کوئٹہ: انسداد دہشت گردی عدالت نے ڈیگاری میں مرد اور خاتون کے قتل کے واقعے میں ملزم سردار شییرباز کے مزید جسمانی ریمانڈ کی استدعا مسترد کردی۔
اے ٹی سی میں پولیس کی جانب سے ملزم کے مزید جسمانی ریمانڈ کی استدعا کی گئی تھی، ملزم کے وکیل نے کہا کہ سپریم کورٹ حکم کے مطابق ملزم پر دہشت گردی کی دفعات نہیں لگتیں۔
عدالت نے سپریم کورٹ کے فیصلے کے مطابق مقدمے سے دہشت گردی کی دفعات نکالنے کا حکم دے دیا۔
اے ٹی سی کا ملزم سردار شیرباز ساتکزئی کا کیس متعلقہ عدالت بھیجنے کا حکم، گرفتار ملزم شیرباز ساتکزئی کا ریمانڈ دوسری عدالت سے لیا جائے گا۔
اس سے قبل خاتون بانو کی والدہ کو گرفتار کیا گیا تھا ، پولیس کا کہنا تھا کہ بدھ کو ڈیگاری میں دوہرے قتل میں مارے جانے والی بانو بی بی کی والدہ نے سوشل میڈیا پر ویڈیو پیغام وائرل کیا، جس میں وہ قرآن پاک ہاتھ میں اٹھائے ہوئے بول رہی تھی کہ یہ قتل بلوچی روایات کے مطابق ہوا اور یہ قتل جائز ہے۔
مزید پڑھیں : بلوچستان میں قتل کی گئی خاتون بانو کی والدہ گرفتار
انسداد دہشتگردی کی عدالت میں ڈیگاری دوہرے قتل کیس کی سماعت ہوئیم، عدالت ون میں سیریس کرائم انویسٹی گیشن ونگ نے مقتولہ بی بی بانو کی والدہ گل جان کو پیش کیا۔
عدالت میں موقف اختیار کیا گیا کہ گل جان اپنے ویڈیو بیان پر قائم ہیں، جس بنا پر مزید ریمانڈ درکار نہیں۔
جس پر عدالت نے گرفتار خاتون کو جوڈیشل کرتے ہوئے جیل منتقل کرنے کا حکم دیدیا ہے ۔