پاکستان شوبز انڈسٹری کی معروف اداکارہ دانیہ انور نے حال ہی میں انکشاف کیا ہے کہ ان کا انڈسٹری کے لیجنڈری اداکار کے ساتھ قریبی رشتہ ہے۔
دانیہ انور انڈسٹری کی بہت باصلاحیت اداکارہ ہیں، کچھ سالوں سے مسلسل کام کرتے ہوئے بہترین پرفارمنس دی ہے اور اب تک کئی ہٹ ڈراموں کا حصہ بھی رہ چکی ہیں جب کہ اداکارہ ابھی تماشا سیزن 3 میں بھی نظر آئیں۔
اداکارہ دانیہ انور نے حال ہی میں اداکار عمران اشرف کے شو میں بطور مہمان شرکت کی جہاں انہوں نے اپنی پرائیوٹ زندگی سے متعلق اہم بات بتائی ہے۔
اداکارہ نے کہا کہ یک طرفہ محبت بیکار ہے میں نے اپنی زندگی میں دو بار محبت کا تجربہ کیا، عمران اشرف نے پھر بتایا کہ کس طرح ان کے دوسرے شوہر فرحان نے انہیں دوبارہ محبت پر یقین دلایا۔
شو کے دوران عمران اشرف نے کہا کہ دانیہ بہت پرائیویٹ شخص ہیں اور وہ اپنے خاندان کے بارے میں زیادہ شیئر نہیں کرتی ہیں لیکن ان کے شوہر دراصل ایک مشہور شخصیت ندیم بیگ کے بیٹے ہیں۔
دانیہ انور کے شوہر فرحان بیگ لیجنڈ فلم اسٹار ندیم بیگ کے بیٹے ہیں، شو میں انتہائی خوشی کا اظہار کرتے ہوئے اداکارہ نےکہا کہ میرے شوہر نے محبت پر میرا اعتماد بحال کیا اور مجھے محبت پر یقین دلایا۔
View this post on Instagram
واضح رہے کہ اداکارہ دانیہ انور نے اس سے قبل بتایا تھا کہ اُنہوں نے اپنے دوست کے بھائی اور خود سے 5 سال بڑے شخص سے محض 19 سال کی عمر میں شادی کر لی تھی، یہ شادی محبت کی تھی جس کا تجربہ اور نتیجہ اچھا نہیں رہا۔
