لاہور: پاکستانی فلم انڈسٹری کی مشہور اداکارہ بابرہ شریف نےڈیمزفنڈمیں 10لاکھ روپےجمع کرادیئے۔
تفصیلات کے مطابق اداکارہ بابرہ شریف نے چیف جسٹس آف پاکستان جسٹس میاں ثاقب نثار سے ملاقات کی اور ڈیموں کی تعمیر کے حوالے سے 10 لاکھ روپے کا چیک دیا۔
اس موقع پر بابرہ شریف کا کہنا تھا کہ ملک نےہمیں بہت کچھ دیا،اب ملک کےلیےکچھ کرناچاہیے، ہرپاکستانی کو دیامر بھاشا اور مہمند ڈیم کے فنڈ میں دل کھول کر حصہ لینا چاہیے۔ انہوں نے اپیل کی کہ ہر شہری کو اپنی استطاعت کے مطابق فنڈ دینا چاہے وہ 10روپے ہی کیوں نہ ہوں۔
یاد رہے کہ چیف جسٹس آف پاکستان جسٹس میاں ثاقب نثار کے حکم پر کھولے گئے دیامر بھاشا اور مہمند ڈیم فنڈ میں پاکستانی بڑھ چڑھ کر حصہ لے رہے ہیں اور اب تک انہوں نے کروڑوں روپے عطیہ کردیے۔
مزید پڑھیں: ڈیم فنڈ، جناح اسپتال کے ملازمین کا دو دن کی تنخواہیں دینے کا اعلان
سپریم کورٹ آف پاکستان کی ویب سائٹ پر 6 جولائی سے 18 اگست تک ڈیموں کی تعمیر کے لیے جمع ہونے والے فنڈ کے اعداد و شمار جاری کیے گئے، جس کے مطابق اب تک (ایک ارب گیارہ کروڑ نو لاکھ چورانوے ہزار دو سو سولہ روپے) عطیات جمع ہوچکے۔
ڈیم فنڈ میں اب تک جمع ہونے والی رقم کی تفصیل
واضح رہے 6 جولائی کو کالا باغ ڈیم کی تعمیر سے متعلق ہونے والی سماعت میں چیف جسٹس آف پاکستان نے پانی کی قلت کو دور کرنے کے لیے فوری طور پر دیامر بھاشا اور مہمند ڈیموں کی تعمیر کے احکامات اور فنڈز قائم کرنے کا حکم بھی جاری کیا تھا۔
فنانس ڈویژن نے دیامربھاشا ڈیم فنڈز قائم کرنے کے لیے مختلف اداروں کو خط ارسال کیا تھا جس میں آڈیٹر جنرل، کنٹرولرجنرل اکاؤنٹس، اکاؤنٹنٹ جنرل پاکستان اور دیگر اداروں کے حکام سے لوگوں کی رقوم اسٹیٹ بینک اورنیشنل بینک کی برانچزمیں جمع کرانے کے انتظامات اور اس ضمن میں اقدامات کرنے کی ہدایت کی گئی تھی۔
بعد ازاں چیف جسٹس میاں ثاقب نثار نے سب سے پہلے ڈیموں کی تعمیر کے لئے دس لاکھ روپے کا عطیہ جمع کرایا پھر میئر کراچی اور پیر پگارا نے ہر قسم کے تعاون کی پیشکش کی تھی اور وسیم اختر نے اپنی اور کے ایم سی افسران کی طرف سے ایک ایک لاکھ روپے فنڈ عطیہ کرنے کا اعلان کیا تھا۔
یہ بھی پڑھیں: ڈیم کی تعمیر کے لیے ایک ارب روپے جمع ہوگئے، رکاوٹ برداشت نہیں کریں گے: چیف جسٹس
مسلح افواج نے ڈیموں کی تعمیر کے کار خیر میں بڑھ چڑھ کر حصہ لینے کا اعلان کرتے ہوئے کہا تھا کہ تینوں مسلح افواج کے افسران 2دن کی تنخواہ فنڈ میں جمع کرائی جبکہ گزشتہ ماہ پاکستان نیشنل شپنگ کارپوریشن کے ملازمین نے بھی 2 کروڑ روپے چیک چیف جسٹس کو دیا جبکہ بحریہ ٹاؤن کراچی نے بھی خطیر رقم جمع کرانے کا اعلان کیا تھا۔
چیئرمین سینیٹ صادق سنجرانی نے 15 لاکھ جبکہ قومی کرکٹ ٹیم کے سابق کپتان اور اداکار حمزہ علی عباسی سمیت ملک میں بسنے والے دیگر لوگوں نے بھی ڈیمز کی تعمیر میں حصہ ڈالا، شاہد آفریدی نے اپنی اور فاؤنڈیشن کی جانب سے 15 لاکھ روپے دینے کا اعلان کیا بعدازاں پاکستانی نژاد برطانوی باکسر نے بھی 10 لاکھ روپے عطیہ کیے۔
سیکیورٹی ایکسچینج آف پاکستان نے ڈیمز کی تعمیر کے حوالے سے 14 جولائی کو اہم فیصلہ کرتے ہوئے سرکلر جاری کیا تھا جس میں تمام رجسٹرڈ کمپنیوں کو کمرشل سماجی ذمہ داری کے تحت ڈیموں کی تعمیر میں عطیات دینے کی ہدایت کی گئی تھی۔
اسے بھی پڑھیں: چیف جسٹس کی 8 سالہ نواسی نے ڈیم کے لیے اپنی جیب خرچ عطیہ کردی
سپریم کورٹ آف پاکستان کے حکم پر بنائے جانے والے دیامربھاشا اورمہمند کی تعمیر کے لیے فنڈقائم کیا جس میں اب اسٹیٹ بینک و دیگر نجی بینکوں ، سرکاری و پرائیوٹ اداروں کے ملازمین اور عوام کی جانب سے عطیات دینے کا سلسلہ زور و شور سے جاری ہے۔
قومی بینک کی جانب سے عطیات جمع کرانے والے شہریوں کے نام اور رقم تاریخ کے ساتھ اپنی ویب سائٹ پر باقاعدگی کے ساتھ شیئر کیے جارہے ہیں۔ اسٹیٹ بینک نے ڈیمز اکاؤنٹ میں جمع کرائے گئے فنڈز کو بالحاظ ڈونر اور بینک ترتیب دیا اور قومی بینک کے ترجمان یہ شہریوں کو یہ بھی ہدایت کی گئی ہے کہ عطیہ کنندہ اپنی رقم اور تفصیل مذکورہ تاریخ پر جاکر دیکھ سکتا ہے۔
