ARYNews.tv | Urdu – Har Lamha Bakhabar

Tag: #DeepVeerKiShaadi

  • اٹلی: دپیکا اور رنویر ازدواجی بندھن میں‌ بندھ گئے

    اٹلی: دپیکا اور رنویر ازدواجی بندھن میں‌ بندھ گئے

    ممبئی: بالی ووڈ اداکارہ دپیکاپڈوکون اور رنویر سنگھ ازدواجی بندھن میں بندھ گئے اور انہوں نے تاحیات ایک دوسرے کا ساتھ نبھانے کا عہد کیا۔

    بالی ووڈ سے موصول ہونے والی اطلاعات کے مطابق دونوں اداکاروں کی شادی اٹلی کے سب سے خوبصورت مقام ’کومو‘ میں جنوبی بھارتی رسومات کی طرز پر منعقد کی گئی۔ تقریب میں شرکت کے لیے مخصوص مہمانوں کو ہی دعوت نامہ بھیجا گیا، گزشتہ رات دونوں اداکارں کی مہندی کی رسم ہوئی جس میں قریبی دوستوں اور رشتے داروں نے خوب ہلہ گلہ کیا۔

    شادی کی تقریب میں شرکت کرنے والے مہمانوں کے موبائل استعمال کرنے پر سخت پابندی عائد کی گئی ہے جبکہ پنڈال میں داخل ہونے سے قبل مہمانوں کی سخت چیکنگ اور اُن کے موبائل کیمرے پر ایک سینسر نصب کیا گیا تاکہ تصاویر سامنے نہ آسکیں۔

    تصویر بشکریہ: ہندوستان ٹائمز

    کوئی تصویر قبل ازوقت سامنے نہ آجائے اس وجہ سے دونوں کے اہل خانہ نے ہوٹل انتظامیہ سے خصوصی انتظامات کرنے کی استدعا کی، پنڈال کے قرب و جوار سے کوئی تصویر نہ بنا لے اسی لیے پولیس اہلکاروں کو تعینات کیا گیا ہے جبکہ موبائلز غیرمعمولی گشت بھی کررہی ہیں۔

    بھارتی میڈیا کے مطابق کل یعنی 15 نومبر بروز جمعرات منعقد ہونے والی تقریب رنویر سنگھ کے مذہبی (سکھ) عقائد پر ہوگی، دونوں دن سیکیورٹی کے سخت انتظامات کیے گئے اور انتظامیہ نے تصویر نہ لینے کے لیے ڈرونز کیمروں کو بھی روکنے کے خصوصی انتظامات کیے۔

    بشکریہ: فلم فیئر

    دونوں اداکاروں کے مداحوں کو شادی کی تصاویر کا شدت سے انتظار ہے تاہم اس حوالے سے کسی کے پاس کوئی بھی اطلاع نہیں البتہ بالی ووڈ ہدایت کار کرن جوہر نے ایک ٹویٹ کیا جس سے تاثر ملتا ہے کہ وہ بھی تقریب میں شریک ہیں۔

    کرن جوہر کا اپنے ٹویٹ میں کہنا تھا کہ ’دپیکا، رنویر کی جوڑی بہت اچھی لگ رہی ہے، دونوں اپنی نظر اتار لو‘۔

    علاوہ ازیں سماجی رابطے کی ویب سائٹ پر تقریب کی دیگر تصاویر بھی سامنے آئیں مگر کوئی بھی واضح نہیں ہے، بھارتی میڈیا کے مطابق تقریب میں آنے والے لوگوں کو خصوصی پاس دیے گئے۔

     

    View this post on Instagram

     

    THEY ARE OFFICIALLY MARRIED !!!! 😭💍💔#deepveerkishadi

    A post shared by Ladkiwale 👰🏻 (@deepika.padukone.fanpage) on

    دونوں اداکاروں کے اہل خانہ نے مہمانوں کے لیے  75 کمرے بک کرائے اور جن میں سے ایک کا کرایہ ایک کروڑ 73 لاکھ بھارتی روپے (3 کروڑ پاکستانی روپے سے زائد) ہے۔

    بھارتی میڈیا کے مطابق دونوں اداکار 18 نومبر کو وطن واپس آئیں گے جس کے بعد وہ 21 اور 28 نومبر کو علیحدہ علیحدہ تقاریب کا اہتمام بھی کریں گے۔

    تصاویر /ویڈیوز

  • دپیکا رنویر شادی ، اٹلی میں تیاریاں زور و شور سے جاری

    دپیکا رنویر شادی ، اٹلی میں تیاریاں زور و شور سے جاری

    ممبئی: بالی ووڈ اداکارہ دپیکا پڈوکون اور رنویر سنگھ کی شادی میں چند دن باقی ہیں جس کی تیاریاں زور و شور سے جاری ہیں۔

    تفصیلات کے مطابق دپیکا اور رنویر 10 نومبر کو ممبئی سے اٹلی کے لیے روانہ ہوئے جہاں ائیرپورٹ انتظامیہ نے انہیں خصوصی طور پر خوش آمدید کہا۔

    دونوں اداکاروں کے گاڑی سے اترتے ہی انتظامیہ نے کنگ خان کی مشہور فلم ’دل والے دلہنیا لے جائیں گے‘ کا گانا مہندی لگا کے رکھنا چلا دیا اور لاؤنچ میں جانے کے لیے بھی خصوصی گاڑی فراہم کی گئی۔

    گانا سُن کر رنویر نہ صرف شرمائے بلکہ انہوں نے دپیکا کو اُس جگہ سے جلدی چلنے کے لیے بھی کہا۔ ائیرپورٹ پر موجود مداح نے اس تمام منظر کو اپنے موبائل میں محفوظ کرلیا۔

    دونوں اداکار 11 نومبر یعنی آج اٹلی پہنچ گئے جہاں ائیرپورٹ پر اُن کا اہل خانہ اور دیگر منتظمین نے خصوصی استقبال کیا۔

    بھارتی میڈیا کے مطابق دپیکا اور رنویر نے شادی کی تقاریب کے لیے معروف جھیل اور سیاحتی مقام لیک کیمو کو منتخب کیا، اٹلی میں ہونے والی تقریب میں منتخب لوگ ہی شرکت کریں گے جبکہ بالی ووڈ انڈسٹری کی دو معروف شخصیات فرح خان اور سنجے لیلا بھنسالی بھی شریک ہوں گے۔

    مزید پڑھیں: دپیکا اور رنویرکی شادی میں کون سی 2 شخصیات شرکت کریں‌ گی؟

    یاد رہے کہ دپیکا پڈوکون اور رنویر سنگھ کی شادی کی تقریبات کا آغاز  دونوں خاندانوں نے خصوصی عبادات (پوجا) سے کیا تھا۔ پوجا کی رسم میں اداکارہ نے بالوں میں جوڑا باندھا ہوا تھا جبکہ اُن کے کانوں میں جھمکے بھی تھے۔ بالی ووڈ ذرائع کے مطابق اداکارہ نے معروف میک اپ آرٹسٹ کی خدمات حاصل کی تھیں۔

    بھارتی میڈیا کے مطابق دونوں اداکاروں کے اہل خانہ نے شادی کے لیے اٹلی میں واقع ’لیک کومو‘ بھی بک کروایا علاوہ ازیں ہوٹل کے کمرے بھی پہلے سے حاصل کرلیے گئے، یہاں دو روز تک علیحدہ علیحدہ روسومات کے تحت تقاریب کا انعقاد کیا جائے گا۔

    دونوں خاندانوں کا مشترکہ فیصلہ ہے کہ اٹلی کی تقریبات میں شرکت کرنے والے مہمانوں کے موبائل استعمال کرنے پر پابندی ہوگی جبکہ بھارت واپسی پر اداکاروں کی طرف سے ساتھی فنکاروں اور مداحوں کے لیے علیحدہ علیحدہ تقاریب کا انعقاد کیا جائے گا جس کے لیے دپیکا نے بنگلور جبکہ رنویر نے تقریب کے لیے ممبئی کا انتخاب کیا۔

    یاد رہے کہ رواں سال کے آغاز سے ہی دپیکا اور رنویر کی شادی کے حوالے سے قیاس آرائیاں جاری تھی البتہ دونوں نے اس حوالے سے مکمل خاموشی اختیار کی ہوئی تھی ، پدمنی کے اداکاروں نے 21 اکتوبر کو اپنی شادی کی تاریخ کا خود ہی اعلان کرتے ہوئے دعوت نامہ بھی شیئر کیا تھا۔

    یہ بھی پڑھیں:  دپیکا اپنی شادی میں کتنی قیمت کا زیور پہنیں گی؟

    سماجی رابطے کی ویب سائٹ پر اداکاروں نے اپنی شادی کی تصدیق کی اور بتایا کہ 14 اور 15 نومبر کو ہم ازدواجی بندھن میں بندھ جائیں گے۔

    یہ بھی یاد رہے کہ دپیکا پڈوکون اور رنویر سنگھ تقریباً 6 برس قبل فلم رام لیلا کے سیٹ پر ایک دوسرے کے قریب آئے اور پھر اُن کی دوستی ہوئی جس کے بعد محبت کے چرچے میڈیا کی زینت بھی بنے مگر کچھ عرصے بعد دونوں کے تعلقات ختم ہونے کی خبریں بھی سامنے آئیں تھیں۔

    واضح رہے کہ رنویر سنگھ اور دپیکا پڈوکون نے سنجے لیلا بھنسالی کی فلم رام لیلا، باجی راؤ مستانی میں کام کیا تھا بعد ازاں چار سال وقفے کے بعد دونوں ایک بار پھر پدمنی میں ایک ساتھ مرکزی کردار ادا کرتے نظر آئے۔