ARYNews.tv | Urdu – Har Lamha Bakhabar

Tag: Dengue Death

  • پنجاب میں ڈینگی کی خطرناک صورتحال، 24 گھنٹے میں 6 افراد جاں بحق

    پنجاب میں ڈینگی کی خطرناک صورتحال، 24 گھنٹے میں 6 افراد جاں بحق

    لاہور : پنجاب میں ڈینگی سے ہلاکتیں بڑھنے لگیں، 24 گھنٹے کے دوران ڈینگی کے باعث 6 افراد انتقال کرگئے جبکہ 526 کیسز سامنے آئے۔

    تفصیلات کے مطابق پنجاب میں ڈینگی کی خطرناک صورتحال اختیار کرگیا ، صوبے میں 24 گھنٹے کے دوران ڈینگی کے باعث 6 افراد انتقال کرگئے ، ڈینگی وائرس سےجاں بحق 5 افرادکا تعلق لاہورسے ہے۔

    سیکریٹری ہیلتھ پنجاب کا کہنا ہے کہ 24گھنٹےمیں پنجاب سےڈینگی کے 526 مریض رپورٹ ہوئے ، گزشتہ روز لاہور سے ڈینگی کے 388 مریض رپورٹ ہوئے۔

    عمران سکندر بلوچ نے بتایا راولپنڈی سے 34، گوجرانولہ ،ملتان میں 11،11مریض ،فیصل آباد سے 9، وہاڑی 8 ،قصور سے7مریض ،حافظ آباد ،سیالکوٹ سے ڈینگی کے 5،5مریض ، بہاولنگر، مظفرگڑھ ،ننکانہ صاحب سےڈینگی کے 4،4مریض رپورٹ ہوئے۔

    سیکریٹری ہیلتھ کا کہنا تھا کہ پنجاب میں اب تک ڈینگی کےکیسزکی تعداد 16,960 ہو چکی ہے جبکہ ڈینگی بخار کے باعث 59افراد جان کی بازی ہار چکے ہیں۔

    دوسری جانب اسلام آباد میں ڈینگی مچھروں نے مزید دو زندگیاں نگل لیں، رواں سیزن کے دوران وفاقی دارالحکومت میں ڈینگی سے مجموعی اموات سترہ ہوگئی جبکہ چوبیس گھنٹوں کے دوران باون نئے کیس رپورٹ ہوئے۔

  • کراچی میں ڈینگی سے ایک اور ہلاکت، اموات کی تعداد 41 ہوگئی

    کراچی میں ڈینگی سے ایک اور ہلاکت، اموات کی تعداد 41 ہوگئی

    کراچی: صوبہ سندھ کے دارالحکومت کراچی میں ڈینگی سے متاثرہ ایک اور خاتون انتقال کر گئیں، سندھ میں رواں سال ڈینگی سے متاثرہ افراد کی تعداد 14 ہزار سے زائد ہوچکی ہے۔

    تفصیلات کے مطابق کراچی میں ڈینگی سے متاثرہ خاتون نجی اسپتال میں انتقال کر گئیں جس کے بعد سندھ میں رواں سال ڈینگی کے باعث اموات کی تعداد 41 ہوگئی۔

    گزشتہ 24 گھنٹے کے دوران شہر میں ڈینگی سے مزید 107 افراد متاثر ہوئے ہیں، سندھ میں رواں سال ڈینگی سے متاثرہ افراد کی تعداد 14 ہزار 493 ہوگئی۔

    ڈینگی سرویلنس سیل کے مطابق رواں سال ملک بھر میں ڈینگی کے 50 ہزار سے زائد کیسز سامنے آچکے ہیں، سب سے زیادہ 13 ہزار 654 ڈینگی کیسز سندھ سے رپورٹ ہوئے۔

    وفاقی دارالحکومت سے بھی رواں برس 13 ہزار 200 کیس سامنے آچکے ہیں۔ پنجاب سے 9 ہزار 890 اور بلوچستان سے 3 ہزار 217 ڈینگی کیسز سامنے آئے۔

    خیبر پختونخوا سے 7 ہزار 21 جبکہ قبائلی اضلاع سے 780 کیس رپورٹ ہوئے۔ اسی طرح آزاد کشمیر سے بھی رواں برس 16 سو 91 ڈینگی کیسز کی خبر ملی، گلگت بلتستان سے ڈینگی وائرس کا کوئی کیس سامنے نہیں آیا۔

    رواں برس وفاقی دارالحکومت میں ڈینگی سے 22 اموات ہوئیں، ذرائع کے مطابق ڈینگی سے پنجاب میں 20، بلوچستان میں 3 اور آزاد کشمیر میں ایک شخص جاں بحق ہوا۔

  • کراچی میں ڈینگی سے ایک اور ہلاکت

    کراچی میں ڈینگی سے ایک اور ہلاکت

    کراچی: شہر قائد میں ڈینگی سے متاثرہ کیماڑی کی رہائشی 21 سالہ عذرا لیاری جنرل اسپتال میں دم توڑ گئی، سندھ میں اب تک 12 افراد جان سے جا چکے ہیں۔

    تفصیلات کے مطابق صوبہ سندھ کے دارالحکومت کراچی میں ڈینگی سے ایک اور ہلاکت سامنے آگئی، کیماڑی کی رہائشی 21 سالہ عذرا لیاری جنرل اسپتال میں زیر علاج تھی۔

    ڈینگی سرویلینس سیل کے مطابق سندھ میں اب تک 12 افراد جان سے جا چکے ہیں، جن میں سے گیارہ کا تعلق کراچی سے ہے۔

    اسلام آباد میں چوبیس گھنٹے کے دوران 608 افراد ڈینگی کا شکار بنے، ایک مریض پولی کلینک میں دم توڑ گیا۔ راولپنڈی سے 168 کیسز رپورٹ ہوئے۔

    لاہور میں 11، گجرات اور وہاڑی سے 6، 6 خانیوال، بہاولنگر، پاکپتن اور قصور سے ایک ایک کیس رپورٹ ہوا۔

    علاوہ ازیں ساہیوال، سرگودھا، بھکر، مظفر گڑھ اور ملتان سے 3، 3 ڈینگی کیسز سامنے آئے جبکہ اٹک، گوجرانوالہ، لیہ اور شیخو پورہ سے 2، 2 ڈینگی کیسز رپورٹ ہوئے۔

    فیصل آباد اور جھنگ سے بھی ڈینگی کا 1، 1 کیس رپورٹ ہوا۔

    دوسری جانب حکومت نے ڈینگی پھیلنے کی تحقیقات کے لیے جلد عالمی اداروں سے رابطہ کرنے کا فیصلہ کیا ہے، اس سلسلے میں عالمی ادارہ صحت (ڈبلیو ایچ او)، سی ڈی سی امریکا اور سری لنکا سے رابطہ کیا جائے گا۔

    ذرایع وزارت قومی صحت کا کہنا ہے کہ عالمی ماہرین پاکستان کے صوبوں اور آزاد کشمیر کا دورہ کریں گے، اور اس دوران پاکستان میں ڈینگی لاروا اور وائرس پر تحقیق کریں گے، راولپنڈی اور اسلام آباد میں ڈینگی پھیلاؤ کی وجوہ بھی تلاش کی جائیں گی۔

    خیال رہے کہ رواں سال ملک میں ڈینگی کے 16 ہزار سے زائد کیسز سامنے آچکے ہیں، جن میں سے 6 ہزار صرف راولپنڈی اور اسلام آباد رپورٹ ہوئے۔