ARYNews.tv | Urdu – Har Lamha Bakhabar

Tag: delegation

  • سیلاب زدگان پر امدادی رقم کا 81 فیصد خرچ کیا جا چکا ہے: وزیر اعلیٰ سندھ

    سیلاب زدگان پر امدادی رقم کا 81 فیصد خرچ کیا جا چکا ہے: وزیر اعلیٰ سندھ

    کراچی: وزیر اعلیٰ سندھ سید مراد علی شاہ کا کہنا ہے کہ سندھ فلڈ پروجیکٹ کے لیے 100 ملین ڈالرز جاری ہوئے تھے جس میں سے 81 فیصد خرچ ہوچکے ہیں۔

    تفصیلات کے مطابق وزیر اعلیٰ سندھ سید مراد علی شاہ سے ورلڈ بینک کے وفد کی ملاقات، ریجنل ڈائریکٹر جان روم کی سربراہی میں ہوئی۔

    ملاقات کے دوران ورلڈ بینک کے مختلف منصوبوں کی پیش رفت سے تبادلہ خیال کیا گیا۔

    وزیر اعلیٰ سندھ سید مراد علی شاہ کا کہنا ہے کہ سندھ فلڈ پروجیکٹ 212 ملین ڈالرز کا منصوبہ ہے، منصوبے کے لیے 100 ملین ڈالرز جاری ہوئے تھے جس میں سے 81 فیصد خرچ ہوچکے ہیں۔

    انہوں نے کہا کہ فلڈ ایمرجنسی کا کام جاری ہے، کینالز کے شگاف بھرے جا چکے ہیں، پمپنگ اسٹیشنز کی مرمت کی گئی ہے، کینال کے ریگولیٹرز کی بھی مرمت کی جائے گی۔

    وزیر اعلیٰ کا کہنا تھا کہ 2 لاکھ 16 ہزار سے زائد کاشت کاروں کو گندم کے بیج کی مد میں 5.61 بلین روپے دیے گئے ہیں، ہر ایک کاشت کار کو 5 ہزار روہے فی ایکڑ کے حساب سے دیے ہیں۔

  • پاکستان اور آسٹریلیا کے درمیان تجارت بڑھانے پر غور

    پاکستان اور آسٹریلیا کے درمیان تجارت بڑھانے پر غور

    اسلام آباد: پاکستان اور آسٹریلیا کے وفود کے درمیان ملاقات ہوئی جس میں سائنس و ٹیکنالوجی، کلائمٹ چینج، سیکیورٹی اور تجارت سمیت مختلف امور پر گفتگو ہوئی۔

    تفصیلات کے مطابق ترجمان دفتر خارجہ کا کہنا ہے کہ پاکستان اور آسٹریلیا کے وفود نے اسلام آباد میں ملاقات کی، ملاقات میں سائنس اینڈ ٹیکنالوجی، کلائمٹ چینج اور سیکیورٹی سمیت مختلف امور پر گفتگو کی۔

    ترجمان کا کہنا ہے کہ دونوں ممالک کے درمیان تجارت بڑھانے پر بھی بات چیت ہوئی۔

    دفتر خارجہ کے مطابق وفاقی وزیر برائے توانائی خرم دستگیر نے توانائی کے حوالے سے ایس سی او کانفرنس میں اظہار خیال کیا۔

    دفترخارجہ کا کہنا ہے کہ بھارت میں ہونے والی ایس ای او ہائی لیول میٹنگز میں شرکت کا فیصلہ ابھی نہیں ہوا۔

  • پاکستان نے خطے میں ہمیشہ امن و استحکام لانے کے لیے کام کیا: سردار مسعود خان

    پاکستان نے خطے میں ہمیشہ امن و استحکام لانے کے لیے کام کیا: سردار مسعود خان

    واشنگٹن: اسلام آباد کی نیشنل ڈیفنس یونیورسٹی کے 15 رکنی وفد نے امریکی دارالحکومت واشنگٹن میں پاکستانی سفارتخانے کا دورہ کیا، پاکستانی سفیر سردار مسعود نے وفد کو پاکستان امریکا تعلقات اور اہم علاقائی امور پر بریفنگ دی۔

    تفصیلات کے مطابق نیشنل ڈیفنس یونیورسٹی کا 15 رکنی وفد واشنگٹن میں پاکستانی سفارتخانے پہنچا، وفد کی پاکستانی سفیر سردار مسعود خان سے ملاقات ہوئی۔

    وفد میں پاک فوج اور سول سروسز کے سینئر افسران، بنگلہ دیش، سری لنکا اور سعودی عرب کے اتحادی حکام شامل تھے۔

    سردار مسعود نے وفد کو پاکستان امریکا تعلقات اور اہم علاقائی امور پر بریفنگ دی، انہوں نے کہا کہ دونوں ممالک اپنے تعلقات مزید مضبوط بنانے کے لیے جامع ایجنڈے پر کام کر رہے ہیں، دونوں ممالک افغانستان میں انسانی بحران روکنے کے لیے مل کر کام جاری رکھیں گے۔

    انہوں نے کہا کہ پاکستان اور امریکا کے دو طرفہ تعلقات کو مزید مضبوط بنانے کے خواہاں ہیں، اقتصادی، تجارتی، دفاع، تعلیم، آئی ٹی و دیگر شعبہ جات سے متعلق بھی کام کیا جا رہا ہے۔

    پاکستانی سفیر کا کہنا تھا کہ دفاعی اور سلامتی کے شعبوں میں تعاون سمیت تجارت، سرمایہ کاری، آب و ہوا،صحت، توانائی اور تعلیم کا محکمہ بھی یکساں اہمیت کا حامل ہے۔

    انہوں نے یوکرین کے جاری بحران کے حل کے لیے فعال سفارت کاری کی فوری ضرورت پر زور دیا، انہوں نے کہا کہ خطے میں جاری انسانی بحران، عالمی بحران کی حیثیت اختیار کر چکا ہے، بحران کے حل کے لیے اقوام متحدہ کے چارٹر کے مقاصد اور وعدوں پر اجتماعی ردعمل کی ضرورت ہے۔

    سردار مسعود خان کا مزید کہنا تھا کہ پاکستان نے خطے میں ہمیشہ امن و استحکام لانے کے لیے کام کیا ہے، پاکستان اور امریکا کے دیرینہ تعلقات میں امریکہ میں متعین تارکین وطن کا کردار انتہائی اہم ہے۔

  • آئی ایم ایف سے قرض پروگرام پر فیصلہ کن مذاکرات، وفد 10 مئی کو پاکستان پہنچے گا

    آئی ایم ایف سے قرض پروگرام پر فیصلہ کن مذاکرات، وفد 10 مئی کو پاکستان پہنچے گا

    اسلام آباد: پاکستان اور انٹرنیشنل مانیٹری فنڈ (آئی ایم ایف) کے درمیان قرض پروگرام پر فیصلہ کن مذاکرات ہوں گے جس کے لیے آئی ایم ایف کا وفد جلد پاکستان پہنچے گا۔

    تفصیلات کے مطابق پاکستان اور انٹرنیشنل مانیٹری فنڈ (آئی ایم ایف) کے درمیان قرض پروگرام پر فیصلہ کن مذاکرات کے لیے آئی ایم ایف کا وفد 10 مئی کو پاکستان پہنچے گا۔

    آئی ایم ایف کا اعلیٰ سطح کا وفد پاکستان میں 10 روز قیام کرے گا۔

    ذرائع کا کہنا ہے کہ آئی ایم ایف کا وفد پاکستانی حکام سے بجٹ تجاویز پر بات کرے گا، پری بجٹ مشاورت سے قرض پروگرام 6 سے بڑھا کر 8 ارب ڈالر کردیا جائے گا۔

    ذرائع کے مطابق پیٹرولیم مصنوعات، بجلی اور گیس پر دستیاب سبسڈی پر بات چیت ہوگی۔

    آئی ایم ایف کا وفد ٹیکسوں اور ڈیوٹیوں کی وصولی سے متعلق بھی بات کرے گا جبکہ 500 ارب روپے کی اضافی سبسڈی ختم کرنے پر بھی بات چیت ہوگی۔

  • سیکریٹری خارجہ سے او آئی سی انسانی حقوق کمیشن کے وفد کی ملاقات

    سیکریٹری خارجہ سے او آئی سی انسانی حقوق کمیشن کے وفد کی ملاقات

    اسلام آباد: اسلامی تعاون تنظیم (او آئی سی) کے انسانی حقوق کمیشن کے وفد کی سیکریٹری خارجہ سہیل محمود سے ملاقات ہوئی جس میں مقبوضہ جموں و کشمیر کی صورتحال زیر غور آئی۔

    تفصیلات کے مطابق سیکریٹری خارجہ سہیل محمود سے اسلامی تعاون تنظیم (او آئی سی) انسانی حقوق کمیشن کے وفد کی ملاقات ہوئی۔ سیکریٹری خارجہ نے وفد کو مقبوضہ جموں و کشمیر کی صورتحال سے آگاہ کیا۔

    سیکریٹری خارجہ نے وفد کو قانونی، انسانی حقوق اور سلامتی کے پہلوؤں پر بریفنگ دی۔

    او آئی سی انسانی حقوق کمیشن نے مسئلہ کشمیر کو اقوام متحدہ کی قراردادوں کے مطابق حل کرنے پر زور دیا جبکہ کمیشن نے مقبوضہ کشمیر میں انسانی حقوق کی صورتحال بہتر بنانے پر بھی زور دیا۔

    انسانی حقوق کمیشن کا وفد 4 سے 9 اگست تک پاکستان، آزاد کشمیر کے دورے پر ہے۔

  • وزیر اعظم سے آل پارٹیز حریت کانفرنس کے وفد کی ملاقات

    وزیر اعظم سے آل پارٹیز حریت کانفرنس کے وفد کی ملاقات

    مظفر آباد: وزیر اعظم عمران خان نے آل پارٹیز حریت کانفرنس کے وفد سے ملاقات کے دوران کہا کہ مظلوم کشمیریوں کی آوازیں عالمی ضمیر کو جھنجھوڑ رہی ہیں، پاکستان ہر محاذ پر کشمیریوں کی حمایت جاری رکھے گا۔

    تفصیلات کے مطابق وزیر اعظم عمران خان سے آل پارٹیز حریت کانفرنس کے وفد کی ملاقات ہوئی، وفد کی قیادت سید عبد اللہ گیلانی اور سید فیض نقشبندی نے کی۔

    وفد نے مسئلہ کشمیر اجاگر کرنے پر وزیر اعظم عمران خان کو خراج تحسین پیش کیا جبکہ مسئلہ کشمیر مزید اجاگر کرنے کے لیے وزیر اعظم عمران خان کو تجاویز بھی پیش کی گئیں۔

    اس موقع پر وزیر اعظم عمران خان کا کہنا تھا کہ 9 لاکھ قابض افواج اور ریاستی جبر سے کشمیریوں کی آواز کو دبایا نہیں جا سکتا، آر ایس ایس فلسفے پر عمل پیرا بھارتی سرکار کا چہرہ بے نقاب ہوچکا۔

    وزیر اعظم کا کہنا تھا کہ ہر سطح اور ہر فورم پرکشمیریوں کی آواز بلند کرتا رہوں گا، مظلوم کشمیریوں کی آوازیں عالمی ضمیر کو جھنجھوڑ رہی ہیں۔ پاکستان ہر محاذ پر کشمیریوں کی حمایت جاری رکھے گا۔

    اس سے قبل آزاد کشمیر کی قانون ساز اسمبلی سے خطاب کرتے ہوئے وزیر اعظم عمران خان نے کہا کہ مودی بھارت کو جس مقام پر لے گیا ہے وہ یہاں سے باہر نہیں جا سکتا، اب مودی کو بھارت کے اندر بڑی مزاحمت کا سامنا ہوگا۔

    انہوں نے کہا تھا کہ یہ وہ وقت ہے کہ کشمیر آزادی کی طرف بڑھے گا، میں یقین دلاتا ہوں ہر فورم پر مسئلہ کشمیر کو اور تیزی سے اٹھائیں گے۔

  • سی پیک منصوبوں کی بروقت تکمیل کے لیے اتھارٹی قائم کردی ہے: وزیر خارجہ

    سی پیک منصوبوں کی بروقت تکمیل کے لیے اتھارٹی قائم کردی ہے: وزیر خارجہ

    اسلام آباد: وزیر خارجہ شاہ محمود قریشی نے چینی وفد سے ملاقات کے دوران کہا کہ سی پیک منصوبوں کی بروقت تکمیل کے لیے ’سی پیک اتھارٹی‘ قائم کر دی گئی ہے۔

    تفصیلات کے مطابق وزیر خارجہ شاہ محمود قریشی سے چین سے آئے وفد نے سفیر کی قیادت میں ملاقات کی۔ ملاقات میں اقتصادی راہداری اور ون بیلٹ ون روڈ سمیت باہمی دلچسپی کے امور پر تبادلہ خیال ہوا۔

    وزیر خارجہ شاہ محمود قریشی کا کہنا تھا کہ پاک چین دوستی کامیابی کی عظیم مثال بن چکی ہے، باہمی قربت خطے کی تعمیر و ترقی کی ضامن ہے۔

    انہوں نے کہا کہ سی پیک اور بیلٹ اینڈ روڈ جیسے منصوبوں سے رکاوٹیں ختم ہوں گی، دونوں ممالک کے عوام قریب آئیں گے اور روابط کو فروغ ملے گا۔

    وزیر خارجہ نے مزید کہا کہ جلد خصوصی اقتصادی زونز قائم کرنے جا رہے ہیں، منصوبوں کی بروقت تکمیل پر ’سی پیک اتھارٹی‘ قائم کر دی گئی ہے۔

    اس سے قبل ایک موقع پر وزیرخارجہ کا کہنا تھا کہ سی پیک منصوبے کی تکمیل پاکستان کے لیے اولین ترجیح ہے، بیلٹ اینڈ روڈ منصوبہ معاشی بہتری کے لیے اہم ذریعہ ثابت ہوگا۔

    انہوں نے کہا تھا کہ چین اور پاکستان کی دوستی دنیا کے لیے مثال ہے، مشترکہ تعاون سے دونوں ممالک آگے بڑھیں گے۔ پائیدار ترقی کے لیے نجی شعبوں کی شراکت ضروری ہے۔

  • کاروباری برادری اور حکومت کی شراکت داری معیشت کے لیے اہم ہے: وزیر اعظم

    کاروباری برادری اور حکومت کی شراکت داری معیشت کے لیے اہم ہے: وزیر اعظم

    اسلام آباد: وزیر اعظم عمران خان کا کہنا ہے کہ کاروباری برادری اور حکومت کی شراکت داری معیشت کے لیے بے حد اہم ہے، ملک کا مستقبل معیشت کی ترقی سے وابستہ ہے۔

    تفصیلات کے مطابق وزیر اعظم عمران خان سے مختلف ایوان صنعت و تجارت سے تعلق رکھنے والے وفد کی ملاقات ہوئی۔ وفد میں کراچی، لاہور، گوجرانوالہ، سیالکوٹ، اسلام آباد اور فیصل آباد چیمبر کے نمائندے شامل ہیں۔

    وفد میں مختلف چیمبرز کے سابق و موجودہ صدور بھی شامل تھے، ملاقات کے موقع پر مشیر خزانہ، مشیر تجارت، چیئرمین سرمایہ کاری بورڈ اور دیگر حکام موجود تھے۔

    ملاقات میں معیشت کی بہتری اور کاروباری سرگرمیوں میں تیزی لانے اور برآمدات بڑھانے کے حوالے سے وزیر اعظم کو مختلف تجاویز پیش کی گئیں۔

    اس موقع پر وزیر اعظم عمران خان نے کہا کہ حکومت کاروباری برادری کو ہر ممکن سہولت دینے کے لیے پرعزم ہے، تحفظات کے حل کے لیے لائحہ عمل تشکیل دے دیا گیا ہے۔ کاروباری شخصیات پر مشتمل کمیٹی تشکیل دی جا رہی ہے۔

    وزیر اعظم نے کہا کہ کمیٹی کا مقصد نیب اور تاجروں کے معاملات کا احسن طریقے سے حل ہے، ملک کا مستقبل معیشت کی ترقی سے وابستہ ہے۔ بزنس کمیونٹی کی کامیابی ملک کی کامیابی ہے۔

    انہوں نے کہا کہ کاروباری برادری اور حکومت کی شراکت داری معیشت کے لیے اہم ہے، ہم چاہتے ہیں بزنس کمیونٹی کے لیے آسانیاں پیدا ہوں، حکومت اس ضمن میں ہر ممکن مدد کرے گی۔

    تاجر برادری نے مسلسل ملاقاتوں اور بزنس کمیونٹی کو ساتھ لے کر چلنے کی پالیسی کو سراہا۔ وفد نے کشمیر کا مقدمہ بھرپور طریقے سے پیش کرنے پر وزیر اعظم کو خراج تحسین بھی پیش کیا اور کہا کہ وزیر اعظم نے ہمارے جذبات کی مکمل ترجمانی کی۔

  • وزیر اعظم عمران خان سے عمان کے پارلیمانی وفد کی ملاقات

    وزیر اعظم عمران خان سے عمان کے پارلیمانی وفد کی ملاقات

    اسلام آباد: عمان کے پارلیمانی وفد نے مجلس شوریٰ کے چیئرمین شیخ خالد بن ہلال کی قیادت میں وزیر اعظم عمران خان سے ملاقات کی، ملاقات میں مقبوضہ کشمیر سمیت مختلف موضوعات پر گفتگو کی گئی۔

    تفصیلات کے مطابق وزیر اعظم عمران خان سے عمان کے پارلیمانی وفد کی ملاقات ہوئی۔ وفد کی قیادت مجلس شوریٰ کے چیئرمین شیخ خالد بن ہلال نے کی۔

    وزیر اعظم نے وفد کو مقبوضہ کشمیر میں بھارتی جارحیت سے آگاہ کیا، بھارتی فورسز کی جانب سے نہتے کشمیریوں پر ڈھائے جانے والے مظالم پر بھی بات چیت ہوئی۔

    دونوں ممالک کے وفود کے درمیان باہمی تعلقات اور تجارت کے فروغ پر بھی بات چیت ہوئی جبکہ مختلف شعبوں میں دو طرفہ تعاون بڑھانے پر بھی اتفاق ہوا۔

    بعد ازاں عمان کا وفد وزارت خارجہ پہنچا جہاں وزیر خارجہ شاہ محمود قریشی سے ان کی ملاقات ہوئی۔ ملاقات میں دو طرفہ تعلقات اور مقبوضہ کشمیر کی صورتحال کے امور پر تبادلہ خیال کیا گیا۔

    ملاقات میں پاک عمان جغرافیائی قربت کے پیش نظر اقتصادی تعاون کے فروغ پر اتفاق کیا گیا۔ اس موقع پر وزیر خارجہ شاہ محمود قریشی کا کہنا تھا کہ اقتصادی روابط سے تعاون کو نئی بلندیوں پر لے جا سکتے ہیں۔ دونوں ممالک کے نکتہ نظر میں مماثلت پائی جاتی ہے۔

    عمانی وفد کی جانب سے کہا گیا کہ پاکستان وسط ایشیا تک رسائی کے لیے گیٹ وے کی حیثیت رکھتا ہے۔ شاہ محمود قریشی نے کہا کہ جے ایم سی میں طے اہداف کو جلد مکمل کر لیا جائے گا۔

    وزیر خارجہ نے وفد کو مقبوضہ کشمیر کی تشویشناک صورتحال سے بھی آگاہ کیا۔ انہوں نے کہا کہ نہتے کشمیروں کو کرفیو سے یرغمال بنا کر رکھا گیا ہے۔

  • ڈیل آف سینچری قبول نہیں، حماس سے تعلقات مزید استوار کریں گے، روس

    ڈیل آف سینچری قبول نہیں، حماس سے تعلقات مزید استوار کریں گے، روس

    ماسکو : روسی دارالحکومت ماسکو میں حماس کے وفد کی روسی قیادت سے ملاقات کی، ملاقات کے دوران مقبوضہ فلسطین میں جاری اسرائیل کی ریاستی دہشت گردی پر تفصیلی بریفنگ دی۔

    تفصیلات کے مطابق روس کے خصوصی مندوب برائے مشرق وسطیٰ وشمالی افریقا اور نائب وزیرخارجہ میخائل بوگڈانوف نے کہا ہے کہ ان کا ملک فلسطینی تنظیم اسلامی تحریک مزاحمت حماس کے ساتھ تعلقات کو مزید مضبوط بنائے گا۔ مشرق وسطیٰ کے لیے امریکا کی طرف سے پیش کردہ صدی کی ڈیل کا منصوبہ قابل قبول نہیں۔

    غیر ملکی خبر رساں ادارے کا کہنا تھا کہ بحرین کی میزبانی میں ہونے والی اقتصادی کانفرنس میں تمام فریقین نے شرکت نہیں کی اس لیے اس کی کوئی حیثیت نہیں۔

    مرکزاطلاعات فلسطین کے مطابق روسی نائب وزیرخارجہ کی طرف سے یہ بیان حماس کی قیادت کے دورہ ماسکو کے دوران ان کے ساتھ ہونے والی ملاقات کے بعد جاری کیا گیا،انہوں نے کہا کہ روس فلسطینیوں کے دیرینہ حقوق کی حمایت جاری رکھےگا۔

    فلسطینی دھڑوں میں مصالحت کےحوالے سے بات کرتے ہوئے روسی عہدیدار کا کہنا تھا کہ ماسکو فلسطینیوں کی صفوں میں اتحاد کے لیے کوششیں جاری رکھے گا۔

    ان کا کہنا تھاکہ فلسطینی قوم اپنے اصولی مطالبات منوانے کے لیے اپنی صفوں میں اتحاد پیداکرے،قبل ازیں حماس کے وفد نے روسی وزارت خارجہ کے اعلیٰ سطحی حکام کے ساتھ ماسکو میں ملاقات کی۔

    اس ملاقات میں حماس کی طرف سے فلسطین کی تازہ ترین صورت حال ،امریکا کے صدی کی ڈیل کے منصوبے، حماس اور دیگر فلسطینی دھڑوں کی طرف سےاس کی مخالفت کے اصولی موقف، منامہ کانفرنس کے بائیکاٹ ، فلسطینی جماعتوں میں مصالحت کی راہ میں حائل رکاوٹوں، فلسطین میں صدارتی، پارلیمانی اور بلدیاتی انتخابات، قومی حکومت کےقیام کی مساعی اور آزادی کے لیے مشترکہ اور جامع جد جہد پر بریفنگ دی۔

    حماس کے وفد نے روسی حکام کو غزہ ، غرب اردن اور القدس میں اسرائیلی ریاستی دہشت گردی، غزہ پر مسلط کردہ ناکہ بندی اور صہیونی ریاست کے دیگر انتقامی حربوں پر بریفنگ دی۔

    حماس کے سیاسی شعبے کے سینیر رکن ڈاکٹر موسیٰ ابو مرزوق نے کہا کہ وہ روسی نائب وزیرخارجہ میخائل بوگدانوف کی دعوت پر ماسکو پہنچے ۔