کراچی: شہرقائد میں دس سالہ بچہ حسن بے دردی سے قتل کردیا گیا، لاش خالی پلاٹ سے برآمد ہوئی۔
تفصیلات کے مطابق کراچی کے علاقے اورنگی ٹاؤن میں سفاک قاتل نے دس سالہ بچے کی جان لے لی، لاش خالی پلاٹ سے برآمد کرلی گئی۔
پولیس حکام کا کہنا ہے کہ بچے کو تشدد کرکے قتل کیا گیا، معاملے کی تحقیقات کررہے ہیں۔
پولیس کے مطابق شبہ ہے بچے کو زیادتی کا نشانہ بھی بنایا گیا، بچے کو دو دن پہلے اغوا کیا گیا تھا۔
لاہور : کمسن بچے کی لاش برآمد، دوماہ کے دوران 9 بچے لاپتا
حسن کے والدین نے منگھو پیر تھانے میں بچے کی گمشدگی کا مقدمہ درج کرایا تھا۔
خیال رہے کہ دو سال قبل کراچی کے علاقے لی مارکیٹ سے اغوا ہونے والے اکلوتے بیٹے حنیف کی لاش برآمد ہوئی تھی۔
بعد ازاں ورثا نے قاتلوں کی گرفتاری کے لیے احتجاج کرتے ہوئے سڑک بلاک کردی تھی۔
واضح رہے کہ دو سال قبل جولائی میں لاہور کے علاقے بادامی باغ سے نو سالہ بچے کی بوری بند لاش ملی تھی۔
