ARYNews.tv | Urdu – Har Lamha Bakhabar

Tag: DeDhanaDhan

  • پی ایس ایل 4 ایلیمنیٹر راؤنڈ : اسلام آباد یونائیٹڈ کی اگلے مرحلے تک رسائی

    پی ایس ایل 4 ایلیمنیٹر راؤنڈ : اسلام آباد یونائیٹڈ کی اگلے مرحلے تک رسائی

    کراچی: پاکستان سپرلیگ سیزن فور کے 32ویں میچ میں اسلام آباد یونائیٹڈ نے فتح حاصل کر کے اگلے مرحلے تک رسائی حاصل کرلی۔

    تفصیلات کے پاکستان سپرلیگ سیزن فور کامیابی سے اپنے اختتام کی جانب گامزن ہے، ایلیمنیٹر راؤنڈ کے پہلے اور اہم میچ میں کراچی کنگز اور اسلام آباد یونائیٹڈ کی ٹیمیں مدمقابل تھیں۔

    کراچی کنگز کے کپتان عماد وسیم نے ٹاس جیت کر پہلے بیٹنگ کا فیصلہ کیا۔

    کراچی کنگز اننگز

    کراچی کنگز نے بیٹنگ کا آغاز جارحانہ انداز سے کرتے ہوئے پی ایس ایل کی تیز ترین نصف سنچری بنائی، بابر اعظم اور کولن منرو نے 19 گیندوں پر 52 رنز اسکور  کیے، بعد ازاں منرو 11 گیندوں پر ایک چھکے اور 6 چوکوں کی مدد سے 32 رنز بناکر آؤٹ ہوئے۔

    کراچی کنگز نے ابتدائی 10 اوورز میں ایک وکٹ کے نقصان پر 100 رنز مکمل کیے، گیارہویں اوور میں لیام لیونگ اسٹون 30 رنز کے انفرادی جبکہ 102 کے مجموعی اسکور پر آؤٹ ہوئے، اننگز کے بارہویں اوورز میں بابر اعظم انوکھے طریقے سے آؤٹ ہوئے  کیونکہ یونائیٹڈ کے وکٹ کپیر کو بھی گیند پر بلا لگنے کا اندازہ نہیں تھا۔ یوں 108 کے مجموعی اسکور پر کراچی کنگز کے تین کھلاڑی آؤٹ ہوئے۔

    محمد موسی نے اننگز کے سولہویں اور اپنے چوتھے اوور میں یکے بعد دیگرے دو اہم کھلاڑیوں کولن انگرام اور افتخار احمد کو آؤٹ کر کے کراچی کنگز کو بڑا دھچکا دیا، اگلے ہی اوور میں بین ڈنک بھی آؤٹ ہوئے۔ یوں 162 کے مجموعی اسکور پر کراچی کنگز کی 6 وکٹیں گریں۔

    ابتدائی اوورز کی جارحانہ بیٹنگ کو دیکھتے ہوئے یہ محسوس ہورہا تھا کہ کراچی کنگز اسکور بورڈ پر بڑا مجموعہ دینے میں کامیاب رہے گی مگر کولن انگرام کے آؤٹ ہونے کے بعد کوئی بھی کھلاڑی تیز کھیل پیش نہ کرسکا۔ مقررہ 20 اوورز  کراچی کنگز نے 9 وکٹوں کے نقصان پر 161 رنز اسکور کیے۔

    کراچی کنگز کے بابراعظم نے42،منرو 32اورلیونگ اسٹون نے 30رنز بنائے جبکہ یونائیٹڈ کے محمد موسیٰ نے 3 اور فہیم اشرف نے دو وکٹیں حاصل کیں۔

    اسلام آباد یونائیٹڈ اننگز

    ہدف 162 رنز کے تعاقب میں اسلام آباد یونائیٹڈ کو اوپننگ کا آغاز اچھا نہ مل سکا کیونکہ لک رونکی 19 کے مجموعی اسکور پر پویلین روانہ ہوئے، عامر یامین نے کراچی کنگز کو بڑا بریک تھرو دلایا۔

    عمر خان نے اننگز کے 9ویں اوور میں دو اہم کھلاڑیوں ڈلپورٹ اور والٹن کو آؤٹ کر کے پویلین واپس بھیجا۔

    ہیلز اور والٹن نے شراکت داری قائم کرتے ہوئے اسکور کو آگے بڑھایا مگر عامر یامین نے ایلکس ہلیز کو واپسی پویلین کی راہ دکھائی، یوں 114 پر اسلام آباد یونائیٹڈ کا چوتھا کھلاڑی آؤٹ ہوا، بعد ازاں 129 کے مجموعی اسکور پر حسین طلعت بھی 32 رنز بنا کر واپس لوٹے۔

    اننگز کے آخری اوور میں اسلام آباد یونائیٹڈ کو فتح کے لیے 6 رنز درکار تھے، فہیم اشرف نے پہلے گیند پر چوکا لگا کر جیت کو یقینی بنایا اور پھر وہ آؤٹ ہوکر پویلین روانہ ہوئے، اوور کی تیسری گیند پر ایک اور چوکا لگا، یوں اسلام آباد یونائیٹڈ نے سنسنی خیز مقابلے کے بعد چار وکٹوں سے فتح اپنے نام کی۔

    دونوں ٹیموں نے پلیئنگ الیون میں ایک ایک تبدیلی کی۔ کراچی کنگز میں سہیل خان کی جگہ عامریامین جبکہ اسلام آباد یونائیٹڈ میں فل سالٹ کی جگہ ایلکس ہیلز کو شامل کیا گیا۔

    اسکواڈ

    کراچی کنگز : عماد وسیم (کپتان)، کولن منرو، بین ڈنک، کولن انگرام، افتخار احمد، بابر اعظم، عامر یامین، شاہین شنواری، محمد عامر، لیام لیونگ اسٹون، عمر خان

    اسلام آباد یونائیٹڈ : لک رونکی، ایلکس ہلز، شاداب خان، ڈلپورٹ، آصف علی، محمد سمیع (کپتان)، حسین طلعت، رومان رئیس، چڈوک والٹن، فہیم اشرف، محمد موسی

    آج کی فاتح ٹیم اگلے میچ میں پشاور زلمی سے مقابلہ کرے گی اور پھر دوسرے ایلیمنٹر کی فاتح ٹیم فائنل میں کوئٹہ گلیڈی ایٹرز کے مدمقابل ہوگی۔

    ٹاس کے بعد گفتگو کرتے ہوئے عماد وسیم کا کہنا تھا کہ اسلام آباد یونائیٹڈ کو بڑا ہدف دے کر فتح حاصل کرنے کی بھرپور کوشش کریں گے۔ یونائیٹڈ کے کپتان محمد سمیع کا کہنا تھا کہ میچ میں غلطی کی کوئی گنجائش نہیں، بھرپور انجوائے کر کے کھیلیں گے۔

    شائقین کی بڑی تعداد کرکٹ اور اپنی اپنی پسندیدہ ٹیموں کو سپورٹ کرنے اسٹیڈیم پہنچی، شہری بڑی تعداد میں کراچی کنگز کی شرٹس پہن کر اسٹیڈیم پہنچے اور اُن کی خواہش ہے کہ فائنل کوئٹہ گلیڈی ایٹرز اور میزبان ٹیم کے درمیان ہو۔

  • پی ایس ایل 4: پشاور زلمی نے کراچی کنگز کے خلاف میچ جیت لیا

    پی ایس ایل 4: پشاور زلمی نے کراچی کنگز کے خلاف میچ جیت لیا

    کراچی: پاکستان سپرلیگ کے تیسویں میچ میں پشاور زلمی نے کراچی کنگز کو شکست دے دی، میزبان ٹیم ایلیمنٹری راؤنڈ کا میچ 14 مارچ کو اسلام آباد یونائیٹڈ کے خلاف کھیلے گی۔

    تفصیلات کے مطابق پی ایس ایل کے چوتھے سیزن کے پانچویں مرحلے کا تیسرا میچ نیشنل اسٹیڈیم میں کراچی کنگز اور پشاور زلمی کی ٹیموں کے درمیان کھیلا گیا۔

    کراچی کنگز کے کپتان عماد وسیم نے ٹاس جیت پر پہلے فیلڈنگ کا فیصلہ کیا۔

    پشاور زلمی کو اچھا آغاز ملا، اوپنر کامران اکمل اور امام الحق نے عمدہ بیٹنگ کی اور 137 رنز کی شراکت داری قائم کی، دونوں بلے بازوں نے کراچی کنگز کے باؤلرز کو گراؤنڈ کے چاروں طرف بہت اچھے طریقے سے کھیلا اور ٹیم کی پوزیشن مستحکم کی، کراچی کنگز کے لیے کولن منرو کا اوور ٹرننگ پوائنٹ ثابت ہوا کیونکہ انہوں نے اننگز کے 14ویں اوور میں کامران اکمل اور پولارڈ کو پویلین کی راہ دکھائی۔

    پشاور زلمی کی تیسری وکٹ 166 رنز پر گری جبکہ اس دوران اوپنر امام الحق نے اپنی نصف سنچری بھی مکمل کی، محمد عامر نے اسی اوور میں 171 کے مجموعی اسکور پر امام الحق کو 59 رنز پر دوسرا کلین بولڈ کیا اور سیمی الیون کے اسکور کو روکنے کی کوشش کی، محمد عامر نے وکٹ لینے کے سلسلے کے جاری رکھتے ہوئے اگلے ہی اوور میں سیمی کو بھی پویلین کی راہ دکھائی۔

    اننگز کے آخری اوور میں عثمان شنواری نے وہاب ریاض کو پویلین واپس بھیجا جبکہ آخری گیند پر حسن علی رن آؤٹ ہوئے یوں پشاور زلمی کی ٹیم نے مقررہ 20 اوورز میں 7 وکٹوں کے نقصان پر 203 رنز بنائے، کامران اکمل 86 اور امام الحق 59 کے ساتھ نمایاں بلے باز رہے، کراچی کنگز کے باؤلر محمد عامر نے تین کولن منرو نے دو اور عثمان شنواری نے ایک وکٹ حاصل کی۔

    کراچی کنگز اننگز

    ہدف کے تعاقب میں کراچی کنگز کو آغاز اچھا نہ مل سکا اور کولن منرو صرف تین رن پر آؤٹ ہوئے، انہیں امپائر نے غلط ایل بی ڈبلیو آؤٹ قرار دیا جبکہ ری ویو میں گیند وکٹ کے باہر کی طرف جارہی تھی، بعد ازاں بابر اعظم اور لیونگ اسٹون بالترتیب 13 اور 22 کے مجموعی اسکور پر پویلین روانہ ہوئے۔

    ڈنک اور کولن انگرام نے محتاط انداز میں بیٹنگ کرتے ہوئے اسکور 65 تک پہنچایا تو  چوتھی وکٹ بھی کر گئی، دوسری طرف انگرام نے جارحانہ انداز میں بیٹنگ جاری رکھی اور نصف سنچری مکمل کی، اگلے آؤٹ ہونے والے کھلاڑی افتخار احمد تھے جو 87 کے مجموعی اسکور پر پویلین روانہ ہوئے یوں کراچی کنگز کی آدھی ٹیم پویلین لوٹ گئی۔

    کولن انگرام چودہویں اوور میں ٹائمل ملز کی گیند پر 37 گیندوں پر چار چھکوں اور 7 چوکوں کی مدد سے 71 رنز کی شاندار اننگز کھیل کرکیچ آؤٹ ہوئے۔

    کراچی کنگز کی ساتویں وکٹ 138 کے مجموعی اسکور پر اُس وقت گری جب سہیل خان صرف ایک رن بنا کر پویلین واپس روانہ ہوئے، محمد عامر، عمر خان اور عماد وسیم بالترتیب 140 اور 142 پر آؤٹ ہوئے۔

    کراچی کنگز کی جانب سے کولن انگرام 71 اور کپتان عماد وسیم 30 رنز بنا کر نمایاں بلے باز رہے جبکہ زلمی کے حسن علی نے تین ، ثمین گل، ٹائمل ملز اور وہاب ریاض نے دو دو وکٹیں حاصل کیں، پشاور زلمی نے کراچی کنگز کو 61 رنز سے شکست دے کر فتح اپنے نام کی۔

    ایلیمنیٹری راؤنڈ

    میچ کے ساتھ پاکستان سپرلیگ کا گروپ مرحلہ اختتام پذیر ہوا، کراچی کنگز اب ایلیمنٹری راؤنڈ میں 14 مارچ کو اسلام آباد یونائیٹڈ سے مقابلہ کرے گی، اسی طرح کوئٹہ گلیڈی ایٹرز اور پشاور زلمی کے درمیان 13 مارچ کو مقابلہ ہوگا، فاتح ٹیم فائنل تک رسائی حاصل کرے گی۔

    دونوں ٹیموں نے اسکواڈ میں ایک ایک تبدیلی کی تھی کراچی کنگز نے عامر یامین کی جگہ محمد عامر جبکہ پشاور زلمی نے مصباح الحق کی جگہ صہیب مقصور کو ٹیم میں شامل کیا گیا تھا۔

    اسکواڈ

    کراچی کنگز

    عماد وسیم (کپتان)، کولن انگرام (نائب کپتان)،بابر اعظم ، کولن منرو، لیام لیونگ اسٹون، بین ڈنک، افتخار احمد، محمد عامر، سہیل خان، عثمان شنواری، عمر خان

    پشاور زلمی

    امام الحق، کامران اکمل، عمر امین، صہیب مقصود، لیام ڈاؤسن، کیورن پولارڈ، ڈیرن سیمی (کپتان)، وہاب ریاض، حسن علی، ٹائمل ملز، ثمین گل

    کراچی کنگز اور پشاور زلمی دونوں ہی ٹیمیں پلے آف مرحلے تک رسائی حاصل کرچکی ہیں، میزبان ٹیم فتح حاصل کر کے پوائنٹس ٹیبل پر رن ریٹ کی اوسط سے ایک درجہ ترقی کرسکتی تھی۔ میچ سے قبل پوائنٹس ٹیبل پر  پشاور زلمی 12 پوائنٹس کے ساتھ دوسرے جبکہ کراچی کنگز 10 پوائنٹس کے ساتھ چوتھے نمبر پر تھی۔

    یاد رہے کہ ایک روز قبل کھیلے جانے والے میچ میں کراچی کنگز نے سنسنی خیز مقابلے کے بعد کوئٹہ گلیڈی ایٹرز کو ایک رن سے شکست دی تھی، عماد اور سیمی الیون جیت کے تسلسل کو برقرار رکھنے کی خواہش مند تھیں۔

    ویڈیو دیکھیں: چار سال سے ہار ہار کر تھک گیا ہوں: رانا فواد

    قبل ازیں ملتان سلطانز اور لاہور قلندرز کی ٹیموں کے مابین پاکستان سپرلیگ کا 29واں میچ کھیلا گیا جس میں لاہور قلندرز کو ایک بار پھر شکست کا سامنا کرنا پڑا۔

  • پی ایس ایل 4 :‌ عثمان شنواری کی شاندار باؤلنگ، گلیڈی ایٹرزکو ایک رن سے شکست

    پی ایس ایل 4 :‌ عثمان شنواری کی شاندار باؤلنگ، گلیڈی ایٹرزکو ایک رن سے شکست

    کراچی: پاکستان سپرلیگ سیزن فور کے 28ویں میچ میں کراچی کنگز نے کوئٹہ گلیڈی ایٹرز کو  ایک رن سے شکست دے دی ،191 رنز کے جواب میں کوئٹہ کی ٹیم سات وکٹوں کے نقصان پر 189رنز بنا سکی۔

    تفصیلات کے مطابق کراچی کے نیشنل اسٹیڈیم میں پی ایس ایل فور کے پانچویں مرحلے کا دوسرا اور لیگ کا 29واں میچ کراچی کنگز اور کوئٹہ گلیڈی ایٹرز کی ٹیموں کے مابین کھیلا گیا۔

    ٹاس

    کوئٹہ گلیڈی ایٹرز کی ٹیم کے کپتان سرفراز احمد نے ٹاس جیت کر پہلے فیلڈنگ کا فیصلہ کیا اور کراچی کنگز کو بیٹنگ کی دعوت دی۔

    ٹاس کے بعد گفتگو کرتے ہوئے کراچی کنگز کے کپتان عماد وسیم کا کہنا تھا کہ کوئٹہ گلیڈی ایٹرز کی ٹیم بہت اچھی ہے، ہم اچھا کھیلنے کی بھرپور کوشش کریں گے، ہوم گراؤنڈ پرکھیل کراچھالگےگا۔

    کوئٹہ گلیڈی ایٹرز کے کپتان سرفراز احمد کا کہنا تھا کہ نیشنل اسٹیڈیم میں شائقین کی بڑی تعداد موجودہے، اپنے ہوم گراؤنڈ اور شائقین کے سامنے کھیل کر اچھا لگے گا۔

    رمیز راجہ کے دلچسپ سوال کا جواب دیتے ہوئے سرفراز احمد کا کہنا تھا کہ ’کراچی کے خلاف کھیل کر زیادتی نہیں کررہا کیونکہ مجھے وہ لیتے ہی نہیں ہیں‘۔

    دونوں ٹیموں نے اسکواڈ میں تبدیلی کی، کوئٹہ گلیڈی ایٹرز نے اعظم خان کی جگہ انور علی کو ٹیم میں شامل کیا جبکہ سہیل خان اور بین ڈنک کی کراچی کنگز میں واپسی ہوئی۔

    اسکواڈ

    کراچی کنگز

    کوئٹہ گلیڈی ایٹرز

    ڈی جی رینجرز میجر جنرل محمد سعید کوئٹہ گلیڈی ایٹرز اور کراچی کنگز کا مقابلہ دیکھنے نیشنل اسٹیڈیم پہنچے۔

    کراچی کنگز اننگز

    سرفراز احمدکی دعوت پر کراچی کنگز نے بیٹنگ کا آغاز کیا تو بابر اعظم اور کولن منرو نے محتاط انداز سے بیٹنگ کی اور اسکور کو آگے بڑھایا، عماد الیون کی پہلی وکٹ 69 پر اس وقت گری جب کولن منرو فواد احمد کی گیند پر وکٹ کے پیچھے کیچ دے کر آؤٹ ہوئے۔ بعد ازاں لیونگ اسٹون 84پر پویلین روانہ ہوئے، بابر اعظم اور کولن انگرام نے جارحانہ کھیل کا مظاہرہ کیا اور اسکور کو آگے بڑھایا، محمد حسنین کے تیسرے اور اننگز کے پانچویں اوور میں کراچی کنگز کے دونوں اہم کھلاڑی بالترتیب 118 اور 125 کے مجموعی اسکور پر پویلین لوٹے۔

    بین ڈنک 18رنز بنا کر آؤٹ ہوئے تو افتخار احمد نے جارحانہ بیٹنگ کرتے ہوئے 18 گیندوں پر پانچ چوکوں اور 2 چھکوں کی مدد سے 44 رنز ناٹ آؤٹ اننگز کھیلی اور ٹیم کی پوزیشن مستحکم کی۔

    کراچی کنگز کے بابر اعظم56، افتخاراحمد44،کولن منرو 30رنز بنا کر نمایاں رہے بلے باز رہے جبکہ کولن انگرام اور بین ڈنک نے 18 رنز کی اننگز کھیلی۔ گلیڈی ایٹرز کے محمد حسنین نے 2، محمدنواز ، سہیل تنویر اور فواداحمدنے ایک ایک وکٹ حاصل کی۔

    گلیڈی ایٹرز بیٹنگ

    ہدف کے تعاقب میں کوئٹہ گلیڈی ایٹرز کو اچھی اوپننگ ملی، احمد شہزاد اور شین واٹس نے وکٹ کے چاروں طرف شارٹ کھیلتے ہوئے گیند کو باؤنڈری کے پار پھینکا۔ اننگز کے ساتویں اور اپنے پہلے اوور میں نوجوان باؤلر عمر خان نے شین واٹسن کو پویلین کی راہ دکھائی۔

    اننگز کے نویں اور اپنے دوسرے اوور میں عمر خان نے ایک اور کامیابی حاصل کی اور روسو کو اسٹمپ آؤٹ کروایا، یوں گلیڈی ایٹرز کی 85 کے مجموعی اسکور پر دوسری وکٹ گری۔

    کراچی کنگز کیخلاف کوئٹہ گلیڈی ایٹرز کی تیسری وکٹ 131رنز پر جبکہ چوتھی وکٹ 177رنزپرگری اور پانچویں وکٹ 187رنز پر گری، کوئٹہ گلیڈی ایٹرز کے احمد شہزاد شاندار بیٹنگ کرتے ہوئے99رنز پر کیچ آؤٹ ہوگئے۔

    کراچی کنگز کیخلاف کوئٹہ گلیڈی ایٹرز کی ساتویں وکٹ کپتان سرفراز احمد کی گری جو کوئی رن بنائے بغیر پہلی بال پر ہی کلین بولڈ ہوگئے،کراچی کنگز کے عثمان شنواری نے مسلسل دو گیندوں پر دو وکٹیں حاصل کیں۔

    عثمان شنواری نے بیسویں اوور میں صرف3رنز دے کر تین کھلاڑیوں کو پویلین سے باہر بھیج کر میچ کی بازی ہی پلٹ دی اور ٹیم کو فتح سے ہمکنار کروا دیا، انہوں نے آخری اوور میں احمد شہزاد کو 99 رنز پر آؤٹ کرکے سنچری سے محروم کیا جس کے بعد انور علی اور کپتان سرفراز احمد کو آؤٹ کیا۔

    کراچی کنگز نے کوئٹہ گلیڈی ایٹرز کو سنسنی خیزمرحلے کے بعد ایک رن سے شکست دے کر پی ایس ایل فور کے پلے آف مرحلے کے لئے کوالیفائی کرلیا۔

    عمرخان نے نپی تلی بولنگ سے تین وکٹیں حاصل کیں، جبکہ عثمان شنواری نے شاندار بولنگ کے باعث آخری اوور میں 3وکٹیں حاصل کیں، عثمان شنواری کو مین آف دی میچ قرار دیا گیا۔

    دوسری جانب وزیربلدیات سندھ سعید غنی نے نیشنل اسٹیڈیم پہنچ کر میڈیا سے گفتگو کرتے ہوئے کہا کہ ’انشاء اللہ آنے والے میچز کے انتظامات اور بھی بہتر ہوں گے، کراچی میں میچز سے کھلاڑیوں کا اعتماد بحال ہوا، کھلاڑیوں کے ساتھ پاکستان کرکٹ بورڈ اور ہم سب کی حوصلہ افزائی ہوئی‘۔

    اُن کا کہنا تھا کہ کراچی کے عوام جشن منا رہے ہیں، میچز کے  ساتھ کراچی کے ترقیاتی کاموں کو بھی تیز کیا، سندھ حکومت کراچی والوں کو ترقیاتی منصوبوں کے مزید تحفے دے گی۔

  • کراچی کنگز کے تمام غیر ملکی کھلاڑی پاکستان میں کھیلنے کے لئے پرجوش

    کراچی کنگز کے تمام غیر ملکی کھلاڑی پاکستان میں کھیلنے کے لئے پرجوش

    کراچی: کراچی کنگز کے مالک سلمان اقبال نے کہا ہے کہ پاکستان سپرلیگ کے آٹھ میچز کراچی میں ہونا خوش آئند ہے، ہوم کراوڈ کے سامنے ٹیم کھیلے گی تو جوش عروج پرہوگا۔

    تفصیلات کے مطابق کراچی کنگز سمیت دیگر پی ایس ایل فرنچائزز سے کھیلنے والے کے تمام غیر ملکی کھلاڑی پاکستان میں کھیلنے کے لیے بے تاب ہیں اور انہوں نے کہا ہے کہ ہم اپنی ٹیم کے ساتھ پاکستان آرہے ہیں۔

    کراچی روانگی سے قبل اے آر وائی کے نمائندے سے گفتگو کرتے ہوئے  کہا کہ سوشل میڈیا پر ہم نے شائقین کا جوش دیکھا اس لیے اب ہم بھی پرجوش ہیں۔

    لیونگ اسٹون اور ایرن سمرز کہتے ہیں پاکستانی شائقین کرکٹ کے دیوانے ہیں انکے سامنے کھیلنا اچھا تجربہ ہوگا۔

    مزید پڑھیں: پی ایس ایل 4 میچز، کراچی کا متبادل ٹریفک پلان جاری

    کراچی کنگز کے اسکواڈ میں شامل غیرملکی کھلاڑیوں میں روی بوپارہ، بین ڈنک، کولن انگرام، لیام لیونگ اسٹون، کولن منرو، سکندر رضا اور ایرون سمرز شامل ہیں جو نیشنل اسٹیڈیم میں ہونے والے میچز میں اپنا کھیل پیش کریں گے۔

    سماجی رابطے کی ویب سائٹ پر غیر ملکی کھلاڑیوں نے شائقین کرکٹ کے لیے خصوصی پیغامات بھی ارسال کیے۔

    روی بوپارا نے بتایا کہ میں چار سال پاکستان آرہا ہوں اور کراچی کنگز کے ہوم گراؤنڈ پر شائقین کے سامنے ہوں گا۔

    کولن انگرام نے سماجی رابطے کی ویب سائٹ پر ابوظہبی سے کراچی روانگی کی تصویر شیئر کی۔

    یہ بھی پڑھیں: پی ایس ایل فائنل راؤنڈ کے لیے ٹیموں کی کراچی آمد کا سلسلہ شروع

    یاد رہے کہ کراچی کنگز پلے آف مرحلے کا پہلا میچ 10 مارچ کو کوئٹہ گلیڈی ایٹرز کے خلاف نیشنل اسٹیڈیم میں کھیلے گی، شائقین کرکٹ اپنی ٹیم کو ہوم گراؤنڈ پر دیکھنے کے لیے بے تاب ہیں۔

  • وسیم اکرم کے تجربے کا فائدہ ہوا، سلمان اقبال

    وسیم اکرم کے تجربے کا فائدہ ہوا، سلمان اقبال

    دبئی: کراچی کنگز کے مالک نے پی ایس ایل کے سیزن فور میں فاتحانہ آغاز پر مسرت کا اظہار کرتے ہوئے کہا ہے کہ ٹیم نے بہتر پرفارمنس دی، وسیم اکرم کے تجربے کا بہت فائدہ ہوا۔

    تفصیلات کے مطابق میچ کے بعد دبئی اسٹیڈیم کے باہر نمائندہ اے آر وائی سے گفتگو کرتے ہوئے سلمان اقبال کا کہنا تھا کہ ’بابر اعظم نے شاندار بیٹنگ کی اور پی ایس ایل تاریخ کی سب سے بڑی 157 رنز کی شراکت داری قائم کی البتہ آخری میں گیم تھوڑا سا آہستہ بھی ہوا‘ْ

    کراچی کنگز کے مالک کا کہنا تھا کہ ’وسیم اکرم دنیائے کرکٹ کا اہم سرمایہ ہیں، وہ عالمی سطح پر ایک اچھے کرکٹر کے طور پر مانے جاتے ہیں، ہمارے لیے یہ فخر کی بات ہے کہ وسیم اکرم ہمارے ساتھ ہیں‘۔

    اے آر وائی ڈیجیٹل کے سی ای او کا کہنا تھا کہ ’ہم گزشتہ تین سال سے وسیم اکرم کو کراچی کنگز میں لانے کی کوشش کررہے تھے بلآخر وہ اب ہماری ٹیم کا حصہ ہیں‘۔

    پی ایس ایل تھری میں اسلام آباد کی فتح پر اپنی ماہرانہ رائے پیش کرتے ہوئے کراچی کنگز کے مالک کا کہنا تھا کہ ‘اسلام آباد یونائیٹڈ کے پاس پچھلے سیزن میں اچھے ڈومیسٹک کھیلنے والے کھلاڑی تھے، اُن کے پاس تین سال سے ایسے کھلاڑی تھے جو ہمیشہ سے بہت مضبوط رہے اور وہی ٹیم کو فائنل تک لے کر جاتے ہیں‘۔

    سلمان اقبال کا کہنا تھا کہ ’ہم نے وسیم اکرم، راشد لطیف سے مشاورت میں فیصلہ کیا کہ ہمارے پاس ڈومیسٹک پلیئرز ہونے چاہیں، عمر خان کو بطور ایمرجنگ پلیئر منتخب کیا اور آج اُس نے شاندار کھیل کا مظاہرہ کیا‘۔ اُن کا مزید کہنا تھا کہ امسال ملکی و غیر ملکی کھلاڑیوں کا اچھا جوڑ بنایا، ہمارے پاس اب اچھے ڈومیسٹک کھیلنے والے کھلاڑی ہیں۔

  • معروف اداکارعدنان صدیقی کراچی کنگزکی حمایت میں میدان میں آگئے

    معروف اداکارعدنان صدیقی کراچی کنگزکی حمایت میں میدان میں آگئے

    کراچی: معروف اداکارعدنان صدیقی نے کراچی کنگز اوراے آر وائی ڈیجیٹل کے سی ای او سلمان اقبال کے لیے نیک تمناؤں کا اظہار کرتے ہوئے کہا کہ پی ایس ایل میں کراچی کنگز کے شیر ڈھاریں گے۔

    تفصیلات کے مطابق پاکستان کے معروف اداکارعدنان صدیقی نے سوشل میڈیا کی ویب سائٹ فیس بک پر اپنے پیغام میں دلوں کے بادشاہ کراچی کنگز کا حصہ بننے پرخوشی کا اظہار کیا۔

    عدنان صدیقی نے اے آر وائی ڈیجیٹل کے سی ای او اور کراچی کنگز کے مالک سلمان اقبال کا بالخصوص شکریہ ادا کیا۔

    معروف اداکار نے پی ایس ایل میں کھیلنے والی تمام ٹیموں اورخاص کرکراچی کنگز کے لیے نیک خواہشات کا اظہار کرتے ہوئے کہا کہ لڑکوں جاؤ اور ہمارے لیے کپ اٹھاؤ، خوشی کو دوبالا بلکہ سہہ بالا کردو کیونکہ بین الاقوامی کرکٹرز کراچی آرہے ہیں۔

    انہوں نے کہا کہ کرکٹ ایک ایسا کھیل ہے جو ہماری قوم کو متحد کرتا ہے اور پی ایس ایل پاکستان کرکٹ کے لیے گیم چینجر ہے، اس کے ذریعے نیا ٹیلنٹ سامنے آرہا ہے۔

    عدنان صدیقی نے کہا کہ پاکستان سپرلیگ کا تھرڈ ایڈیشن پورے آب وتاب سے شروع ہونے کو ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پی ایس ایل تھری، کراچی کنگز کے آفیشل نغمے کا ٹیزر جاری

    پی ایس ایل تھری، کراچی کنگز کے آفیشل نغمے کا ٹیزر جاری

    کراچی : پاکستان سپر لیگ کے تیسرے ایڈیشن کے لیے کراچی کنگز کے آفیشل سانگ کا ٹیزر جاری کردیا گیا ہے، آفیشل نغمے نے کرکٹ کے دیوانوں کو ہی نہیں بلکہ ایک ایک پاکستانی کو اپنے کرشمے میں جکڑ لیا ہے.

    پی ایس ایل کی رونق اور شان کراچی کنگز ہر ایڈیشن میں اپنے شائقین کے لیے نئے آئیڈیاز لے کر آتی ہے جو اپنی انفرادیت اور دلچسپی کے باعث صرف کراچی ہی نہیں بلکہ پورے پاکستان کے دلوں کی دھڑکن بن جاتی ہے.

    اپنی روایات کو جاری رکھتے ہوئے کراچی کنگز نے پی ایس ایل 3 کے لیے آفیشل نغمے کا ٹیزر جاری کردیا ہے جس کی ایک جھلک نے عوام کے دل مول لیے ہیں اور شائقین کرکٹ سمیت تمام شہریوں کو اپنی جانب متوجہ کرلیا ہے.

    کراچی کنگز کا پی ایس ایل 3 کے لیے آفیشل گانے کو مشہور گلوگار شہزاد رائے کی آوز نے جلا بخشی ہے گانے کے خوبصورت بول کو نغمہ ساز نے مدھر سُروں میں دھالا ہے جس میں لگن، جوش اور عزم کی داستان صاف نظرآتی ہے۔

    کراچی کنگز کے آفیشل نغمے کے ٹیزر نے وائرل ہوتے ہی لوگوں کی توجہ حاصل کرلی ہے اورہر ایک بچے، جواں اور ضعیف العمر شخص یہی نغمہ گنگناتا نظر آرہا ہے.

    کراچی کنگز کے آفیشل نغمے کی ویڈیو میں بوم بوم آفریدی سمیت عماد وسیم، بابراعظم اور محمد عامر بھی جلوہ گر ہوں جس سے شائقین کی دلچسپی اور بھی بڑھ گئی ہے.

    آفیشل نغمے کا ٹیزر 

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • کراچی کنگز کےمالک سلمان اقبال کی وزیراعلیٰ سندھ سے ملاقات، آفیشل ٹی شرٹ پیش کی

    کراچی کنگز کےمالک سلمان اقبال کی وزیراعلیٰ سندھ سے ملاقات، آفیشل ٹی شرٹ پیش کی

    کراچی : اے آر وائی ڈیجیٹل نیٹ ورک کے بانی اور سی ای او سلمان اقبال نے وزیراعلیٰ سندھ مراد علی شاہ کو کراچی کنگز کی آفیشل ٹی شرٹ پیش کی۔

    تفصیلات کے مطابق کراچی کنگز کے مالک سلمان اقبال نے وزیراعلیٰ سندھ مراد علی شاہ سے ہونے والی اہم ملاقات میں پی ایس ایل کے انعقاد اورکراچی میں ہونے والے فائنل کے انتظامات پر تبادلہ خیال کیا۔

    اس موقع پر اے آر وائی ڈیجیٹل نیٹ ورک کے سی ای او سلمان اقبال نے کہا کہ پی ایس ایل سے دیگرملکوں کے کھلاڑی پاکستان آ رہے ہیں، پاکستان کےعوام کی خواہش ہے کراچی میں کرکٹ کی واپسی ہو۔

    کراچی کنگز کے مالک سلمان اقبال سے ملاقات میں وزیراعلیٰ سندھ مراد علی شاہ نے کہا کہ اگر وزیراعلیٰ نہ ہوتا تو کراچی کنگزکا کپتان ہوتا۔

    وزیراعلیٰ سندھ نے کہا کہ میں نے گزشتہ سال جووعدہ کیا اس سال وعدے کونبھاؤں گا، میں نےکہا تھا کہ 2018 کے پی ایس ایل کا فائنل کراچی میں ہوگا۔

    مراد علی شاہ نے کہا کہ خوشی ہوگی پی ایس ایل کے فائنل میں کراچی کنگزمیدان میں ہو۔

    وزیراعلیٰ سندھ نے کہا کہ میں نے جس بھی ٹیم کی سربراہی کی ہے وہ ہمیشہ جیتی ہے، میرا ریکارڈ ہے ٹیم کوجیتا کرہی واپس لوٹتا ہوں۔

    انہوں نے کراچی کے لوگوں کومبارکباد دیتے ہوئے کہا کہ فائنل کراچی میں ہوگا اور فائنل کے لیے سیکیورٹی انتظامات کا خود جائزہ لے رہا ہوں۔

    وزیراعلیٰ سندھ نے اے آر وائی ڈیجیٹل نیٹ ورک کے سی ای او سلمان اقبال کی تعریف کرتے ہوئے کہا کہ پوری دنیا کو ان جیسی شخصیات کی ضرورت ہے۔

    انہوں نے کہا کہ کراچی کنگز کے مالک سلمان اقبال نے عالمی کرکٹ کو دوبارہ پاکستان کا دروازہ دکھایا۔

    وزیراعلیٰ سندھ مراد علی شاہ نے کہا کہ انشااللہ کراچی کنگز اس سال پی ایس ایل جیتے گی، شائقین اور ہم بھی کراچی کنگز کےساتھ ہیں۔

    کراچی کنگز کے مالک سلمان اقبال کی آصف زرداری سے ملاقات

    خیال رہے کہ گزشتہ روز اے آر وائی ڈیجیٹل نیٹ ورک کے بانی اور سی ای او سلمان اقبال نے بلاول ہاؤس میں سابق صدرآصف زرداری کو کراچی کنگز کی آفیشل ٹی شرٹ پیش کی تھی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • کراچی کنگز کے مالک سلمان اقبال کی آصف زرداری سے ملاقات، آفیشل ٹی شرٹ پیش کی

    کراچی کنگز کے مالک سلمان اقبال کی آصف زرداری سے ملاقات، آفیشل ٹی شرٹ پیش کی

    کراچی : اے آر وائی ڈیجیٹل نیٹ ورک کے بانی اور سی ای او سلمان اقبال نے بلاول ہاؤس میں سابق صدرآصف زرداری کو کراچی کنگز کی آفیشل ٹی شرٹ پیش کی.

    تفصیلات کے مطابق کراچی کنگز کے مالک سلمان اقبال نے سابق صدر آصف زرداری سے ہونے والی اہم ملاقات میں پی ایس ایل کے انعقاد، پاکستان میں عالمی کرکٹ کی بحالی اور کراچی میں ہونے والے فائنل کے انتظامات پربھی تبادلہ خیال کیا اور اہم تجاویز پیش کیں.

    اس موقع پرسابق صدر آصف زرداری نے ملک میں جمہوریت اور کھیلوں کے فروغ میں اے آر وائی ڈیجیٹل نیٹ ورک  کے مثالی کردار کو سراہتے ہوئے کہا کہ اے آر وائی نےعالمی کرکٹ کی پاکستان واپسی کے لیے اہم کردارادا کیا ہے اور پاکستان میں جمہوریت کی بحالی کے لیے سب سے آگے رہا.

    پی پی پی پی کے صدر آصف زرداری کا کہنا تھا کہ پاکستان سپر لیگ کا فائنل کراچی میں ہونے سے یہاں کھیلوں کی سرگرمیوں میں اضافہ ہوگا جس کے لیے سندھ حکومت نہ صرف مکمل تعاون کا یقین دلاتی ہے بلکہ کراچی کنگز کے مالک سلمان اقبال کی کاوشوں کی بھی معترف ہے.

     اسی سے متعلق : پی ایس ایل 2018: میچز کا شیڈول جاری

    اے آر وائی ڈیجیٹل نیٹ ورک کے سی ای او سلمان اقبال نے کراچی کنگز کی حمایت کرنے اور اے آر وائی ڈیجیٹل نیٹ ورک کے کردار کو سراہنے پر آصف زرداری کا شکریہ ادا کرتے ہوئے انہیں کراچی کنگز کی آفیشل ٹی شرٹ بھی پیش کی.

    خیال رہے کہ پاکستان سپر لیگ کے تیسرے ایڈیشن کا آغاز رواں ماہ 22 فروری کو دبئی میں ہوگا اور شائقین کرکٹ کو مضبوط ٹیموں کے درمیان سنسنی خیز مقابلے دیکھنے کو ملیں گے جب کہ اس بار فائنل لاہور کے بجائے کراچی میں کھیلا جائے گا.

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں.