ARYNews.tv | Urdu – Har Lamha Bakhabar

Tag: dacoity

  • سی سی ڈی سے مقابلے میں ریکارڈ یافتہ ڈکیت اور زیادتی کا ملزم مارا گیا

    سی سی ڈی سے مقابلے میں ریکارڈ یافتہ ڈکیت اور زیادتی کا ملزم مارا گیا

    میلسی(15 اگست 2025): خان پور کے قریب سی سی ڈی سرکل اور ملزمان کے درمیان مقابلے میں ریکارڈ یافتہ ڈاکو اور زیادتی کا ملزم مارا گیا۔

    تفصیلات کے مطابق پنجاب کے ضلع وہاڑی کی تحصیل میلسی میں سی سی ڈی سرکل اور ملزمان کے درمیان فائرنگ کا تبادلہ ہوا اس دوران ایک کانسٹیبل بھی زخمی ہوا۔

    ترجمان سی سی ڈی کے مطابق دو ملزمان نے گشت پر مامور پولیس ٹیم پر فائرنگ کی، جوابی کارروائی کے دوران ایک ملزم ساتھیوں کی گولی لگنے سے مارا گیا ہلاک ملزم کی شناخت تنویر کے نام سے ہوئی ہے۔

    ترجمان کا کہنا ہے کہ ملزم نے دس سے زائد وارداتوں میں بچیوں کو زیادتی کا نشانہ بنایا تھا، ملزم سے پستول برآمد ہوا، ملزم کی لاش اور زخمی کانسٹیبل کو ٹی ایچ کیو اسپتال منتقل کر دیا گیا ہے جبکہ مفرور ملزم کی گرفتاری کیلئے سرچ آپریشن جاری ہے۔

    دوسری جانب لاہور میں خاتون پر سرعام تشدد او اغوا کی کوشش کرنے والا قانون کے شکنجے میں آگیا، ملزم شاہ زیب نے موٹرسائیکل سوار خاتون کو روکا، تھپڑ مارے اور بائیک سے گرایا۔

    ہنجروال کے علاقے میں چوتھی جماعت کی طالبہ سے نازیبا حرکات کرنے والے اسکول پرنسپل کو بھی حراست میں لے لیاگیا، والدہ نے اسکول پرنسپل غلام نبی کے خلاف پرچہ بھی کٹوادیا۔

    https://urdu.arynews.tv/lahore-ccd-encounter-suspect-in-custody/

  • ڈکیتی مزاحمت پر فائرنگ سے تاجر جاں بحق

    ڈکیتی مزاحمت پر فائرنگ سے تاجر جاں بحق

    کھپروسانگھڑ روڈ پر ڈاکوؤں نے ڈکیتی کی مزاحمت پر فائرنگ سے کار سوار تاجر قتل کر دیا۔

    تفصیلات کے مطابق سندھ کے مختلف شہروں میں ڈاکوؤں کی لوٹ مار جاری ہے جبکہ ذمہ داران اسے روکنے میں بری طرح ناکام نظر آرہے تاہم ایک اور ڈکیتی واقعے میں ایک شخص اپنی زندگی سے ہاتھ دھو بیٹھا ہے۔

    پولیس کے مطابق سندھ میں واقع کھپرو سانگھڑ روڈ پر ڈاکوؤں نے ڈکیتی کی مزاحمت پر فائرنگ سے کار سوار تاجر قتل کر دیا۔

    پولیس کا کہنا ہے کہ موٹرسائیکل سوار ڈاکوؤں نے گاڑی نہ روکنے پر تاجر پر فائرنگ کی، مقتول صفدر لغاری دکانوں سےکرایہ وصول کر کے سانگھڑ آرہا تھا اس دوران ڈاکوؤں نے لوٹ مار کی۔

    دوسری جانب کورنگی سنگر چورنگی کے قریب ڈاکو کو شہری سے لوٹ مار کی واردات مہنگی پڑ گئی، بہادر شہری نے اپنے پستول سے فائرنگ کر کے مبینہ ڈاکو کو مار گرایا جبکہ دیگر دو ساتھی موقع سے فرار ہوگئے۔

    ہلاک ڈاکو کی شناخت 27 سالہ سرفراز کے نام سے کی گئی جس کا کرمنل ریکارڈ بھی سامنے آیا ہے جبکہ اس کے دیگر  دو ساتھی موقع سے فرار ہوگئے جن کی تلاش جاری ہے۔

    پولیس نے ڈاکو کی لاش ضابطے کی کارروائی کے لیے جناح اسپتال منقتل کر دی ہے جسے بعدازاں تلاش ورثا کے لیے سرد خانے میں رکھوا دیا گیا ، پولیس شہری کی مدعیت میں واقعہ کا مقدمہ درج کر رہی ہے ۔

    https://urdu.arynews.tv/karachi-orangi-town-dacoity/

  • کراچی میں ڈکیتی مزاحمت پر 20 سالہ نوجوان قتل، شہری کی فائرنگ سے ڈاکو ہلاک

    کراچی میں ڈکیتی مزاحمت پر 20 سالہ نوجوان قتل، شہری کی فائرنگ سے ڈاکو ہلاک

    کراچی کے علاقے اورنگی ٹاؤن میں ڈاکوؤں نے ڈکیتی میں مزاحمت پر فائرنگ کرکے نوجوان کو قتل کر دیا۔

    تفصیلات کے مطابق اورنگی ٹاؤن کے علاقے ڈسکو موڑ کے قریب جوس سینٹر میں ڈکیتی کی کوشش کے دوران ڈاکو کی فائرنگ سے ایک شہری شدید جاں بحق ہو گیا، قتل کے بعد فرار ہونے والے ایک ڈاکو کو شہری  نے فائرنگ کرکے موت کے گھاٹ اتار دیا تاہم ڈاکو کا ساتھی فرار ہوگیا۔

    پولیس نے جائے وقوعہ سے پستول اور موٹر سائیکل برآمد کرلی ہے جبکہ جاں بحق شہری کی شناخت 20 سالہ عابد کے نام سے ہوئی ہے اور مارے گئے ملزم کی شناخت محمد عدنان علی کے نام سے ہوئی ہے۔

    دکان کے مالک کا بیان

    دکان کے مالک نے پولیس کو بتایا کہ جاں بحق نوجوان عابد اورنگی ٹاؤن بہار کالونی کا رہائشی ہے اور اس کا آبائی تعلق نوابشاہ سے تھا، مقتول کو15 روز قبل دکان میں کام پر رکھا تھا۔

    دکان کے مالک فردوس نے کہا کہ عابد کو زخمی حالت میں عباسی منتقل کیا گیا تھا، اسے عباسی اسپتال میں طبی امداد فراہم نہیں کی گئی، وہ کافی دیر اسپتال میں پڑا رہا کسی نے ہاتھ تک نہیں لگایا اور وہ اسپتال میں طبی امداد نا ملنے کے باعث جاں بحق  ہوگیا۔

    پولیس کا کہنا ہے کہ اورنگی ٹاؤن میں دکاندار کی فائرنگ سے ہلاک ملزم کی شناخت کرلی گئی ہے ملزم بھی اورنگی ٹاون کا رہائشی تھا جبکہ اس کا کرمنل ریکارڈ چیک کیا جارہا ہے۔

  • لاہور میں ایک کروڑ سے زائد کی ڈکیتی

    لاہور میں ایک کروڑ سے زائد کی ڈکیتی

    لاہور: تھانہ نصیرآباد کی حدود میں مسلح موٹرسائیکل سوار ڈاکوؤں نے شہری سے اسلحے کے زور پر ایک کروڑ 32 لاکھ سے زائد کی رقم چھین لی۔

    تفصیلات کے مطابق لاہور کے تھانہ نصیرآباد کی حدود میں ڈاکو نے شہری سے ایک کروڑ 32 لاکھ سے زائد کی رقم لوٹ کر فرار ہوگئے، شہری عمر کی مدعیت میں تھانہ نصیرآباد میں مقدمہ درج  کرلیا گیا۔

    شہری سونے کا کاروبار کرتا ہے سونا دے کر نقد رقم لے کر جا رہا تھا، 2 موٹر سائیکل سوار ملزمان گن پوائنٹ پر کیش چھین کر فرار ہوگئے۔

    پولیس کا کہنا ہے کہ ملزمان کی سی سی ٹی وی کی مدد سے جانچ پڑتال شروع کر دی گئی ہے۔

  • وزیراعظم کے بھانجے کے گھر ڈکیتی کرنے والے 3 ڈاکو گرفتار

    وزیراعظم کے بھانجے کے گھر ڈکیتی کرنے والے 3 ڈاکو گرفتار

    لاہور: وزیراعظم کے بھانجے شیرشاہ کے گھر ڈکیتی کرنے والے 3 ڈاکوؤں کو گرفتار کرکے قبضے سے مسروقہ سامان برآمد کرلیا گیا ہے۔

    تفصیلات کے مطابق سی آئی اے پولیس نے کارروائی میں وزیراعظم عمران خان کے بھانجے شیرشاہ کے گھر ڈکیتی کے واقعے میں ملوث 3 ڈاکوؤں کو گرفتار کرلیا جبکہ ڈاکوؤں کے قبضے سے مسروقہ سامان برآمد کرلیا گیا ہے۔

    پولیس نے کوٹ لکھپت میں ڈکیتی کے دوران گارڈ کو قتل کرنیوالے ڈاکو کو بھی گرفتار کرلیا ہے۔

    یاد رہے لاہور میں مقیم وزیر اعظم عمران خان کے بھانجے کی رہائش گاہ میں مسلح افراد نے داخل ہوکر اسلحے کے زور پر اہل خانہ کو لوٹ لیا تھا۔

    نقاب پوش ڈاکوؤں نے خواتین سے 8 طلائی چوڑیاں اتروائیں، گھر میں موجود پستول چھینا اور چیک پر 30 لاکھ روپے کی رقم لکھ کر بھانجے کی اہلیہ سے زبردستی دستخط کروا کے فرار ہوگئے تھے۔

    مزید پڑھیں : وزیراعظم کے بھانجے کے گھر ڈکیتی کی واردات

    بعد ازاں وزیراعظم کے بھانجے کے گھر پیش آنے والے ڈکیتی کے واقعے کا مقدمہ شیر شاہ کی مدعیت میں درج کیا گیا تھا، ایف آئی آر کے متن میں لکھا گیا تھا کہ ڈاکو قیمتی چوڑیاں، پستول اور چیک پر رقم لکھ کر اس پر دستخط کروا کے فرار ہوگیے، پولیس نے نامعلوم افراد کے خلاف مقدمہ درج کر کے تفتیش کا آغاز کردیا تھا۔

    خیال رہے لاہور میں نقب زنی اور ڈکیتی میں اضافہ ہوگیا ہے، جس کی وجہ سے شہری ایک کروڑ سے زائد مالیت کے زیورات اور نقدی سمیت دیگر قیمتی اشیاء سے محروم ہوئے۔