کراچی: دانش کنیریا برائن لارا کے چھکوں کی ویڈیو پر فیصل اقبال کے طنز کرنے پر برا مان گئے۔
تفصیلات کے مطابق ٹیسٹ کرکٹر دانش کنیریا کو ملتان ٹیسٹ نے برائن لارا نے تین گیندوں پر تین چھکے رسید کیے جس پر فیصل اقبال نے طنزیہ ٹویٹ کردیا جو دانش کنریا کو برا لگ گیا اور انہوں نے فیصل اقبال کو کھری کھری سنادی۔
فیصل اقبال بھی کسی سے پیچھے نہ رہے اور سابق لیگ اسپنر کو فکسر کہہ دیا، اس سے قبل دانش کنیریا نے چھکوں پر منفی تبصرہ کرنے پر فیصل کو یہ کہا تھا کہ دیکھو بول کون رہا ہے جس نے چند ہی میچز کھیلے ہیں، ان میچز کا بھی ذکر کردیتے جو میں نے جتوائے تھے۔
Better than a FIXER and a LIAR stats..😏 who sold his 🖤soul for year’s in GREED 💵💴💸💰💷 and now trying to gain a FAKE sympathy by playing Religion card 24/7🤣!! Proudly wore 🇵🇰💚 this on my chest and proud of my all around stats☺️at least they are CLEAN!! https://t.co/1FliYai9oH
— Faisal Iqbal🇵🇰🏏 فیصل اقبال (@FaisalIqbalCric) April 15, 2020
فیصل کا کہنا تھا کہ ایک فکسر اور جھوٹے اعدادوشمار سے بہتر ہے اب جھوٹی ہمدردی حاصل کرنے کی کوشش کررہے ہیں، میرا کیریئر فکسنگ سے پاک ہے اور جتنے بھی میچز کھیلے اس پر فخر ہے۔
واضح رہے کہ چند روز قبل انضمام الحق نے اپنے یوٹیوب چینل پر ملتان ٹیسٹ کا ذکر کیا تھا جس میں ان کا کہنا تھا کہ ملتان ٹیسٹ کے دوران برائن لارا کو کنیریا نے گیند کرائی جو لارا نے ان کی جانب کھیل دی، دانش کنیریا نے لارا پر طنز کیا اور کہا کہ ویلڈن سر جس پر لارا کو غصہ آگیا اور انہوں نے اگلے تین گیندوں پر لگاتار تین چھکے ان کو رسید کردئیے۔
I still remember this match as a 12man 🇵🇰 and was just watching the sixes going in the stands 🙈 in his 200 double hundred… defiantly a dumb ass sledge 🙄 by Kaneria to the king @BrianLara and than later Kaneria himself got scared 💨🤣 https://t.co/rUYVxZkqoH
— Faisal Iqbal🇵🇰🏏 فیصل اقبال (@FaisalIqbalCric) April 13, 2020
دانش کنیریا نے برائن لارا کی تعریف کرتے ہوئے کہا کہ وہ ان لیجنڈ بیٹسمین ہیں اور میں ان کی بہت عزت کرتا ہوں۔