اسلام آباد :ڈیموں کی تعمیر، عطیات جمع کرنے کے لئے امریکا میں موجود سینیٹرفیصل جاوید کی زبردست پذیرائی ہوئی ، فیصل جاوید نے کہا ڈیمز کیلئے دل کھول کرحصہ ڈالنے پر اہل وطن سلام کےمستحق ہیں، اہل وطن سےاپیل کرتاہوں آگےبڑھیں اورڈیم فنڈمیں حصہ ڈالیں۔
تفصیلات کے مطابق اوورسیزپاکستانیوں کی جانب سے ڈیم کے لئے عطیات بھجوانے کا سلسلہ جاری ہے، عطیات جمع کرنےکے لئے امریکا میں موجود سینیٹر فیصل جاوید کی زبردست پذیرائی ہوئی۔
[bs-quote quote=”اہل وطن سےاپیل کرتاہوں آگےبڑھیں اورڈیم فنڈمیں حصہ ڈالیں” style=”style-6″ align=”left” author_name=”فیصل جاوید”][/bs-quote]
فیصل جاوید نے کہا اللہ ہرسال145ملین ایکڑفٹ پانی ہمیں نصیب کرتےہیں، بدقسمتی سےہم محض13.7ملین ایکڑفٹ پانی ہی بچاپاتےہیں، پاکستان کوسالانہ کم ازکم 40 ملین ایکڑفٹ پانی درکارہے، ذخائرآب نہ ہونےسے29 ملین ایکڑفٹ پانی ضائع ہوجاتاہے۔
ان کا کہنا تھا کہ آبی ذخائرکی تعمیروقت کی اہم ترین ضرورت ہے، ہمارےپاس 2 ڈیمزہیں، جن میں 4ماہ کے مقابلے میں 1ماہ کا پانی ہے، ہمارے مقابلے میں بھارت 6ماہ کیلئے پانی جمع کرسکتا ہے جبکہ امریکا30 ماہ، مصر33 ماہ تک کے پانی کے ذخیرے کی صلاحیت رکھتا ہے۔
Pakistan receives around 145 mil acre feet of water every year but can only save 13.7 mil acre feet. Pakistan needs 40 mil acre feet of water but 29 mil acre feet of our floodwater is wasted because we have few dams. We need more Dams #DamsFundRaisers #WaterForLife #PMCJ
— Faisal Javed Khan (@FaisalJavedKhan) December 7, 2018
فیصل جاوید نے کہا ڈیمز کیلئے لگ بھگ ساڑھے8 ارب کےعطیات جمع ہوچکےہیں، دل کھول کرحصہ ڈالنے پراہل وطن سلام کےمستحق ہیں اور وزیراعظم اور چیف جسٹس بھی بھرپورخراج تحسین کےمستحق ہیں۔
مزید پڑھیں : واشنگٹن : ڈیم فنڈ ریزنگ تقریب میں دس کروڑ سے زائد کے عطیات جمع
سینیٹر کا کہنا تھا سیٹل اورفونکس کےبعدآج واشنگٹن کی باری ہے، 8دسمبر کو شکاگو اور 9 دسمبر کو نیو جرسی میں پاکستانی عطیات دیں گے، اہل وطن سےاپیل کرتاہوں آگے بڑھیں اور ڈیم فنڈمیں حصہ ڈالیں۔
یاد رہے دو دسمبر کو واشنگٹن میں ڈیمز فنڈ کیلئے فنڈ ریزنگ تقریب کا انعقاد کیا گیا تھا، تقریب میں موجود افراد نے دو گھنٹے میں دس کروڑ سے زائد کے عطیات دیئے، تقریب میں وزیراعظم عمران خان کے دستخط شدہ بیٹ اور بال کی نیلامی کے علاوہ وسیم اکرم کی دستخط شدہ بال بھی نیلامی کا حصہ تھی۔
اس موقع پر خطاب کرتے ہوئے سینیٹر فیصل جاوید نے کہا تھا کہ پانی کے بحران سے نمٹنے کیلئے ماضی کے حکمرانوں کا بہت پہلے اقدامات کرنا چاہیئے تھے، پاکستان میں بڑے ڈیم نہ ہونے کی وجہ سے سستی بجلی نہیں بن سکتی۔
واضح رہے یاد رہے کہ 8 ستمبر کو ڈیم فنڈ ریزنگ کے لیے وزیراعظم عمران خان نے پارٹی رہنماؤں کو ٹاسک دیا تھا اور کہا تھا کہ امریکی، یورپی ممالک میں فنڈ ریزنگ کے لیے پارٹی رہنما رابطے کریں گے۔
