ڈی سی کامکس اور وارنر بروز نے اپنے آن لائن ایونٹ فین ڈم میں بیٹ مین سمیت متعدد فلموں کے ٹریلرز اور ٹیزرز جاری کر کے مداحوں کو شاندار تحفہ دے دیا۔
رواں برس ڈی سی کامکس کے سالانہ کامک کون کے بجائے آن لائن ایونٹ فین ڈم منعقد ہوا، جس میں متعدد فلموں کے ٹریلرز ریلیز کیے گئے۔
جاری کیے جانے والے ٹیزرز اور ٹریلرز میں بیٹ مین، ونڈر وومن 1984، زیک سینڈر کی جسٹس لیگ، جبکہ شازم 2 اور ایکوا مین 2 کا فرسٹ لک جاری کیا گیا۔
بلیک ایڈم کا ٹیزر بھی جاری کیا گیا ہے جس میں دی راک ڈوائن جانسن مرکزی کردار ادا کر رہے ہیں۔
ونڈر وومن 1984 کا یہ دوسرا ٹریلر ہے جس میں فلم کی ولن باربرا کو چیتے کے روپ میں دکھایا ہے جس نے مداحوں کو پرجوش کردیا۔
بیٹ مین کے ٹیزر میں رابرٹ پیٹنسن بیٹ مین کے کردار میں دکھائی دے رہے ہیں، یہ بطور بیٹ مین ان کی پہلی فلم ہے اور اس کا سیریز کی گزشتہ فلموں سے کوئی تعلق نہیں۔
مذکورہ تمام فلموں میں سے کسی کی بھی ریلیز کی تاریخ نہیں بتائی گئی، کرونا وائرس اور اس کے لاک ڈاؤن کی وجہ سے حالات کو مدنظر رکھتے ہوئے تمام فلمیں ریلیز کی جائیں گی۔
ڈی سی کامک سیریز اور مشہورزمانہ کردار’سپر مین‘ مداحوں کے لیے بری خبر ہے کہ اب وہ طویل عرصے تک اپنے اس محبوب کردار کو بڑے پردے پر نہیں دیکھ سکیں گے۔
ہالی وڈ کی خبروں پر نظر رکھنے والے ’ہالی وڈ رپورٹر‘ کے مطابق وارنر برادرز کے ذیلی ادارے ڈی سی یونیورس نے آئندہ کئی سال تک’سپرمین‘ کی سولو فلم نہ بنانےکافیصلہ کیا ہے، جس کی وجہ سے مداح اپنے پسندیدہ کردار کو طویل عرصے تک نہیں دیکھ پائیں گے۔
ہالی وڈرپورٹر کےمیں شائع ہونے والی رپورٹ کے مطابق ڈی سی کامک اب اپنی تمام تر توجہ ’سپر گرل‘ کی جانب مذکور کرے گی جو کہ آریجن اسٹوری( نئے کردار کی ابتدا ) ہے اور اس کے لیے فی الحال انہوں نےسپر مین کی سولو فلم بنانے کا خیال ترک کردیا ہے۔
رپورٹ میں بتایا گیا ہے کہ اگرچہ پروڈکشن ہاؤس نے واضح طور پر ‘سپر مین‘ کی فلمیں بنانے یا ان کا کردار برقرار رکھنے کے حوالے سے کوئی بیان نہیں دیا، تاہم ذرائع سے اس بات کی تصدیق کی گئی ہے کہ اب ‘سپر مین‘ کو مزید فلموں میں نہیں دیکھا جاسکے گا۔
امید کی جارہی تھی کہ ڈی سی کامک کی جلد آنے والی فلم ’شیزام‘ میں سپر مین کا کیمیو( مختصریا مہمان کردار ) ہوگا تاہم اداکارہ ہنری کیول ( سپرمین) اور ڈی سی کامک سے معاہدہ ختم ہونے کے سبب یہ بھی ممکن نہیں رہا ہے۔
ڈی سی کامک نے تاحال یہ بات واضح نہیں کی ہے کہ آیا ان کی آئندہ آنے والی فلموں میں سپر مین کا کردار سرے سے ہی نہیں ہوگا یا پھر ہنری کیول کی جگہ کسی اور کو اسی سیریز کی دیگر فلموں میں کاسٹ کیا جائے گا۔
ڈی سی اسٹوڈیو سے تعلق رکھنےو الے ذرائع کا کہنا ہے کہ سپر مین کا کردار ’جیمس بانڈ‘ جیسا ہے ، جسے طویل عرصے تک کوئی اداکار نہیں نبھا سکتا ، مزید بتایا کہ سپر مین یعنی ہنری کیول اور پروڈکشن ٹیم کے تعلقات بہت اچھے ہیں اور ہم ان کےلیے نیک خواہشات رکھتے ہیں۔
آپ نے مشہورِ زمانہ ہالی وڈ فلم بیٹ مین تو ضرور دیکھی ہوگی، اب اس سیریز کے مداحوں کے لیے خوشخبری ہے کہ ’بیٹ ویمن‘ بھی جلد ایکشن میں نظرآئیں گی۔
تفصیلات کے مطابق معروف آسٹریلوی نژاد ماڈل اور اداکارہ روبی روز کو امریکی ٹی وی چینل ’سی ڈبلیو‘ نے اپنی ٹی وی شوز میں بطور ڈی سی ہیرو بیٹ ویمن کے کردار کے لیے کاسٹ کرلیا ہے۔
ہالی وڈ ذرائع کا کہنا ہے کہ بیٹ ویمن سی ڈبلیو کے چار ٹی وی شوز میں جلوہ گر ہوں گی جن میں دی فلیش، ایرو، لیجنڈز آف ٹومارو اور سپر گرل شامل ہیں۔
آسٹریلوی اداکارہ روبی روز
بیٹ ویمن کی کہانی کا مرکزی خیال ایک ایسی لڑکی کے گرد گھومتا ہے جو کہ معاشرے میں انصاف کے لیے کوشاں ہے، وہ ایک تربیت یافتہ اسٹریٹ فائٹر ہے اور گوتھم( بیٹ مین کردار کا تخیلاتی شہر) میں مجرموں سے نبرد ہوتی نظر آئیں گی۔
ایک امریکی ویب سائٹ کے مطابق بیٹ ویمن کا کردار کیرولین ڈرائز نامی مصنف لکھیں گے اور وہی اس پروجیکٹ کے خصوصی پروڈیوسر بھی ہوں گے۔
یاد رہے کہ ڈی سی کامکس بیٹ مین اینڈ سپر مین سیریز پر گزشتہ آٹھ سال سے کام کررہا ہے اور اس سلسلے میں متعدد فلمیں بھی ریلیز کی گئیں ہیں جن میں مین آف اسٹیل، بیٹ مین ورسز سپرمین، ونڈر ویمن اور جسٹس لیگ شامل ہیں۔
جسٹس لیگ میں ڈی سی کامکس کے تمام تر کردار مداحوں کو ایک ساتھ ایکشن میں نظر آتے ہیں، اس سلسلے کی فلم جسٹس لیگ میں ایکوا مین کے کردار کو اس قدر پسند کیا گیا تھا کہ ڈی سی کامکس اس پر الگ سے فلم جلد ریلیز کرنے جارہاہے۔
دیکھا گیا ہے کہ ڈی سی کامکس کے مردانہ کردار عوام کی جانب سے زیادہ پذیرائی حاصل نہیں کرسکے، بہ نسبت اس سلسلے کے نسوانی کرداروں کے ، اس سیریز کی سب سے مشہور فلم ونڈر ویمن رہی ہے جسے فلم شائقین نے بے پناہ سراہا تھا۔
دوسری جانب بیٹ مین سیرز کے ولن پر بننے والی فلم سوسائیڈ اسکواڈ میں بھی ہارلے کوئین نامی نسوانی کردار کو بے حد پسند کیا گیا تھا، اور کئی شائقین نے اس پر الگ سے فلم بنانے کا مطالبہ بھی کیا تھا۔
کراچی میں الٹی میٹ کامک کون 2018 کا انعقاد کیا گیا جس میں ہالی وڈ کی کامک سیریز پر بننے والے کارٹون اور فلموں کے مداحوں نے کثیر تعداد میں شرکت کی۔
تفصیلات کے مطابق بروز ہفتہ کراچی کے ایک بینکوئٹ ہال میں’الٹی میٹ کامک کون 2018‘ کے عنوان سے ایک تقریب کا انعقاد ہوا جس میں کامک سیریز، سپر ہیرو فلمز، کارٹون اور اینی میٹڈ سیریز کے مداح کثیر تعداد میں شریک تھے‘ شرکت کرنے والوں میں زیادہ تر تعداد نوجوان طلبہ و طالبات کی تھی ‘ تاہم ہر عمر کے افراد اس محفل میں نظرآئے۔
کامک فلموں کے مداحوں نے اپنے پسندیدہ کامک کرداروں کے روپ دھار رکھے تھے تاہم بیٹ مین کاجوکر ، ہارلے کوئین، پاور پف گرلز کا ’ہِم‘، ہیری پورٹر، کونجیورنگ نن اور ٹومپ ریڈر کی لارا کرافٹ کا روپ دھارنے والے کوز پلیئر ایونٹ میں شرکت کرنے والوں کی توجہ کا خصوصی مرکز رہے۔
ایونٹ میں ڈی سی کامکس اورمارول کامکس میوزیم، اسٹاروار، ہیری پورٹر اورگیم آف تھرون کے آؤٹ لیٹ بھی تشکیل دیے گئے تھے جہاں ان فرنچائز کے مداح تصاویر بناتے رہے‘ انتظامیہ کی جانب سے ایونٹ میں سپر ہیرو فیشن شو کا بھی انعقاد کیا گیا تھا جس کی دلچسپ بات یہ تھی کہ کمسن بچوں نے بھی اپنی پسندیدہ کرداروں کا روپ دھار کر ریمپ پر واک کی۔ تقریب میں شہروز سبزواری، اسد صدیقی اور معروف سابق کرکٹر جاوید میاں داد بھی شریک تھے۔
اس ایونٹ کی سب سے اہم بات یہ ہے کہ اس کے انعقاد سے پاکستان کا مثبت چہرہ ساری دنیا کے سامنے اجاگر ہوا ، جس سے اقوامِ عالم کو یہ جانچنے میں مدد ملے گی کہ پاکستان کوئی بہت پسماندہ اور قدیم زمانے کا ملک نہیں بلکہ بھارت کی طرح یہاں کی انٹرٹینمنٹ انڈسٹری میں بھی بے پناہ ٹیلنٹ موجود ہے جسے سامنے لانے کی ضرورت ہے۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
ڈی سی کامکس کے مداح اس سال انتہائی بے چینی سے اس شاہکار فلم کا انتظار کررہے ہیں جس کا نام ’ونڈرویمن ‘ ہے اور ان کے جذبات کو مہمیز کرنے کے لیے فلم کا ایک اور ٹریلر جاری کردیا گیا ہے۔
دنیا کو بچانے کے موضوع پر لاتعداد فلمیں بن چکی ہیں جن کا مرکزی کردار عموماً مرد ہوتا ہے اور سپر ہیرو کی خصوصیات رکھتا ہے، تاہم ونڈر ویمن‘ کے اس نئے ٹریلرمین آپ دیکھ سکیں گے کہ کس طرح ایک ایک عورت دنیا کو بچانے کے لیے سر دھڑ کی بازی لگائے ہوئے ہے۔
ونڈرویمن کا نیا ٹریلر دیکھنے کے لیے نیچے اسکرول کیجئے
نیا ٹریلر پچھلے سے زیادہ ایکشن لیے ہوئے ہے اور اس میں ونڈر ویمن کی ابتدائی زندگی کو بھی دکھایا گیا ہے کہ کس طرح وہ ایک تربیت کے مراحل سے گزرتی ہے اور ایک دن اپنی حیرت انگیز صلاحیتوں کا ادراک کرتی ہے۔
کسی بھی سپر ہیرو فلم کی طرح یہ فلم بھی ایکشن سے بھرپور ہے اور ہر قدم پر آپ کو فلم کی ہیروئن ماردھاڑ میں مصروف نظرآئیں گی۔
ونڈر ویمن کی ابتدا
سپر ویمن یا ونڈر ویمن کا آئیڈیا سب سے پہلے سنہ 1941 میں سامنے آیا جب ایک امریکی کامک سیریز میں ایک خاتون کو جادوئی اور ماورائی قوتوں کا حامل دکھایا گیا۔
امریکی پرچم سے مشابہہ لباس میں ملبوس اس ونڈر ویمن نے نہ صرف اس وقت خواتین کے بارے میں قائم تصورات کو کسی حد تک تبدیل کیا بلکہ اس کی تخلیق خواتین کی خود مختاری کی طرف ایک اہم قدم تھی۔
فلم کی کاسٹ اور مرکزی خیال
پیٹی جینکنز کی ہدایت کاری میں بننے والی اس فلم میں مرکزی کردار گیل گیڈٹ نبھا رہی ہیں جو اس سے قبل مشہور فلم فرنچائز ’فاسٹ اینڈ فیورس‘ کے کئی حصوں میں بھی جلوہ گر ہوچکی ہیں۔
ان کے مدمقابل ’اسٹار ٹریک‘ سے شہرت پانے والے کرس پائن بھی اہم کردار ادا کر ہے ہیں۔
فلم کی کہانی دور دراز جزیرے میں پرورش پانے والی عورت ڈیانا کی ہے جس کی ملاقات اتفاقاً اسٹیو (کرس پائن) سے ہوتی ہے۔ اسٹیو جہاز کریش ہونے کے باعث اس جزیرے تک پہنچتا ہے۔
اس کے بعد وہ ڈیانا کو اپنے ساتھ اپنے ملک لے جاتا ہے اور یہیں سے فلم اور ڈیانا کی زندگی کا نیا رخ شروع ہوتا ہے۔
ڈیانا کو پتہ چلتا ہے کہ دنیا ایک ہولناک جنگ کا شکار ہونے والی ہے جس کے بعد وہ دنیا کو بچانے والے افراد کی پہلی صف میں جا کھڑی ہوتی ہے اور اپنی صلاحیتوں سے سب کو دنگ کردیتی ہے۔
فلم کے ٹریلر میں خواتین کی غیر معمولی صلاحیتوں کی طرف اشارہ کیا گیا ہے کہ بظاہر دھان پان نظر آنے والی عورت اپنی زمین اور اپنے پیاروں کو بچانے کے لیے جان کی بازی بھی لگا سکتی ہے اور ایسے میں وہ ایسا غیر مرئی صلاحیتوں کا حامل کردار بھی بن سکتی ہے جس تک پہنچنے کے لیے مرد کو کئی نسلوں تک محنت کرنی پڑے۔
فلم ’ونڈر ویمن‘رواں سالجون میں شائقین کے یے سینما گھروں میں پیش کردی جائے گی۔
ہالی وڈ:2016 کی سب سے بڑی فلم ’’ڈان آف جسٹس‘ خطرے میں پڑگئی، جی ہاں کیوں کہ اُسی دوران سینما کی اسکرین پرمارول کامکس کا سب سے مشہورہیرو ’اسپائیڈرمین‘ بھی موجود ہوگا۔
تفصیلات کے مطابق ڈی سی کامکس اپنی پہلی متعدد سپرہیرو والی فلم ڈان آگ جسٹس 2016 میں ریلیز کرنے جارہی تھی جس کے مرکزی کردار بچوں کے ہردلعزیزسپرمین اوربیٹ مین تھے اوران کے مقابلے پرتھی ان کی رقیب کمپنی مارول کامکس کی دوفلمیں، ’ایونجرز:دی ایج آف الٹران‘ اور ’کیپٹن امریکہ: سول وار‘۔
مارول کامکس اپنا سب سے زیادہ پسند کیا جانے والا کردار اسپائیڈرمین سونی پکچرزنامی پروڈکشن ہاؤس کے سپرد کرچکا تھا اوراسی وجہ سے ایونجر کے پہلے پارٹ میں اسپائیڈرمین نہیں تھا جس کی کمی شدت سے محسوس کی گئی تھی۔
ڈی سی کامکس کے لئے بری خبریہ ہے کہ سونی پکچرزاورمارول کامکس کے درمیان معاملات طے پا گئے ہیں اور اب مارول کامکس کی آئندہ ریلیز ہونے والے سپر ہیروفلموں میں ’اسپائیڈرمین‘ موجود ہوگا اور امید ظاہر کی جارہی ہے کہ کیپٹن امریکہ میں اسپائیڈر مین مرکزی کردار ادا کرے۔
تبصرہ نگاروں کا کہنا ہے ہے کہ مارول کامکس نے فلمی صنعت میں سے اپنی بہترمنصوبہ بندی کے ذریعے ڈی سی کامکس کی اب تک کی سب سے زیادہ انتظار کی جانے والی فلم کو مکڑی کے جالے میں لپیٹ کررکھ دیا ہے۔
سونی پکچرز اور مارول کامکس نے 2017 کے وسط میں نئی اسپائیڈرمین سیریز شروع کرنے کا بھی اعلان کردیا ہے
