Tag: dengue cases

کراچی: صوبہ سندھ کے دارالحکومت کراچی میں ڈینگی وائرس کیسز میں اضافہ جاری ہے، شہر میں روزانہ درجنوں ڈینگی کیسز رپورٹ ہورہے ہیں۔

تفصیلات کے مطابق کراچی میں گزشتہ 24 گھنٹے کے دوران ڈینگی وائرس کے 131 نئے کیسز رپورٹ ہوئے۔

محکمہ صحت کا کہنا ہے کہ ضلع کورنگی سے 40، ضلع وسطی سے 27 اور ضلع شرقی سے 22 ڈینگی کیسز رپورٹ ہوئے۔

ضلع جنوبی سے 16، ضلع ملیر سے 14 اور ضلع غربی اور کیماڑی سے 6، 6 ڈینگی کیسز رپورٹ ہوئے۔

محکمہ صحت کا کہنا ہے کہ صرف اکتوبر میں ڈینگی کے 5 ہزار 960 کیسز رپورٹ ہوئے۔

رواں سال سندھ میں ڈینگی وائرس سے 55 ہلاکتیں ہوئیں جن میں سے 48 کراچی میں ہوئیں۔

کراچی: صوبہ سندھ کے دارالحکومت کراچی میں ڈینگی وائرس کے کیسز میں اضافہ جاری ہے، ایک روز میں 200 کے قریب نئے کیسز رپورٹ ہوئے۔

تفصیلات کے مطابق کراچی میں گزشتہ 24 گھنٹوں کے دوران ڈینگی وائرس کے 199 نئے کیسز سامنے آگئے۔

محکمہ صحت سندھ کا کہنا ہے کہ ضلع کورنگی میں 67 ڈینگی کیسز رپورٹ ہوئے، ضلع شرقی میں 51، ضلع وسطی میں 29، ضلع کیماڑی میں 19، ضلع جنوبی میں 18، ضلع غربی میں 9 اور ضلع کیماڑی میں 6 کیسز رپورٹ ہوئے۔

محکمہ صحت کے مطابق رواں سال سندھ میں ڈینگی وائرس سے ہلاکتوں کی تعداد 53 ہوگئی جن میں سے 47 کا تعلق کراچی سے ہے۔

رواں برس کراچی میں ڈینگی کے 13 ہزار 277 کیسز رپورٹ ہوئے جبکہ سندھ بھر میں رواں سال میں ڈینگی کیسز کی کل تعداد 16 ہزار 888 ریکارڈ کی گئی۔

کوئٹہ: صوبہ بلوچستان میں ڈینگی وائرس کا پھیلاؤ جاری ہے، صوبے میں مزید 75 کیسز رپورٹ کیے گئے۔

تفصیلات کے مطابق صوبہ بلوچستان میں ڈینگی وائرس کے مزید 75 کیسز رپورٹ کیے گئے، محکمہ صحت کا کہنا ہے کہ 24 گھنٹے کے دوران صوبائی دارالحکومت کوئٹہ سے کوئی کیس سامنے نہیں آیا۔

محکمہ صحت کا کہنا ہے کہ لسبیلہ سے رپورٹ ہونے والے کیسز کی تعداد 30 ہے، کیچ سے 28 اور گوادر سے 17 ڈینگی کیسز رپورٹ ہوئے۔

محکمہ صحت کے مطابق رواں سال بلوچستان سے ڈینگی کے 4 ہزار 228 کیسز سامنے آئے، سال بھر میں کیچ سے 3 ہزار 91، لسبیلہ سے 575 اور گوادر سے 540 کیسز سامنے آئے۔

خیال رہے کہ ادارہ قومی صحت کی جاری کردہ ملک میں سال بھر کے ڈینگی کیسز کی رپورٹ کے مطابق، رواں سال ملک بھر میں 41 ہزار 746 ڈینگی کیسز سامنے آئے اور 84 اموات ہوئیں۔

قومی ادارہ صحت کی رپورٹ میں کہا گیا کہ ڈینگی کا سب سے زیادہ پھیلاؤ صوبہ سندھ میں رہا، سندھ میں 12 ہزار 947 کیسز اور 43 اموات ہوئیں۔

خیبر پختونخواہ میں 11 ہزار 613 ڈینگی کیسز اور 9 اموات، پنجاب میں 9 ہزار 410 کیسز اور 25 اموات، بلوچستان میں 3 ہزار 949 کیسز، وفاقی دارالحکومت اسلام آباد میں 3 ہزار 169 کیسز اور 7 اموات جبکہ آزاد کشمیر میں 677 ڈینگی کیسز رپورٹ ہوئے۔