کراچی : عید کے دنوں میں کچی شراب کے بڑے پیمانے پر فروخت اور اس سے ہونے والی اموات کا ذمہ دار پولیس کو قرار دیا گیا ہے۔
عید کے دنوں کے دوران کراچی میں کچی شراب کے بڑے پیمانے پر فروخت پولیس کی ملی بھگت سے ہوئی، جس سے متعدد اموات بھی ہوئی، اس حوالے سے پیش کی جانے والی ابتدائی تحقیقاتی رپورٹ میں کہا گیا ہے کہ عید کا دنوں میں کچی شراب کا کاروبار ہول سیل کی بنیاد پر کیا گیا، جس کیلئے پولیس نے بھاری رشوت وصول کی ۔
اس کے نتیجے میں کراچی میں کچی شراب کی کھلے عام فروخت ہوئی، رپورٹ میں کچی شراب سے ہونے والی اموات کا ذمہ دار بھی قانون نافذ کرنے والے اداروں کو قراردیا گیا ہے۔
رپورٹ میں کہا گیا ہے کہ محکمہ پولیس کے ساتھ شراب کی فروخت میں ملوث محکمہ ایکسائز کے افسران کیخلا ف بھی کاروائی ہونی چاہیئے، رپورٹ مزید بتایا گیا ہے پولیس کے پاس محکمہ ایکسائز کے افسران کیخلاف کاروائی کا اختیار نہیں ہے ۔
