کراچی کے پوش علاقے ڈیفنس میں ایک زیر تعمیر مکان کی چھت گرنے کا واقعہ پیش آیا ہے، جس کے نتیجے میں وہاں کام کرنے والا ایک مزدور جاں بحق جبکہ متعدد مزدور ملبے تلے دب گئے۔
تازہ ترین اطلاعات کے مطابق واقعہ ڈیفنس خیابان نشاط میں پیش آیا، ابتدائی طور پر گرنے والی چھت کے ملبےسے 3مزدوروں کو نکال لیا گیا ہے، ایک اسپتال منتقلی کےدوران دم توڑگیا۔
ریسکیو اہلکاروں کے مطابق مزید مزدوروں کے دبنےکی اطلاعات بھی ہیں تاہم امدادی کارروائیاں جاری ہیں، زخمی مزدوروں کو طبی امداد کیلئے اسپتال منتقل کردیا گیا۔
کراچی : ذوالفقار قتل کیس کی تحقیقات کے لیے جے آئی ٹی تشکیل دے دی گئی، جے آئی ٹی خواجہ شمس الاسلام کو بیان قلمبند کرنے کے لیے طلب کرے گی۔
تفصیلات کے مطابق گزشتہ دنوں کراچی کے علاقے ڈیفنس میں ہونے والی ٹارگٹ کلنگ سے ذوالفقارعلی نامی شخص کے قتل کیس میں اہم پیشرفت سامنے آئی ہے۔ اے آروائی نیوز نے جے آئی ٹی کے نوٹی فیکیشن کی کاپی حاصل کرلی۔
تھر کے نوجوان ذوالفقار کے قتل کیس میں مزید تحقیقات کیلئے ایڈیشنل آئی جی کے حکم پر جے آئی ٹی بنادی گئی۔ ڈی آئی جی ساؤتھ جے آئی ٹی کی سربراہی کریں گے، ایس ایس پی پیر محمد شاہ اور ایس ایس پی انویسٹی گیشن ساؤتھ بھی شامل ہوں گے۔
جےآئی ٹی قتل کیس میں نامزد خواجہ شمس الاسلام کو بیان قلمبند کرنے کیلئے طلب کرے گی۔ کراچی پریس کلب کے باہر مقتول نوجوان کے لواحقین اور تھر کے لوگوں نے انصاف کیلئے احتجاج کیا۔
صوبائی وزیر سردار شاہ کا کہنا تھا کہ ضمانت مسترد ہوتے ہی ملزم کو گرفتار کرلیا جائے گا۔ یاد رہے کہ خواجہ شمس الاسلام کے سابق ملازم تھر کے رہائشی ذوالفقار کو ڈیفنس میں فائرنگ کرکے قتل کردیا گیا تھا، مقتول کی چند دن بعد شادی تھی۔
یاد رہے کہ مقتول ذوا لفقار کے ورثاء نے گذری تھانے کے باہر لاش رکھ کر احتجاجی مظاہرہ کیا تھا اہلخانہ کا کہنا تھا کہ ذوالفقار علی کی 15روز بعد شادی تھی۔
ذوالفقار علی نے وکیل خواجہ شمس الاسلام کی نوکری چھوڑ دی تھی، جس پر شمس الاسلام نے ذوالفقار کو غیرقانونی اسلحے کے الزام میں گرفتار بھی کرادیا تھا۔
اہل خانہ کے مطابق ذوالفقارعلی کی آج سٹی کورٹ میں پیشی تھی، ذوالفقار پیشی کے بعد ڈیفنس میں ڈیوٹی پر جارہا تھا کہ اسے فائرنگ کرکے قتل کردیا گیا۔
کراچی : درخشاں پولیس نے ڈیفنس کے علاقے میں پولیس اہلکار پر تشدد کرنے والے تیسرے ملزم سنن شیخ کو گرفتار کرلیا،ملزم سینیٹر اسلام الدین شیخ کابیٹا ہے۔
تفصیلات کے مطابق گزشتہ روز کراچی کے پوش علاقے ڈیفنس خیابان شہباز پر کار سوار چار لڑکوں نے ڈیوٹی پر جانےوالے پولیس اہلکار بابر کو تشدد کا نشانہ بنایا۔
عینی شاھدین کے مطابق چاروں افراد نشے میں تھے، بعد ازاں پولیس نے بابر کی مدعیت میں چار ملزمان کیخلاف درج کیا تھا، ایف آئی آر کے اندراج کے بعد پولیس نے دوملزمان سندیب کمار اور روحیل حسن کو گرفتار کرلیا تھا تاہم مقدمے میں اہم پیشرفت کرتے ہوئے پولیس نے سندھ کی اہم سیاسی شخصیت سینیٹراسلام الدین شیخ کے بیٹے سنن شیخ کو حراست میں لے لیا۔
ملزم کیخلاف دہشت گردی کی دفعات کےتحت مقدمہ درج ہے، ذرائع کے مطابق گرفتار ملزم کے حوالے سے پولیس پراس کے خلاف کارروائی نہ کرنے کے لیے دباؤ بھی ڈالا جا رہا ہے ۔
ایف آئی آر کے حوالے سے پولیس کا کہنا ہے کہ ملزمان کی کی گاڑی خیابان شہباز پر کسی منی ٹرک سے ٹکرائی تھی، جس پر سندیپ اور ٹرک ڈرائیور کے درمیان جھگڑا ہوا اس دوران وہاں سے گزرنے والے پولیس اہلکار نے معاملہ رفع دفع کرانےکوشش کی تو نشے میں دھت ملزمان اہلکار بابر پر چڑھ دوڑے اور اسے مار مار کر لہو لہان کردیا، سندیب اور اس کے ساتھیوں نے باوردی اہلکار پر لوہے کی راڈ سے تشدد کیا۔
کراچی : پولیس نے ڈیفنس میں کار سوار ملزمان سے مقابلے کے بعد چار سالہ بچہ بازیاب کرا لیا، دو اغواء کار فائرنگ کے تبادلے میں مارے گئے، باپ بیٹے کو گھر سے نکلتے ہوئے اغواء کیا تھا۔
تفصیلات کے مطابق کراچی کے علاقے ڈیفنس میں 26اسٹریٹ پر مبینہ پولیس مقابلہ ہوا ہے، اس حوالے سے پولیس کا کہنا ہے کہ خیابان طارق پر تاجر اور ان کے بیٹے چار سالہ شاہ ویز کو گاڑی سمیت اسکول جاتے ہوئے اغواء کیا گیا،۔
پانچ میں سے دو ملزمان تاجر کی گاڑی میں بیٹھ گئے، ملزمان دونوں گاڑیوں کو مختلف سڑکوں پر گھماتے رہے، ایک ملزم موٹر سائکل پر ان کو کور کررہا تھا، اس دوران تاوان کے لیے بچے کے والدین سے بھی رابطہ تھا، پولیس کے مطابق بچے کےوالدین سے15کروڑ روپے تاوان کا مطالبہ کیا گیا اور بات چیت کے بعد معاملہ ستر لاکھ پر طے ہوگیا۔
ایس ایس پی کراچی جنوبی سرفراز نواز کا کہنا ہے کہ ڈیفنس میں گشت پر مامور ٹیم نے سیاہ شیشے والی مشکوک گاڑی دیکھ کر اسے روکنے کی کوشش کی توملزمان نے فرار ہونے کی کوشش کی۔
پولیس نے تعاقب کیا تو ملزمان نے پولیس پر فائرنگ کردی اور اسی دوران بچے کو گاڑی سے اتار کر فرار ہونے لگے، پولیس کی جوابی فائرنگ سے دو ملزمان مارے گئے۔
اغوا کار دو گاڑیوں پر سوار تھے لیکن مقابلے کے وقت دوسری گاڑی میں سوار ملزمان فرار ہوچکے تھے جن کی تلاش کی جارہی ہے۔ علاوہ ازیں بازیاب ہونے والے بچے کے دادا نے بحفاظت بازیابی پر پولیس کا شکریہ ادا کیا ہے۔ ایس ایس پی سرفراز نواز نے بتایا کہ اغواء میں استعمال ہونیوالی گاڑی کے مالک کا پتاچلا رہے ہیں۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
کراچی : ڈیفنس میں چوکیدار نے اپنی بیوی کو مبینہ طور پر عمارت کی پانچویں میزل سے پھینک دیا، خاتون اسپتال پہنچ کر دم توڑ گئی، ملزم فرار ہونے میں کامیاب ہوگیا۔جبکہ کورنگی میں نامعلوم افراد کی فائرنگ سے حساس ادارے کا اہلکار جاں بحق ہوگیا۔
تفصیلات کے مطابق کراچی کے علاقے ڈیفنس میں چوکیدار نے اپنی بیوی سکینہ کو نامعلوم وجوہات کی بنا پر عمارت کی پانچویں منزل سے مبینہ طور پر نیچے پھینک دیا۔
پولیس نے جائے وقوعہ پر پہنچ کرخاتون کو شدید زخمی حالت میں طبی امداد کیلیے اسپتال پہنچایا، مذکورہ خاتون کی حالت پولیس کو بیان دینے کے بھی قابل نہ تھی۔
خاتون طبی امداد کے دوران زخموں کی تاب نہ لاتے ہوئے چل بسی، اس حوالے سے پولیس کا کہنا ہے کہ خاتون کے شوہر کے فرار ہونے سے یہ لگتا ہے کہ اسے عمارت سے گرایا گیا ہے۔
پولیس حکام کے مطابق خاتون کے ہاتھوں اور پیروں کی ہڈیاں ٹوٹ گئی ہیں، اسپتال ذرائع کے مطابق متاثرہ خاتون کو جب لایا گیا تو اس کی حالت انتہائی تشویشناک تھی۔
پولیس کا کہنا ہے واقعے کے بعد چوکیدار موقع سے فرار ہوگیا گرفتاری کے لئے کوششیں جاری ہیں۔ جلد ہی کسی نتیجے پر پہنچ جائیں گے۔
علاوہ ازیں کراچی کے علاقے کورنگی میں نامعلوم افراد کی فائرنگ سے حساس ادارے کا اہلکار جاں بحق ہوگیا۔
پولیس کے مطابق واقعہ ابراہیم حیدری تھانے کی حدود میں پیش آیا۔ جہاں نامعلوم افراد نے حساس ادارے کے اہلکار زاہد فاروق کو گولیاں مار دیں۔
حساس ادارے کے اہلکار کو زخمی حالت میں سی ایم ایچ اسپتال منتقل کیا گیا جہاں وہ زخموں کی تاب نہ لاسکا۔ پولیس کے مطابق ابتدائی طور پر یہ ڈکیتی کے دوران مزاحمت کا معاملہ لگ رہا ہے۔ مزید تحقیقات جاری ہیں۔
کراچی : لیاری سنگولین میں دستی بم حملے میں خواتین اور بچوں سمیت پندرہ افراد زخمی ہوگئے۔ پولیس نے ڈیفنس میں کارروائی کرکے گھر سے بڑی تعدادمیں اسلحہ برآمد کرلیا۔
تفصیلات کے مطابق شہر قائد میں دہشت گردی کی لہر ایک بار پھر دوڑ گئی، لیاری کے علاقے سنگولین میں نامعلوم موٹر سائیکل سوار مسلح افراد نے نجی اسکول کے قریب دستی بم سے حملہ کردیا۔
دستی بم حملے میں بچوں اور خواتین سمیت متعدد افراد زخمی ہوگئے، حملہ کرکے ملزمان با آسانی فرار ہونے میں کامیاب ہوگئے، زخمیوں کو طبی امداد کے لئے سول اسپتال منتقل کردیا گیا، پولیس نے واقعہ کی تحقیقات شروع کردیں۔
دوسری جانب ڈیفنس کے علاقے میں پولیس نے اسلحہ کی موجودگی کی اطلاع پر ایک بنگلے پر چھاپہ مار کر بڑی تعداد میں اسلحہ برآمد کرلیا۔
کارروائی میں پچیس سے زائد مختلف اقسام کے ہتھیار اور گولیاں برآمد ہوئی ہیں۔ بنگلے کے مالک کا دعویٰ ہے کہ اسلحہ لائسنس یافتہ ہے، پولیس نے لائسنس کی تصدیق کیلئے اسلحہ تحویل میں لے لیا ہے۔
کراچی : اپنی گاڑی میں بیٹھ کر آئس کریم خریدنے کی ضد خریدار کو گاڑی سمیت دکان میں لے گئی، تاہم کوئی جانی یا مالی نقصان نہیں ہوا۔
تفصیلات کے مطابق کراچی کے علاقے ڈیفنس چھبیس اسٹریٹ پر واقع آئس کریم پارلر میں ایک شخص گاڑی سمیت آئس کریم کی دکان میں جاگھسا، واقعے میں خوش قسمتی سے کوئی بھی زخمی نہ ہوا۔
اس شخص کی ضد تھی کہ آئس کریم اپنی گاڑی میں بیٹھے بیٹھے ہی خریدنی ہے، اس شخص نے آئس کریم بھی نہ خریدی اور واپس گاڑی کو ریورس کر کے چلتا بنا۔
اس موقع پر دکان میں موجود لوگ سمجھے کہ آئس کریم کا شوقین شخص نشے میں ہے لیکن گاڑی واپس نکالتے وقت اس نے اس مہارت سے گاڑی نکالی کہ اس پر ایک نشان تک نہیں آیا، لیکن گاڑی دکان میں لے جاتے ہوئے اس شخص نے اس بات کا خیال نہیں رکھا تھا۔
کراچی : اےآروائی نیوزکےپروگرام سرعام کی ٹیم نےگیسٹ ہاؤس کےگھناؤنا کاروبار کو بے نقاب کردیا۔
تفصیلات کے مطابق اے آر وائی نیوزکے پروگرام سرعام کی ٹیم نے جُرم کی ایک اورداستان سے پردہ اُٹھادیا۔ سرعام کی ٹیم نے پولیس کےہمراہ کراچی کےعلاقےڈیفنس فیزفائیو میں گیسٹ ہاؤس پرچھاپہ مار کرکمروں میں لگےخفیہ کیمرےبرآمد کرلئے۔
اِس گیسٹ ہاوس میں رہائش اختیارکرنےوالےجوڑوں کی خفیہ کیمروں کی مددسے ویڈیوبناکربلیک میل کیاجاتاتھا۔ خفیہ کیمرے ٹیبل لیمپ،پردوں کی ریلنگ اورگلدان میں نصب کررکھے تھے۔
سرعام ٹیم کاساتھ دینا ایس ایچ اودرخشاں کاجُرم ٹھہرا۔ چھاپہ مار ٹیم کی قیادت کرنے والے پولیس افسرکا فوراً تبادلہ کرکےاسے یہ جرم بے نقاب کرنے کا تحفہ دے دیا گیا بااثرمالکان نے منٹوں میں انسپکٹراظہرسموں کی چھٹی کروادی۔
کراچی : اسلام آبا د کے سکندر کے بعد کرا چی کے کاشف نے پوش علاقے میں خوف و دہشت قائم کردی، شاہراہوں پرجدید اسلحہ اور شہریوں پر خوف ودہشت پھیلاتا کاشف نامی شخص کسی مضافاتی علاقے میں نہیں بلکہ ڈیفنس فیز آٹھ میں دہشت پھیلاتا رہا،جو کافی دیرتک لوگوں پر اسلحہ تانتا اور ہوائی فائرنگ کرتا رہا۔
کاشف انتہائی غصے میں تھا, نجی کمپنی کے سیکورٹی گارڈ کو بغل میں دبائے موبائل فون پر نہ جانے کس سے باتیں کرتا رہا۔
سامنے کھڑی گاڑی پر لاتیں برسائیں۔ کراچی کے پوش علاقے میں لوگ رک رک کر تماشا دیکھتے رہے۔ فائرنگ کرنے والا کاشف چشتی پیشے کے لحاظ سے فلائٹ ٹرینر رہ چکا ہے لیکن کئی عرصے سے اس کا منشیات کا علاج بھی چل رہا ہے۔
پولیس کے مطابق کاشف کے خلاف اس کے والد نے اقدام قتل کا مقدمہ بھی درج کررکھا ہے۔ کاشف کافی وقت تک کھلے عام فائرنگ کرتا رہا لیکن علاقائی پولیس کہیں نظر نہیں آئی اور وہاں موجود نجی کمپنی کے سیکورٹی گارڈ بھی بے بس دیکھائی دیے،اور یہ ڈرامہ چلتا رہا۔
کاشف چشتی نے سامنے کھڑے گارڈز سے کلاشنکوف چھینی اور سامنے آتی گاڑی کے ڈرائیور پر رائفل تان لی۔ شہری ایک دیوانے کے آگے بے بس تھے۔
پولیس والے آ گئے۔ کاشف کو قابو نہ کر سکے۔ ملزم گولیاں چلاتا رہا۔ پولیس والے ڈرتے رہے۔ اسلام آباد کے سکندر کا ڈرامہ تازہ ہو گیا۔
ایک بہادری شہری نے جھپٹا مار کر ملزم کو قابو کر لیا۔ پولیس والے کاشف چشتی پر پل پڑے۔ دھنائی کے بعد ہتھکڑیاں لگی۔ کاشف تھانے پہنچا دیا گیا۔
کاشف سے کلاشنکوف اور نائین ایم ایم پسٹل برآمد ہوئی ہے۔ پولیس کا کہنا ہے ملزم کے والد نے ایک روز پہلے اس کے خلاف پرچہ کٹوایا رکھا ہے۔ پولیس کا کہنا ہے کہ کاشف کے خلاف ہوائی فائرنگ کا ایک اور مقدمہ درج کیا جائے گا۔
اسلام آباد : ڈیفنس میں ایک شخص نےگولی مارکرخودکشی کرلی،آخری خط میں بیوی اوربیٹے کے اعتراف بھی کر لیا۔
پولیس ذرائع سے ملنے والی تفصیلات کےمطابق اسلام آباد کے علاقے ڈیفنس میں ایک شخص نے خود کو گولی مار کر زندگی کا خاتمہ کر لیا،
خودکشی کر نے والےشخص راؤ تحسین کے پاس سےایک خط ملا ہے، جس میں اس نےاس بات کا اعتراف کیا ہے کہ اس نے چودہ تاریخ کواپنی بیوی اوربچےکوقتل کیا تھا اور اب وہ خو د کو گولی مار کر خود کشی کررہا ہے۔
پولیس نے جائے وقوعہ سےشواہد اکھٹےکرکے معاملے کی مزیدتحقیقات کا آغاز کردیا ہے۔