سعودی عرب کے سیاحتی شہر ابھا میں افسوسناک حادثہ رونما ہوا، آسمانی بجلی گرنے سے 2 خواتین جاں بحق جبکہ ایک شدید زخمی ہوگئیں، زخمی خاتون کو تشویشناک حالت میں ہسپتال میں داخل کردیا گیا ہے۔
سعودی خبر رساں ادارے کی رپورٹ کے مطابق متاثرہ خاندان کے رشتہ دار کا کہنا ہے کہ ہم 2 خاندان القریات سے سیر و تفریح کی غرض سے ابھا کے ایک تفریحی مقام پر موجود تھے۔
اسی دوران اچانک آسمانی بجلی گری جس کی زد میں آکر ایک رشتہ دار خاتون اور اس کی 22 سالہ بیٹی موقع پر ہی جان کی بازی ہار گئیں۔
الشراری کے مطابق خاندان کی ایک اور بیٹی بھی حادثے کے وقت وہیں موجود تھی جو بجلی گرنے سے زخمی ہوگئی۔ اسے تشویشناک حالت میں اسپتال منتقل کردیا گیا ہے۔
واضح رہے کہ رواہ ہفتے سعودی عرب میں شدید بارشوں کا الرٹ جاری کیا گیا تھا، جس میں درمیانے سے شدید درجے کی بارش اور ژالہ باری کا امکان ظاہر کیا گیا تھا۔
سوشل میڈیا پلیٹ فارم ایکس پر جاری بیان میں مکہ شہر، طائف، جازان، عسیر اور الباحہ سمیت دیگر ریجنز میں بھی بارشوں کا امکان ظاہر کیا گیا تھا۔
سعودی عرب: بیٹی کے قاتل ماں باپ کو سزائے موت
محکمہ شہری دفاع نے خبردار کیا تھا کہ مملکت کے کئی علاقوں میں درمیانے سے شدید درجے کی بارش، ژالہ باری اور گرد آلود ہوائیں اور بعض مقامات پر سیلابی صورت حال کا بھی خدشہ ہے، اس لیے عوام سے اپیل ہے کہ وہ غیر ضروری طور پر گھروں سے باہر نہ نکلیں اور محفوظ مقامات پر رہیں۔