ARYNews.tv | Urdu – Har Lamha Bakhabar

Tag: Custom Action

  • سگریٹ اور نسوار سعودی عرب اسمگل کرنے کی کوشش ناکام

    سگریٹ اور نسوار سعودی عرب اسمگل کرنے کی کوشش ناکام

    محکمہ کسٹم نے جناح انٹر نیشنل ایئرپورٹ پر کارروائی کرکے سگریٹ اور نسوار کی اسمگلنگ کی کوشش ناکام بنادی۔

    سعودی ایئرلائن کی پرواز کے ذریعے ریاض جانے والے مسافر سے سگریٹ اور نسوار کی بڑی کھیپ برآمد ہوئی تھی۔

    ڈپٹی کلکٹر کسٹم حماد احمد کے مطابق کسٹم عملے نے مسافر کے سامان کی تلاشی لی تو سامان سے 17ہزار سے زائد سگریٹ کے پیکٹس برآمد ہوئے۔

    کسٹم حکام کے مطابق مسافر کے قبضے سے 410سے زائد باکس بھی برآمد ہوئے جس میں ممنوعہ نسوار چھپا رکھی گئی تھی،

    محکمہ کسٹم نے گزشتہ 24گھنٹوں کے دوران سعودی عرب جانے والے مسافروں سے 38ہزار سے زائد سگریٹ برآمد کئے گئے جبکہ 800سے زائد ممنوعہ اشیاء نسوار کے پیکٹس برآمد ہوئے۔

  • جناح ایئر پورٹ پر لاکھوں روپے مالیت کی اسمگلنگ کی کوشش ناکام

    جناح ایئر پورٹ پر لاکھوں روپے مالیت کی اسمگلنگ کی کوشش ناکام

    کراچی : کسٹمز کلکٹریٹ نے جناح ایئر پورٹ پر لاکھوں روپے مالیت کی اسمگلنگ کی کوشش ناکام بنادی، کسٹم کے عملے نے امریکہ براستہ دبئی آنے والے مسافر کے سامان سے موبائل فونز اور ممنوعہ کاسمیٹکس بر آمد کر لیں۔

    ترجمان کسٹم نے بتایا کہ مسافر شہاب حسین کی جامہ تلاشی کے دوران خفیہ جیبوں سے سونے کے زیورات اور امریکن ڈالرز بھی بر آمد ہوئے۔ اسمگل شدہ سامان زیورات اور کرنسی کی مالیت اڑسٹھ لاکھ 76ہزار روپے سے زائد ہے، مسافر کو کسٹمز ایکٹ کے تحت مقدمہ درج کر کے گرفتار کرلیا گیا۔

    جناح انٹرنیشنل ائرپورٹ پر تعینات عملے نے دوران چیکنگ اتحاد ایئرویز کی فلائٹ 221 سے امریکہ سے براستہ ابوظہبی کراچی پہنچنے والے پاکستانی مسافر شہاب حسین جو کہ گرین چینل کی سہولت کا فائدہ اٹھاتے ہوئے اپنے سامان کے ھمراہ بغیر اسکیننگ کے آرایئول ھال سے باہر جا رھا تھا۔

    اس کو کسٹمز کے عملے نے شک کی بنیاد پر روک کر اس کے سامان کے بارے میں پوچھ گچھ کی کہ اس کے سامان میں کوئی ممنوعہ یا ڈیوٹی ایبل سامان موجود ھے تو مسافر نے اس قسم کے کسی سامان کی موجودگی سے انکار کیا ۔

    مسافر کے بیان سے غیر متفق اور غیر مطمئن ہونے پر مسافر کے سامان کی اسکیننگ کی گئی تو مسافر کے سامان میں موبائل فونز اور کاسمیٹکس مصنوعات کی نشاندہی ہوئی۔

  • کوسٹ گارڈ کی کارروائی : 16 ملزمان گرفتار منشیات اور نایاب پرندے برآمد

    کوسٹ گارڈ کی کارروائی : 16 ملزمان گرفتار منشیات اور نایاب پرندے برآمد

    کراچی : کوسٹ گارڈ کے عملے نے مسافر کوچ پر چھاپہ مار کر 16ملزمان کو گرفتار کرلیا، ملزمان کے قبضے سے کرسٹل نایاب نسل کے پرندے، زیورات اور ممنوعہ اشیاء برآمد کرلیں۔

    تفصیلات کے مطابقپاکستان کوسٹ گارڈز نے اسمگلنگ کے خلاف مختلف کاروائیاں کرتے ہوئے پندرہ کروڑ روپے سے زائد مالیت کا اسمگل شدہ سامان ضبط کرلیا۔

    ترجمان کوسٹ گارڈ کے مطابق وندرچیک پوسٹ پر مسافر کو چ سے ملزم کو گرفتار کرکے دو کلو گرام کرسٹل برآمد کرلیا، ایک اور کارروائی میں ایک مسافر سے نایاب نسل کے چالیس پرندے برآمد کر لئے گیے۔

    اس کے علاوہ گوادر کراچی روٹ پر چیکنگ کے دوران چھالیہ، بھارتی گٹکا اور مختلف اشیاء برآمد کر کے سولہ افراد کو گرفتار کر لیا گیا۔وندر اور گوادر پر کارروائی کے دوران ایک لاکھ لیٹر سے زائد ایرانی ڈیزل بھی تحویل میں لے لیا گیا۔

    کسٹمز کلکٹریٹ نے جناح ایئر پورٹ پر لاکھوں روپے مالیت کی اسمگلنگ کی کوشش ناکام بنادی، ۔کسٹم کے عملے نے امریکہ براستہ دبئی آنے والے مسافر کے سامان سے موبائل فونز اور ممنوعہ کاسمیٹکس بر آمد کر لیں۔

    ترجمان کسٹم نے بتایا کہ مسافر کی جامہ تلاشی کے دوران خفیہ جیبوں سے سونے کے زیورات اور امریکن ڈالرز بھی بر آمد ہوئے۔ اسمگل شدہ سامان زیورات اور

    ملزمان سے برآمد ہونے والی کرنسی کی مالیت اڑسٹھ لاکھ روپے سے زائد ہے، تمام مسافروں کو کسٹمز ایکٹ کے تحت مقدمہ درج کر کے گرفتار کرلیا گیا۔

  • کراچی ایئرپورٹ پر کئی سال سے کھڑے ناکارہ طیارے، محکمہ کسٹم نے اہم فیصلہ کرلیا

    کراچی ایئرپورٹ پر کئی سال سے کھڑے ناکارہ طیارے، محکمہ کسٹم نے اہم فیصلہ کرلیا

    کراچی : قائد اعظم انٹرنیشنل ائیر پورٹ پر کھڑے ناکارہ جہازوں کے حوالے سے اے آر وائی نیوز کی خبر پر محکمہ کسٹم حرکت میں آگیا، ٹیکنیکل کمیٹی تشکیل دے دی گئی۔

    تفصیلات کے مطابق کراچی ایئر پورٹ پر گزشتہ کئی سال سے کھڑے ناکارہ طیاروں کی خبر نشر کرنے پر محکمہ کسٹم کو ہوش آگیا، ناکارہ جہازوں کو ٹھکانے لگانے کے لیے ٹیکنیکل کمیٹی تشکیل دے دی گئی۔

    اس حوالے سے ذرائع کا کہنا ہے کہ ٹیکنکل کمیٹی میں سول ایوی ایشن اتھارٹی،پی آئی اے اور نجی ائیر لائین کے انجینئرز شامل ہیں، مذکورہ کمیٹی اس بات کا تعین کرے گی کہ ناکارہ جہازوں کو نیلام کیا جائے یا اسکریپ میں شامل کردیا جائے، دو سے تین ماہ میں ٹیکنیکل کمیٹی ناکارہ جہازوں سے متعلق سفارشات طے کرکے متعلقہ حکام کو پیش کرے گی۔

    کلکٹر کسٹم فیروز جونیجو نے نمائندہ اے آر وائی نیوز صلاح الدین کو بتایا کہ40 تا 45 قومی اور نجی ائیر لائنز کے ناکارہ طیارے ناکارہ حالت میں ایئرپورٹ پر موجود ہیں، ان ناکارہ جہازوں پر محکمہ کسٹم کے اربوں روپے کے واجبات ہیں۔

    مزید پڑھیں: کراچی ایئرپورٹ پر کھڑے ناکارہ طیارے خطرے کی علامت بن گئے

    یاد رہے کہ کراچی ایئر پورٹ پر گزشتہ کئی سال سے کھڑے ناکارہ طیارے پرندوں کا گھر بن گئے ہیں جس کے باعث طیاروں کی حفاظت کو خدشات لاحق ہوگئے ہیں، اس کے علاوہ یہ ناکارہ طیارے پارکنگ کے مسائل کا سبب بھی بن رہے ہیں۔ خراب طیاروں میں پرندوں نے گھونسلے بنا لیے، جس کی وجہ سے جہازوں سے پرندے ٹکرانے کے واقعات بھی رونما ہورہے ہیں۔

    ایوی ایشن ذرائع کے مطابق کئی ناکارہ طیارے ویٹ اور ڈرائی لیز پر حاصل کیے گئے تھے، غیر ملکی کمپنیاں ناکارہ طیاروں کو بھاری ٹیکس ادائیگی کے باعث نہیں ہٹا رہیں، طیارے گزشتہ کئی سال سے کراچی ایئرپورٹ پر کھڑے ہیں۔