار

    ڈیرہ اسماعیل خان میں دہشت گردی کا بڑا منصوبہ ناکام ،4دہشت گرد گرفتار

    ڈی آئی خان : سی ٹی ڈی ڈی نے ڈی آئی خان ریجن میں دہشتگردی کا بڑا منصوبہ ناکام بنا دیا اور چار دہشت گردوں کو گرفتار کرلیا۔

    تفصیلات کے مطابق کانٹر ٹرارزم ڈیپارٹمنٹ نے ڈیرہ اسماعیل خان ریجن میں حساس اداروں کی اطلاع پر کارروائی کرتے ہوئے دہشت گردی کا بڑا منصوبہ ناکام بناتے ہوئے 4 دہشتگرد گرفتار اور بارودی مواد برآمد کرلیا۔

    دہشت گردوں کے قبضے سے 2 کلو بارودی مواد کے علاوہ سیفٹی فیوز، نٹ بولٹ اور ڈیٹونیٹر بھی برآمد ہوئے ہیں۔

    سی ٹی ڈی کے مطابق دہشتگردوں کا تعلق کالعدم تنظیم سے ہے، کارروائی کے دوران 2 دہشت گرد فرار ہونے میں کامیاب ہوئے، جن کی تلاش جاری ہے۔

    سی ٹی ڈی حکام کے مطابق گرفتار دہشت گردوں میں ایک پنجاب کے علاقے بھکر جب کہ دیگر 3 ڈیرہ اسماعیل خان کے رہائشی ہیں۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔