Tag: CWC19

لندن: انگلش ٹیم کے فاسٹ باؤلر جوفرا آرچر نے بھائی کا قتل ہونے کے باوجود ہمت نہ ہاری اور اپنی ٹیم کو عالمی کپ کا چیمپئن بنا ڈالا۔

غیر ملکی میڈیا رپورٹ کے مطابق جس روز انگلینڈ نے ورلڈکپ 2019 میں اپنا پہلا میچ کھیلا اُسی روز آرچر کے بھائی بلیک مین کو گھر کے باہر نامعلوم افراد گولی مار کرچلے گئے تھے۔

میڈیا رپورٹ کے مطابق 24 سالہ ایشنٹیو بلیک مین کو بارباڈوس میں گھر کے باہر قتل کیا گیا البتہ اہل خانہ نے آرچر کو بھائی کے قتل کی اطلاع میچ کے بعد دی تاکہ اُن کی میچ میں کارکردگی متاثر نہ ہو۔

آرچر بھائی کے قتل کی خبر سننے کے بعد صدمے میں چلے گئے تھے البتہ اُن کے والد فرینک نے حوصلہ دیا اور کہا کہ یہ موقع انہیں زندگی میں دوبارہ میسر نہیں ہوگا لہذا اپنے دکھ اور کرب کی حالت سے باہر نکل کر ایونٹ پر دھیان دیں۔

مزید پڑھیں: ورلڈ کپ فائنل میں اللہ ہمارے ساتھ تھا، اوئن مورگن

فرینک نے میڈیا سے گفتگو کرتے ہوئے بتایا کہ ’’ایشنٹیو اور آرچر ہم عمر تھے اور دونوں ایک دوسرے کے اچھے دوست بھی تھے، جوفرا کو جب اس واقعے کی اطلاع ملی تو وہ ٹوٹ گیا تھا البتہ ٹیم مینیجمنٹ اور ساتھی کھلاڑیوں نے اُس کی ہمت بڑھائی‘‘۔

والد کے مطابق بلیک مین کو گھر کے باہر 31 مئی کے روز قتل کیا گیا اور اس روز انگلینڈ ورلڈکپ میں اپنا میچ کھیل رہا تھا، حملہ آوروں نے بیٹے کو 8 گولیاں ماریں جس کی وجہ سے وہ ہلاک ہوئے۔

یاد رہے کہ 14 جولائی کو لندن کے تاریخی گراؤنڈ لارڈز میں انگلینڈ اور نیوزی لینڈ کے درمیان فائنل کھیلا گیا، سنسنی خیز میچ میں سپر اوور ہوا جس میں اسکور برابر ہوا البتہ آئی سی سی قانون کے تحت زیادہ باؤنڈریز لگانے پر انگلینڈ کو فاتح قرار دیا گیا۔

لندن: انگلش ٹیم کے کپتان اوئن مورگن نے کہا کہ ورلڈ کپ کے فائنل میں اللہ ہمارے ساتھ تھا۔

تفصیلات کے مطابق ورلڈ چیمپئن بننے کے بعد جب انگلش ٹیم کے کپتان اوئن مورگن پریس کانفرنس کرنے آئے تو صحافی کے سوال کا جواب دیتے ہوئے کہا کہ فائنل میں‌ اللہ ہمارے ساتھ تھا، لیگ اسپنر عادل رشید سے بات کی تو عادل نے بھی یہی کہا کہ اللہ ہمارے ساتھ ہے اور ہم میچ ضرور جیتیں گے۔

اوئن مورگن کے مطابق انہوں نے عادل رشید سے کہا کہ ہمیں ’رب آف گرین‘ بھی ملا ہے۔

کرکٹ میں رب آف گرین ایک اصطلاح ہے جب گیند کسی دوسرے قوت سے ٹکرا کر اپنا رخ موڑ لے تو اسے رب آف گرین کہا جاتا ہے اور ورلڈ کپ فائنل کے آخری اوور میں گیند بین اسٹوکس سے ٹکرا کر باؤنڈری پر چلی گئی تھی جس سے انگلینڈ کو 6 رنز اضافی ملے جس نے ان کی جیت میں اہم کردار ادا کیا تھا۔

 مزید پڑھیں: ون ڈے رینکنگ، ورلڈ چیمپئن انگلینڈ کا پہلی پوزیشن پر قبضہ

انگلش کپتان کا کہنا تھا کہ ہماری ٹیم میں ہر رنگ، نسل اور عقیدے کے لوگ شامل ہیں جنہوں نے اپنے عقائد کے مطابق مجھے یہ بات کہی۔

اوئن مورگن کا کہنا تھا کہ سپر اوور کے دوران میں نے ٹیم کی حوصلہ افزائی کی اور انہیں اس مشکل گھڑی سے لطف ندوز ہونے کا مشورہ دیا تھا۔

یاد رہے کہ انگلش کپتان اوئن مورگن کا تعلق آئرلینڈ سے ہے، بین اسٹوکس نیوزی لینڈ میں پیدا ہوئے، معین علی اور عادل رشید پاکستانی نژاد ہیں، جوفرا آرچر کا تعلق ویسٹ انڈیز سے ہے۔

دبئی: ورلڈ کپ کے اختتام کے بعد آئی سی سی نے ون ڈے کی نئی رینکنگ جاری کردی جس کے مطابق ورلڈ چیمپئن انگلینڈ کی ٹیم 125 پوائنٹس کے ساتھ پہلے نمبر پر براجمان ہے۔

تفصیلات کے مطابق آئی سی سی کی نئی ٹیم رینکنگ میں ورلڈ چیمپئن انگلینڈ پہلی پوزیشن پرآگئی، بھارت دوسرے اور نیوزی لینڈ تیسرے نمبر پر موجود ہے۔

رینکنگ کے مطابق آسٹریلوی ٹیم چوتھے، جنوبی افریقہ پانچویں، پاکستان چھٹے، بنگلہ دیش ساتویں، سری لنکا آٹھویں، ویسٹ انڈیز نویں اور افغانستان دسویں نمبر پر براجمان ہے۔

پلیئرز رینکنگ میں ویرات کوہلی کا پہلی پوزیشن پر قبضہ برقرار ہے، روہت شرما دوسرے، بابر اعظم تیسرے، فاف ڈوپلیسی چوتھے، راس ٹیلر پانچویں نمبر پر موجود ہے۔

مزید پڑھیں: اوور تھرو پر 6 رنز دینے کا فیصلہ غلط تھا، سابق امپائرسائمن ٹوفل

ورلڈ کپ میں بہترین کارکردگی دکھانے پر کین ولیم سن چھٹے نمبر پر پہنچ گئے ہیں، ڈیوڈ وارنر ساتویں، جو روٹ آٹھویں، کوئنٹن ڈی کاک نویں، اور جیسن رائے دسویں نمبر پر موجود ہیں۔

ٹاپ ٹین بولرز رینکنگ میں کوئی پاکستانی شامل نہیں، جسپریت بمرا پہلے، ٹرینٹ بولٹ دوسرے، ربادا تیسرے، پیٹ کمنز چوتھے، عمران طاہر پانچویں، مستفیض الرحمان چھٹے، کرس ووکس ساتویں، مچل اسٹارک آٹھویں، راشد خان نویں اوور میٹ ہینری دسویں نمبر پر براجمان ہیں۔

آل راؤنڈر رینکنگ میں شکیب الحسن پہلے، بین اسٹوکس دوسرے، محمد نبی تیسرے، عماد وسیم چوتھے اور راشد خان پانچویں نمبر پرموجود ہیں۔

لندن: نیوزی لینڈ کے کپتان اور بلے باز ولیمسن نے ورلڈکپ 2019 میں شاندار کھیل کی بدولت عالمی ریکارڈ اپنے نام کرلیا۔

تفصیلات کے مطابق نیوزی لینڈ اور میزبان ٹیم انگلینڈ کے درمیان لارڈز میں فائنل میچ کھیلا گیا جس میں کیویز کی ٹیم کے کپتان ولیمسن اچھی کارکردگی نہ دکھا سکے اور صرف 30 رنز بناکر آؤٹ ہوئے۔

ویسے تو ورلڈکپ کے کئی میچز میں ولیمسن نے مرد آہن کا کردار ادا کرتے ہوئے اپنی ٹیم کو اکیلے ہی میچ جتوائے البتہ آج وہ ہنری نکولس کے ساتھ اچھی شراکت داری تو کرنے میں کامیاب ہوئے مگر خود بہترین بلے بازی نہ کرسکے۔

آئی سی سی کے مطابق ورلڈکپ 2019 کے تمام میچز میں ولیمسن نے 577 رنز بنائے اور اسی کے ساتھ وہ ورلڈکپ ایڈیشن میں بحیثیت کپتان سب سے زیادہ اسکور کرنے والے بیٹسمین بن گئے۔

5️⃣5️⃣7️⃣* – #KaneWilliamson now has more runs at #CWC19 than any other captain in a single World Cup campaign.

Leading from the front 👏#CWC19Final | #BackTheBlackCaps pic.twitter.com/CdFQpC4NWj

— Cricket World Cup (@cricketworldcup) July 14, 2019

کین نے مجموعی طور پر ورلڈکپ کے دوران بہترین قیادت کی جس کے باعث اُن کی ٹیم نے فائنل تک جگہ بنائی۔ یاد رہے کہ اس سے قبل ورلڈکپ میں بحیثیت کپتان سب سے زیادہ رنز بنانے کا اعزاز سری لنکن کپتان مہیلا جے وردنے کے پاس تھا جنہوں نے 2007 کے عالمی کپ میں 548 رنز اسکور کیے تھے جبکہ دوسرے نمبر پر آسٹریلوی کپتان رکی پونٹنگ تھے جہوں نے 539 رنز بنائے تھے۔

لندن: ورلڈکپ 2019 کے فائنل میچ میں بال انوکھے انداز سے اسٹیڈیم میں لائی گئی جس کے لیے برٹش آرمی نے اپنی خدمات پیش کیں۔

تفصیلات کے مطابق ورلڈکپ 2019 کامیابی سے اپنے اختتام کی جانب پہنچ گیا، اس ضمن میں نیوزی لینڈ اور میزبان ٹیم انگلینڈ کی ٹیموں کے درمیان فائنل کھیلا جارہا ہے۔

کرکٹ کی تاریخ میں پہلی بار ایک ایسی ٹیم عالمی چیمپئن بننے جائے گی جس نے ماضی میں کبھی ٹرافی اپنے نام نہیں کی۔ بارشوں نے کئی میچز کو متاثر کر کے  ایونٹ کے حسن کو کم کیا البتہ فائنل کو یادگار بنانے کے لیے آئی سی سی نے منفرد کوشش کی۔

ورلڈ کپ 2019 کے فائنل میچ کو انٹرنیشنل کرکٹ کونسل نے منفرد انداز میں شروع کرنے کی غرض سے ایک انوکھا انداز اپنایا جسے شائقین کرکٹ نے بھی بہت پسند کیا۔

فائنل میچ کے آغاز سے قبل اسٹیڈیم میں بال کی انوکھے انداز سے انٹری ہوئی اور برٹش آرمی کےپیرا شوٹ رجمنٹ کے سپاہیوں نے پہلے گیند کو فضا کی سیر کرائی اور پھر اسے امپائر کے سپرد کیا۔

کرکٹ کی تاریخ میں یہ پہلا موقع ہے کہ گیند کو فضاؤں کی سیر کرائی گئی اور پھر مقابلہ شروع ہوا۔ چھاتہ بردار برطانوی فوج کے پیر شوٹ رجمنٹ نے گیند کو فضا کی سیر کرائی اور پھر انہوں نے لارڈز کے تاریخی میدان میں لینڈنگ کی۔

پیراشوٹ اہلکاروں نے اسٹیڈیم میں آنے کے بعد گیند میچ کے چوتھے پاکستانی امپائر علیم ڈار کے سپرد کی اور پھر وہاں سے چلے گئے، یہ تمام مرحلہ ٹاس کے بعد ہوا۔

What a way to start the day 🏏 #WeAreEngland | #CWC19 | #BackTheBlackCaps | #CWC19Final pic.twitter.com/02Cf6xcnKk

— Cricket World Cup (@cricketworldcup) July 14, 2019