چنیوٹ: انسدادِ دہشت گردی ڈیپارٹمنٹ نے جمعیت العلمائے اسلام ف کے رہنماء اور سابق ایم پی اے مفتی کفایت اللہ کو اشتعال انگیز تقریرکے الزام میں گرفتارکرلیا۔
تفصیلات کے مطابق انسدادِ دہشت گردی ڈیپارٹمنٹ نے مفتی کفایت اللہ کو آج بروز جمعرات چنیوٹ سے اشتعال انگیزی پھیلانے کےجرم میں گرفتار کیا ہے۔
ذرائع کے مطابق مفتی کفایت اللہ پر شرانگیز تقریر کرنے کا الزام ہے مفتی کفایت اللہ مسلم لیگ ن کے ایم پی اے مولانا محمدالیاس چنیوٹی کی دعوت پر چنیوٹ مسجد صدیق اکبر میں آئے تھے جہاں داخل ہونے سے قبل ہی سی ٹی ڈی پولیس نے انہیں گرفتار کرلیا
ذرائع کے مطابق ان کے خلاف انسداد ہشت گردی ایکٹ الیون ای کے تحت کے مقدمہ درج کیا گیا ہے۔
مفتی کفایت اللہ صوبہ خیبر پختون خوا کے ضلع مانسہرہ سے تعلق رکھتے ہیں اورجے یو آئی ف کی جانب سے کے پی کے اسمبلی کے رکن رہ چکے ہیں جہاں وہ قائد حزب اختلاف کے فرائض بھی سرانجام دے چکے ہیں۔
کالعدم تحریک طالبان نے حکومت سے مزاکرات کے لئے اپنی جانب سے مفتی کفایت اللہ کو نامزد کیا تھا تاہم مولانا فضل الرحمان کی جانب سے اجازت نہ ملنے کی وجہ سے مفتی کفایت اللہ نے طالبان کی پیشکش مسترد کردی تھی۔
