ARYNews.tv | Urdu – Har Lamha Bakhabar

Tag: dengue

  • لاہور میں کرونا وائرس کے بعد ڈینگی کا خطرہ

    لاہور میں کرونا وائرس کے بعد ڈینگی کا خطرہ

    لاہور: صوبہ پنجاب کے دارالحکومت لاہور میں بارشوں کے بعد ڈینگی پھیلنے کا خدشہ ظاہر کردیا گیا، شہر میں پہلے ہی کرونا وائرس کیسز میں اضافہ ہوچکا ہے۔

    تفصیلات کے مطابق لاہور میں کرونا وائرس کے بعد ڈینگی کا بھی خطرہ منڈلانے لگا، حکام نے بارشوں کے بعد شہر میں ڈینگی پھیلنے کا خدشہ ظاہر کردیا۔

    چیف سیکریٹری نے 10 ٹاؤنز میں ہائی رسک الرٹ جاری کردیا اور مذکورہ ٹاؤنز میں سیکریٹریز تعینات کردیے گئے۔

    سیکریٹریز اپنی رپورٹ سیکریٹری برائے محکمہ پرائمری اینڈ سیکنڈری ہیلتھ کو ارسال کریں گے۔

    یاد رہے کہ صوبہ پنجاب میں بھی کرونا وائرس کیسز کی شرح میں اضافہ ہورہا ہے، لاہور میں کرونا وائرس کے مژبت کیسز کی شرح 2.82 فیصد ہوگئی ہے۔

  • لاہور کے اسپتالوں کا ڈینگی مریض رپورٹ نہ کرنے کا انکشاف

    لاہور کے اسپتالوں کا ڈینگی مریض رپورٹ نہ کرنے کا انکشاف

    لاہور: انسداد ڈینگی مہم کے ایک اجلاس میں لاہور کے اسپتالوں‌کا ڈینگی مریض رپورٹ نہ کرنے کا انکشاف ہوا ہے۔

    تفصیلات کے مطابق انسداد ڈینگی مہم کے اجلاس میں انکشاف ہوا ہے کہ لاہور کے اسپتال ڈینگی مریضوں کا ڈیٹا فراہم ہی نہیں کر رہے ہیں۔

    بریفنگ میں بتایا گیا کہ ڈینگی ایکسپرٹ ایڈوائزری گروپ بھی اسپتالوں کی آڈٹ رپورٹ نہیں دے رہی، اگر اسپتالوں سے درست ڈیٹا نہیں آئے گا تو ڈینگی کیسز کی تعداد کا کیسے پتا لگے گا؟

    اجلاس میں یہ بات بھی سامنے آئی کہ اسپتالوں سے متعدد بار ڈینگی مریضوں کی تعداد کا پوچھا گیا لیکن درست ڈیٹا نہیں مل رہا ہے، دوسری طرف لاروا تلف کرنے والی ٹیمیں بھی درست کام نہیں کر رہی ہیں۔

    اجلاس میں انکشاف ہوا کہ ہر ٹاؤن سے لاروا کا ڈیٹا بھی غلط دیا جا رہا ہے، نشتر، واہگہ اور سمن آباد زون سے زیادہ کیسز کا خدشہ ہے۔

    اس اجلاس میں ضلعی انتظامیہ، محکمہ صحت پنجاب اور پی آئی ٹی بی کے افسران نے شرکت کی۔

  • ڈینگی کے خلاف جنگ، پنجاب نے بڑی کامیابی حاصل کرلی

    ڈینگی کے خلاف جنگ، پنجاب نے بڑی کامیابی حاصل کرلی

    لاہور: محکمہ پنجاب صحت کی کاوشیں رنگ لے آئیں جس کے باعث صوبے میں ڈینگی کیسز پر قابو پالیا گیا ہے۔

    محکمہ پرائمری اینڈ سیکنڈری ہیلتھ کی جانب سے جاری بیان کے مطابق پنجاب میں ڈینگی کیسزپر مکمل قابو پالیا گیا ہے، گذشتہ چوبیس گھنٹوں کے دوران پنجاب بھر سےڈینگی کا کوئی مریض رپورٹ نہیں ہوا۔

    سیکریٹری صحت پنجاب نے بتایا کہ رواں سال کے دوران پنجاب میں ڈینگی کے28 مریض رپورٹ ہوئے تھے جن میں سے 16 کیسز لاہور کے تھے۔

    واضح رہے کہ گذشتہ سال نومبر میں پنجاب بھر میں کرونا اور ڈینگی کے ریکارڈ کیسز رپورٹ ہونے لگے تھے، جس کے بعد محکمہ صحت پنجاب نے انتھک کوششیں کیں اور عالمی وبا کرونا کے خلاف جنگ کے ساتھ ساتھ ڈینگی کو کنٹرول کرنے کے لئے ٹھوس اقدامات کئے۔

    محکمہ پنجاب صحت کی ٹیموں نے صوبے بھر میں متعدد مقامات پر ڈینگی کا لاروا تلف کیا اور ڈینگی کا سبب بننے والے عناصر کے خلاف سخت کارروائی عمل میں لائی گئی، جس کے باعث ڈینگی پر قابو پانا ممکن ہوا۔

  • پختونخواہ میں کتنے افراد ڈینگی سے متاثر ہوئے؟

    پختونخواہ میں کتنے افراد ڈینگی سے متاثر ہوئے؟

    پشاور: صوبہ خیبر پختونخواہ میں ڈینگی سے متعلق سالانہ رپورٹ جاری کردی گئی، رواں سال 10 ہزار سے زائد افراد ڈینگی کا شکار ہوئے جن میں سے 98 فیصد ڈینگی مریض سرکاری اسپتالوں میں زیر علاج رہے اور صحت یاب ہوئے۔

    تفصیلات کے مطابق صوبہ خیبر پختونخواہ کے محکمہ صحت نے ڈینگی سے متعلق سالانہ رپورٹ جاری کردی، رپورٹ میں کہا گیا کہ بروقت اقدامات اور کوششوں سے نسبتاً کم لوگ متاثر ہوئے۔

    رپورٹ میں کہا گیا کہ صوبے میں ڈینگی کا ابھی کوئی فعال کیس موجود نہیں۔

    محکمہ صحت نے اپنی رپورٹ میں کہا کہ رواں سال 10 ہزار سے زائد افراد ڈینگی کا شکار ہوئے، ڈینگی کے دوران پشاور، نوشہرہ، ہری پور اور صوابی ہائی رسک اضلاع رہے۔

    پشاور میں ڈینگی کے سب سے زیادہ 5 ہزار 700 کیسز رپورٹ ہوئے، اپر چترال، اپر کوہستان اور شمالی وزیرستان سے ڈینگی کا کوئی کیس رپورٹ نہیں ہوا۔

    رپورٹ کے مطابق تاحال صرف 10 افراد ڈینگی سے جاں بحق ہوئے، 98 فیصد ڈینگی مریض سرکاری اسپتالوں میں زیر علاج رہے اور صحت یاب ہوئے۔

  • خیبر پختونخوا میں ڈینگی کا زور ٹوٹ گیا

    خیبر پختونخوا میں ڈینگی کا زور ٹوٹ گیا

    پشاور: خیبر پختون خوا میں ڈینگی کا زور ٹوٹ گیا ہے۔

    تفصیلات کے مطابق محکمہ صحت کے پی نے کہا ہے کہ صوبے میں ڈینگی بخار کا زور ٹوٹ گیا ہے، اور گزشتہ 24 گھنٹوں کے دوران ڈینگی کے صرف 3 نئے کیسز رپورٹ ہوئے۔

    محکمہ صحت کی رپورٹ کے مطابق صوبہ بھر میں اب تک 10 ہزار 532 ڈینگی کیسز رپورٹ ہو چکے ہیں، جب کہ خیبر پختون خوا میں ڈینگی سے اب تک جاں بحق ہونے والوں کی تعداد 10 ہے۔

    محکمہ صحت نے کہا ہے کہ صوبے میں ڈینگی کے متحرک کیسز کی تعداد اس وقت 14 ہے، جب کہ گزشتہ چوبیس گھنٹوں کے دوران ڈینگی سے متاثرہ 12 مریض صحت یاب ہوئے۔

    رپورٹ کے مطابق گزشتہ چوبیس گھنٹوں کے دوران رپورٹ شدہ تینوں کیسز پشاور کے ہیں، پشاور کے علاوہ باقی صوبے کے کسی ضلع سے ڈینگی کیس رپورٹ نہیں ہوا۔

    اس وقت صوبے کے مختلف اسپتالوں میں ڈینگی سے متاثرہ 10 مریض زیر علاج ہیں، ان تمام مریضوں کو خیبر ٹیچنگ اہسپتال میں رکھا گیا ہے۔

  • پنجاب میں ڈینگی سے مزید 2 اموات

    پنجاب میں ڈینگی سے مزید 2 اموات

    لاہور: صوبہ پنجاب میں ڈینگی بخار کے باعث مزید 2 افراد جان کی بازی ہار گئے، گزشتہ 24 گھنٹے کے اندر پنجاب میں ڈینگی کے 81 مریض رپورٹ ہوئے ہیں۔

    تفصیلات کے مطابق محکمہ صحت پنجاب کا کہنا ہے کہ پنجاب میں ڈینگی بخار کے باعث مزید 2 اموات رپورٹ ہوئیں، اموات گجرات اور راولپنڈی سے رپورٹ ہوئیں۔

    ترجمان محکمہ صحت کا کہنا ہے کہ رواں سال پنجاب میں ڈینگی بخار کے باعث 145 اموات ہوچکی ہیں۔

    ترجمان کا کہنا ہے کہ گزشتہ 24 گھنٹے کے اندر پنجاب میں ڈینگی کے 81 مریض رپورٹ ہوئے ہیں، صرف لاہور سے ڈینگی کے 58 مریض رپورٹ ہوئے۔

    ترجمان کے مطابق رواں سال پنجاب سے ڈینگی کیسز کی تعداد 25 ہزار 145 ہوچکی ہے، صوبے بھر کے اسپتالوں میں ڈینگی کے 808 مریض زیر علاج ہیں۔

  • پنجاب میں ڈینگی سے مزید 4 افراد جاں بحق

    پنجاب میں ڈینگی سے مزید 4 افراد جاں بحق

    لاہور: صوبہ پنجاب میں ڈینگی بخار کے باعث مزید 4 افراد انتقال کر گئے جبکہ گزشتہ 24 گھنٹوں کے دوران ڈینگی کے 147 مریض رپورٹ ہوئے۔

    تفصیلات کے مطابق محکمہ صحت پنجاب کا کہنا ہے کہ صوبے میں ڈینگی بخار کے باعث مزید 4 افراد انتقال کر گئے، رواں سال پنجاب میں ڈینگی سے 133 افراد انتقال کر چکے ہیں۔

    ترجمان محکمہ صحت عمران سکندر بلوچ کا کہنا ہے کہ 24 گھنٹے کے دوران ڈینگی کے 147 مریض رپورٹ ہوئے جن میں سے 106 صرف لاہور سے رپورٹ کیے گئے۔

    ترجمان کے مطابق رواں سال پنجاب بھر میں ڈینگی کے مجموعی کیسز کی تعداد 24 ہزار 6056 ہوچکی ہے، لاہور سے اب تک ڈینگی کے 17 ہزار 618 کیسز سامنے آئے۔

  • پنجاب میں ڈینگی کیسز میں کمی آنا شروع

    پنجاب میں ڈینگی کیسز میں کمی آنا شروع

    اسلام آباد / لاہور: وفاقی دارالحکومت اسلام آباد اور صوبہ پنجاب میں ڈینگی کیسز میں کمی دیکھی جارہی ہے، اسلام آباد میں گزشتہ 24 گھنٹے کے دوران 7 ڈینگی کیسز رپورٹ ہوئے۔

    تفصیلات کے مطابق صوبہ پنجاب کے سیکریٹری اسپیشلائزڈ ہیلتھ کیئر ڈاکٹر احمد جاوید کا کہنا ہے کہ صوبے میں ڈینگی کیسز میں واضح کمی آنا شروع ہوگئی ہے۔

    ڈاکٹر احمد جاوید کا کہنا ہے کہ اسپتالوں میں ڈینگی مریضوں کے لیے 2 ہزار 632 بیڈز مختص کیے گئے ہیں۔

    ان کے مطابق سرکاری اسپتالوں میں ڈینگی مریضوں کے لیے مختص 11 سو 7 اور پرائیویٹ اسپتالوں میں ڈینگی کے مریضوں کے لیے مختص 671 بیڈز خالی ہوچکے ہیں۔

    دوسری جانب وفاقی دارالحکومت اسلام آباد میں گزشتہ 24 گھنٹے کے دوران 7 ڈینگی کیسز رپورٹ ہوئے۔ ڈی ایچ او اسلام آباد کا کہنا ہے کہ رورل ایریا سے 3 اور اربن ایریا سے 4 ڈینگی کیسز رپورٹ ہوئے۔

    ڈی ایچ او کے مطابق اسلام آباد میں رواں سیزن میں اب تک 4 ہزار 542 ڈینگی کیسز سامنے آچکے ہیں جبکہ ڈینگی کے باعث 19 اموات ہوچکی ہیں۔

  • تشویشناک صورتحال ، ڈینگی وائرس جگر کو بھی متاثر کرنے لگا

    تشویشناک صورتحال ، ڈینگی وائرس جگر کو بھی متاثر کرنے لگا

    لاہور : پنجاب کے دارلحکومت لاہور میں ڈینگی مریضوں کے جگر خراب ہونے لگے ، ڈاکٹرز کا کہنا ہے کہ بخار کے چھٹےاورساتویں دن 90 فیصد مریضوں کے پیٹ اور پھیپھڑوں میں پانی بھر رہا ہے۔

    تفصیلات کے مطابق پنجاب کے دارلحکومت لاہور میں ڈینگی جگر کو بھی متاثر کرنے لگا، ہیڈآف ڈینگی ڈیپارٹمنٹ جناح اسپتال ڈاکٹر کاشف کی جانب سے کہا گیا ہے کہ متعدد ڈینگی مریضوں کےجگرخراب ہورہے ہیں۔

    ڈاکٹر کاشف نے بتایا ڈینگی کے مریضوں کا بخار پانچویں روز ختم ہو جاتا ہے لیکن چھٹےاورساتویں دن 90 فیصد مریضوں کے پیٹ اور پھیپھڑوں میں پانی بھر رہا ہے۔

    ان کا کہنا تھا کہ ڈینگی کے مریضوں کو زیادہ آئی وی لائن لگانا نقصان دہ ہوتا ہے۔

    پنجاب میں ڈینگی تشویشناک صورتحال اختیار کرتا جا رہا ہے ، گزشتہ روز پنجاب میں ڈینگی کے باعث 4 اموات ہوئیں جس کے بعد رواں سیزن پنجاب میں ڈینگی سے مجموعی اموات کی تعداد 90 ہوچکی ہے۔

    محکمہ صحت کا کہنا ہے کہ گزشتہ 24 گھنٹے کے دوران پنجاب میں ڈینگی کے 277 مریض رپورٹ ہوئے۔

  • اسلام آباد میں مزید ڈینگی کیسز رپورٹ

    اسلام آباد میں مزید ڈینگی کیسز رپورٹ

    لاہور: وفاقی دارالحکومت اسلام آباد میں ڈینگی کیسز کی حالت بدستور تشویشناک ہے، گزشتہ روز 12 نئے کیسز رپورٹ ہوئے۔

    تفصیلات کے مطابق وفاقی دارالحکومت اسلام آباد میں گزشتہ 24 گھنٹے کے دوران 12 ڈینگی کیسز رپورٹ کیے گئے، ڈسٹرکٹ ہیلتھ آفیسر کا کہنا ہے کہ رورل ایریا سے 7 اور اربن ایریا سے 5 ڈینگی کیسز رپورٹ ہوئے۔

    ڈی ایچ او کا کہنا ہے کہ رواں سیزن میں 4 ہزار 364 ڈینگی کیسز رپورٹ ہوئے جبکہ 19 افراد ڈینگی کے باعث انتقال کر گئے۔

    دوسری جانب صوبہ پنجاب میں بھی ڈینگی کیسز کی صورتحال تشویشناک ہے، گزشتہ روز صوبے میں ڈینگی کے باعث 4 اموات ہوئیں جس کے بعد رواں سیزن پنجاب میں ڈینگی سے مجموعی اموات کی تعداد 90 ہوچکی ہے۔

    محکمہ صحت کا کہنا ہے کہ گزشتہ 24 گھنٹے کے دوران پنجاب میں ڈینگی کے 277 مریض رپورٹ ہوئے۔