Tag: demolition-of-nasla-tower

کراچی : سپریم کورٹ کے حکم کے بعد نسلہ ٹاورکے ٹاپ فلور کو توڑنے کا کام شروع کردیا گیا ہے ، حفاظتی اقدامات کے تحت فلور کے اندر ونی حصوں کو توڑا جارہا ہے۔

تفصیلات کے مطابق چیف جسٹس کے حکم کے بعد کمشنر کراچی ٹیم کے ہمراہ نسلہ ٹاور پہنچ گئے اور نسلہ ٹاورگرانے کیلئے دوبارہ افرادی قوت کی مددحاصل کرلی گئی ہے۔

نسلہ ٹاورکے ٹاپ فلور کو توڑنے کا کام شروع کردیا گیا ہے ، حفاظتی اقدامات کے تحت فلور کے اندر ونی حصوں کو توڑا جارہا ہے۔

کمشنر کراچی کو ڈپٹی کمشنر ایسٹ نے بریفنگ میں بتایا کہ مینوئل طریقے سےنسلہ ٹاور گرانے کے عارضی انتظامات کیےگئے ہیں، نسلہ ٹاور توڑنے کے حوالے سے حکمت عملی مکمل طور پر نہیں بنائی جاسکی۔

اسسٹنٹ کمشنراسماء بتول نے بتایا نسلہ ٹاور توڑنے کیلئے ہیوی مشینری طلب کرلی گئی، نسلہ ٹاور کے اطراف ٹریفک کی آمد ورفت بند کی جائے گی اور پہلے مرحلے میں نسلہ ٹاور کی کھڑکیاں ،دروازے نکالے جائیں گے۔

اسماء بتول کا کہنا تھا کہ نسلہ ٹاورکوتوڑنےکا کام ہم نےپہلےہی شروع کردیاتھالیکن حفاظتی اقدامات کے لئے روکا گیا تھا۔

یاد رہے سپریم کورٹ نے نسلہ ٹاور کو فوری گرانے کا حکم دیتے ہوئے دوپہر تک رپورٹ طلب کرلی ہے ، چیف جسٹس نے ایڈووکیٹ جنرل سے مکالمے میں کہا کہ کیا یہ کمشنر کراچی بننے کا اہل ہے؟ عہدہ چھوڑ دیں، یہ آپ کے کرنے کا کام نہیں۔

کمرہ عدالت میں موجود کمشنر کراچی نے کہا کہ میں معافی مانگتا ہوں، جس پر چیف جسٹس کا کہنا تھا کہ فوری جائیں نسلہ ٹاور گرائیں، دوپہرکو رپورٹ دیں، ورنہ آپ کو یہاں سے سیدھاجیل بھیجیں گے۔

کراچی : نسلہ ٹاور کو مشینری سے یابارود سے مسمار کرنے سے متعلق فیصلہ نہ ہوسکا، کمشنر کراچی نے نسلہ ٹاورگرانے کی پری ڈیمولیشن کیلئے ڈائریکٹرجنرل سندھ بلڈنگ کنٹرول اتھارٹی کو خط لکھ دیا ہے۔

تفصیلات کے مطابق نسلہ ٹاورمسمار کرنےسےمتعلق ڈپٹی کمشنرکی سربراہی میں اجلاس ہوا، جس میں نسلہ ٹاور کو مشینری سے یا بارود سے مسمار کیا جائے گا ، اس کا فیصلہ نہ ہوسکا۔

ذرائع کا کہنا ہے کہ اجلاس سے متعلق ڈپٹی کمشنرایسٹ نے بھی بتانے سے گریز کیا ، اجلاس میں بلڈنگ گرانے کے پروپوزل دینے والی 2 کمپیوں نے بھی شرکت کی۔

کراچی:اجلاس کے بعدڈی سی ایسٹ نے میڈیا سے گفتگو کرتے ہوئے کہا کمپنیزنےکچھ رپورٹس مانگی ہیں،سوئل رپورٹ سمیت دیگر معلومات دی جائے گی۔

ڈی سی ایسٹ کا کہنا تھا کہ ایس بی سی اے حکام بھی اجلاس میں شریک تھے ، معلومات دینے کے بعد کمپنیز شفارشات بھیجے گی وہ کمشنر کو دی جائیں گی۔

ذرائع نے بتایا ہے کہ ایک کمپنی نے پیشکش کی ہے کہ مشینری سے ایک سے ڈیڑھ ماہ میں عمارت مسمار کردیں گے جبکہ ایک کمپنی نے بم سے بلڈنگ کو مسمار کرنےکی پیشکش کی ہے۔

دوسری جانب کمشنر کراچی نے ڈائریکٹرجنرل سندھ بلڈنگ کنٹرول اتھارٹی کوخط لکھا ہے ، جس میں کہا ہے کہ نسلہ ٹاورگرانے کی پری ڈیمولیشن کی جائے اور عمارت مسمارکرنے سے پہلے کا کام شروع کیا جائے۔

،خط کے متن میں کہا گیا ہے کہ دروازےکھڑکیاں وغیرہ نکال کرڈیمولیشن کےعمل کوآسان بنایا جائے ، پری ڈیمولیشن سےمتعلق رپورٹ روزانہ جمع کرائی جائےگی۔

کمشنرکراچی کی8رکنی کمیٹی کی حتمی رپورٹ کمشنرآفس میں جمع کرائی جاچکی ہے ، شارٹ لسٹ کی گئی2کمپنیوں میں سےایک کا انتخاب کمشنرکراچی نے کرنا ہے۔

کراچی : نسلہ ٹاور کو کنڑولڈ بلاسٹنگ کے ذریعے مسمار کرنے کے معاملے پر کمشنر کراچی نے اہم اجلاس طلب کرلیا ، جس میں حکمت عملی تیار کی جائے گی۔

تفصیلات کے مطابق نسلہ ٹاور کی کنٹرولڈ ڈیمولیشن کیلیے اعلی حکام آج سر جوڑ کر بیٹھیں گے ، کمشنر کراچی نے متعلقہ اداروں کے سربراہوں سے مشاورت کا فیصلہ کرلیا اور کمشنر آفس میں ساڑھے چار بجے اہم اجلاس طلب کرلیا ہے۔

اجلاس میں شرکت کے لیے ایف ڈبلیو او، این ایل سی، انجینئرنگ فائیو کور اور کراچی پولیس چیف مدعو کیا گیا ہے جبکہ این ای ڈی کے وائس چانسلر اور اینجینیرینگ ایکسپرٹ، ایم ڈی سولڈ ویسٹ، میونسپل کمشنر کراچی اور متعلقہ ضلعی انتظامیہ بھی شرکت کرے گی۔

اجلاس میں حکمت عملی تیار کی جائے گی اور کنٹرولڈ ڈیٹونیشن کو کس طرح سے استعمال کیا جائے اور کن احتیاطی تدابیروں کو بروئے کار لایا جائے، پلان تیار کیا جائے گا۔

ذرائع کا کہنا ہے کہ ڈیٹونیشن کو استعمال کرنے کے لیے اجلاس میں کمشنر کراچی کو بریفنگ دی جائے گی اور آپریشن سے متعلق لاء ان آرڈر کی صورتحال کے لیے رینجرز اور پولیس کے اعلی حکام بھی شرکت کریں گے۔

کمشنر کراچی آقبال میمن کا کہناہے کہ عدالتی احکامات کی روشنی میں انتظامی امور تیزی سے جاری ہیں ، تمام معاملات کو مانیٹر کررہا ہوں۔

دوسری جانب سپریم کورٹ کے حکم پر نسلہ ٹاور کو کنٹرولڈ بلاسٹنگ کے ذریعے مسمار کرنے کے معاملے پر کمشنر کراچی نے ایف ڈبلیو او حکام سے معاونت کی درخواست کردی۔

درخواست میں کہا گیا ہے کہ کمشنر کراچی کو سپریم کورٹ نے سات روز میں فیصلے پر عمل درآمد کو حکم دیا ہے، سپریم کورٹ کے حکم کی روشنی میں دو روز میں تکینیکی سروے مکمل کرکے آگاہ کیا جائے۔

متن میں کہا کہ نسلہ ٹاور کی کنٹرولڈ ڈیمولیشن میں ایف ڈبلیو او انتظامیہ کو معاونت فراہم کرے۔

کمشنر کراچی کی جانب سے ڈائریکٹر جنرل سندھ بلڈنگ کنٹرول اتھارٹی سے بھی تعاون کی درخواست کرتے ہوئے کہا سات روز میں نسلہ ٹاور کو کنڑولڈ ڈیمولیشن کے ذریعے مسمار کرنا ہے۔

کمشنر کراچی کا کہنا تھا کہ عدالتی حکم ہے، دو روز میں تکینیکی سروے مکمل کرکے رپورٹ کمشنر آفس میں جمع کروائی جائے۔