ARYNews.tv | Urdu – Har Lamha Bakhabar

Tag: Daniel Craig

  • مہوش حیات جیمز بونڈ کے نقش قدم پر

    مہوش حیات جیمز بونڈ کے نقش قدم پر

    معروف پاکستانی اداکارہ مہوش حیات ہالی ووڈ کا شہرہ آفاق کردار جیمز بانڈ 007 ادا کرنے والے اداکار ڈینیئل کریگ سے متاثر ہوگئیں اور ان کے جیسی ڈانس ویڈیو بنا ڈالی۔

    تفصیلات کے مطابق معروف پاکستانی اداکارہ مہوش حیات نے ہالی ووڈ اداکار ڈینیئل کریگ کے انداز میں رقص کی ویڈیو شیئر کردی۔

    سیاہ ٹاپ اور جینز میں ملبوس مہوش مختلف اسٹیپس کرتی دکھائی دے رہی ہیں۔

    اپنے کیپشن میں انہوں نے لکھا کہ میں ہمیشہ سے ڈینیئل کریگ کی مداح تھی، لیکن جب حال ہی میں نے ان کی ڈانس کی ویڈیو دیکھی تو میرا بھی انہی کے جیسا ڈانس کرنے کا دل چاہا۔

     

    View this post on Instagram

     

    A post shared by Mehwish Hayat (@mehwishhayatofficial)

    دوسری ویڈیو میں مہوش اور ڈینیئل کے رقص کرنے کے مناظر ساتھ ساتھ موجود ہیں، اداکارہ نے لکھا کہ یہ اصل ویڈیو ان کے لیے جنہوں نے یہ اب تک نہیں دیکھی تھی، اداکار کی طرح چہرے کو سپاٹ رکھنا آسان کام نہیں۔

     

    View this post on Instagram

     

    A post shared by Mehwish Hayat (@mehwishhayatofficial)

    خیال رہے کہ مہوش حیات کچھ عرصہ قبل مارول اسٹوڈیوز کی منی سیریز مس مارول میں جلوہ گر ہوئی تھیں جس میں ان کی اداکاری کو دنیا بھر میں سراہا گیا تھا۔

  • جاسوس ڈینیئل کریگ کی نئی فلم کب ریلیز ہوگی؟

    جاسوس ڈینیئل کریگ کی نئی فلم کب ریلیز ہوگی؟

    جیمز بانڈ سیریز کے نئے 007 ایجنٹ ڈینیئل کریگ کی شان دار جاسوسی فلم نائیوز آؤٹ کا سیکوئل تیار ہو گیا ہے، نیٹ فلیکس نے ریلیز ہونے کی تاریخ کا بھی اعلان کر دیا۔

    جاسوسی فلموں کے شوقین افراد کے لیے خوش خبری ہے کہ ڈینیئل کریگ پھر جاسوس بن گئے ہیں، وہ اس بار 2019 کی ہٹ فلم ’نائیوز آؤٹ‘ کے سیکوئل گلاس اونین میں جلوہ گر ہو رہے ہیں۔

    نیٹ فلیکس نے اعلان کیا ہے کہ Glass Onion: A Knives Out Mystery دسمبر 23 کو عالمی سطح پر چھٹیوں کے دنوں میں اسٹریمنگ پلیٹ فارم پر ریلیز ہو رہی ہے۔

    یہ فلم منتخب سینما گھروں میں بھی ریلیز کی جائے گی، ڈینیئل کریگ اس فلم میں جاسوس بینوئٹ بلینک کے روپ میں اس بار ایک مسٹری حل کرنے کے لیے یونان کا سفر کرتے دکھائی دیں گے۔

    فلم میں ان کے ہمراہ کیتھرین ہان، جیسیکا ہین وک، کیٹ ہڈسن، ایڈورڈ نورٹن اور ایتھن ہاک بھی شامل ہیں۔ واضح رہے کہ نائیوز آؤٹ بہترین فلم کے آسکر ایوارڈ کے لیے نامزدگی میں شامل تھی۔ نئے سیکوئل کا ستمبر میں ٹورنٹو انٹرنیشنل فلم فیسٹیول میں پریمیئر ہوگا۔

    اس کے پہلے پارٹ نے دنیا بھر میں 20 کروڑ ڈالر سے زائد کا بزنس کیا تھا۔ نیٹ فلیکس کے مطابق فلم میں ڈیو بٹیسٹا بھی اداکاری کرتے دکھائی دیں گے۔

  • فلم ‘ نو ٹائم ٹو ڈائی’ کے ہیرو کے لئے بڑا اعزاز

    فلم ‘ نو ٹائم ٹو ڈائی’ کے ہیرو کے لئے بڑا اعزاز

    جیمز بانڈ کی فلم نو ٹائم ٹو ڈائی کے ہیرو ‘ڈینیل کریگ’ جلد بڑا اعزاز اپنے نام کرنے جارہے ہیں۔

    تفصیلات کے مطابق ڈینیل کریگ بہت جلد ان مشہور و معروف ہالی وڈ ستاروں میں شامل ہونے جارہے ہیں جو اپنے غیر معمولی کام کی بدولت ‘واک آف فیم’ کا حصہ بن چکے ہیں۔

    ہالی وڈ کی واک آف فیم میں جیمز بانڈ سیریز کی فلم ’نو ٹائم ٹو ڈائی‘ ہیرو ڈینیل کریگ کے نام ستارہ بھی شامل کیا جائے گا، ان کا ستارہ واک آف فیم میں رکھا جانے والادو ہزار704واں ستارہ ہوگا۔

    قابل ذکر بات یہ ہے کہ کریگ صرف007 کے صرف چوتھے اداکار ہوں گے جو اعزاز پائیں گے۔

    کریگ کا ستارہ ‘راجرمور’ کے ساتھ رکھا جائے گا ، جو 7007 ہالی ووڈ بولی ورڈ میں ہے، نو ٹائم ٹو ڈائی شمالی امریکا میں آٹھ اکتوبر کو ریلیز ہونے جارہی ہے۔

    اس واک آف فیم میں اداکاروں سمیت کئی موسیقاروں اور کھلاڑیوں کے نام شامل ہیں، ان تمام افراد کے نام ہالی ووڈ کی واک آف فیم نامی راہ گزر پر ہیں جو ہالی وڈ بلیوارڈ سے شروع ہوتی ہے اور وائن اسٹریٹ پر ختم ہوتی ہے۔

    واضح رہے کہ ’نو ٹائم ٹو ڈائی‘ کے اداکار ڈینیل کریگ کی برطانوی خفیہ ایجنسی (ایم آئی سکس) کے ایجنٹ کی حیثیت سے آخری فلم ہے۔

    ڈینیئل کریگ نےاب تک جن بونڈ سیریز کی فلموں میں کام کیا ان میں 2006 میں بونڈ سیریز کی فلم ’کسینو رائل‘، 2008 میں ’کوانٹم آف سولیس‘، 2012 میں ’اسکائی فال‘ اور 2015 میں ’اسپیکٹر‘ شامل ہیں۔

  • جیمز بانڈ فلموں کے مرکزی کردار کو بڑا اعزاز مل گیا

    جیمز بانڈ فلموں کے مرکزی کردار کو بڑا اعزاز مل گیا

    لندن : ہالی ووڈ فلموں کی مانور سیریز جیمز بانڈ کی فلموں کے اداکار ڈینیئل کریگ کو برطانیہ کی رائل نیوی نے اعزازی کمانڈر بنادیا گیا۔

    ڈینیئل کریگ کا کہنا تھا کہ وہ اسے اپنے لیے ایک بہت بڑا اعزاز سمجھتے ہیں۔ اداکار ڈینیئل کریگ جو کہ ان دنوں اپنی پانچویں جیمز بانڈ فلم "نو ٹائم ٹو ڈائی” کی ریلیز کے منتظر ہیں، ان کا اس تقرری پر کہنا ہے کہ یہ ان کے لیے ایک خصوصی اور نمایاں اعزاز ہے۔

    غیر ملکی خبر رساں ادارےکی رپورٹ کے مطابق آفیشل جیمز بانڈ ٹوئٹر پیج نے ڈینیل کریگ کی رائل نیوی کے یونیفارم میں ایک تصویر شیئر کی ہے جس پر تحریر ہے کہ ڈینیئل کریگ کو رائل نیوی میں اعزازی کمانڈر تعینات کیا گیا ہے۔

    جیمز بانڈ سے ڈینیئل کریگ کی ریٹائرمنٹ کے بعد جانشین کی تلاش

    یاد رہے کہ ہالی وڈ کی فلموں میں جیمز بانڈ کے کردار کو بڑی اسکرین پر پہلی بار سال 1962 میں فلم ڈاکٹر نو میں دیکھا گیا، اب تک سات اداکار اس کردار کو ادا کرچکے ہیں۔

    اب اس میں ایک اور اداکار کا جلد اضافہ ہونے جا رہا ہے کیونکہ فلمی دنیا میں سب سے بڑے جاسوس کا کردار ادا کرنے والے ڈینیئل کریگ اب ریٹائرڈ ہوگئے، جس کے بعد نئے جیمز بانڈ کی تلاش شروع ہوچکی ہے۔

  • معروف اداکار کو اپنی زندگی کے بہترین کردار سے نقصان کیسے ہوا؟

    معروف اداکار کو اپنی زندگی کے بہترین کردار سے نقصان کیسے ہوا؟

    ہالی ووڈ کی معروف فلم سیریز جیمز بانڈ میں مرکزی کردار ادا کرنے والے برطانوی اداکار ڈینیئل کریگ کا کہنا ہے کہ اس کردار نے ان کی دنیا ہلا کر رکھ دی۔

    ایک انٹرویو میں ڈینیئل کریگ نے اعتراف کیا ہے کہ جیمز بانڈ کا کردار ملنے سے وہ اچانک مشہور ہوگئے، جس سے ان کی نجی زندگی بے حد متاثر ہوئی۔

    اداکار کا کہنا تھا کہ شہرت ملنے کے بعد وہ جسمانی اور ذہنی تناؤ کا شکار رہے اور کئی بار خود کو کمرے میں بند بھی رکھا۔

    انہوں نے کہا کہ ذہنی تناؤ سے باہر نکلنے میں اداکار ہیو جیک مین نے ان کی مدد کی۔

    خیال رہے کہ اب تک جیمز بانڈ سیریز کی 24 فلمیں پیش کی جاچکی ہیں جن میں سے آخری 5 میں ڈینیئل کریگ نے مرکزی کردار ادا کیا ہے۔