Tag: CTD

کراچی: کاؤنٹر ٹیررازم ڈیپارٹمنٹ نے ایک کارروائی میں کراچی کے علاقے گلستان جوہر سے روس فرار ہونے والے دہشت گرد کو گرفتار کر لیا۔

تفصیلات کے مطابق سی ٹی ڈی نے گلستان جوہر بلاک 7 سے کالعدم تنظیم سے تعلق رکھنے والے دہشت گرد جاوید حسین کو گرفتار کر لیا۔

گرفتار ملزم سے اسلحہ برآمد کیا گیا ہے، سی ٹی ڈی کا کہنا ہے کہ ملزم اپنے ساتھیوں کے ساتھ مل کر مخالف تنظیم کے افراد کو قتل کرتا تھا۔

ملزم نے گلبرگ میں اعجاز نامی شہری کو قتل کیا، جس کا تعلق مخالفت تنظیم سے تھا، ملزم نے اپنے ساتھیوں کے ساتھ انچولی میں بھی ایک شخص کو فائرنگ کر کے قتل اور 2 افراد کو زخمی کیا تھا۔

سی ٹی ڈی کے مطابق ملزم جاوید حسین اپنے ساتھیوں کی گرفتاری کے بعد روس فرار ہو گیا تھا، اور کبھی کبھار کراچی آتا اور جاتا تھا۔

پولیس حکام کا کہنا ہے کہ ملزم جاوید کراچی میں دہشت گردی کے لیے دوبارہ لڑکوں کو منظم کر رہا تھا۔

کراچی: شہر قائد میں پولیس مقابلے میں 2 دہشت گرد ہلاک ہو گئے، سی ٹی ڈی کا کہنا ہے کہ دہشت گردوں کا صدر دھماکے میں ملوث ہونے کا امکان ہے۔

تفصیلات کے مطابق سی ٹی ڈی اور حساس اداروں کا ماڑی پور پانچ سو کوارٹر روڈ پر دہشت گردوں سے مقابلہ ہوا، اس کارروائی میں فائرنگ سے 2 دہشت گرد ہلاک ہو گئے، جب کہ ایک دہشت گرد موٹر سائیکل پر فرار ہو گیا۔

انچارج سی ٹی ڈی مظہر مشوانی کے مطابق ہلاک دہشت گردوں کا تعلق کالعدم علیحدگی پسند تنظیم سے ہے، جن کی شناخت اللہ ڈنو اور نواب کے ناموں سے ہوئی ہے، مظہر مشوانی نے بتایا کہ ہلاک دہشت گرد صدر دھماکے میں ملوث ہو سکتے ہیں۔

کراچی میں دھماکا، ایک شخص جاں‌ بحق، کئی گاڑیاں تباہ

انچارج سی ٹی ڈی کا کہنا ہے کہ ابتدائی شواہد سے معلوم ہوتا ہے کہ ہلاک دہشت گرد صدر دھماکے میں ملوث تھے، دہشت گردوں سے اسلحہ اور دھماکا خیز مواد بھی بر آمد کیا گیا ہے، کارروائی کے دوران بم ڈسپوزل اسکواڈ کو بھی طلب کیا گیا تھا۔

دریں اثنا، ضلع ساؤتھ میں مشترکہ کومبنگ آپریشن کیا گیا ہے، یہ آپریشن صدر کے علاقے ہجرت کالونی اور کلفٹن کے علاقے شاہ رسول میں کیا گیا، آپریشن میں ضلع کے تمام ایس ڈی پی اوز اور ایس ایچ اوز نے حصہ لیا، آپریشن کے دوران علاقے کے داخلی و خارجی راستوں کو سیل کر کے مشکوک افراد کو چیک کیا گیا۔

ایس ایس پی ساؤتھ کے مطابق آپریشن کے دوران ہوٹلوں میں بیٹھے لوگوں کی بائیو میٹرک تصدیق کی گئی، دوران آپریشن متعدد گرفتاریاں بھی عمل میں آئی ہیں جن میں 21 مرد شامل ہیں۔