بھارت کے شہر دہلی کی ایک فیکٹری میں خوفناک آگ بھڑک اُٹھی، جس کے باعث 11افراد ہلاک اور 4 زخمی ہوگئے۔
غیر ملکی ذرائع ابلاغ کے مطابق آگ علی پور کے علاقے میں موجود رنگ بنانے کی فیکٹری میں لگی، افسوسناک واقعے میں زخمی ہونے والوں کو اسپتال منتقل کردیا گیا ہے، جبکہ مزید افراد کی تلاش کا عمل جاری ہے۔
بھارتی میڈیا کا اس حوالے سے کہنا ہے کہ گزشتہ روز لگنے والی آگ پر 4 گھنٹے میں قابو پالیا گیا تھا۔
بھارتی میڈیا کے مطابق متاثرہ فیکٹری میں آگ لگنے سے قبل دھماکے کی آواز سنی گئی تھی جو کہ ممکنہ طور پر وہاں اسٹور کیے گئے کیمیکل کی وجہ سے ہوا تاہم واقعے کی تحقیقات شروع کردی گئی ہیں۔
دوسری جانب سعودی عرب میں ریاض پولیس کی جانب سے فوری کارروائی کرتے ہوئے پبلک مقام پر اجتماعی جھگڑا کرنے پر چار ایشین تارکین کوحراست میں لے لیا ہے۔
رپورٹ کے مطابق پولیس کا اس حوالے سے کہنا ہے کہ ’گرفتار شدگان میں سے دو افراد انڈین جبکہ دو بنگلہ دیشی ہیں‘۔
لبنان میں 10 افراد کی شہادت، حزب اللہ کا اسرائیل کو واضح پیغام ۔۔
’مذکورہ افرادکے جھگڑے کی ویڈیو سوشل میڈیا پر گردش کررہی تھی، جس کی بنیاد پر کارروائی کرنے کا فیصلہ کیا گیا‘۔مذکورہ افراد سے تفتیش جاری ہے اور ضابطے کی کارروائی مکمل ہونے پر انہیں پبلک پراسیکیوشن کے حوالے کردیا جائے گا۔
