نوشہروفیروز: داتا دربار لاہور سے لاپتہ ہونے والی 14 سالہ لڑکی پڈعیدن سے بازیاب کرالی گئی۔
تفصیلات کے مطابق لڑکی نے پولیس کو بتایا کہ وہ ماموں سے ناراض ہو کر داتا دربار سے آئی تھی، ایک خاتون بیٹی بنانے کا جھانسہ دے کر پڈعیدن لے آئی۔
لڑکی کے مطابق خاتون نے زبردستی نکاح کرایا، تشدد بھی کرتی تھی میری والدہ کا انتقال ہوچکا ہے میں ماموں کے پاس لاہور رہتی تھی۔
پولیس نے کہا کہ لڑکی کے بیان پر تفتیش کی جا رہی ہے، اس کے ماموں سے لاہور میں رابطہ کیا گیا ہے، اسے کل عدالت میں پیش کیا جائے گا۔