کراچی: سال 2024 میں اکاؤنٹ میں کتنی رقم ہونے پر زکوٰۃ کٹوتی ہوگی؟ نصاب جاری کر دیا گیا۔
وزارت تخفیف غربت و سماجی تحفظ نے 2024 کے لیے زکوٰۃ کے نصاب کا نوٹیفکیشن جاری کر دیا ہے، ایک لاکھ 35 ہزار 179 روپے یا اس سے زائد بیلنس کے سیونگ اکاؤنٹس پر زکوٰۃ لاگو ہوگی۔
وزارت نے وضاحت کی ہے کہ زکوٰۃ کی کٹوتی سیونگ اکاؤنٹ اور پرافٹ اینڈ لاس اکاؤنٹ پر کی جائے گی، اور یہ کٹوتی یکم رمضان کو کی جائے گی۔
نوٹیفکیشن کے مطابق ایک لاکھ 35 ہزار 179 روپے سے کم بیلنس کے سیونگ کھاتوں سے زکوٰۃ نہیں کاٹی جائے گی۔
کراچی : اسٹیٹ بینک آف پاکستان (ایس بی پی) نے ملک بھر کے تمام بینکوں کو 24 مارچ بروز جمعہ کو عوامی لین دین کیلئے بند رکھنے کا اعلان کیا ہے۔
تفصیلات کے مطابق بینک دولت پاکستان نے اعلان کیا ہے کہ تمام بینکس 24 مارچ 2023 بروز جمعہ کو زکوٰۃ کی کٹوتی کے حوالے سے عوام سے لین دین کے لیے بند رہیں گے۔
جبکہ یکم رمضان المبارک 1444 ہجری جمعرات23 مارچ 2023 کو ہونے کا امکان ہے جو کہ پہلے ہی عام تعطیل کا دن ہے، اس لیے تمام بینکوں میں جمعرات اور جمعہ کو عوامی لین دین نہیں ہوگا۔
#SBP to remain closed for public dealing on Friday, March 24, 2023 for the purpose of Zakat deduction.
Details: https://t.co/GqD7KqeGY4 pic.twitter.com/cE8DZzWERe— SBP (@StateBank_Pak) March 21, 2023
واضح رہے کہ تمام بینک، ترقیاتی مالی ادارے اور مائیکرو فنانس بینکس مذکورہ تاریخ پرعوام الناس سے لین دین کے لیے بند رہیں گے۔
تاہم بینکوں، ترقیاتی مالی اداروں اور مائیکروفنانس بینکوں کے تمام ملازمین بینک تعطیل کے موقع پر دفتر میں حاضر ہوں گے اور یہ کام کرنے کا عام دن تصور کیا جائے گا۔